رواية عشق من عائلة ممنوعة الفصل الثاني 2 بقلم جيجي

رواية عشق من عائلة ممنوعة الفصل الثاني 2 بقلم جيجي

 

#الثاني

جيه واحد من ورى ومسكه وقال..والله ووقعت يابن العامرى وحط السلاح على دماغه وطاهر بقى يحاول يفلت منه بس كانو ماسكينو وربطوه هو وطه فى ضهر بعض بس

 طاهر قال ...احنا ملناش دعوه بالطار اللى بيناتكم ده يا حج صادق  اخوى مات قبال ولدك خلاص كده  خالصين 

صادق قال.....لا إياك  حاسب اخوك قبال ولدى انا ولد مخلفش صبيان وانا معنديش غيره انتو كده قطعته نسلى انما انتو لسه 

طه قال...يا حج صادق اتطمن انت كده قطعت ابو نسلنا احنا بعد الخضه دى نبقى جبال لو قدرنا نقلع الجلاليب  اه والله انا اضمنلك ان احنا مش هنجيب عيال واصل متقلقش انت خط فى بطنك بطيخه صيفى طاهر زقه باايده

 وقال...ماتكتم ياطه مش وقتك دلوك  ياحج صادق الله يهديك انا رايد ريحانه وبحبها 

طه قال ...يالهوى هو انت بتولعه  اكتر اكتم ياض اكتم بس جات ريحانه تجرى 

وقالت بخوف ....طاهر طاهر والنبى  سيبو يا بوى احب على يدك مشيه سيبو يروح لحاله ومش هياجى اهنه تاني 

طاهر قال...روحى من اهنه يا ريحانه اطلعى على بيتكم يلا 

بس ريحانه جريت عليه تفكه وقالت بدموع ...لا لا مش هروح مش هسيبك يا طاهر مش هسيبهم يقتلوك مش هسيبهم ياخدوك منى بس ابوها مسكها ورماها على الارض وضربها قلم قوى  

وقال بزعيق ...نيستى طار اخوكى خدها ياناجى احبسها فوق على بال مانخلص جيه واحد من رجالته شالها وطلع بيها وطاهر غمض عيونه بغضب 

وصادق قال....انتو خلاص كده جيتو لحد عندى بس جيه كامل ومعاه رجالته معاه وكان عددهم كتير ورجاله من بلدهم اتلمو حولين المكان وكامل 

 قال...دول  بزات ياصادق بعيلتك كلها 

 صادق قال...جيت برجليك ياكامل هموتهم الاتنين خد رجالتك وروح المسألة بقت مسألت أعراض دلوك قفشته جاى لبتى واحنا فى بيناتنا طار قديم ميفضهوش غير رقبة عيالك 

كامل قال...ده بزات خد طارك  بعيد منه ده برقبيكم كلكم بس

 صادق قال...ولدك  جاى اهنه ليه هو مش عارف ان الى بياجى اهنه منيكم مبيطلعش على رجليه والى يروح عنديكم مننا مبيرجعش خلاص  دى كانت شروط السلام بيناتنا وهو اتخطاها يعنى جنى على نفسه كده هنقتله قدام الناس كلها بكره قبل صلاة  الفجر  دى شروطنا روح ياكامل الله يسهلك احنا  الى عايزينو اخدناه بس واحد كبير من البلد

 قال...كامل مش زمبه ان عيالو تلاته و ولدك واحد فضها عاد يا صادق  

 صادق قال ....وبنات ولدى اللى يتمتوهم ومرت ولدى الى رملتوها دى بت اخوى وانا مربيها كيف بتى

 طه قال....مرت ولدك انا بتجوزها وعيال ولدك انا متكفل بيهم بس طاهر يتجوز ريحانه وتفضو الليله دى عاد زهجتونااا 

والراجل قال...اهه كده تمام يا صادق 

صادق قال....وانا موافق يا حجاج بس  بنات ولدى هيقعدو عندى لبعد العيد 

حجاج قال...ايه قولك يا كامل 

كامل قال...ماشى وفكو طاهر وطه وكامل والحجاج قعدو يتفقو مع صادق وطاهر وطه روحو بس مشيو شوية وطاهر كان عينه على البيت بتاع ريحانه

 وطه قال بغضب ...بتبص كده ليه ها امشى قدامى يلا اخلص 

طاهر قال...علشان خاطري  يا طه 

طه قال....خطر يدق على بابك ماتعرف تأمن نفسك منه

طاهر قال...والنبى يا طه كانت خايفه  عليا قوى قلبى وجعنى عليها

طه قال ....لا مدام قلبك خلاص بس  اخلص عاد ما انا قلبى اللى جايبلي 

وراح شبكله وطاهر طلع وقال ....بت يا ريحانه ريحانه كانت بتبكى وبتخبط على الباب بس اول ما سمعت صوته جريت عليه 

وقالت بلهفه ......طاهر طاهر  انت زين  مش كده انت لسه  عايش مقتلوكش قلبى وقف عليك يا قلبي أنا  وبقت تبكى 

طاهر قال...متخافيش عليا يابت انا  لسه  عايش  وهتجوزك كمان 

ريحانه قالت ببكى ...انا مش عايزه اتجوك خلاص يا طاهر المهم عندى تفضل عايش انت القلب  إللى أنا  عايشه  بيه ولو بعدى عنك هيخليك تعيش انا هبعد هبعد ياطاهر  علشان انت تعيش وبقت تبكى

 طاهر قال...يابت اهدى بقى تبعدى كيف وانت نبض قلبى  قلبى ينبض كيف من غيرك  انا  هتجوزك جد ابوكي  وافق  يجوزنا يا ريحانه 

ريحانه قالت بستغراب ...ايه كيف وافق يعنى ازاى  بس جات زينب وشدت ريحانه لجوه

 وقالت بغضب ....روح من  اهنه  خلاص  عرفنا  انك بتحبها اى مستنى اما رقبتك  تتقطع قدامها عشان  تتأكد انك بتحبها 

طاهر قال...طب خلى بالك عليه سكتيها متسيبيهاش تبكى كده 

زينه قالت...انت كده هتخلى ابوها يقتلها مش يبكيها غور من اهنه يلا ومتاجيش اهنه تانى طاهر نزل وراحو على البيت  وعليا جريت عليهم 

 وقالت بخوف ... طه طاهر عيالى وبقت تحضن فيهم وتقول....انتو لسه عايشين

 طه قال...لا يا اما دى عفريتنا بعدى  بس اروح الحمام الأول ربنا يسترها معاكى وجر على فوق 

وعليا  قالت لطاهر...ايه اللى حصل فين ابوك حلف طلاق ما روح وراه 

وطاهر قال....لا اهدى يا اما احنا كويسين  وابوى جاى ورانا وطلع على فوق ولقى طه بيلف فى الاوضه

 وقال...ايه بتلف كده ليه

 طه قال....بدور على  حته  اتخبى فيها من ابوك  

بس سمعو صوت كامل طالع بغضب وهو بيزعق ودخل 

 وقال ......انتو ايه الى وداكم هناك انتو مش عارفين الشروط انتو عايزين تصغرونا قدام الناس ايه الى وداكم بس طاهر 

قال...اهوه الى حصل عاد يا ابو الكوامل  انا رايد ريحانه وانت عارف 

 كامل قال...هيقتلوك ياغبى هتشلونى وبص لطه 

وقال ...تتجوز وانت كبرت وبقيت تتكلم

 طه قال.. ايه مش كنت بحل انا

 عليا قالت بغضب..... .تتجوز اللى جوزها قتل اخوك وغير كده واحده ارمله ومعاها بتين دى مقلعتش الأسود لحد دلوك وبتقول انا مرت حسان وبحبه ومش هتجوز غيره وعيالى هياخدو طار ابوهم  عايزه تاخدو منكم  ليه كده يا ولدى 

طه قال ...علشان  ميقتلوناش 

كامل قال...اه وانتو  ايه اللى وداكم هناك من اساسو 

طه قال ...ده كله من الجزمه ده قولتلو ميروحش طنشنى ورحت اجيبه مسكونا معقول يعنى انا هروح هناك معقول يعنى انت تصدقها عليى 

 عند ريحانه كانت فرحانه جدا وقالت...بت يا زينب قالى ابوكى وافق يجوزنا هنتجوز يابت هتجوزو اخيرا 

 زينب قالت..... ايه دلوك  كيف هتتجوزو دلوك يعنى فى رمضان

 ريحانه قالت..... رمضان شعبان هو انا لا قيه انا مصدقت 

زينب قالت.....مهو مش عشان  مصدقتى تتجوزى فى رمضان 

ريحانه قالت.....دى اللى علق معاكى فين المشكله  يعنى مش فاهمه

 زينب قالت...... المشكله  فى قمصان  النوم اللى ماليه بيها الدولاب دى هتلبسيهم ميتى ده الواحد على بال مافطر وصلى المغرب والعشاء والتراويح وخد نفسه بياجى معاد السحور وبعدو الفجر طوالي ميتى هتلبسيهم

 ريحانه قالت...اتحشمى يابت بعدين يعنى مجاتش على شهر  انا هستناه انشاء الله سنه مش بس شهر ما انا مستنياه بقالى تسع سنين محبكتش يعنى 

 زينه قالت....اه ازا كده يعنى تتبلع  شويه بس برضه غريبه قوى بس جيه صادق 

وقال...بت يا ريحانه روحي اجهزى علشان هياجو ياخدوكم بكره باليل 

ريحانه قالت بفرحه.....يعنى هتجوزنى لطاهر بكره بالليل يابوى 

صادق قال...اه بكره بعد العشا 

زينه قالت...وايه ياخدوكم دى يا عمى

صادق قال....انتى هتتجوزى طه يازينه 

زينه قالت...طه مين 

صادق قال...طه ولد كامل

 زينه قالت بزعر... ايه مين قلكم انى عايزه اتجوز انا مش راضيه اتجوز حد بعيد عشان  تجوزونى اخو اللى قتل جوزى طب انا قايله انى هاخد طار حسان جوزى هاخدو من مين من جوزى بردك كيف دى 

صادق قال ...تعالى معاى اوضتى عايزك

 زينه قالت...ليه اتكلم دلوك يا ابو حسان 

ريحانه قالت...فى ايه يابوى 

صادق قال....روحى انتى  جهزى حاجتك يا ريحانه وانتى يازينه  تعالى معايا زينه راحت مع صادق وريحانه بقت تجهز حاجتها وتانى يوم  الصبح   كان طاهر واقف فى البلكونه وشاف   ريحانه ماشيه هى وزينب ماشين سوا جرى مسك الفون بتاعه واتصل عليها وريحانه ردت 

وقالت..اه يا عبير انا فى الشارع دلوك رايحين الدكتور ببنت زينب اما اجى هبقى اكلمك وقفلت

 وطاهر قفل وقال...ليه ما راحش ابوها ليه هى يعنى كده ماشين من غير راجل 

طه قال...انت بتعمل ايه هنا مين اللى رايحين لحالهم 

 طاهر قال ...بكلم ريحانه فى التلفون  وقالتلي 

 بس طه قاطعه

 وقال بدهشه ....لا هو انت معاك رقمها وبتكلمها عادى كده 

طاهر قال ....ايوه عادى 

طه قال بغضب...هو ايه اللى عادى تعدى عليك مقطورة قصب  سواقها أحول ولما معاك الرقم مشندلنا معاك فى الشباك ليه متكلمها

طاهر قال ...لا هو ده يبرد نار الشوق  بردك  مفيش زى شوفت الحبيب انا اشوف عنيها انسى هموم الدنيا كلها  اول ماتبصلى كده احس انى مش فى الدنيا مش بفكر فى  اى حاجه تانى ياطه ولا لما بتمسك يدى مش انا الراجل بس بحس بأمان مفيش زيوه تانى بحس انى مرتاح قوى 

طه قال....بس بس يا روميو اشربلك ميه صيامك عليه العوض ومشى  وتانى يوم باليل كان طاهر واقف بيعدل هدومه قدام المرايه 

وبيقول.... والله  يا بخت اللى اخوه راجل  ده انا هسمى اول عيل طه والتانى طه والعاشر طه انا همشي اخلف كده واسمى طه وانا ماشى

 طه قال ...امم لا متسميش عليا متشكر يلا بينا 

طاهر قال...اوعى تحسسني بزمبك ياض 

طه قال...لا متحسش بس إياك تسحبنى معاك فى بلوه تانى 

طاهر  قال...لا كده توبه يلا جبرت  وراحو على بيت صادق وكتبو الكتاب وروحو على بيتهم وكانت ريحانه لابسه فستان الفرح  وزينه كانت لابسه عبايه سوده والنقاب بتاعها  وطاهر بص لريحانه 

و قال...خشى برجلك اليمين يا عروسه 

ريحانه قالت...  بفرحه انا هخش برجلى وبقلبى كلى كده  انا هموت من الفرحه بقولك ايه ماتشيلنى ياض ياطاهر مش قولتلى انك هتشيلنى لما نتجوزو 

 طاهر  قال  ....يابت بعدين اما نطلع اوضتنا امى واقفه مينفعش دلوك 

 ريحانه  قالت..اوه العرسان بتشيل من تحت يا طاهر 

طاهر قال.... مين اللى  شالك قبل كده يا حلوه 

ريحانه  قالت....  انت فى الحلم كنت كل ليله معايا وكنت تشيلنى من اهنه 

طاهر بص لعيونها  وقال  ....وانتى كمان مفارقتنيش ابدا 

 طه زقه بايده وقال..يلا  طاهر و ريحانه طلعو شويه على السلم 

وطاهر قال...عن اذنك يا طه انت مش غريب وشال ريحانه وطلع بيها  

وطه قال...شيل ربنا معاك  ومأخذتك كمان معاك وصلو اوضتهم وقفل الباب برجله ونزلها على السرير 

وقال...بت  يا ريحانه  انامش  مصدق نفسى خلاص بقيتي معايا واخدتك كده قدام الخلق 

ريحانه  قالت.... يالهوى  انا اللى كنت هموت يا واد كانو هياخدونى منك يا طاهر 

طاهر قال....ياخدوكى كيف يا بت وانتى روحى ياخدو روحى واسيبهم  كده عادى ده انا كانت روحى تروح قبل ما تبقى لغيرى 

ريحانه قالت...يالهوى بعيد الشر عنك ياض ده انا كنت اقتل نفسى قبل ما ابقى لغيرك  انت قلبى وانت دقاته وانت روحو ونبضاته طاهر قال...ياولا العب ليلتنا فل 

عند طه دخل اوضته و قال...اتفضلى  يا  زينب  زينه  دخلت برجلها الشمال طه خد بالو

و قال...انتى دخلتى برجلك الشمال ليه ..

.زينه قالت...عادى 

طه قال...تمام بس هو يعنى بس قطع كلامه لما زينب بصتله 

وقالت... بص عاد انت هتنام بعيد منى انت فى حالك وانا فى حالى وبصتله بطريقه غريبه 

 وقالت...انا مش عايزه اخلف منك انا عندى اتنين يتمى مش ناقصه يبقو تلاته انت عمرك قصير قوى  باين على جبينك طه بصلها بطرف عينه 

وقال....ليه  انتى ازاى عرفتى من جبينى يعنى

 زينه قالت....باينه انت عمرك قصير جدا 

طه قال بخوف بيحاول يداريه.... ايه انتى اكيد مصدومه من موت حسان فا بتاقلمى نفسك على حكايه  الموت دى  صح 

زينه  قالت....لا  انت عمرك قصير وبصتله جامد 

وقالت بفحيح مرعب ....اقصر من ماتتخيل طه بلع ريقه بخوف وطلع من الاوضه وراح عند طاهر

 عند طاهر كان واقف على بابا الحمام وقال...ما تيلا بقى يا ريو بقالك ساعه جوه الفجر هيادن علينا وانتى جوه 

ريحانه قالت  من جوه ...ما انت مش بتساعدنى اخد الأحمر ولا الأسود 

طاهر قال...ولا واحد سيبيهم عندك وتعالى بس الباب خبط 

طاهر قال .....اهه الباب خبط خليكى عندك عاد يا محتاره وراح فتح 

وكان طه وقال ....الحقنى يا طاهر المجنونه  اللى جوه دى بتقول حبل عمرك قصير وتموت ومش عارف ايه

 طاهر قال. ..لا اهدى كده موت ايه اللى بتتكلمو فيه فى ليلة فرحكم 

طه قال...فرحكم قول ليلة وكستكم  ليلة بلوتكم بس جات عليا 

وقالت ..انتو هنا كويس نادو حريمكم عشان يجهزو السحور

 طاهر  قال..ايه مين اللى يحضر السحور يا اما مش كفايه متجوز فى رمضان كمان هنحضر سحور ده انتى لو متفقه مع صادق  مش هيبقى كده ما كل يوم بتحضرو السحور مجاتش من يوم يااما يعنى 

 عليا قالت ...انا بتى مش خدامه عشان  تحضر لحريمكم وتطلعهولكم لحد عنديكم ومن هنا ورايح اللى مرتو مش هتخدمو مايجيش يطلب حاجه من بسمه وطلعو زينه وريحان على الصوت وريحان 

 قالت...خير يا طاهر  فى ايه

طاهر  قال..انزلى حضرى السحور مع امى ريحانه  بصتله بطرف عينها

 وقالت...ايه 

طاهر قال ...انزلى حضرى الوكل 

 ريحانه  قالت ....طب هلبس عبايتى واجى 

عليا قالت  ......معلش كنت عايزه ابدر قبل ماتقلعى بس جات كده 

زينه قالت بضحك ..اوو بسرعه كده  

ريحانه قالت...اه دى حماتك كانت عايزه  تبدر اكتر بس ملقتش مواصلات 

زينه ضحكة وقالت  ....يلا يا رورو  انا كنت متوقعه بصراحه بس متوقعتش بالسرعه دى ونزلو  المطبخ يجهزو السحور بس 

عليا قالت...انتى ليه لسه لابسه لأسود انتى مش خلاص اتجوزتى

 زينه قالت...لبساه على جوزى يا حجه 

 عليا قالت ....ياساتر يارب ايه الفال الوحش  ده جوزك طه كيف فلقت القمر

 زينه قالت...اه هو فلقه وكل حاجه بس انا جوزى طارق طه ده مليش صالح بيه انا هقلعها بعد العيد يا حجه  

وعليا قالت....اشمعنا بعد العيد يعنى 

زينب قالت.....بعد العيد هتعرفى 

عليل قالت....لا هتقلعيها دلوك مش بمزاجك 

زينب قالت...اما نشوف وراحو حطو السحور وقعدو يا كلو بس 

طه قال...ما تقعدى تاكلي يا زينب 

 زينه قالت...لا هروح اكل فى المطبخ عشان  النقاب مش هعرف اكل بيه 

كامل قال...اقعدى يابتى محدش  غريب  طاهر ده اخو جوزك يعنى كيف اخوكى وانا كيف ابوكى  وطه جوزك مين غريب 

 طه ضحك وقال...روحى روحى يا زينب الله يسهلك زينب مشيت 

وطه قال.... جوزها نفسه مشافش وشها لسه عشان يشوفو اخوه وخلصوا اكل وبعد وقت كانو قاعدين الأربعه سوا

 وطاهر قال...عايزين نعرف ايه اللى حصل وبدايت الطار كانت ايه وليه احنا طلعنا لقيناه وحتى منعرفش سببه

ريحانه  قالت....  اه ولازم كمان  نعرف ليه طارق وحسان قتله بعض 

طه قال بغضب.... قولنا تسعين مره المطوه اللى اتغز بيها حسان مش بتاعت اخويا اخويا مش بيشيل الحجات دى اصلا

زينه قالت بضيق.....امم صدقناك احنا امال جابها من فين يعنى 

طه قال...الله اعلم عاد  انا ايش عرفنى يمكن حد ادهالو  وعنك ما صدقتى بس هو حسان مقالكش حاجه

 زينه قالت...لا عادى كان عايز ياخد طار عمه منيكم

 طاهر قال...ايوه ليه ابوى قتل عمو صادق  مكانش عايز  ياخدو الطار ده  قبل ماحسان يموت ليه حسان كان عايز ياخدو 

 زينه قالت. ..عمى صادق بيقول  انو اخوه غلطان ليه منعرفش بس حسان أصحابه كانو بيقولولو انو مقدرش يا خد حقو

  طه قال..اه  اصحابه لا ونعم الصحبيه  يلا ما علينا كده لسه منعرفش اساس الموضوع بس لازم نعرفه نفطر وصلى الترويح ونطلع على مرت حميد هى اكيد عارفه

 طاهر قال...لا اى مشوار عايزين تروحوه يبقى قبل الفطار بعد الفطار ده محجوز وبص لريحانه

 وقال....  وانتى تجهزى للسحور من النهار على اساس نص ساعه تجهزي 

طه ضحك وقال....تعال يامفضوح عشان  ضميرك ده اتجوزت فى رمضان  عشان  تبقى اللى انت  فالقنا بيها دى قدامك طول النهار وتقعدو كده كيف الأخوات اللى فى الرضاعه  

طاهر  مشى معاه وقال...بس ياض وبعد وقت كانو مجهزين سفرة الفطار وقاعدين  بيفطرو سوا بس طه شاف زينه  قاعده بتاكل لوحدها فى المطبخ 

 قال. ..معلش يا جماعه انا  هروح انا اكل مع زينب عليا لسه  هتمنعه  بس 

كامل قال...روح  

طه راح المطبخ وقال....السلام عليكم  زينب نزلت النقاب بسرعه  

وقالت  وعليكم السلام....

 طه قال ...معلش اقعد اكل معاكى زينه بقت رفع النقاب  شويه على قد ماتاكل 

وقالت.... ليه سبت عيلتك  وجاى تاكل معاى طه قعد واكل و 

قال....اصل انا بحس ان الاكل كيف الطريق كده يحب الرفيق واما شوفتك قاعده لحالك قولت اجى اونسك 

زينه  قالت... علشان  النقاب بس يمكن تحسه خنقه بس انا متعوده عليه 

 طه قال...لا انا  عاجبنى على فكره حلوه فكرة انك تبقى مخبيه جمالك عن عيون الناس يابختو حسان بيكى  كان اكيد بيشوف نفسه بيكى

 زينه بصتله بستغراب وقالت...ليه يعنى 

 طه قال...عشان عنده واحده خبت نفسها عن الناس كلها عشان تكون ليه لوحده اكيد هيحس نفسه متميز عن باقى الناس

 زينه قالت....انت جد شايف كده

 طه قال.....اه على فكره انا بيسمونى مدبو اللى بيحسو بيدبو زينه ضحكت بخفه 

وقالت....طيب يا مدبو افندى انا عايزه اروح التروايح ينفع 

طه قال...اه عادى خلاص البسى واخدك معايا صوح يا زينه لو عاوزه تجيبى بناتك يقعدو معانا اهنه هاتيهم بس زينب اتغيرت ملامح وشها وبصتله بغضب

 وقالت...عيالى هروحلهم بعد العيد

 طه قال..... براحتك يا زينب قلبتى كده ليه كلى زينب بقت تاكل .وخلصو اكل  ولبسو وراحو صلو وبعد وقت كانو جاين من  التروايح وطاهر وريحانه كانو ماشين سوا وزينب وطه سوا

وطاهر قال.....تعرفى يا بت يا  ريحانه انا لو جابو الفرحه اللى فى الدنيا كلها  وقاسوها  بفرحتك هتطلع فرحتى اكبر منها بكتير  انا عمرى ما فرحت فى حياتى قد ما فرحت بجوازتى منك 

بقلم جيجى

ريحانه قالت...ايوه صوح ما انا افرح بس تعرف يا طاهر انا حاسه انى هطير من على الأرض كده من كتر فرحتى

طاهر قال ... بقولك ايه يابت يا ريحانه ما تجيبى يدك امسكها ده كان حلمى والله انى امسك يدك كده وامشى بيها قدام كل الناس ويشوفونا سوا ويقولو دى مرت طاهر ريحانه حطة ايدها فى ايدو 

وقالت...اهه لو انت استنيتو قيراط انا استنيتو اربعه وعشرين بس يعنى جد هو انت كنت تحلم بيا كيف ما انا كنت احلم بيك 

طاهر قال....اه انا كمان  كنت اشوفك صاحى ونايم ده انا كان فاضلى تكه واحصل صاحب ليلى  بس طه نادى عليه 

طاهر قال...استنى اما اشوف هادم اللزات ده  عايز ايه ورجعلو  

وقال...ايه يا طه مش شيفنى مع نصى التانى 

طه قال...طيب اسفين لنصك التانى بس انت ساحب على البيت مش قولنا رايحين لمرت عم حميد

 طاهر  قال...هو انا مقولتش لا لا انا مرايحش اى حته بعد الفطره هقعد مع مرتى 

طه قال...يعنى انت كنت بتتكلم جد 

طاهر قال..ايوه والله خليها كده فى يوم من صبحه يعنى فى الصيام 

طه قال..بطل رخامه يعنى انت هتسهر بالليل وتروح معايه فى النهار صدقت انا 

طاهر قال..يعم لما ما اقومش معاك ليها عدل 

ريحانه قالت ....بس يا مورى ايه الفضايح دى انتو بتتكلمو فى الشارع يلا نروح وروحو على البيت وزينب كانت طلعه اوضتها بس  عليا نادت على طه وزينب كملت وطه رجعلها

 وقال.....خير يا ست الناس 

عليا قالت.....خلى مرتك تقلع العبايه السوده دى هى مش ناقصه مرتك جايه تفول علينا ولا ايه 

 طه قال....يا اما هى بس 

عليا قالت بحزم ....لو مرتك  مغيرتهاش  لا انت ولدى ولا اعرفك ودلوك كمان اصحى الصبح الاقيها لابسه حاجه كيف الناس 

طه قال...حاضر يا اما وطلع ورا زينب 

وبسمه قالت...كل شويه تقولي  ما بقاش امكم خلاص اتدبستى فينا متحاوليش

  عند زينب كانت واقفه فى البلكونه بدموع وبتفكر فلاش باك صادق  واقف 

وزينب قالت...ليه انا مرضياش اتجوز واحد غريب عايز تجوزنى اللى أخوه قاتل حسان  يعنى خلاص نسيت  طار ولدك  واخوك

صادق قال... لا ريحانه  قلبها  رهيف وعشان عشقت نسيت انا لا منسيتش انا عايزك انتى اللى تجيبى طار ولدى وأخوى   منهم يابتى انا مليش غيرك 

 زينب برقت بشده  

وصادق قال..ايه خوفتى ولا ايه مش انتى اللى قولتى بناتى هيجيبو حق ابوهم دلوك  انتى اللى هتجيبيه بيدك يا زينه  

زينه قالت...انا 

صادق قال...ايه معوزاش تجيبيلى حق اخوى وولدى وحق بناتك منهم 

زينه قالت...لا عاوزه بس كيف يعنى  صادق طلع كيس من جيبه  

وقال ...بده يا بتى ده هتحطي منه لطه  فى اكله وخلاص على كده بالشفا بس يوم العيد عشان هنضحى بولد العامرى صوح الأضحيه فى عيد الاضحى بس احنا  هنضحى فى رمضان عشان  تبقى معلقه  فى  راس الكل ومحدش ينساها 

 انا خليت بناتك معايا عشان لو ضعفتى يوقووكى ويخلوكى تكملي بسرعه عشان ترجعيلهم بسرعه  زينه  بصت للكيس 

وقالت بخوف ...ده اى ده 

صادق قال...ده سم

 زينه قالت برعب..... طب  وافرض شكه فينا 

صادق قال... لا متخافيش ده ما بيبانش هتبقى كأنها موته طبيعيه اول ما تحطيه وصاحب  اللوداعه اخد وداعته احنا مالنا احنا هندخل فى  الاقدار  ولا ايه ها قولتى ايه 

ايه رأيكم انتو توافق 🤷‍♂️🤷‍♂️

بقلم الكاتبه جيجي

                 الفصل الثالث من هنا 

لمتابعة باقي الرواية زوروا قناتنا على التليجرام من هنا 

تعديل المقال