رواية طفلة في عصمة صعيدي الفصل التاسع عشر 19 بقلم رحمه حواله

 

رواية طفلة في عصمة صعيدي الفصل التاسع عشر 19 بقلم رحمه حواله

الفصل 19 كان واقف عصام قدام فريده واحمد وبببصولهم برافعة حاجب لما شاف احمد عندها في الاوضه _احمد بيعمل ايه اهنيه عنديكي في الاوضة يا فريده، الراجل ديه اللي چابه عنديكي. فريده بصتله بقلق وفضلت تبصله من غير ما تنطق، وعصام قرب من وبصله بحدة ومسكه من قميصه _انت بتعمل ايه اهنيه، انت مجنون، انت داخلها اوضتها احمد بص لفريده وبعدين بص لبتول باستفزاز....فريده هي اللي جالتلي اجيلها اهنيه علشان تتكلم ويايا في موضوع، خد بالك منيها لاني حاسس ان فريده من چواها مش ناويالكوا علي خير وبالذات لبتول، هي بس بتمثل عليكوا الطيبه

فريده بصت لاحمد بصدمه وبعدين بصت لعصام وهزت راسها بالنفي... بيكذب والله يا عصام، صدجني والله هو اللي چاي ومش ناوي علي خير عصام... طب جوليلي ايه الموضوع يا فريده، احمد چاي ليه فريده بصتله بخوف ومقدرتش تنطق مكنتش قادرة تقوله انها اتفقت مع احمد علي حاجه مكنتش تعلفها ودلوقتي هي في موقف صعب، بصتله بدموع وقربت منه _صدجني يا عصام والله محصلش اي حاجه ، هو بس كان چاي يشمت فيا انت مصدجني صوح؟! _شوفتي كيف موجف صعب يا فريده انك تكوني رايده حبيبك يصدجك وخايفه ميصدجكيش، انا عديت بالموجف ده، كنت اتمني تصدجيني وتجوليلي ان اني مصدجه انك انت والبنت اللي اسمها سلمي مبينكوش حاجه، كان نفسي تصدجيني يا فريده، بس اني مش هعمل كيف ما انتِ عملتي، اني مصدجك، وشايف في عيونك الصدج، الصدج اللي كان في عيوني وانتِ مشوفتيهوش فريده اتملت عيونها بالدموع، بكت بوجع وندم ومقدرتش تتكلم ووقتها بس اتأكدت ان عصام وسلمي مفيش حاجه بينهم. عصام اتنهد وهو بيبص في عيون فريده اللي ساكته، وقرب من احمد ومسكه من قميصه وقال بغضب... لو فكرت تجرب من فريده والله لاجتلك واني مچنون واجدر اعملها، ودلوك تروح من اهنيه انت فاهم؟! بص احمد لفريده لاخر مرة كإنه بيفكرها بالاتفاق وبعد عنهم ونزل من البلكونة، وفريده قربت من عصام _اني اسفه اني مصدجاك، اكيد سلمي ديه وراها حاچه يا عصام _بعد ايه يا فريده؟! مصدجاني بعد ايه،ده انتِ حتي مكنتيش موافجه تسمعيني وقفت فريده تبصله بدموع ومقدرتش تنطق وعصام طلع من عندها ودخل الاوضة اللي بيقعد فيها، اتنهد بضيف وهو بيفكر في كل اللي حصل ............ وعند حمزة وبتول اللي كان ضامم بتول في حضنه وبيتفرجوا علي فيلم، اجي اعلان فبعدت بتول عنه وبصتله بدموع _ اني اتوحشتك جوي يا حمزة، كنت بموت وانا شايفاك في القسم، احمد ديه اني بتمني ياخد جزاؤه علي اللي بيعمله فينا لاول جهر جلبنا غلي يوسف ودلوك جهرني عليك حمزة حط ايده علي شعرها وحاول يطمنها. وقال بنبرة حنينة... احمد مهما خطط يا بتول ولعب علينا مش هيجدر يعمل حاچه، اني وانتِ مكتوبين لبعض، بس اللي اني مستغربه انه اتنازل عن المحضر بسهوله وبسرعه _يمكن اتنازل عن المحضر علشان كان رايد بس يعمل حاچه تفكرنا انه هو لسه بيخطط ولسه هيعمل حاچات ضدنا بصلها حمزة وهز راسه بالنفي... لاه يا بتول الموضوع فيه إن اني متأكد ان في سبب خلاه يتنازل عن المحضر ...... وعند فريده اللي كانت قاعده في اوضتها بتفكر في كلام احمد لجد لما رن احمد وقطعها عن شرودها احمد بمكر.... يلا يا جمر مفيش وجت عنديكي وجت جصير تخلصي اللي جولتلك عليه فيه،بكره بليل تكوني مخلصه لإلا والله لاسجنك بالشيكات ديه يا فريده فريده بدموع... علشان خاطريا متعملش اكده يا احمد، الطفل ذنبيه ايه علشان يموت، وبتول ذنبيها ايه، ارجع لعجلك يا احمد _بلاس انسانية دلوك هتعملي اللي جولتلك عليه ولا ايه؟! _انت انسان مريض، رايد اجتلك روح بريئة؟! احمد وهو بيضحك علي كلامها باستهزاء.... ايوه يا فريده انا انسان مريض يلا بجي متوجعليش دماغي، اجفلي واعملي اللي اني جولتلك عليه قفلت معاه فريده وفركت ايديها بتوتر مكنتش عارفه تفكر حاجه تطلعها من اللي هي فيه، بصت لموبايلها واتصلت بصاحبتها ملك وحكتلها علي كل اللي حصل،ملك شهقت من اللي سمعته وقالتلها بصدمة... ايه اللي بتجولي عليه ده انتِ عملتي مصيبه، مصيبه يا فريده صعب تطلعي منيها فريده اتملت عيونها بالدموع وقالتلها بوجع... هو اني مكلماكي علشان تجطمي فيا، يا ملك انجذيني جوليلي اعمل ايه _ تاني اسفه اني جولت اكده، بس الوشع صعب جوي بس متجلجيش يا فريده هفكر في حاچه تنجذك من الوضع ديه اجفلي دلوك. قفلت فريده معاها وفجأة سمعت صوت رنة موبايل، استغربت لما لقت ان الصوت مش من موبايلها واتوجهت نحية مصدر الصوت ولقيته موبايل عصام اللي كان علي الكيمودينو، بصت علي الرقم ولقيته رقم مش متسجل، الفضول اتمكن منها وفتحت المكالمه وحطيته علي ودانها وسمعت صوت بنت _ عصام اني اسفه اني جولتلك حبيبي جدام فريده وعرفتها ان انت حبيبي، المهم انت جدرت تضحك عليها وتخليها تصدجك ولا لسه مصدجتكش فريده بصت للموبايل بصدمه وقفلت المكالمه في وشها ورمت الموبايل في الارض، ورجعت مرة تانيه علي السرير فريده بدموع... يا خاين يا عصام، اني غلطانه اني صدجتك، يا خاين .......... بصت سلمي للموبايل وضحكت وحطت رجل علي رجل، واتصلت بمامتها _ متجلجيش يا اما اني جربت، جربت اعمل اللي اني رايده، عصام هيندم ندم عمره لما فكر بس يجهر اختي ويسيبها ويخليها تموت بحسرتها، لو مموتهوش بحسرته يا اما تعالي خديني من اهنيه. _ هتيجي متي يا سلمي، انتي هتفضلي جاعده في البيت ديه ووديتي فين الواد اللي كان وياكي _الواد طلبت من واحده معرفه تچبهولي علشان امثل علي عصام انه اخويا ويساعدني وادخل حياته وادمرها، شوفتي يا اما بعد اللي عمله في اختي بعد ما بقت جسد من غير روح وقاعده علي كرسي متحرك ومبتتكلمش،فاجده النطج والحياه راح يحب وهيتچوز، اني مش هسمحله يعيش حياته، جولي لميارا ان اني هاخدلها حجها يا اما. _المهم يا سلمي تاخدي بالك من نفسيكي، مع السلامة يا سلمي. قفلت سامي مع مامتها وطلعت صورة اختها من جيبها بصت للصورة وعيطت بحرقة _ كنتي بينا يا ميار، كنتي ويايا، طول الوجت واني بجولك ابعدي عن عصام، عصام شخص مش زين، بس انتِ مكنتيش بتهتمي لكلامي لحد لما عمل عملته واخد اللي هو رايده منيكي رماكي، خدك لحم ورماكي عضم،حسبي الله فيه، بس اني مش هسيبه بعد اللي عمله. ........

كانت مشغله اغاني وبتبص لحمزة بابتسامة وهي بترس الاكل علي السرير _كل يا حمزة، رم عضمك اكيد انت علي لحم عضمك يت حبة عيني انت كنت في الجسم بصلها حمزة وضحك... اللي يشوفك اكده يجول ان اني كنت مسچون سنه مش روحت كام ساعه يحججوا ويايا ورچعتلك بسرعه _انت يتتريج عليا يت حمزة؟! ماهي الكام ساعه اللي انت كنت فيهم هناك كانوا بالنسبالي سنين، يلا يا حبيبي كل رم عضمك ضحك حمزة وحط ايده علي بطنها بابتسامه... اني خايف الواد اللي في بطنك يطلع مچنون كيفك يا بتول بتول حطت ايديها في وسطها وقالتله برافعة حاجب... مچننون كيفي؟! اني مجنزنه يا حمزة؟! كل ديه علشان كنت خايفه عليك؟! _ماهو بصراحه اني مكذبتش من وجت ما چيت وانتِ بتضحكي شوية وبتبكي شوية، ربنا يباركلك مش حرماني من حاچه، يخرببت الهرمونات ديه _ ما انت السبب بسببك خلتني ابكي، واني اصلا من وجت ما عرفت اني حامل واني كنت مجررة مبكيش واصل _وليه بجي، متبكي هو البكي حرام؟! _لاه بس علشان الواد اللي في بطني ميبجاش عصبي وشكاي بكاي، اني لسه قرأة المعلومه ديه، لو الست جوزها نكد عليها فترة الحمل هيچيبوا واد ينكد عليهم بصلها حمزة وضحك.... متجلجيش ولدنا مش هيبجي شكاي بكاي هيبقي جميل جوي وحليوة كيف ابوه قطع حمزة كلامه علي صوت رن موبايله، رد ولقاه رقم حد من الموظفين الكبار اللي في الشركه _ حمزة بيه حضرتك جولتلي اسافر اخلص الشغل هناك واتكلم مع العملا اللي في الجاهرة بس في مشكلة اني بنت اختي كانت چاية تجعد ويايا ودلوك مش عارف اعمل ايه هي مبتحبش تجعد لوحديها، مش عارف اعمل ايه _هاتها تجعد ويانا عجبال ما ترچع من السفر، ومتجلجش هنحطها في عنينا شكره الموظف وقفل معاه وحمزة التفت نحية بتول _في واحده هتيچي تجعد يومين اهنيه عجبال ما الموظف يرچع من السفر _بس يا حمزة كيف تعمل اكده هو انت عارفها علشان تخليها تجعد ويانا _ لاه بس اني عارفه يا بتول الموظف ديه زين واخلاجه زين جوي متجلجيش هزت بتول راسها بتفهم وبعد فترة نزل حمزة ومعاه بتول يفتحوا باب الفيلا بعد ما الباب خبط وعصام نزل علي صوت الخبط .......... وعند فريده سمعت صوت طوب بيترمي جوا البلكونه بتاعتها، قربت من البلكونه بخطوات مهزوزه ودخلتها وبصت حواليها علشان تشوف مين اللي بيرمي الطوب واتفاجئت بمحمد بابا بصت لمحمد بصدمه ومصدقتش انها شيفاه بعينها، فركت عنيها علشان تتإكد انه مش حلم وسندت علي السور علشان تصلب طولها وتستوعب ان ابوها اللي قتل امها ودخل السجن قدام عيونها، اما محمد كان بيبصلها بعيون مليانه دموع لاول مرة وعيونه كانت مليانه ندم، شاورلها انها تنزله ولسانه كان مليان بكلام كان نفسه يقولهولها، فريده بصتله بتردد كبير وحيرة وعيونها اتملت بالدموع، كانت بتتمني تقفل الباب وترفض ان هي تشوفه لكن حاجه كانت بتقولها، اسمعيه شوفي هيقول ايه. ......... وعند بتول وحمزة، فتحت بتول باب الفيلا، ودخل الموظف اللي بيشتغل عند حمزة وجمبه بنت فقال حمزة لبتول وهو بيبص علي البنت... اهم اجوا يا بتول البنت قربت منهم وابتسمت وعصام بصلها بصدمه لما لقاها سلمي اللي كانت بتبصله بمكر وخبث مليانين في عيونها وبيبين ان وجودها في الفيلا مش هيعدي بسهوله. يتبع.... طفلة_في_عصمت_صعيدي بقلمي/رحمه حواله 🔺يا تري هيحصل حاجه لطفل بتول اللي في بطنها؟! 🔺ومحمد اجي ليه لفريده بندم في عيونه؟! 🔺سلمي طلعت هايزة تنتقم لاختها فياتري ايه اللي حصل بين عصام واختها؟! 🔺سلمي ناوية علي ايه بعد ما اجت تعيش في الفيلا دمتم بخير 💗 #طفلة_في_عصمت_صعيدي #رحمه_حواله

الفصل العشرون من هنا

لمتابعة باقي الرواية زوروا قناتنا على التليجرام من هنا    

تعديل المقال