رواية طفلة في عصمة صعيدي الفصل الرابع والعشرون 24 بقلم رحمه حواله
الفصل 24
كانت واقفه فريده قدام باب عيادة الدكتور النفسي وهي بتفرك ايديها بتوتر،حاولت تشجع نفسها وبعدين دخلت بخطوات مهزوزة ودخلت العياده اللي كانت كبيرة ولونها ابيض في بيج، شكلها هادي ورايق، قربت من السكرتيرة اللي قالتلها
_صباح الخير، حضرتك حاچزة چلسة؟.
هزت فريده راسها بالنفي وقالت.. لاه اني مش حاچزة بس محتاچه جوي ادخل، لو في اي ميعاد موچود
_ للاسف الدخول بالحچز، بس اني ممكن دلوك احچزلك وبعد يومين تيچي
وقبل ما السكرتيرة تخلص كلامها رن موبايلها وبعد دقيقتين قفلت المكالمه وبصت لفريده... انتِ محظوظه جوي العميلة لغت ميعادها، استني عشر دجايج لحد لما العميلة اللي چوا تخرچ وادخلي بس دلوك جوليلي بيناتك
ابتسمت فريده بفرحه وقالتلها بيناتها وقعدت علي كراسي الانتظار، سندت راسها علي الحيطه بتوتر، متخيلتش احظه ان ممكن باباهت ومامتها يوصلوها انها تروح لدكتوى نفسي علشان تتعالج منهم هما، كانت متوترة ومش متخيلة انها ممكن تقعد قدام شخص تحكيله كل اللي جواها وتفتح قلبها له، كانت قاعده تهز رجليها بتوتر وهي بتبص للباب وبتفكر تمشي.
..............
قدام بيت ملك صاحبة فريده كان قاعد مروان بعربيته وبيفتكر ذكرياته مع ملك، وافتكر تواجده من سنين قدام ببتها ولعبهم مع بعض في الشارع وهما صغيرين وحبه ليها من وهو صغير لكن كل حاجه وقفت لما هما الاتنين غيروا مكان ببتهم،والقدر جمعهم مرة تانيه لما طلبت منه ملك انه يساعدهم ويقطع الشيك من احمد قطع تفكيره لما شافها نازله من بيتها، قربت منه ملك وقعدت جمبه، واول لما شافها لف وشه للنحية التانية من غير ما يتكلم وابتدا يسوق
بصت ملك لمروان واتنهدت بضيق... انت دلوك بتتچاهلني يا مروان؟!
مروان فضل يبص قدامه ومبصش ليها.... ايوه يا ملك، عنديكي مانع؟!
ملك بصتله ورافعة حاجبها... ايوه، عنديا مانع، اني مش رايده اجعد مع واحد مش طايجني اكده ومتچاهلني، رچعني البيت يا مروان.
_المفروض بعد اللي عملتيه متتكلميش واصل يا ملك
قالها بضيق من غير ما يبصلها، مينكرش انه كان فرحان انها كذبت عليه علشان تشوفه بس كان حابب يضايقها ويخليها تقول كل اللي جواها تجاهه.
_واني بجي عملت ايه يا مروان؟!!
مروان وقف العربية فجأة وبصلها في عيونها مباشرةً...كذبتي عليا، متعرفيش كيف خوفت جوي عليكي، خوفت ان رچليكي تكون اتكسرت وانتِ كل ديه كنتِ بتمقلي وبتكذبي عليا؟! طب ليه يا ملك، ليه تجلجيني اكده عليكي ليه چبتيني چري من داري لدارك؟!!
بصتله ملك بتوتر من نظراته في عيونها ومتكلمتش
مروان.... بسألك عملتي اكده ليه جولي يا ملك؟!!
ملك بتوتر... ها؟علشان.... علشان.. كنت رايداك تيچي واشكرك علي اللي انت عملته ويانا وجطعت الشيك من احمد
ضحك مروان ورجع يسوق تاني... هه رايداني اصدج كلامك ديه، هنروح نفطر وعجبال ما نوصل تكوني حضرتي كلامك اللي هتجولهولي يا ملك.
_كلام ايه يا مروان عاد.
بصلها مروان وغمزلها... تچهزي اچابتك ليه كنتي رايده جوي تشوفيني، واني خابر زين ايه اچابة السؤال ديه بس اني رايد اسمعها منيكي
ملك بصتله برافعة حاجب لما اتأكدت انه عارف انها بتحبه وكمان عايزها تعترفله بده
...........
في الفيلا بعد ما الظباط مشوا وملاقوش محمد
دخلت بتول اوضة عصام وقربت منه، بصلها عصام بضيق علشان مصدقتهوش ورجع يبص فب موبايله مرة تانيه
اتكلمت بتول وهي بتمسك ايده... ممكن اتكلم وياك شوية يا عصام؟!
عصام اتنهد وهز راسه علشان نتكلم فقالت بتول وهي بتبص في عيونه.... هو انت عملت اكده فعلا؟!!
ضحك عصام باستهزاء وبصلها... اتأخرتي جوي يا بتول علشان تسألي السؤال ديه،اني شوغت في عيونك التصديج لكنك كنتي مصدجه سلمي مش اخوكي
هزت بتول راسها كتير بالنفي.... اني في لاول اتعاطفت مع سلمي واتخيلت نفسيا مكانها بس لما فكرت فيها جولت لاه مستحيل عصام يعمل اكده، ديه انت اخويا انت اللي مربيني يا عصام، انت السبب في كل اللي اني عايشاه ومتأكده انك معملتش اكده
قعد عصام علي السرير واتنهد بحزن.... مش فارج دلوك الكلام ديه، شوفتي فريده عملت ايه؟! المفروض لما حد بيحب حد يثج فيه وهي عمرها ما جدرت تثج فيا، بالرغم من اني دايما بثج فيها اي حاچه بتجولها بصدجها ومن غير ما تجول كنت بحطلها اعذار وحجج كتيرة وهي من اول حاچه نهت كل حاچه ما بينا
قربت منه بتول وحطت ايدها علي شعره... اني مش ببرللها يا عصام بس فريده تعبانه جوي ومش جادرة تثج في الناس وانت المفروض تلجي وياها وتساعدها، البت شافت ابوها مع مرت حمزة في الاوضه، رايدها تعمل ايه لما تشوفك بعيونها في نفس الوضع رايدها تصدج ببساطه بعد اللي مر وياها!!
عصام وهو بيضحك باستهزاء... واجفه وياها يا بتول!! هي بجي اللي مغلطتش واني المفروض كنت اجف وياها؟! اني دايما واجف وياها يا خايتي وكنت مستني الفترة ديه تعدي واخطبها، بس هي عمرها ما شفتني شريك حياتها، كنت مستنيها تجولي اني مصدجاك وتجف جدام سلمي وتثج ويايا وتجول عصام عمره ما يعمل اكده واني اللي هتچوزه بس لاه بعدت ومشت ومصدجتنيش.
بصتله بتول بحزن وكمل عصام كلامه بتنهيده كلها ضيق ممزوجه بحزن وكان بيحاول يمنع دموعه من انها تنزل
_مصدجتش عيوني، عيوني اللي دايما بتطمنها، اني عمري ما حبيت حد غيرها يا بتول، يمكن اه من وجت كنت بحب ميار اللي انتِ عارفاها ديه بس ديه من فترة طويله جوي وهي اللي اختارت تبعد عنيا وراحت لشخص تاني واني معرفش اب حاچه عنيها دلوك، بس والله عمرر ما حبيت غيرها
_بس يا عصام....
حط عصام ايده علي بؤها علشان يمنعها من انها تتكلم.... فريده هتيچي وهتعرف ان اني معملتش ديه وهتطلب مني اني اسامحها بس اني هرفض ومش هبصلها وعمري ما هجدر ارچعلها يا بتول واصل، ومتحاوليش تصلحي اللي هي عملته
قال عصام كلامه وطلع من الاوضه وقرب من اوضة سلمي، فتح الباب بقوة، بصتله سلمي بخضه وقامت وقفت.... ايه چابك اهنيه انت بتعمل ايه؟!
عصام قرب منها والدم بيغلي في عروقه... ايه اللي انتِ عملتيه ديه؟!!!
سلمي ابتسمت باستفزاز.... اني معملتش حاچه اني جولت الحجيجه قولت اللي حصول
_ انتِ اكتر واحده خابرة زين اننا محصولش بينا اي حاچه، اني خابر الاعيبك ديه زين
ضحكت سلمي وسققت بايديها.... زين يا عصام طلعت بتفهم، ايوه كل ديه تخطيط مني روح بجي اثبتلهم اني طلعت بكذب بعد ما الكل صدجوك، وللاسف فريده حبيبتك مصدجتكش.
كلام سلمي استفز عصام ورجع عند الباب وقفله بالمفتاح اللي كان معاه وقرب منها، سلمي بعدت خطوات لورا بارتباك
_انت بتعمل ايه؟!! ليه جفلت الباب؟!!
بصلها عصام وهو ببقرب منها لحد لما اتصدمت في الحيطه... هما مصدجين الكذبه اللي انتِ جولتيها اني بجي هخلي الكذبه حجيجة، علشان متكونيش ظالماني علشان اكون فعلا عملت واستاهل اصلح الغلطه ديه
بصتله سلمي وهزت راسها بالنفي... ابعد عنيا يا عصام، اني بحذرك اهو، ابعد عنيا، هصرخ وبتول وحمزة هييچوا علي صراخي
عصام بصلها ومهتمش لكلامها وسلمي حاولت تزقه عنها.
...............
وعند فريده
شاورتلها السكرتيرة انها تدخل عند الدكتور، خدت نفس ومشت باتجاه المكتب، كانت نبضات قلبها سريعه وكانت خايفه وقلقانه واول مرة تجرب الشعور ده، عمرها ما قدرت تتكلم مع حد وتفتحله قلبها وتتكلم عن كل حاجه مضايقاها ولاول مرة هتحس بالشعور ده.
فتحت الباب بعد ما خبطت كان قاعد شاب باصص للدفتر اللي في ايده واول لما سمع صوت الباب بيتفتح ساب الدفتر وبص لفريده بابتسامه
بصتله فريده بتوتر اما هو شاورلها تقعد بابتسامه، قعدت فريده وهي باصه للارض، ابتدا دكتور اياد يتكلم وهو باصص لمعلوماتها اللي في الدفتر وقطع الصمت
_ فريده وعنديكي 18 سنه مش اكده؟!
هزت فريده راسها بالايجاب فكمل دكتور اياد كلامه وهو بيحاول يخليها تتكلم وتتخلص من توترها
_بتدرسي يا فريده؟!
اخيرا اتكلمت فريده وبصت في عنيه... ايوه اني بدرس في چامعة تربية ولما هخلوص علام هدرس للاطفال
ابتسم دكتور اياد... زين جوي يا فريده،نيچي بجي علي السؤال البايغ ممكن اعرف ايه سبب وچودك اهنيه.
بصتله فريده وابتدت عيونها تلمع بالدموع وكل لما تنطق وتحاول تستحضر الكلام من لسانها متقدرش تتكلم، اداها دكتور اياد منديل واستناها تتكلم واداها وقتها من غير ما يضغط عليها.
اما فريده بصت للجهه التانيه واتنفست بعمق... ليه يا دكتور، ليه مخدش اي حاچه من اللي اني رايداها، ليه كل حاچه چوايا ناجصه
_ايه اللي انتِ مخديهوش يا فريده، ايه الي انتي حساه ناجص في حياتك
فريده بدموع... كل حاچه يا دكتور، كل حاچه في حياتي ناجصه، اني ليه عايشه من الاساس، ليه اتولد الاجي الدنيا صعبه جوي، اول لما چيت علي الدنيا عمري ما حسيت بالحب، ابويا وامي كانوا ببتخانجوا دايما وكنت بشوف ابويا بيضرب امي جدام عيوني ومهموهش ان بنته الصغيرة بتتفرج عليهم، لاه وكمان كنت شايفه بعيوني وابويا بيخون امي مع مرات ابن اخوه، ومش اكده بس لاه ابويا جتل امي وهرب من الحكومه واچي يضحك عليا بكلمتين واني كيف الهبله صدجته
بصلها دكتور اياد بحزن وكان بيكتب كل حاجه وراها، اما فريده عيطت اكتر بقهر واتكملت بوجع... مكنتش شايفه الحب في دارنا، علشان اكده دورت علي الحب برا، روحت حبيت احمد وبنيت حياتي وياه، بس طلع بيضحك عليا هو كمان، ليه اني عبيطه يا دكتور وبصدج اي حاچه!!!
ساب دكتور اياد القلم من ايده وبصلها باهتمام...انتِ مش عبيطه يا فريده هو اللي استغل طيبتك، للاسف في اهل مينفعش نجول عليهم انهم اهل
.........
...............
وفي مطعم كانت قاعده ملك قدام مروان وقدامها اصناف اكل كتير، كانت شبعانه لكنها كانت بتحاول تأخر الوقت علشان متتكلمش مع مروان ويخليهت تعترف انها بتحبه
بصلها مروان بضحكه وكان فاهم اللي هي بتعمله... ها؟ يا ستي، هتاكلي اليوم كله؟! طالبة وكل المطعم كله ما شاء الله، بس اني هستناكي برضو لحد لما تاكلي كل الوكل
سابت ملك المعلقه من ايديها وبصتله بتوتر... انت مستني ايه يا مروان؟!
_ مستنيكي تچاوبيني علي كل الاسئله
_اني لسه چعانه جوي لما اخلص هچاوبك
مسكت المعلقه تاني علشان تاكل لكن مروان شال المعلقه من ايديها وحطها علي الطربيزة لما زهق.
_لاه يا ستي مش هتاكلي دلوك، الوكل مش هيطير، دلوك اني رايد اسمع منيكي ليه كنتِ رايده تشوفيني، ليه كذبتي عليا علشان اچيلك واني جلجان جوي عليكي، ليه بتتوتري كل لما ابصلك، ليه بتتجنبي انك تبصبلي في عيوني، ليه يا ملك؟!!!
بصتله ملك بتوتر... ع.. علشان.. يعني... انا....
مقدرتش ملك تتكلم، اما مروان قام وقف ومسك الكرسي بتاعه وحطه قدام ملك مباشرةً وقعد قدامها وكان بينهم مسافه صغيرة جدا
_ها يا ستي بجيت جدامك دلوك، يلا بجي جاوبي
بصت ملك للنحية التانيه بارتباك وهزت راسها بالنفي.. لاه ما انت بالطريجه ديه وجربك اوي منيا موترني اكتر واني مش جادرة اتكلم
اتنهد مروان بضيق وقام من الكرسي لما زهقت من توترها منه وعدم اجابتها عن سؤاله،قام وقف وهز راسه بضيق... تمام يا ملك متچاوبيش اني زهجت واني بحاول اخليكي تجاوبي وتجولي ليه تصرفاتك اكده ومعدش هحاول مرة تانيه يلا تعالي هرچعك البيت
قامت ملك وبصت في عيونه واتنفست بعمق... مروان، انا... انا بحبك
بصلها مروان برافعة حاجب وابتسم اما هي قعدت علي الكرسي مرة تانيه وحطت ايديها علي راسها بخجل من اعترافها اما هو كان طاير من الفرحه من كلمتها وقعد جمبها... انتِ بتحبيني!!
بصتله ملك بخجل... خلاص يا مروان رچعني دلوك البيت
_انتِ بتحبيني واني بحبك، الحب متبادل
بصتله ملك وابتسمت... انت بتحبيني!! بچد يا مروان؟!
ابتسم مروان وبص في عيونها مباشرةً: بحبك من زمان جوي يا ملك، من وجت ما كنتي بالضفاير چمب دارنا، من وجت ما كنا بنلعب ويا بعض، ولما اتصلتي عليا علي رجم الشغل بعد ما عرفتي ان اني بساعد البنات من النوع ديه، واني كنت فرحان اني هجدر اساعدك وهجدر اشوفك مرة تانيه
_بصراحه اني اللي كنت فرحانه واني بكلمك علشان تساعدني، لما فريده جالتلي مشكلتها فكرت فيك وجولت بما انك مشهور انك بتساعد اي حد، فاتصل بيك وانت هتساعدني وهجدر اشوفك، وكنت رايده اشوفك مرة تانيه فمثلت اني وجعت علشان تيچي تساعدني
ضحك مروان وهو بيصلها... وفي حد يسيب باب الدار مفتوح ديه اللي خبرني انك بتمثلي
ملك بضحكه.. ما اني خفت انك تكسره وتتإذي فسيبتهولك مفتوح
ضحك مروان وقام وقف... طب يلا يا ملك هرچعك البيت
هزت ملك راسها بالموافقه وركبت عربيته، كان الجو مليان بالصمت وكل واحد فرحان باعتراف التانيه، وملك كانت هتموت من كسوفها.
...........
في الفيلا كان واقف عصام قدام سلمي اللي كانت بتعيط... ارچوك يا عصام ابعد عنيا واني مستعده دلوك اجولهم علي كل حاچه
بعد عصام وبصلها بشك... اتفضلي دلوك تروحي تجولي لحمزة وبتول كل حاچه
هزت سلمي راسها بالايجاب وطلعت من الاوضة وعصام كان ماشي جمبها، خبطت علي باب اوضة بتول وحمزة ودخلت هي وعصام
وقفت سلمي قدام حمزة وبتول وهي بتستحضر الكلام من علي لسانها بتوتر وبتبص لعصام اللي كان بيؤمرها انها تتكلم بعيونه، كانت بتحاول تتكلم لكن الكلام كان صعب انها تقوله
يتبع.....
طفلة في عصمت صعيدي
بقلمي رحمه حواله
♡ عصام لاول مرة يحكي عن ميار اخت سلمي وكلامه متناقض لكلام سلمي وبيين انه بعد عنها بسبب اختيارها هي فهل هو بيكذب؟
♡سلمي هتعترف قدام حمزة وبتول؟!
♡ عصام مجروح جدا من فريده ومبيفكرش انه يرجعلها حتي لو هي ندمت
♡ فريده اخيرا اخدت خطوة وراحت لدكتور نفسي
♡ محمد منعرفش خالص هو فين دلوقتي يا تري بيخطط لايه؟!
♡شايفين ان فريده وعصام ممكن يرجعوا لبعض
♡مروان خلي ملك تعترفله بحبه وهو بادرها الاعتراف
