رواية الشيخ مرجان الفصل السابع عشر 17 بقلم محمد يوسف
#البارت17🖊️ Mohamed Youssef Sultan
فضلت قاعد اكتر من نص ساعة في القبر اقول التعويذة
واغلط فيها أو انسي كلام منها وارجع اعيد تاني وتالت
ورابع وعاشر وبرضو مظهرتش
خوفت وقلبي بقي بيدق جامد وجسمي بقي يرتعش
ويترجف جامد من الخوف
ووقفت ولسه هتحرك وأخرج
اترسمت حوالين مني دائرة من النار أنا جسمي اتخشب
وفضلت واقف زي الصنم
ظهرت الدساسة وقالتلي أنا قولتلك اي المره اللي فاتت يامرجان
قولتلها وانا مرعوب وباخد نفسي بالعافية من كتر الخوف
والخضة.. ابعدي النار دي عني
وفعلا ب إشارة منها النار اختفت قعدت مكاني وانا سامع نبضات قلبي
قالتلي انا مش قولتلك كتير ان مش كل اللي في الكتب حقيقي
..ايه الهبل اللي كنت بتقوله دا ..انت فاكر أن ظهرتلك في
الاول علشان الكلام الاهبل اللي كنت بتقوله من شوية دا
....وبصوت عالي ومرعب ..مرجاااااااان 😡
قولتلها وانا باخد نفسي بالعافية ولسه خايف ..نعم
قالتلي جااي ليه
قولتلها انا مش عايز اي حاجه ..أنا عايز امشي وبكيت غصب عني
كان منظهرها مخيف علي غير العادة 🥹نفس شكل
الست العجوزة بس المره دي لبسها متقطع ومتبهدل
جامد جروح ودم سايل منها ودم ناشف وبقع دم
متحجرة شعرها عليه طين وفي فراغات من راسها باينة
ومفتوحة وظاهر منها جزء من المخ دا غير كف أيدها
اللي فيه مخالب وشبه كف الدب ورجليها اللي شبه رجل
النعام والصقر شاورت ب صبعها عيني غمضت تلقائي
حاولت افتح في لحظتها بس معرفتش..وبعد ٤ ثواني
فتحت وشوفتها ع صورة خالتي وقربت مني وقالتلي
كان لازم تتعاقب يامرجان ..انت مش مقدر خطورة اللي
بتعمله معايا ..لو جن ولا جنية تانية كان زمانها طلعت
روحك من زمان وايه اللي في ايدك دا
فتحت الكيس وطلعت الشورت وقالتلي ايه دا
قولتلها وانا لسه ببكي أنا عايز امشي 🥹
قالتلي وهي ملامحها باين عليها انها متأثرة بدموعي
ومش راضية عن اللي عملته
قالتلي اتفضل امشي
اول ما طلعت سمعت صوت زي عواء ذئب صوت كان
مخيف جدا رجعتلها تاني وقولتلها ممكن توصليني لحد برا
شاورتلي ب أيدها تعالي
رحت ووقفت قصادها مسحت دموعي وقالتلي لاخر مره
هقولك يامرجان احترم الاتفاق اللي بنا ..ياما العقاب
هيكون شديد ..أنا هنا يامرجان علشان غلطت وخالفت القانون
قولتلها قانون
قالتلي أيوة قانون ونظام وعهود ..واللي بيخالف القانون بيتحرق أو بيتعاقب
قولتلها قانون ايه
قالتلي قانون عالم الجن اللي انت لا تفقه عنه اي شيء
وياما ناس زيك قروا كلمتين من كتب والأرض بلعتهم أو
أجبروا ع الانتحار من شددة العذاب اللي اتعرضوا ليه
وفيه ماتوا في حوادث بشعه بسبب مخالفة قوانين عالم الجن
..اللي عملته معاك دا قرصة ودن زي ما بتسموها عندكم
بعد ما كنت هديت رجعت اخاف منها تاني
سالتها وانتي بتتعاقبي ليه
قالتلي انها كانت ملكة من ملكات الجن الطيار وبسبب
غلطة لا تذكر بقيت هنا وبعد ما كنت حره طليقة والعالم
دا كله ملكي وليا مطلق الحرية والتصرف في كل شي
بقي أخري حدود سور المقابر وبس إنما قبل كده كنت
اقدر اظهرلك في اي مكان انت فيه حتي في احلامك
سالتها علي الغلطة ..قالتلي بعدين بعدين علشان دا
موضوع يطول شرحه ..المهم يامرجان لازم تحترم العالم
دا وتعرف أن الغلطة فيه بحساب وعقاب شديد وشديد
اوي كمان وأنهم معندهمش رحمة
قولتلها انا اسف وحقك عليا
ابتسمت وقالتلي مش هتقول بقي جاي ليه واي البتاع دا
حكتلها وقالتلي تعرف اسمه واسم امه
قولتلها اعرف اسمه إنما اسم امه لا
قالتلي اهم حاجه اسم امه يامرجان
قولتلها طب ما انتي عرفتي اسم امي من غير ما اقولك
قالتلي علشان انت قدامي يامرجان ..طيب متعرفش
تجيب صورة ليه
قولتلها هحاول .. وبقول لنفسي اطلع من هنا ياض
وتفكك من السكة دي خالص
ضحكت وقالتلي عايز تبعد عني يامرجان .ع العموم
برحتك..انت حر ...لو عايز تخرج اتفضل الطريق امان
متخفش
وبدأت في الاستعراض وهي قالعه ملط وبتعمل حركات
احلي واجمل من المره اللي فاتت ..أنا وقفت متنح ليها
وقعدت مكاني من كتر الهيجان والمتعه اللي حاسس
بيهم وانا بتفرج عليها ..وقفت استعراض وقالتلي انت
مش قولت انك هتمشي ..يلا امشي
اتكسفت منها اوي .. ورجعت كملت استعراض ورقص
حاولت اقرب منها بس حصل زي المره اللي فاتت
ومعرفتش اوصلها
..قالتلي وهي بترقص مش هيحصل غير لما تعمل اللي طلبته منك
قولتلها ايه هو دا
قالتلي انت عارف
خرجت من المقبرة ورحت بسرعة نفس المكان اللي جبت
منه الكلب المره اللي فاتت بس ملقتش كلاب فضلت ادور
حوالي ١٠ دقائق لحد ما شفت قطة كانت بتاكل ولما
جريت عليها جريت وسابت الاكل
مسكت الاكل اللي كانت بتاكله وقربته منها وقعدت هادي علشان تطمن وتقرب من الاكل واول ما جت مسكتها
وحطيت الشورت ع بوقها وجريت بيها ع المقابر ونزلت
قولتلها عايز سكينة
ضحكت وهي بترقص وقالتلي دور حوالينا هتلاقي
قولتلها القطة خايف اسيبها تهرب
قالتلي متخفش وفعلا القطة اتخشبت مكانها ولا اكنها
اتحولت لتمثال وخرجت لقيت قطعة زجاج جبتها ونزلت
د ب ح ت.ه.ا. ومارسنا الجنس وفضلت قاعد معها لحد
الساعة ٧ الصبح قالتلي وانا ماشي متنساش تجيب اسم
امه ..يااما صورة ليه يامرجان ومتغبش عليا كده تاني
هي مش لولو بتساعدك
قولت في سري وانتي عرفتي منين
ضحكت وقالتلي بمياصة ودلع ورقة روح يامرجان
واوعي تزعلني تاني منك
قربت منها وكنت عايز امارس معها الجنس تاني
قالتلي مش هينفع خلاص روح قبل ما انور يصحي
ويعرف انك كنت بايت برا
مشيت وانا راجع فكرت في كلامها لما قالتلي هي مش لولو بتساعدك وفهمت ساعتها سر حبها وتمسكها بيا رغم كل اللي بعمله معها
يتبع
