رواية عشق من عائلة ممنوعة الفصل الثالث 3 بقلم جيجي

 رواية عشق من عائلة ممنوعة الفصل الثالث 3 بقلم جيجي

#الثالث

زينب كانت شارده بس فاقت من شرودها على صوت طه  مسحت دموعها بسرعه 

وقالت....ايه انت كنت بتكلمنى كنت بتقول ايه معلش ما سمعتش 

 طه قال...اه ايه ده مال عنيك حمره كده ليه انتى كنتى بتبكى ولا ايه 

 زينه قالت......لا هبكى ليه انا كنت بنضف بس والغبار دخل فى عينى 

طه قال...قديمه وغبيه قوى الكدبه دى حد ينضف باليل كده بعدين ليه تكدبى مش الكدب حرام تعالى  جارى عايزك فى موضوع  زينه راحت عنده

 وقالت....خير انشاء الله 

طه قال.... كل خير انشاء الله بصى يا زينب  انا عايزك  تقلعى الأسود ده وتلبس حاجه تانى لو مش بتحبى الألوان الفاتحه البسى الوان تانيه بس الاسود ده يعنى مش حلو انا لسه شاب فى اول عمرى وانتى بتفولى علياوكده  الناس تتكلم معلش الزعل فى القلب

 زينه قالت...لا مش هغير حاجه انت اما جيت اتجوزتنى انا كنت لابسها العبايه السوده انا لابسها اديلى خمس سنين وانت مقولتش فى شروط الجوازه انى اغير الأسود انت قولت طاهر  ورياحنه  يتجوزو  وهما اتجوزو خلاص كده يا طه ملكش عليا حاجه تانى 

طه قال...وانا قولت فى شروط الجوازه انى مش هلمسك زينه بصتله بغضب 

وطه قال ..... لا ماقولتش بس لما لقيتك مش عايزه كده قولت خلاص براحتك عشان  مجبركش على حاجه ولا ازعلك  فكيف ما انا مراضنيش زعلك انتى المفروض ميرضكيش زعلى وانا مش بهددك والله انا بفهمك 

زينه شافت انه حاسم أمره بصت لطه وشالت النقاب من على وشها وطه بصلها باعجاب

وقال بزهول..... تبارك الخلاق فى ما خلق ايه ده وبعد الطرحه من على شعرها ومشى ايده عليه  وزينب بصتله بدهشه وعيونها مفتوحين على اخرهم 

وقالت...ايه اللى انت عملتله ده هات الطرحه بتاعتى

 طه حطهم تحته. وقعد عليهم

 وقال بتوهان ....اش اش اقعدى كملى الكلام اللى كنتى بتقوليه وانا هديهوملك كملى بس خليكى فى اللى انتى فيه سيبينى مركز 

زينه قالت ...كنت بقول على العبايه انا بناتى صغيرين  صح بس هم اكبر من سنهم انا مش عايزاهم يا خدو فكره انك اخدت مكان حسان  لا انا عايزاهم ياخدو فكره انك هتعوض غيابه بس   فهمت و لا بس قالت ....انا مش عارفه اتكلم كده  انا متلخبطه  ادينى طرحتى طه شد دبوس الشعر ورماه وبقى يفرد شعرها وزينب نفخت بغيظ  

وقالت...ايه اللى انت بتهببه ده هات الطرحه 

 طه قال... مشاء الله بدر فى تمامه كملى كلامك بس 

زينه  قالت بارتباك.... لحد بعد العيد بس وهغيرها وعد 

طه قال...انتى تلبسي اللى انتى عايزاه براحتك خالص يعنى تلبسي تقلعى زينه بصتله بحده

 وقالت....بعد وجات تقوم بس طه قعدها تانى 

وقال...البسى اللى عايزاه بس وانتى معايا تقلعى النقاب ده  

زينه قالت....ماشى وطه بصلها 

وقال....ليه مش عايزانى وحش انا طب خلينا نقعد سوا  ومتخلفيش منى 

زينه قالت...انا مش عايزك انت 

طه قال...طب مش كده حرام يا شيخه زينب

 زينه قالت...لا مش حرام انا معوزاكش ومقابلاش بيك انا عرفت بعد مقرو الفاتحه بتاعتى  انا مجبوره والجواز ايجاب وقبول وانا مش قابله بيك 

طه قال...طب ايه حكايت العيد دى ليه كل حاجه بعد العيد 

زينه قالت....ساكت قولتلك انا معوزاش 

طه قال...طب انا كمان هديكى للعيد لو جيتى جيتى ماجيتيش هجيب غيرك يا سكر متزعليش منى عاد زينه ضحكة  بوجع 

وقالت...ها اه بعد العيد ابقى  اتجوز 

طه قال ...طب تعالى ننام يلا 

زينه قالت....طيب يلا وراحو مددوا على السرير وكان فى بينهم نظرات  جميله جدا 

وزينه قالت....طه سامحنى يا طه مش بيدى والله مش قادره انساه والله طه مشى ايده على شعرها بحنيه 

وقال...انا مسامح يا زينب انتى زى ضحايا الحرب دى وانا مسامحك وقربها ليه ونامو فى يوم جديد كانو كلهم على طاولة الاكل بيتسحرو ورضوى حطت ايدها على كتف طه 

وقالت....مش هتفرجنى على البلد يا طه طه لسه هيرد بس زينب جات ووقفت جمبه وكانت قصاد عليا وشاورت على عبايتها وعليا بصتلها بضيق  وزينب  شالت ايد رضوى ونزلتها من على كتف طه

 وقالت....لا معلش هو مش فاضى ياختى شوفى حد تانى يفرحك غيره ومعلش اقعدى على كرسى تانى انا عايزه اقعد جمب جوزى وقعدت جمبه وبقت تاكل من تحت النقاب طه بصلها وزينب بصتله  

وريحانه قالت..  طاهر انت شايف اللي انا شيفاه 

طاهر قال....اه شايف وشامم كمان فى ريحت شياط رهيبه من هناك 

ريحانه قالت..شياط بس دى اتفحمت يارب تظبط وخلصو اكل وبعد شويه كانو طه وطاهر  راجعين من صلاة الفجر 

وطه قال...انا شوفت وش زينب امبارح 

 طاهر بصلها بطرف عينه وقال...وشها بس 

طه قال...لا وشعرها كمان 

طاهر قال...بس 

طه قال...اه 

طاهر قال....اصل المفروض تتشاف حجات تانيه 

طه قال...لا ده كتير قوى عليا نعمه وفضل 

طاهر قال...انا اسمع انها حلوه قوى يعنى ريحانه حكتلى عليها 

طه قال....احنا علينا حجات الواحده تتنقب وصاحبتها توصفها 

طاهر قال...لا هى بس قالت إنها حلوه 

طه قال....قوى قوى يا طاهر انا اتسمرت مكانى والله ياض كانى ماشوفتش حريم قبل كده 

طاهر قال..ياه لدرجه دى طيب يا اخوى انت اصلك عبيط وربنا هيكرمك انشاء الله 

طه قال....هى  دى مدح ولا زم والله ما انا عارفلك 

طاهر قال....لا مدح انا بدعيلك كل ما اشوف ريحانه ورحو على البيت ولقو عليا واقفه مستنياهم 

وقالت....طه  ايه انا مش كلمتك امبارح شيفاك كاانك معملتش حاجه واصل يعنى 

طه قال..... معلش يا اما بعد العيد مجاتش من شهر نزعلوها يعنى 

عليا قالت ...وايه الشهر هيحصل بعديه يعنى 

طه قال....ولا حاجه هتكون اتعودت عليا بس هى مش اول يومين كلت لحالها اهي امبارح جات قعدت معانا صوح ليه عشان اتعودت عشان بتحاول تعيش يلا عاد يا ست الكل عايز اقرى الورد بتاعى وطلع على فوق وطاهر راح على اوضته ولقى ريحانه قاعده مستنياه وجابت المصحف 

وقالت....يلا نقرى الورد سوا انا مستنياك عشان نقراه مع بعض 

طاهر قال..... ماشى يا ريوحه  يلا وفردت سجاده الصلاه و قعدو وبقو يقرو سوا عند طه دخل لقى زينب قاعده على السرير 

قال...احم السلام عليكم  

زينب قالت..وعليكم السلام 

طه قال....انتى مابتقريش قرآن ليه النهارده ولا خلصتي 

زينب قالت .....انا خلصت قرايه اقرى انت  واستنتو يخلص وراحت قعدت جمبه 

وقالت....بقولك ايه انا عايزه اجى معاكم اما تروحو لمرت الشيخ حميد 

طه قال...ماشى تعالى 

زينب قالت...طه قولى ايه حكاية رضوى دى 

طه قال...هى امى كانت جايبها عشان تجوزهانى وهى رايدانى كمان بس

 زينه قالت...وانت 

طه قال..انا ايه 

زينه قالت...انت بتحبها يعنى  

طه قال..... ليه بتسالي يعنى هتفرق معاكى 

 زينه قالت ...لا بسال عادى يعنى بس 

 طه قال ..لا مش عايزها ويلا قومى البسى ادوبك تجهزى 

وبعد وقت كانو الأربعه وصلو بيت حميد وكانت قاعده معاهم ست كبيره

 وقالت...يعنى انتو عايزين تعرفو ايه فى الحكايه 

 طاهر قال...كل حاجه عايزين نعرف  بدت كيف  وعلى ايه 

الست قالت ...هى بدت لما ابوك قتل اخو صادق

 زينه قالت..... ابوى 

الست قالت.... لا اخوهم اسمو حسن حسان مسمى ولدك عليه يا زينب  هم ٣ رجاله واختهم كمان سمت عليه الود اللى كان صادق هيجوزه لريحانه وحسن ده كان صايع حبتين الله يرحمه  

طاهر قال...ليه ابوى قتله طيب  وليه عمى صادق مكانش عايز ياخد حقو الاول 

طه بص لطاهر وقال...عمك مين يا خويا 

طاهر قال ... عشان ريحانه قاعده 

طه قال...امم كملى ياحجه ليه ابوى قتله 

الست قالت....اصل هو كان عينه من عليا هى مكانتش عايز ابوك فى الأول وهو اخوهم ده بقى كان يكلمها وكده وكانت عليا صدقته ان هو بيحبها وهيتجوزها وكانت عايزه تتجوزو بس هو لعبى ومش بتاع جواز  وابوها كان عم كامل 

طه  قال...اه احنا دى عارفينها 

ريحانه قالت...استنى بس ياطه كملى يا حجه 

الست قالت....ابوها  خاف عليها  فجوزهالو عشان مايديهاش لحسن قام حسن راحلها البيت عليا بقت تمشيه

اكتر من مره وقالتلو انها متجوزه كامل وانها خلاص كده مش هينفع ترجعلو وانه  يشوف غيرها  بس هو فى مره مرضاش يمشى وغلس عليها كامل رجع البيت ياخد حاجه لقيه بيضايقها مسكه نزل فيه ضرب وخبطه فى الحيطه جاب اجله وقع ميت  

زينه قالت....طب وحسان وطارق 

الست قالت....حسان كان بيتعاير بطار عمه اللى ما اخدهوش فا اتخانق مع طاهر وطارق غزه عشان يسيبه بس هو ضربو فى نفس الوقت واتلمت الناس وعملوا الشروط اللى انتو ارتوها حميد كان نفسه يصالحكم بس اهه راح عند اللى خلقه  قالو الله يرحمه 

وطه قال....يلا بالاذن احنا 

بس زينه قالت....يا حجه انتى تعرفى ابويا مات كيف 

الست قالت....كان رايح هو وامك مكان وسابك مع مرت عمك لان امك كانت حامل كانت رايحه تتابع واتقلبت بيهم العربيه 

زينه قالت بدموع ....انتى متأكده يا حجه 

الست قالت...ايوه  يا بتى 

زينه قالت....ماشى ومشو شويه 

وطاهر قال...شوفت يا طه طلع ابوك موت الراجل 

طه قال....ده اللى همك  سمعت انت ابوك اتجوز امك غصب امال كيف دلوك متبدلهوش بسلسلة تلاتين جرام انا هشت  

طاهر قال....اسكت عشان انا عارفك اما تهنج منى انت لابتحمل المفاجأه  ولا بتحمل الجوع  اهدى تعالو يا شباب كده نقعد فى حته نخد نفس 

طه قال ....ما انت اللى حكمت رأيك وجبتنا فى الصيام  عشان متضيعش ساعتين زمن كان شربنا بق ميه نزل الجبال اللى على صدرنا دى 

طاهر قال...اه لا كده نروح عشان هو سرفل خالص يلا يلا ولسه هيمشو شافو  حسن وقف قصادهم 

وقال..ايه طلعتوا بدرى كده ليه الناس بتقول شهر عسل وانتو حتى محصلتوش اسبوع  

طاهر قال ...روح من هنا يا حسن مش ناقصاك انت هتحاسبنا ولا ايه حسن قال ابدا انا بس قولت ارد السلام على  ريحانه 

طاهر قال...وترد السلام عليها بمناسبة ايه 

حسن قال...ريحانه دى كانت بتاعتى ولسه بتاعتى حتى وهى على زمتك وهتفضل كده وانا هخدها منك كيف ماانت خدتها منى هرجعها يعنى طاهر مسكه من هدومه بغضب  ولسه هيضربه بس طه شاله من وسطها بعده 

وقال ....غور من اهنه ياض أخفى يلا وطاهر كان بيحاول يفلت من طه وبيشتم وحسن مشى بسرعه وطه حطه فى العربيه 

 وقال..... يلا اركبوا بسرعه زينب وريحانه ركبه بسرعه وطه كان ماسك طاهر وحاجزه فى الكرسى اللى ورى  وقفل باب العربيه وركب وساق بسرعه وطاهر كان عمال يزعق ويضرب فى طه

 ويقول .....وقف العربيه انا هقتله يعنى هقتله نزلنى  انت مسمعتهوش يعنى قال ايه  نزلنى ده بدل ماتضربه معايا بتمشيه منى ياغبى 

 طه قال...عشانك ياحمار افهم عندهم صراصير بلاعت ويقولو عليهم رجاله الواحد قبل مايلمسوه يتغرز فى الارض وهو اساسا نص عمر تخبطه يموت وبعد كده يتهمونا فيه ويقولو شاب فى عمر الورد ده على كده يحسبوه راجل وياخدو طارو واحنا مصدقنا خلصنا عاد  بس زينب كانت قاعده جمبه بصتله بغل 

قالت...ليه بقى انشاء الله رجاله ورجاله قوى كمان الله يرحمه متجيبش سيرة الميتين هو كان ارجل منك هو مستحيل يتجوز واحده وهو عارف انها مغصوبه عليه  ريحانه وطاهر بصه لبعض بزهول 

وطه بصلها بشر قال....اه معلش جات فى المرحوم عاد مش مقصوده دى متتحمقيش قوى كده ولمى لسانك بس 

طاهر قال...خلاص يا طه ابو عيالها وزعلت عليه خلى بالك على الطريق لتقلبنا بس 

 طه قال...امم ماشى انا مخلى بالى وفضلو ساكتين لحد ماروحو وطاهر طلع اوضته 

وقال ...ريحانه  ريحانه جات 

وقالت...ايه 

طاهر بصلها وقال ...هى كلمة بحبك بتبوظ الصيام تفطر يعنى 

 ريحانه قالت...ليه يعنى 

طاهر قال...عشان انا عايز اقولك انى بحبك بس خايف اجرح صيامى ريحانه ضحكت بخفه 

وقالت...طب ماتقولش بقى لتفطر  

طاهر قال....لا انا مش هقول دلوك اما افطر عاد بس هفضل احبك لآخر يوم فى العمر واخر دقه فى القلب عند طه دخل الاوضه وقفل الباب بغضب 

وقال....ايه لزمته الكلام ده انا مش راجل ورجل الكنبه اللى كنتى واخداه ده راجل وارجل منى كمان ماشى يا زينب  انا مبقتش راجل عشان  سبتك وانتى مرتى انا قولت اسيبك مدام مش عايزانى بس براحتك  اصلا انتو كده الواحد لما يتهاونو معاها تسوق فيها  انا هعرف كيف اخليك تقدرينى فى غياب الناس قبل حضورها 

زينه قالت....بطل كل شويه تقول سبتك وتهدد انا قولتلك انى مش عيزاك وخلصنا اللى معاك واللى عايز تعمله كله اعملو وبطل تزلنى كل شويه وتحسسني انك بتمن عليا 

طه قال....انا مش بزلك وانتى كلك على بعضك مش فارقه انتى زعلانه عليه  وانا كمان كان نفسى اخطب واحب واتكلم مش اتجوز واحده لابسه الاسود على راجل وهى على زمتى ونزل من الاوضه بغضب وزينه قعدت على السرير بدموع  وبعد ايام كانو كلهم متجمعين حوالين سفرة الفطار  

وعليا قالت...كامل الشهر خلاص قسم فاضل كام يوم وياجى العيد 

 كامل قال...كل سنه وانتى طيبه ايه المطلوب عليا 

قالت...طاهر وطه هيروحو مع حريمهم يجيبو هدوم العيد وبسمه هتطلع مع خطيبها بس 

طاهر قال...ايه ده من ميتى بنطلع بناتنا مع خطاب 

كامل قال ده مش خطاب ده ولد اخوى 

طاهر قال... اه ولد اخوك 

وكامل قال... اه ولد اخوك واتلم كملى ياعليا 

عليا قالت.... تسلم انا عايزه اطلع معاك اجيب هدوم انا كمان 

كامل قال...بس كده حاضر نروح انهارده

 طاهر قال ....لا احنا رايحين النهارده

 كامل قال ...خلاص خلينا احنا بكره  

عليا قالت ...ماشى ياحج اللى يريحك 

وطه بص لعليا وقال....صح يا اما احكيلنا انتو اتجوزتو كيف 

يعنى كامل قال ...انت بتسأل ليه دلوك 

 طاهر قال....عادى يا بوى كنا  بنتكلم عن قصص الحب وكنا عايزين نعرف قصتكم يعنى نكتب اسمكم فى كتاب العاشقين ولا مش موجود 

 عليا قالت....طبعا يتكتب لو اسمنا احنا متكتبش فى الكتاب  يبقى مافيش كتاب من اساسو  ابوك خد عشر سنين يحبني ومش عارف يقولى كيف مع ان احنا كنا عيال عم وساكنين سوا وانا مااخدتش بالى ليه ما كنتش اصل شيفاه  كنت اشوفه كده هيبه زى ماكل الناس بتهابه 

كامل قال....عليا ايه بتقولى اسكتي 

عليا قالت...خلينى اقولهم كيف حبيتنى  

كامل قال ....لا اسكتي متقوليش حاجه 

عليا ضحكت و قالت...طب اقولهم ازاى قولتلى انك بتحبنى 

كامل قال...برضه لا وبعدين عاد 

عليا قالت.. طب اروح اصلى معاهم الترويح واحكيلهم على الطريق   

كامل قال....انا قولتلك أن الصلاه فى البيت  

عليا قالت...طب خلاص يا بنات عاد اقولكم واحنا بنحضر السحور  وانتو كمان يا ولاد تعالو معاهم كامل بصلها بغيظ 

وعليا قالت ...خلاص مش هقولهم حاجه 

 وبعد وقت كانو طاهر وريحانه واقفين بيشترو وطاهر 

قال....تعالى يا يا ريحانه نجيب حجات من اهناك 

ريحانه قالت....انا جبت من هناك كتير قوى 

حتى زينه قالت هتلبسيهم ميتى 

طاهر قال...انا عايز اجبلك الحجات اللى فى الدنيا دى كلها تحت رجليكى 

بقلم جيجى 

ريحانه قالت...لا انا خلاص كده اكتفيت بيكى ومش عايز حاجه غيرك واصل 

طاهر قال...اه هو كلام حلو وكل حاجه بس انا مصر على الموضوع 

ريحانه قالت.. خلاص بدام مصر يلا وراحو سوا عند طه كان واقف بملل 

وقال ....زينب خدى حاجه ليكى اديلك ساعه واقفه كيف التمثال اللى وراكي ده  انتى مخدتيش حاجه واصل 

زينب قالت.....انا قولتلك معوزاش حاجه وانت قولت لازم اجى و اهينى جيت هملنى لحالى عاد 

طه قال...خلاص عنك مااخدتى بصى الفستانين دول ياجو كد بناتك زينه بصتله بحده 

وقالت...وانت مالك ومال بناتى انت تجبلهم بتاع ايه 

 طه قال...انا قولت انى هتكفل بيهم ماشى وعدى ايامك العسل الأسود دى على خير يا زينب ياجو كدهم ولا لا

 زينب قالت ...ياجو طه خدهم ووقف جمبها وحط ايده على ضهرها  وزينب بصتله بستغراب وبعدت  

وقالت...بتعمل ايه انت اتهبلت يا طه

طه قال..... لأ ولا حاجه عادى وراح دفع وروحو سوا ونامو فى صباح يوم جديد كانو زينب وريحانه بينضفو وريحانه 

قالت...اديلكم ايام متخانقين وهو بكلمك على قد الكلمه  لسه متصالحتوش 

زينه قالت...واصالحه ليه ما يخبط راسو فى الحيط  

ريحانه قالت....اعقلى يا زينب ده جوزك قوليلى مش بقى جوزك برضك زينه بصتلها بطرف عينها 

وقالت...لا لسه  مبقاش ومش هيبقى انا مرت حسان ومش عايزه غيره طه ده مليش صالح بيه عليا سمعتهم دخلت 

وقالت ...اقعدو عيزاكم ريحانه وزينه قعدو وعليا قعدت جمب زينه وحطت ايدها على كتفها 

وقالت...تعرفى يا زينب انا لما اتجوزت كامل مكنتش ريداه كنت عايزه حد تانى بس ابوى جوزهولى انا ممنعتوش منى لانه جوزى بس هوا قال..انا مش هقرب من واحده مش عايزانى  وسابنى وبعدين لما حبينا بعض حتى جبنا العيال دى وحطت ايدها على شعرها  

وقالت...واحنا باصين ورانا ممكن العوض يكون قدامك ومتشوفيهوش وعيالك صغيرين وصادق مش قاعدلهم  وانتى لسه صغيره  متضيعيش عمرك هاتى بناتك وحاولى تعيشى وطه شاب حلو ومسبقلوش جواز احسن ما واحده كده ولا كده تشقطه منك زينه هزت دماغها بأيوه  

وقالت...حاضر وطلعو سوا وشافو رضوى واقفه مع طه وطاهر ريحانه وزينب راحو عندهم بسرعه وريحانه 

قالت بغيظ ...طاهر انت بتعمل ايه هنا 

طاهر قال.... عادى بنتكلم مع رضوى ايه رأيك ننزل مصر بعد العيد 

ريحانه قالت...عند رضوى يعنى  

رضوى قالت...اه تيجو عندنا 

ريحانه قالت....لا هنقعد هنا وتعال معايا متقفش هنا طراوه عليك 

طاهر قال...صايمين الصبر يارب العالمين 

طه ضحك وقال ...اه القلب حنين والفجر لسه يدوب  ميدن 

رضوى ضحكت وقالت...اه عريس بقى وغيره وشوق 

زينه بصتلها بغيظ وقالت...طه انا عايزاك دقيقه 

طه قال .....تمام وراح معاها راحو على الاوضه عند طاهر كانت ريحانه واقفه بغضب وبتقول كنت بتكلمها انا شوفتك يا طاهر كانت بتقولك ايه 

طاهر قال...اه كنا بنتكلم عادى احنا 

ريحانه قالت... ليه ليه انت مش عارف انها لازقه فى اى حاجه 

طاهر قال...لا هى عينها من طه مش منى 

ريحانه قالت....عادى برضه هى مش هتفرق معاها مش زينه قالتلها روحى شوفى حد تانى اهى شافت انت  لاتطلع مع حد ولا تتكلم مع حد انا مصبرتش ده كله عشان اما اجى بدل ماتقعد معايا تقعد مع غيرى وتتصعصع معاها   

طاهر قال...يا وليه استهدى بالله اروح لغيرك كيف مش اما اروح معاكى انتى الأول 

ريحانه بعدت وقالت.... ابعد اكده انا صايمه ومتروحش اهناك تانى هى ميتى هتمشى 

طاهر قال....هى كانت هتمشى بعد العيد بس دلوك خلاص مش هتمشى 

ريحانه قالت....ليه 

طاهر قال....بقيت بقعدتها سعيد عشان شوفت الغيره دى تعرفى يا ريحانه من زمان مشوفتش الغيره دى 

ريحانه قالت....اه فاكره من وقت مقفشتك مع بت الحج سعيد مش كده طاهر اتغيرت ملامحه 

وقال.....كده يا ريحانه كده  عند طه راح

 وقال...ايوه  يا زينب خير  

زينه قالت...الاول شكرا عشان عبرتني وجيت وبعدين انا عايزه الشنطه اللى على الولاب دى عيزاك تنزلهالى عشان انا مش لحقاها والله حطيت الكرسى وكمان ملحقتهاش الكرسى قصير 

 طه ضحك وقال ...اه هو قصير قوى بصراحه 

زينه بصتله بغيظ وقالت....انت قصدك ايه انت بتتريق عليا صح 

طه قال ...لا لاسامح الله انا اقدر كده الأول الشكر لله على  انى عبرتك يعنى وبعدين حاضر انا هطلع اجبلك الشنطه بس انتى مالك بيها عايزاها ليه 

زينه قالت....هحط فيها حجات 

طه قال ...تمام  بس اسندى الكرسى ده عشان مش مرتاح ليشقلطنى  وركب على الكرسى ومسك الشنطه 

وقال...اهيه الشنطه ولسه هينزل بس زينه  فونها رن بعدت تشوف المتصل وطه وقع على الأرض وزينه شهقت بخضه وراحتله بسرعه  ومسكت ايده تقومه 

وقالت بسرعه  ....انا اسفه والله انا روحت  اشوف الموبايل ليكون بنتى والله اسفه مخدتش بالى 

 طه قال...لا عادى سلامتك من الأسف انا مش مهم اصلا  هيحصلى  ايه يعنى ما انا زى القرد اهوه وزينه بصتله بدموع وشدته توقفه 

وقالت ...اسم الله عليك مش تاخد بالك طيب 

طه قال ...اه انا اللى مش اخد بالى والكرسي اللى  قصير انتى اللى ضايعه مننا الله يخليكى ركزى 

زينه قالت...معلش انا عقلى متوتر شويه الفتره دى وكمان اسفه على الكلام اللى قولتو يومها 

طه قال....كلام ايه ده 

زينه قالت...على الكلام اللى قولتو فى العربيه قدام طاهر وريحانه 

طه قال بسخريه ....اه  قصدك عشان قولتى انى مش راجل لا عادى ولا يهمك  انتى لسه فاكره 

زينه قالت.....انت كمان لسه فاكر

طه قال...... لا انا نسيت 

زينه قالت....يعنى هو انت متغير قوى فى اليومين دول

طه قال.... لا ابدا انا لقيت انك مش حابه قربى قولت ابعد شويه عشان تبقى على راحتك بس مش اكتر يعنى 

 زينه قالت....طه هو  انت بقيت بتقرب من رضوى دى كتير  ليه انت مش قولت انك مش عايزها 

طه قال....اه بس لو انتى فضلتى بعيده كده كتير انا مش هترهبن يعنى هتجوز عليكى يعنى واحده تشوفنى راجل وهى بت خالى وأولى من غيرها يعنى وريدانى ليه لأ  زينب بصتله بغضب وو 

🫣مش انا ده هو👈 اللى قال الله يرحمه🤲 بقى  كان حلو بس غبى 🤦

القصه بقلم الكاتبه جيجي 

                   الفصل الرابع من هنا    

لمتابعة باقي الرواية زوروا قناتنا على التليجرام من هنا 

تعديل المقال