رواية الشيخ مرجان الفصل التاسع والعشرون 29 بقلم محمد يوسف
استمرت علاقتي ب مريم اللي معاها نسيت ساميه وام سامح والدساسه كمان
ولولا بيت أم زفت سامح وأنها بتساعدني كتير في شغل
السحر والاعمال أنا كنت قطعت علاقتي بيها نهائي
قعدنا ٨ جلسات ومصيت دم حماتها بالفلوس ورغم أن
من تالت جلسه كانت حامل قولت لحماتها انها لازم تستمر
في الجلسات لحد ما الحمل يثبت اي اشتغالات وكانت
بتصدقها ومريم فتحتلي قلبها وقالتلي ان خالتها كانت
عارفه أن اللي في بطني دا هيبقي ابن حرام وقبلت عادي
وكل دا علشان ابنها ميطلقنيش ويتجوز هدي بنت عمه
هنا أنا اتصدمت وسألتها عارفه ..عارفه ازاي
قالتلي اول جلسه مش انت قولت ان الجن هيتشكل ع
هيئة جوزي وهو اللي المفروض هيعمل كده معايا
قولتلها اه وهي صدقت والدنيا مشيت تمام التمام
قالتلي لا انا بقي محستش أن في جن اصلا واه أنا عيني
كانت مغمضة ومش شايفة حاجه بس كنت حسه بكل
حاجه وعارفه انك انت اللي بتعمل كده وحكتلها
قولتلها ب اندهاش وقالتلك اي
قالتلي أنه بيتهيالي وان القلق والتوتر والخوف هو اللي
خلاني احس بكده وشيلي الأفكار دي من دماغك وان
المهم انك تحملي ..بس انا كنت شايفة في عنيها انها
حتي لو كلامي صح ف مش مهم المهم اني احمل وان
ابنها ميتجوزش هدي بنت عمه
أنا دماغي لفت مني ومن كتر الاسالة اللي بتدور في
مخي مبقتش عارف اسالها عن أي ولا اي ولا اي
بس كانت اكتر حاجه شغلاني انها ازاي عرفت إن مفيش
جن حضر وان مش جوزها هو اللي عمل كده معها اول مره
وقالتلي وفكرتني لما اول مره حضرت هامان علشان
يكشف عليها هي حست أن في حاجه دخلت جوها
وبطنها وجعتها ولسانها تقل ومكنتش قادرة تتحرك ولا
تقوم من مكانها وقالت لخالتها ودا اللي اكدلها اني
مخاوي بجد وهقدر اساعدها وبسبب كده كملت ودفعت كل اللي طلبته منها
قولتلها طب مدام انت كنتي متاكده اوي كده أن الي في بطنك دا ابن حرام كملتي ليه
قالتلي يعني هي قبلت كده ع ابنها ورضيت أنا مش هقبل
أنا من بعد الموضوع دا وانا اصلا حبي ليها قل جدا
وعلاقتنا مبقتش زي الاول ..أنا نفسي مش عارفه ايه اللي
خلاني الغي عقلي و شخصيتي وامشي بدماغها واسمع كلامها
واخليها تتحكم فيا بالشكل دا
أنا كنت بحب واحد جارنا وكنت قابلة وراضية بكل
ظروفه وبحبه وبحب حبه ليا كان لطيف وحنين اوي
لحد ما خالتي قربت مني وبقت تخدني اقعد عندها
علشان كانت قصده تبعدنا عن بعض وبدأت تكرهني فيه
فعلا بالتدريج لحد ما كرهته واقتنعت كمان أنه مش
مناسب ليا واني استاهل حد احسن منه وقربتني من ابنها
وقعدت تحليني في عينه وتخليني اهتم واقرب منه اكتر
وتوقع بينه وبين هدي بنت عمه اللي كان دايب فيها
وبيعشقها ولحد الان هو بيحبها وكل مشكلة بنا يجبلي
سيرتها وبيكلمها وبيتواصل معها للان بس من ورانا
.خالتي دي منها لله أنا بجد مش عارفه أنا طوعتها وعملت كده في نفسي ازاي 
فتحتلي قلبها وعرفتني تاريخ حياتهم كلهم وقد اي
خالتها دي ست قذرة وحقيرة وبتكرهه عيلة جوزها
ويتوقع الناس في بعض
المهم في خلال ال٨ جلسات دول اللي استمرو حوالي ٣
شهور ام سامح كانت بتجيب زباين وكنت بروح للدساسة
تساعدني وكنت اوقات بستعين بهامان بس كان ليه
طلبات غريبة كان عايزني اقراء القران في الحمام في
مره ومره تانية طلب مني اني اروح اصلي الجمعة وانا
نجس كنت بقول تعويذة الانصراف ع طول وبروح
لدساسه تساعدني وقالتلي أن كل الجن دي طلباتهم
وان معندهمش حاجه بدون مقابل
ولما سالتها هو صبحي بيعمل كده
قالتلي اكيد طبعا واكتر وان دي ابسط طلبات ممكن الجن
يطلبها يامرجان وقالتلي أن في جن بيطلب انك تعاشر
امك او اختك وفي منهم اللي بيطلب انك تقدم حد من
دمك قربان ليه
قولتلها وبيوفقوا
قالتلي اه طبعا ..هو اصلا قبل ما يحضره وهو عارف طلباته وأنه لازم هينفذها
وقالتلي أن هامان اشتكي مني بسبب اني بحضره
واصرفه ولولها كان آذاني بس هو محترم العهد اللي بنهم
قولتلها انا مش بقدر اعمل اللي بيطلبه دا
ابتسمت بسخرية وبخبث وقالت لا هتقدر وقعدت تضحك
كنت رايح ليها ساعتها علشان كان في تاجر كبير كانت
حياته ماشية وزي الفل وفجاة بقي يقفل المحلات وكره
الشغل وانعزل عن كل الناس وبقي عايش لوحده
واول ما قولتلها اسمه واسم امه قالتلي تاريخ حياته كله
وقالتلي بخبث وابتسامة كيد النساء رهيب مراته
الاولانيه بسمة بنت فوزية عملتله سحر مدفون عند نجيب السماغ
قولتلها والعمل
قالتلي لو مدفون في أحشاء حد متوفي في قبر هيبقي
صعب حد يفك السحر غيره إنما لو مدفون في اي مكان
تاني هيبقي سهل هعرفلك مكانه وتروح تحفر وتجيبه
وانا هقولك ازاي تبطله
قولتلها امتي طيب تعرفي
قالتلي سبني بس يومين وانا هعرف كل حاجه وفعلا بعد
يومين رحت وقالتلي أن السحر مدفون جنب قبر في
مقابر القرية اللي التاجر دا منها وقالتلي متخفش هيكون معاك ساروس
قولتلها مين ساروس دا ضحكت وبصت جنبها وقالت دا
الخادم الخاص ليا زي دراعك اليمين كده عندكم وكملت ضحك
قولتلها وساروس هيعمل ايه
قالتلي هيساعدك في حاجات كتير وهو اللي هيدلك ع
مكان السحر ..فاكر احنا عملنا اي ساعة استاذ ابراهيم يامرجان
قولتلها اه فاكر
قالتلي هتعمل نفس اللي عملته بالظبط ورجعت بصت
جنبها وقالت متسبهوش غير لما يرجع بيته ياساروس
وشاورت ب أيدها زي اللي قالتله انصرف
وظهرت بشكل خالتي وقالتلي دي خامس مره تيجي
ومحسش انك عايزني لدرجادي مريم عجباك
قولت في سري يادي خالتي اللي بتظهريلي بيها هو مفيش غيرها 
قالتلي ب ابتسامة طب بذمتك هي مش عجباك وهتموت
عليها يامرجان
هزيت راسي وقولتلها بصراحة اه بس بمنع نفسي بالعافية
قالتلي وايه اللي منعك دلوقتي وبدأت تستعرض وترقص
وهي مبتسمة وفرحانه
قمت وقربت منها وقالتلي هعدهالك المره دي علشان أنا
اللي عايزاك وفعلا هي اللي قلعتني هدومي وكان أول
مره اشوفها بتتعامل بالوحشية دي ..رغم أنه كان مرهق
ومتعب جدا اللي بتعمله وغريب بس كنت حاسس بمعتة
رهيبة حسستني أن كنت غايب عنها بقالي سنين مش ٣
شهور عملنا كده اكتر من مره وبعدها قالتلي علي طريقة
تحضير ساروس ولما طلبت منها تعويذة الصرف قالتلي
هو بعد ما يخلص المهمة هينصرف لوحده متخفش
