رواية الشيخ مرجان الفصل السادس 6 بقلم محمد يوسف
#البارت6 🖊️ Mohamed Youssef Sultan
كل اللي شفته قبل غياب امي كوم واللي شفته مع
صبحي بعدها كوم تاني خالص
راح معايا المدرسة علشان يرجعني تاني والمدير طلب
منه ورق وحاجات يعملها علشان السنة اللي غبت فيها دي
بس هو كان غبي وعنده بطئ في الاستيعاب وافتكر أنه بيصعبها عليه ويقفلها في وشه
صبحي اتعصب عليه وقاله يعني اي الواد مستقبله يضيع اقعده في البيت يعني
المدير اضايق وقاله أنا مالي مستقبله يضيع ولا يقعد في البيت دي تعليمات الوزارة
صبحي قاله بخبث وماله نقعده في البيت ومستقبله
يضيع ميجراش حاجه يلا ياض يامرجان قدامي ..
كنت شايف نظرات الخوف والقلق علي المدير وكان عايز
ينده عليه ويحاول يفهمه أو يساعده بس قولت يمكن
خاف علي شكله وهيبته تروح قدمنا أو ابويا يحكي في
القرية وكدا ..وأنه أعتقد أنه راجل غلبان ومجنون
وبيخرف وبيقول اي كلام وخلاص
بقيت اقول لنفسي بقي المدير اللي بيوقف المدرسة كلها
ع رجل يخاف ويقلق من كلمتين قالهم صبحي
وبعد اربع ايام ابويا قالي خش البس علشان اوديك المدرسة
قولتله انت مش قولت للمدير انك هتقعدني في البيت
ضحك جامد وقالي دي القرية كلها تقعد في البيت
ويضيع مستقبلها الا انت ..وبتكبر وغرور قالي ياض انت
مرجان صبحي الغول 👑 يلا علشان هو عايزنا
دخلت لبست غصب عني ..مكنتش عايز اروح اصلا ..كنت
بروح بس علشان رابحة متزعلش وعلشان افرحها مش
اكتر إنما بعد غيابها كرهت المدرسة والتعليم والدنيا
وحياتي كلها .المهم رحنا ودخلنا المكتب واتفاجت من
مقابله المدير لصبحي وليا قام من مكتبه وسلم عليه
وقاله اتفضل ومقعدش ع الكرسي بتاعه غير لما ابويا اقعد الاول
واللي اتفاجت منه اكتر شكل المدير دقنه اللي طولت
شوية ع غير العادة وشعره اللي مش متسرح دا غير
السواد اللي تحت عينه مبقتش عارف دا إرهاق ولا تعب
ولا قلة نوم بس مش دا مدير مدرستنا
صبحي قاله سمعت انك عاوزني وبتدور عليا قولت
اجيلك علشان متعبكش ومعطلكش يابيه
المدير استغرب وكان عايز يقوله انت عرفت منين اني
عايزك وبدور عليك وفعلا هو كلم أبلة اماني وسألها عن
بيت ابو الطالب مرجان وقالتله مكان البيت وكان واخد
قرار أنه بعد المدرسة هيرحله
المدير قاله ياعمي انت فهمتني غلط المرة اللي فاتت ..أنا
مكنش قصدي حاجه والله حتي بص يا سيدي أنا
مجهزلك الطلب اهو ومش عايز غير بس امضتك
صبحي بصلي وعينه كلها غرور ..زي اللي بيقولي شفت ياض ابوك صبحي الغول 👑
المدير طلع حلاوة من درج المكتب وقرب مني وقالي خد
يامرجان وقال ل ابويا اي خدمات تانية
ابويا قاله لا شكر يابيه ..الواد يرجع من أمتي
قاله برحتك لو عايز من دلوقتي يرجع
ابتسم بسخرية وغرور وقالي يلا ياض روح ع فصلك
بعد كده بقيت بروح المدرسة ب استمرار بس الكل
بيتجنبني خالص مفيش تنمر ولا تريقة بس نظرتهم
ووشوشتهم لبعض لما بيشفوني لسه موجودة مكنتش
بحكي ل ابويا حاجه زي ما رابحة قالتلي حتي وقت
الامتحانات كانو بيساعدوني ويغششوني كنت بحس انهم
عايزيني يخلصوا مني ويمشوني ب اي طريقة من المدرسة
مدير المدرسة مقعدش اكتر من شهر بعد اللي حصله من
ابويا عمل تسوية معاش مبكر وراح بلد تانية وفتح
مشروع من كتر خوفه ورعبه ليحصله نفس اللي حصل
تاني ليه وابلة اماني قالت للمدير الجديد اللي حصل
للمدير السابق وخاف واتعظ ومشي جنب الحيط
وفي يوم وانا نايم سمعت وحده ست بتصرخ وقمت
مفزوع من النوم وعقبال ما خرجت من اوضتي شوفت
وحده خارجه من اوضة ابويا وبتعدل في هدومها ووشها
احمر لون الدم وقالها متنسيش الطلبات اللي قولتلك عليها
قالتله وهي جسمها بيرتجف ومرعوبة طلبات الاسياد اؤامر يامولانا
اخد باله مني زعقلي وهو بيعدل في عدومه وكان ماسك
ورقة في أيده عليها سائل ابيض مكنتش عارف ساعتها
دا اي وقالي انت ايه اللي موقفك كده ياابن الكلب ادخل اوضتك
