رواية شقة البخاري الفصل الرابع 4 بقلم اسماعيل موسي
#شقة_البخارى
٤
صورة ايه بس يا سماح وانا وسط الشغل دلوقتى؟ هى صورة الملك فاروق؟
_خلاص يا احمد انا هتصرف
وانا راجع من الشغل، قولت اشترى حاجه لسماح اراضيها بيها بعد انفعالى وقولى كلام مستفز يخلى اى حد يزعل
مراتى من النوع الرومانسى وشغوفة بالقراءة، قلت اشترى لها روايه او اى كتاب فدخلت على سور الأزبكيه ولأنى مش من هواة القراءه بحثت عن عنوان كتاب ملفت وشكلة حلو او غريب، كان كل قصدى مظهرش سطحى وهايف قدام مراتى
كنت بشوف اسماء كتاب اول مره اسمع عنها، احمد خالد توفيق، حنان لاشين، منى سلامه، ديستوفيسكى، الاسم الوحيد إلى كنت اعرفه نجيب محفوظ وانا واقف كده منبهر متلخبط، شفت البخارى قاعد قدام كومة كتب على الرصيف
سبت كل حاجه فى ايدى ومشيت عليه وانا مبتسم، عم بخارى؟ ازاى حالك
اهلا وسهلا همس البخارى وهو بيرتب الكتب، قولتله هو انت مش فاكرنى يا راجل يا طيب؟
طبعا فاكرك يا استاذ احمد، اتمنى تكون الشقه عجبتك؟
عجبتنى جدا، دا انت جيتنى نجده من السماء انا مش عارف اشكرك ازاى؟
الشكر لله يا ابنى هو الى يستحق الحمد احنا مجرد اسباب..
انا شايفك كده محتار وعمال تدور بين الكتب بتدور على نوع معين؟
الصراحه يا عم البخارى انا عايز اشترى كتاب لمراتى بس ميكنش كتاب عادى لأنها قارئه نهمة، كتاب يوضح ثقافتى وميشعرنيش بالحرج
طلبك عندى همس البخارى وهو بيطلع كتاب من تحت كومة كتب قديمه
غلاف الكتاب كان ملفت واسمه غريب نفس طلبى بالضبط
شكرت البخارى ودعيته يشرفنى على الغدا
بس البخارى قال انه مش فاضى ووراه شغل كتير ورغم، ان البخارى ساعدنى زى كل مره بس انا حسيت انه مش سعيد او فيه حاجه مضايقاه وبعدين وانا ماشى افتكرت على السعدى ووصيته ليه اسلمله على البخارى ودا خلانى ارجع من على سلم المترو وارجع لفرشة البخارى لكنه مكنش موجود.... بس فرشت الكتب بتاعته موجوده وقاعد فوقيها طفل صغير
بقله فين الراجل الى كان قاعد هنا من شويه؟
الطفل قالى بابا راح مشوار وهيرجع بعد شويه، ورغم ان الطفل كان شغله مختلف عن البخارى الا انى مفكرتش اسأله عن اى حاجه.
رجعت البيت لقيت سماح قاعده مستمره فى الصاله وشها مكشر، رميت السلام ومن غير كلام طلعت على الكرسى وشلت الصوره من على الجدار وقولتلها انا اسف انى اتغصبت عليكى، أدى الصوره يا ستى إلى كانت مطلعه عينك
نزلتها بسهوله، سماح فضلت باصه على الصوره وساكته
اخر النهار محسن اخويا هيعدى عليا ياخدها ويجيب الصوره الاصليه
قلت تمام امال مالك كده زعلانه وحزينه؟
قالت اصل وصول الصوره دى هنا بالشكل ده مخلينى متردده ومأثر فيه ارجعها بيت اخويا
قلت بسيطه اتصلى بمحسن وقوليله أحتفظ بالصوره إلى عندك وبكده كل يبقى فله
سماح قالت مينفعش، الصوره دى لازم تمشى من، هنا
ولقيت نفسى هدخل فى مهاترات وانا حافظ نفسية المرأه
فطلعت الكتاب من الكيس وقولت بابتسامه سمجه
اتفضلى
ايه ده يا احمد؟
قلت هديه
خرجت سماح الكتاب وبصت عليه، شكله كتاب قيم؟
همست امال انا مش ممكن اشترى اى حاجه والسلام لازم تكون فريده وذات قيمه
سماح فتحت الكتاب وقلبت صفحاته، واضح فعلا انه كتاب قيم
فى الأيام الاخيره انت بتبهرنى يا احمد، من اول ترتيب الصور والتحف والانتيكات إلى حد شراء كتاب باين انه قيم
ورغم ما تحمله الكلمه من سخرية مبطنه وتلميحات مزعجه
ان سماح مشفتش حاجه مبهرة فيه من يوم الجواز إلى الآن
الا انى كنت سعيد وفرحان
.. مش عارفه ايه المواهب إلى نزلت عليك فجأه، لا والثقافه كمان
اصل مش معقول شخص عادى هيشترى كتاب زى ده
شكرت البخارى فى سرى هو السبب فى كل المديح إلى انا نلته مش عارف من غيره كنت هعمل ايه.
القصه بقلم اسماعيل موسى
سماح قالت احمد، انا حاولت افتح الغرفه المغلقه لكن مقدرتش وكانت نبرتها معتذره
الغفير حذرنى اقرب من الغرفه دى يا سماح دا كان شرطه عشان الإيجار يتم
هو يعنى هيشوفنا يا احمد؟ مش، ممكن يكون فيها مصيبه ولا مخدرات؟
بطلى هبل، انا اديت الراجل كلمتى ولازم احفظ وعدى
مخدرات ايه ومصيبة ايه؟
احنا ما صدقنا نلاقى شقه تلمنا، وطلبت من سماح توعدنى انها متقربش من الغرفه تانى
الساعه 11 بالليل دخلت نمت وسماح كانت قاعده فى الصاله
والصبح لما فتحت عنيه سماح كانت قاعده فى الصاله بتقرى فى الكتاب
قلت صباح الخير يا سماح
يعنى صاحيه بدرى؟
اعطتنى سماح نظره مصدومه وردت التحيه وقامت تجهز الفطار
رفعت صوتى بقلها مالك كده مصدومه وانا بصبح عليكى؟
اصل انا منمتش اصلا يا احمد وكنت فاكره الساعه يدوبك اتنين ولا تلاته
للدرجه دى كنت مشغوله؟
