رواية وش تالت (كاملة جميع الفصول) بقلم اسماعيل موسي
سابت الملوخيه إلى بتقطعها ووقفت تفتح الباب، مين؟ سألت من ورا الباب
انا اسامه الدمنهوري
كانت مروة تعرف اسامه الدمنهوري صديق زوجها مدحت
مدحت مش هنا يا استاذ اسامه ردت من غير ما تفتح الباب
هو لسه مرجعش
خلاص هبقى اجيله مره تانيه
لما رجع مدحت مروة قلتله صاحبك جيه هنا سأل عليك وانا قولتله انك مش موجود
اسامه كان كلمنى وانا قولتلك انى هرجع ألبيت على الساعه 8 لكن اتأخرت فى الشغل هبقى اكلمه واقابله على القهوه
بعد يومين سمعت مروة الباب بيخبط وكعادتها مش بتفتح الباب غير لما تعرف مين
مين؟ انا اسامه يا مدام مروة
اسامه؟ مدحت مش هنا يا استاذه اسامه ابقى كلمه فى التليفون قبل ما تيجى
الغريبه ان مدحت عمره ما قابل اسامه فى بيته ولا حتى عزمه صدفه
ومش عارفه ليه كل شويه يجى يخبط على الباب
انا مش مستريحه لصاحبك ده يا مدحت كل يومين يجى بخبط على الباب وانا بكون لوحدى
ياريت تقله ميعديش على البيت غير لما تكون هنا أو يكلمك فى التليفون
ميصحش كل شويه يظهر هنا قدام الجيران
حاضر يا مروه بس اسامه دا انسان طيب وعلى نياته
طيب ولا مش طيب بعد اذنك ابقى اتفق معاه وقابله بره
انا قلبى بينقبض لما بسمع صوته ويخبط على باب الشقه
وكانت مروه سمعت من مدحت جوزها انه قابل اسامه فى القهوه وفهمه بصنعة لطافه وطلب منه ميجيش ناحية الشقه مره تانيه
والراجل تفهم كل حاجه ومش هيجى هنا تانى
