رواية الشيخ مرجان الفصل الواحد والعشرون 21 بقلم محمد يوسف
#البارت21 🖊️ Mohamed Youssef Sultan
الغريب بقي أن صبحي بقي يعاملني اكني صاحبه
حد كبير سني من سنه وأوقات كنت بحس أنه بيخاف
مني ومعرفش اي السبب لحد ما سمعته وهو بيتكلم مع
سامي وبيقوله أن مرجان خلاص بقي راجل ومينفعش
الشدة معاه ولازم اسايس فيه علشان ميعصانيش
..بقيت ممكن اسهر تحت عادي لحد ١٢ وأوقات ١ بليل
اهم حاجه مغبش عن المدرسة ولو صحي ولا قلق قبل
الفجر أو بعده يلاقيني في اوضتي ودا سهل عليا كتير أن
اروح لدساسة
براحتي ..رحت شلت الفلوس مع ام سامح ..وافتكرت أن
سرقها من صبحي وقعدت تقرر فيا ولما قولتلها أن دي
فلوسي محوشها مصدقتنيش طبعا بس عددت الموضوع
ومسالتش تاني علشان متعصبش ومزعلش منها
المهم استغليت أن صبحي نايم واخدت شنطة المدرسة
معايا ورحت للدساسة والمره دي قبلتها ع بوابة المقابر
كانت قاعدة ع الأرض وبتحفر بالمخالب اللي في أيدها
زي اللي بتلعب وجنب منها شجرة صبار وقالتلي كنت
حسه انك جاي ..ابراهيم أخباره اي وضحكت بخبث
قولتلها ما أنا جايلك النهاردة علشانه
قالتلي عايز افك العمل صح
قولتلها أيوة
قامت ومشيت جنبي وحطت أيدها ع كتفي وقالتلي علشان خايب
قولتلها ..خايب
قالتلي ..ايوا خايب ..متعودش نفسك انك تربط وتحل
..دا يقلل من طاقتك ويضعفك يامرجان ..عايز تبقي
خايب زي ابوك
قولتلها مش فاهم حاجه
قالتلي انا هبطل السحر بس بعد كده عود نفسك انك
متعملش عمل ولا سحر لحد وانت اللي تبطله دي حاجات
بتزعل وتضايق الجن اللي مسخره في خدمتك وبتضعفك
قصاده وتخليه يعصاك وممكن ينقلب عليك فهمت كده
قولتلها فهمت فهمت ..طب مين اللي يبطل السحر أو العمل
قالتلي اي حد غيرك ..المهم انت متعودش نفسك انك
تسحر وتبطل لنفس الشخص متعملش الحركة دي كتير
علشان زي ما قولتلك ...ايه اللي انت لبسه دا اول مره
تيجي بالهدوم دي
قولتلها دا لبس المدرسة .. يعني انتي مضايقة وزعلانه مني دلوقتي
ضحكت وقالتلي وانت فاكر اني متسخره لخدمتك ..ولا
أنا من الجن الخدام يامرجان ..أنا ملكة بنت ملك كبير من
ملوك الجان ولولا أن بتعاقب ويقضي فترة عقوبتي هنا
مكناش اتقابلنا ولا حتي كنت هتعرف تحضرني لا
بتعويذة ولا خلوة ولا غيره
قولتلها في جن اسمه زرزور تعرفيه
ضحكت وقالتلي هو دا اللي صبحي مسخره لخدمته صح
قولتلها صح ..دا زي ميمون كده
قالتلي لا طبعا ميمون حاجه وزرزور حاجه تانيه خالص
..زي عندكم كده في عالم البشر بتاعكم مش في رئيس
ورئيس وزراء ووزير ومساعد وزير الخ الخ زرزور دا زي
عسكري كده عندكم ..وقعدت تضحك جامد وقالتلي
اوعي تبقي خايب زي صبحي يامرجان ..واول ما وصلنا
لمكان الحفرة اللي فيها صورة ابراهيم ..قالتلي هتجيب
ديك اسود معاك بكرا وتيجي في نفس الميعاد وبعدين هقولك هنعمل اي
قولتلها حاضر وقولت في سري كويس انها جت ع ديك
ضحكت وقالتلي متفرحش اوي كده لسه في طلبات تانية
بس بعدين بكرا بكرا
قعدت تظهر وتختفي بسرعة رهيبة اكتر من مره لدرجة
أن عيني زغللت لحد ما ظهرت ع صورة خالتي
قولت في سري خالتي تاني وبعدين بقي
قالتلي برقة ودلع وبعدين معاك انت ..اللي يشوفك اول
يوم جيت فيه هنا ميشوفكش دلوقتي
وقعدت ترقص وتستعرض في جمالها وأنوثتها الطاغية
وحركاتها المثيرة اللي تخلي الحجر ينطق من كتر الاغراء
والإثارة ..كنت فاكر أن لما هقرب منها هتمنعني او
هتجبرني أن أطلع اجيب قطة أو كلب زي المرات اللي
فاتت علشان المسها بس المره دي هي اللي قربت
وقلعتني هدومي ودخلت في عالم السحر والمتعة اللي
اتعلقت بيه جدا وبقي شبه ادمان عندي وشايف أنه
صعب احس نفس الاحاسيس والمتعة دي مع اي وحده عادية حتي لو خالتي نفسها
مشيت من عندها وبصراحة كنت تعبان من قلة النوم
وملقتش مكان اروح فيه غير ام سامح واخدت منها
مفتاح بيت امها اللي كنا بنتقابل فيه
واستغربت لما شافت هدومي متربةومتبهدلة شوية
وقالتلي انت اتخنقت مع ابوك ولا وقعت في الشارع
ايه اللي مبهدل هدومك كده
قولتلها اه وقعت في الشارع
قالتلي طب اسبقني وانا هصحيهم يروحوا المدرسة واحصلك
قولتلها متجيش انا هنام وهصحي اروح ل ابويا ..المهم
انا عايزك تشتري ديك لونه اسود وتخليه عندك وهعدي
عليكي بليل اخده منك ديك اسود يالولو
قالتلي لا انا كده هجيلك علشان تفهمني ياروح لولو وابتسمتلي بخبث
مشيت وسبتها وروحت البيت ومع أني كنت هموت وانام
بس مجليش نوم قعدت افكر في كل كلمة قالتها
الدساسة وزرزور وميمون وملوك وملكات الجن وايه اللي
عملته علشان بعقبوها ومين اللي بيعاقبها
.وايه موضوع اوعي تبقي خايب زي ابوك ..عندي شغف
وفضول رهيب اشوف هتعمل اي علشان تبطل السحر
وأشوف نتيجة دا علي استاذ ابراهيم .. شوية وام سامح
جت ولما شافتني صاحي قالتلي يعني منمتش يامرجان
وحشتني ياابن الايه ..مش هتقولي اي اللي كان مبهدلك
كده واي موضوع الديك الاسود دا وعايزه مسلوق ولا محمر
قولتلها عايزه صاحي فيه الروح
قالتلي يالطيف ..انت ياواد ليك في السكة دي ..داهية
لتكون عاملي عمل ..ماهو اللي انا فيه دا مش طبيعي وربنا
كنت عايز اقولها ياشيخة غوري ..دا انا عايز اعملك عمل
يغورك من وشي ولولا الحوجة مكنتش عبرتك
قالتلي انت ساكت ليه..يبقي عاملي عمل
قولت في سري اهو انتي ميمون دا هيبقي بنسبالك علاج
ودواء..دا اللي ينفع معاكي ..وابتسمت
قالتلي طب مش يلا بقي تفك العمل علشان الحق اروح
اجبلك الديك ياروح لولو
قولتلها ماشي بس اصبري هدخل اخد دش خلصنا مع
بعض واتفقت معها انها هتشتريه وهتسيبه في بيت امها
وانا بليل هروح اخده من هناك ورحت ل استاذ ابراهيم
علشان اخد منه باقي المبلغ ..كان قلقان وخايف علشان
مرحتش المدرسة وافتكر اني ضحكت عليه
المهم ووحت دخلت اوضتي قعدت اعد الفلوس وفرحان
بيهم اووي..اول مره امسك مبلغ زي دا عددتهم اكتر من
١٠ مرات وفي الاخر شلتهم جو الكتاب ودخلته جوا
الشنطة علشان صبحي ميشفهمش وعلي بعد المغرب نمت
وصحيت الساعة حوالي ٢ بليل كان صبحي لسه صاحي
فضلت قافل عليا اوضتي ومش بعمل اي صوت خالص
واول ما اتاكدت أنه نام وراح في النوم نزلت
وقبلتها هناك ورحنا عند الحفره وحفرت ب أيدها هي
وطلعت الصورة وغرقتها بدم الديك ومسحتها ب أيدها
قالتلي افصل رأسه وحطها في الحفرة واردم
وارمي الديك بعيد وفضلت ماشية معايا لحد ماخرجنا برا
المقابر قالتلي علي اسم نوعين من البخور يبخر بيهم
الشقة لمدة ٣ ايام ونوع من أنواع المسك الخام يدهن بيه
جسمه وميخرجش من البيت في خلال ال٣ ايام وبعدها
يمارس حياته الطبيعية عادي
سالتها قولتلها ليه كل دا ..مش كنتي قولتي لميمون يبعد عنه وخلاص
قالتلي متسالش كتير واخدتني ع نفس المكان اللي كانت
قاعدة فيه المره اللي فاتت وقالتلي لو جيت وملقتش
الصبارا دي مكانها اعرف اني مشيت يامرجان من هنا واوعي تدخل
قولتلها بخضه تمشي تروحي فين
قالتلي اسمع اللي بقولك عليه من غير نقاش يلا روح
دلوقتي ومتنساش لو ملقتش الصبارا دي ترجع مكان
ماجيت
..معرفش ايه اللي خوفني وقلقني كده بس هي
طمنتني وقالتلي متخفش
مشيت بس استغربت جدا من كلامها والحالة اللي كانت
فيها كان نفسي اعرف ايه اللي حصل معها وايه اللي
غيرها كده مش عوايدها ..كانت ديما تمسك فيا ومتبقاش
عايزاني اسيبها ولا امشي وكانت تضحك وتتكلم معايا
رحت ع بيت ام ام سامح وفضلت قاعد لحد الساعة ٩
الصبح ونزلت البلد علشان اشتري البخور والمسك
ورجعت ع بيت استاذ ابراهيم كان في المدرسة قعدت
حوالي ساعة تحت بيته لحد ما رجع ودخلت وقولتله أن
اشتريت حاجات تانية وعايز فلوسها قالي تحت امرك
اللي انت عايزه ياحبيبي ..قولتله زي ما قالتلي الدساسة
واخدت منه الفلوس ونزلت رحت ع ام سامح اخدت
الفلوس اللي باقية معها حطتهم ع اللي معايا وقعدت
اعدهم وانا فرحان اوووي واخدت نصهم ادتهم لخالتي
وسبت نصهم مع ام سامح وبعدها فعلا استاذ ابراهيم
غاب ٣ ايام ورحتله البيت لقيته بيجهز شنطة هدومه
قالي أنه مبقاش يحلم ب اي حاجه غريبة والعلامات اللي
كان بيصحي يلاقيها ع جسمه اختفت والاذن والقرآن
بسمعهم عادي الحمد لله من غير ما اضايق
قولتله وانت الاول مكنتش بتسمعهم
قالي كنت بسمعهم بس كنت نفسي يضيق واحس بكتمة
نفس وببقي عايز اسد وداني بس انا الحمد لله دلوقتي
احسن شكرا يامرجان..بس كانت نظرة عيونه كلها كره ليا
وغل وخوف في نفس الوقت
يتبع
