رواية الشيخ مرجان الفصل الثالث والعشرون 23 بقلم محمد يوسف
#البارت23 🖊️ Mohamed Youssef Sultan
رجعت المفتاح ل ام سامح ولما شافتني قالتلي مالك
شكلك مضايق وفي حاجه مزعلاك ايه اللي حصل
قولتلها محصلش حاجه
قالتلي محصلش حاجه ازاي ..هو انا تايهه عنك ..انت
اتخنقت مع حد ولا صبحي زعقلك
قولتلها يووووووه بقي وبعدين معاكي ..انتي مصممه تزعليني بالعافية
لمت.الدور وقالتلي بمياصة طب اي علي معادنا بكرا
قولتلها ماشي
قالتلي ..ع الله متجيش ولا تلطعني بالساعات هناك .
..هخلص الغدا واغديهم وهروح استناك
قولتلها ماشي..خشي هاتي الفلوس اللي شايلها معاكي
قالتلي هتعمل بيهم اي
قولتلها خشي هاتي الفلوس يالولو
قالتلي عيوني ياقلب وروح لولو 😘
قولت في سري يخربيت سقالتك ياشيخة اعوذ بالله منك
اخدت الفلوس ورحت قعدت علي قهوة برا القرية
واشتريت ساعة وخاتم ونضارة شمس ومحفظة جلد
كنت عايز ابسط نفسي وأخرجها من الحالة اللي هي فيها
بسبب اللي حصل مع سامية ..اللي ام سامح اخدت بالها
وحست اني مضايق وزعلان من كتر ما باين عليا
وبعدها روحت البيت و كان في زبونة مع ابويا في
الاوضه وسامي قاعد في الصالة ..دخلت اوضتي وقفلت
وشلت الفلوس اللي باقية معايا في الدولاب ونمت
الصبح رحت المدرسة وطول اليوم مشفتش سامية
لدرجة أن افتكرت انها غايبة وشوفتها في الفسحة كانت
وقفة في الدور التاني ولمحتها اكنها بتدور في وسط
الطلاب عليا واول عيني ما جت في عينيها عملت نفسها
انها مش قاصدة تبص عليا وانا الصراحة اتجهلتها ومن
كتر ما انا مخنوق وقرفان منها مكنتش عايز اروح
المدرسة علشان مشفهاش وافتكر اللي حصل امبارح
وجيه معاد الحصة بتاعتها واتاخرت وقولت في سري
اكيد مش هتيجي بس جت وفي نص الحصة اعتذرت
وقالت انها تعبانه ومقدرتش تكملها وفضلت وقفة برا لحد
ما الحصة خلصت وروحنا
شفتها وقفة في نفس المكان اللي كانت وقفة فيه امبارح وبنتفق هنتقابل امتي
مشيت من الناحية التانية بعيد عنها ..متوقعتش نهائي
انها وقفة مستنياني أنا ...ندهت عليا رحتلها وقولتلها
ايه يا أبلة سامية خير
قالتلي انا عايزة اتكلم معاك ومشيت ومشيت جنبها
فضلنا ماشين وهي ساكته مش بتنطق لحد ما قولتلها
هنفضل ماشين كده كتير يا أبلة
قالتلي انا مش قادرة اتخطي اللي عملته امبارح فيا 🥹
انا منمتش من امبارح ومكنتش هاجي المدرسة النهاردة
قولتلها وايه اللي جابك
بصتلي ب استغراب وقالت انت ليه عملت كده فيا ..ليه
مرحمتنيش ..هو انا مصعبتش عليك 🥹
قولتلها انتي عايزة ايه دلوقتي ياابلة سامية
قالت ..أنا مش عارفة اشكي واحكي لمين واقوله
اي ..وبصتلي بغضب وبحدة قالت انت حيوان ..حيوان ومفيش في قلبك رحمة
بصيت شمال ويمين ..وبجد كنت عايز الطشها بالقلم بس
حوشت أيدي بالعافية خوفت تصوت وتلم الناس علينا
وتفضح نفسها وتفضحني أنا كمان إنما مصعبتش عليا ولا
اتاثرت بدموعها ولا الحالة اللي هي فيها بالعكس
قولتلها بصوت واطي ماشي ياابلة سامية شكرا
قالت..اوعي تكون فاكر اني هخاف منك تاذيني وتبتسم
بسخرية ودموعها نازلة وتكمل كلامها ..أنا عمري ما
اتعرضت لاذية زي اللي شفتها امبارح ياحقيير..أنا مش
خايفة منك ..انت فاهم .أنا مش خايفة منك ..كنت هتعمل
فيا ايه اكتر من اللي عملته .ومسكت هدومي وكررت
نفس الجملة تاني كنت هتعمل فيا ايه اكتر من اللي عملته
ولسه بتضم شفايفها علشان تتف عليا حطيت ايدي قصاد
بوقها وجت كلها في كف أيدي مسكتها من طرحتها ب
ايدي التانية ومسحت كف أيدي في وشها كله وقولتلها
لمي نفسك بدال ما اسففك التراب اللي دايسة عليه
وزقتها وقولتلها غوري
برقتلي جامد وقالتلي بغضب منك لله ربنا ينتقم منك
سبتها ومشيت
وفضلت طول الطريق اكلم نفسي واقول هي مالها ..وايه
دور الشريفة العفيفة اللي عايشة فيه دا ..أنا مني لله
وربنا ينتقم مني علشان عملت كده غصب عنك ..إنما مع
ابراهيم تروحي برضاكي عادي ...وكمان انتي اللي زعلانه
ومضايقة ..يادين امي ..امال أنا اعمل اي ..دا انا بلعن
اليوم اللي شفتك فيه وفكرت أن اعمل معاكي
كده ..روحت البيت وكنت متعكنن وقرفان ومودي زفت
اكتر من امبارح لدرجة أن عايز اضرب نفسي بالجزمة أن
رحت المدرسة اصلا اليوم دا
قعدت كلت مع صبحي وسألني مالك يابني في حد مزعلك
في سري قولت ياعم غور انت التاني هي نقصاك
قولتله لا مفيش
قالي طب في حاجه نقصاك ..عايز فلوس ياض 😉قول
قول متتكسفش من ابوك حبيبك
قولتله .اه فلوس الدرس يابا
قالي أنا علشان يابا دي ادفع عمري كله ..طلع فلوس
بزيادة وقالي خد اللي انت عايزه يامرجان
اخدت الفلوس ودخلت اوضتي وبعد 10دقايق دخل
وقالي مفيش دروس عندك النهاردة يامرجان
قولتله عندي الساعة ٤ هروح قالي ماشي ياحبيبي انا
رايح البلد اشتري شوية حاجات من عند عمك فهمي العطار مش عايز حاجه اجبهالك من هناك
قولتله لا مش عايز حاجه
نزل وانا فضلت قاعد افكر في سامية واللي عملته معايا
والعصر افتكرت ام سامح نزلت ورحت ل بيت عم انور
ولما ملقتش ام سامح عرفت انها مستنياني هناك
استأذنت ورحتلها ويارتني ما رحت
اول ما فتحتلي الباب قالتلي هي مين اللي كانت معاك هنا امبارح
قولتلها انتي بتقولي اي
قالتلي بعصبية زي ما سمعت كده يااخويا ...مين اللي كانت معاك امبارح
قولتلها انا مكنش معايا حد ..ما قولتلك اني اخدت الدرس ومشيت
قالتلي امال اي اللي منعكش الملايا كده وايه البقعة دي
واخدتني من ايدي وشفتها
قولتلها انتي عايزة اي دلوقتي
قالتلي يابجحتك ياأخي ..انت ايه بجد ..انت عادي كده
تخوني ..بتضحك عليا يامرجان ..دا انا بعمل كل حاجه
علشان ارضيك..فيا اي مش عاجبك علشان تخوني وتبص
برا ..انطق مين اللي كانت معاك في بيتي وع سريري
في سري ..وبعدين بقي والله أنا ع أخري ومش نقصاكي يابوز الأخص انتي كمان
هي ..ما تنطق يابني ..هو انا مش بكلمك
قولتلها انا همشي وبلف وشي ورايح ناحية الباب
مسكتني من همومي وقالتلي مش هتمشي قبل ما
تعرفني مين اللي كانت معاك امبارح
معرفش ايه اللي خلاني افقد اعصابي كده واتحول عليها
أنا نزلت فيها تلطيش وعجنتها ضرب والغريب في
الموضوع انها لا بتحاول ترد الضرب ولا حتي بتحوش
علي نفسها ولما وقعت ع الأرض سبتها ورحت افتح الباب
وامشي قعدت تزحف ع ركبتها ومسكتني من رجل
البنطلون وقالتلي وهي بتبكي ومنهاره متمشيش
لو غالية عليك متسبنيش وتمشي 🥹
قعدت ع الكنبة وهي لمت شعرها ومسحت دموعها
وقالتلي كمان انت اللي زعلان 🥹..انت مش مقدر حبي
ليك ليه ..بقي عايز تخوني واسكت واعديها كده عادي
هو انا مش بني ادمه لحم ودم 🥹حرام عليك
يامرجان ..أنا بحبك ..بحبك..أنا مش عارفه مالي
قمت وقولتلها وانا كمان مش عارف مالي ..وزهقت
وقرفت من اللي بعمله دا ..أنا مش عارف ارجع زي ما
كنت ...كنت عايز اصرخ واخبط راسي في الحيط لحد ما
تجيب دم ولا تتقسم نصين واخلص من حياتي
قعدت تهديني وقامت قفلت الباب بالمفتاح وحطته في
صدرها علشان مخرجش وراحت عملتلي ماية بسكر
وتقولي خلاص ياحبيبي متزعلش نفسك ..أنا اسفه
وحقك عليا ياسيدي ..وقعدت تحسس ع وشي وشعري
وتبوسني لحد ما حصل بنا كده وبعد ما خلصنا فتحتها
في الموضوع ووفقت وقالتلي وانت هتعرف تعمل كده
قولتلها اه هعرف
..قالتلي طب ما تعملي عمل علشان اكرهك واشيلك من قلبي
قولت في سري ياريت والله كنت ارتحت أنا قبل منك
هي .أنا خايفة ياواد بعد ما اجبلك حد متعرفش
تساعدهم ويتخانقوا معانا ولا يعملوا زي ما بيعملوا مع ابوك
قولتلها لا متخفيش أنا واثق من اللي بقوله
قالتلي وهتديني نص اللي بتكسبه
قولتلها ماشي مش هتفرق يالولو
قالتلي وانا مش عايزة غير رضاك عني وبس ..ولو عوزت
حاجه هطلب منك ..مش انت حبيبي ورجلي ودكري
قعدت تتمايص وتتسهوك لحد ما حصل تاني وبعدها
مشينا وفضلت طول الطريق تسالني وتستفسر وتأكد عليا
أن اوعي صبحي يعرف وأنها هتقول ل سلفتها ع
الموضوع بس انا خايفة يستصغروك
قولتلها 😡هما مش ليهم نتيجة وان مصلحتهم تخلص ولا ليهم اي 😡
قالتلي اه ياحبيبي ..يخربيت عصبيتك ..أنا عمري ما خوفت في حياتي من حد قد ما بخاف منك ..دا ابويا نفسه مكنتش بخاف منه كده ..الله منك
#يتبع
