رواية الشيخ مرجان الفصل الحادي عشر 11 بقلم محمد يوسف
#البارت11 🖊️ Mohamed Youssef Sultan
يمكن خوفي من ابويا هو اللي شجعني أن اعمل كده مع
ام سامح ..أنا نفسي مش عارف جبت الجراء أن اقف
قصادها هي والنجس دا ازاي وحمدت ربنا اني قدرت
امسك عليها وحدة واسومها واجبرها انها متفتحش بوقها
وفعلا اول ما رجعنا شقتها اخدت المفتاح منها وروحت
البيت ....يااااااه موصفلكوش فرحتي برجوعي البيت قد
اي ..كنت حاسس اني اتحرمت منه بقالي سنين مش ٤
ايام بس كان عندي شغف كبير أن أكمل قراء الكتاب
الموضوع كان أشبه بنسبالي بالقصة او رواية أو فيلم
شفت منه كام مشهد وشدني وعندي فضول رهيب اكمله
واعرف نهايته .بصرف النظر أن كاتب الكتاب حد بارع
وخبير في جميع انواع السحر إلا أنه بارع وفي الكتابة
وأسلوبه ممتع وشيق يجذبك تكمل فهمت جميع انواع
السحر ..السحر الابيض .ودا بيستخدم في أعمال الخير
والسحر السفلي والسحر الاسود والسحر الاحمر ودا كفر
وبتخرج من دينك حرفيا وبتكون عبد للشيطان وروحك ملك ليه
المهم فضلت اقراء اقراء لحد ما غلبني النوم وصحيت
علي خبط ام سامح قمت فتحتلها ودخلت وقفلت الباب
وقالتلي انت بتعمل اي ياواد هنا لوحدك وكل دا نوم
دخلت الحمام اغسل وشي وخرجت دخلت اوضتي
علشان اسرح شعري وحطيت الكتاب تحت المخدة
علشان متشفوش وتسالني عليه تاني
قالتلي انا جبتلك الاكل معايا وخبيت شنطة المدرسة
بتاعتك وقولت ل عمك انور انك اخدتها معاك وانك
بتروح المدرسة ب انتظام علشان لما يرجع ابوك ميقولش ليه انك كنت بتغيب
الصراحة كنت جعان اوووي قعدت اكل وسبتها ترغي
كملت كلامها وقالتلي مش هتقولي بتعمل اي وانت
لوحدك ..هتخبي علي رورو ياواد
بصتلها ب استغراب وقولتلها مين رورو دي
قالتلي دا اسم الدلع بتاعي
قولتلها قولتي ل انور أنه كان بيتهيالك أن الاوضه مفتوحة
قالتلي بغيظ ..انت بتعاملني ليه كده ..شوف أنا بكلمه في
ايه وهو بيكلمني في ايه ...ياواد أنا ستر وغطاء عليك
قول قول سرك في بير
اضايقت جدا منها ولسه هقوم من ع الاكل واسبلها الشقة
وانزل لحد ما تغور تمشي وتحل عني
قربت مني وقالتلي طب خلاص مش هسال..اقعد كمل
اكلك ياحبيبي ..وبقت تاكلني ب أيدها وتفصص السمك
ولما شرقت قامت جري جابت كوباية ماية وشربتني
مكنتش مستغرب اللي بتعمله بالعكس كنت حاسس اني
انتصرت عليها وكسرت شوكتها وأنها نفسها تعرف أنا
بعمل اي واحكلها علشان تمسك هي عليا وحدة وتهددني
او تضمن مليون % اني مش هفضحها ..كنت مبسوط وانا
كاسر عينها وشايفها متوترة وقلقانة وخايفة مني بس
كنت قرفان اووي منها ومن اللي بتحاول تعمله معايا
دخلت غسلت أيدي ورجعتلها لقيتها خلعت العباية
السودة وبقت بجلبية بيتي قصيرة أشبه بقميص نوم
وقالتلي هلم الشقة بسرعة واغيرلك الملاية وانزل علشان متاخرش ع عمك انور
دخلت اوضتي بسرعة جبت الكتاب من تحت المخدة
ومكنتش عارف اشيله فين ..دخلت عليا بنت الكلب
وشافت الكتاب في أيدي سبتها ورحت الصالة حطيته
وراء التليفزيون ولما رجعت اوضتي لاقتها شالت الملاية
وأكياس المخدات ولما شافتني واقف اعتقدت اني
باصص عليها وانا كنت مستنيها تخلص اللي بتعمله علشان تغور تمشي
بس ام سامح قعدت تطلع ع السرير بحجه انها بتعدل
الملاية وتهز مؤخرتها وتوطي وتعمل حاجات غريبة
عرفت انها كانت قاصده انها تثيرني لما طلبت مني اني
امسك معها المخدة الكبيرة علشان تعرف تدخل كيس
المخدة فيها شفتها وهي بتبص علي جسمي من تحت
عايزة تشوفني اتاثرت ولا.. وانا فعلا مكنش في دماغي
خالص ولا شاغلني اصلا الموضوع ومعرفوش وحتي لو
اعرفه لا يمكن ومستحيل انها تثيرني لاني مش شايفها
ست ولا مثيرة اصلا وقرفان منها
لما فقدت الامل قربت مني اووي وقالتلي هو انت جميل
اوي كده ازاي ياواد ..تصدق انا زي اللي اول مره اخد بالي
منك . يخربيتك انت عملت فيا اي ..انت طالع حلو كده لمين ..
فضلت ارجع لورا ارجع لورا وهي تقرب ومصدوم بجد
من الجراء والبجاحة اللي هي فيها واول ما ضهري لمس
الحيطة قولتلها انتي عايزة اي ياأم سامح
قالتلي بمياصه أنا مش عايزة حاجه 💃 انت مش عايز حاجه يامرجان 😉
قولتلها لا مش عايز ..انتي مش غيرتي الملاية
اتعصبت وملامحها اتغيرت وغضبت وقالتلي خلاص ع
كيفك وطلعت برا وشايفها وهي بتلبس عبايتها السودة
وكانت معتقدة اني هطلع وراها واحاول ارضيها بكلمتين
أو استجيب للي كانت عايزاه بس معبرتهاش
رجعتلي وقالتلي أنا اتكلمت مع انور وهو شال الموضوع
من دماغه خالص عايز مني حاجه تاني
قولتلها لا شكر
لفت وشها وبنرفزة قالتلي العفو وسامع صوت دبدبة
رجلها من الغيظ وهي رايحة تفتح الباب علشان تنزل
يتبع
