رواية الشيخ مرجان الفصل العاشر 10 بقلم محمد يوسف
#البارت10 🖊️ Mohamed Youssef Sultan
دخلت الاوضه ووقفت في نص الاوضه استكشف المكان
معرفش قلبي بيدق وخايف كده ليه مش عارف خايف
من ابويا ولا من الاوضه نفسها واللي فيها
بقيت اقول لنفسي ايه القرف دا ..جماجم خرفان ومعيز
متعلقة علي الحيطان زي البراويز كده وشنطة سودة فيها
عضم حيوانات معرفش دا عضم كلاب ولا قطط بس
ريحته كرهيه جدا لقيت كمان حوالي ١٠ كتب علي الرف
والتراب متراكم عليهم تقريبا كده محدش فتحهم ولا
قراهم من سنين ولقيت في الدرج صفحات متقطعه من
كتب مكتوبه بالغة العربية بس فيها رموز واشكال مش
فاهمها ولا عارف اصلا دا ايه معرفش ايه اللي خلاني
اجيب كرسي من الصالة واطلع عليه وأشوف ايه اللي
فوق الدولاب لقيت فلوس مش كتير مبلغ بسيط بس كان
فيه كتاب كبير حوالي 500 او700 صفحة تقريبا
اخدت الكتاب دا علشان حسيت أنه اهم كتاب عند
صبحي خرجت برا الاوضه وقعدت اقراء اقراء وانا مش
فاهم معظم اللي بقراءه اسماء ملوك الجن كلهم وخدامهم
وأولادهم والقبائل والقانون اللي ببحكمهم وصفات
وسلطة كل ملك منهم كنت حاسس اني بقراء قصة أو
رواية فضلت اقراء اقراء لحد ما وصلت لطريق تحضير
الجان وان كل ملك وخادم من دول ليه طريقة مختلفة
غير التانية وكلها طرق صعبة وبشعه وتخوف لدرجة اني
فكرت ارجع الكتاب مكانه واصرف نظر عن الموضوع
خالص وربنا يصبر خالتي بقي علي اللي هي فيه
كنت قريت حوالي 80صفحة لدرجة أن عيني بجد
وجعتني وجعت جدا بس معرفش اي اللي منعني ارجع الكتاب مكانه واقفل الأوضه
اخدت الكتاب ودخلت اوصتي وقعدت اقراء اقراء لحد ما
وصلت للصفحة 110 حاجات كتير مش مفهومة محتاج
حد يفهمني معناها ويفك الرموز اللي مش فاهمها دي
يعني ايه اقراء ايات من القران بالمقلوب ..وايه الخلوة
دي وبتتعمل فين بالظبط ..مكتوب في الصحراء والجبال
وخلوة تانية بتتعمل في الحمام وايه القربان دا والعهد
والرصد ومش عارف اسال مين .. الساعة ٣ بليل تقريبا
نمت ومن الإرهاق التعب كسلت ارجع الكتاب واقفل
الاوضه ونمت وصحيت علي خبط جامد ولقيت الدنيا
ضلمة افتكرت اني نمت ساعة ولا اتنين قمت فتحت
وافتكرت بعد ما فتحت اني نسيت اقفل الأوضه ودخلت
ام سامح وقالتلي انت هنا يامرجان ..دا انا قلقت عليك
كل دا نوم بصتلها لقيتها بتبص علي جسمي من تحت
الفاجرة كنت عايز أضم رجلي أو احط ايدي علشان اداري
الجزء اللي بتبص عليه بكل جراءة وبجاحة
لقيت ضهري من كسفتي ودخلت الحمام وانا رايح للحمام
بصيت ع اوضة ابويا المفتوحة وبقيت ادعي ربنا واقول
يارب ما تاخد بالها بس سمعها وانا في الحمام وهي
بتقولي انت ايه اللي خلاك تفتح اوضة ابوك ..دا لما يرجع
هيطين عيشتك فتحت الباب وخرجت وقولتلها كنت بدور ع قلم علشان كل ازاكر بيه بليل
قالتلي تزاكر دا ايه ياعنيا شنطتك وكتبك وكشاكيلك كلها
عندي دا انت حتي مرحتش المدرسة ..في ايه ياواد
شكلك مش مريحني ولا مطمني ورجعت بصت تاني عليا
من تحت بس كان خلاص مفيش حاجه باينة ومطولتش النظر كتير
دخلت اوضتي وشافت الكتاب ع السرير وقالتلي هو كتاب اي دا يااخويا
قولتلها هو انتي بتعرفي تقري
قالتلي لا هو انا لو بعرف كنت سالتك
قولتلها دي رواية لكاتب سوري مكتوبة باللغة العربية
قالتلي ااه قصص الحب والمحن من بتوع الايام دي
يلا يااخويا يلا علشان اكلك وتبات عندي
قولتلها ابات عندك ازاي انا قايل ل ابويا اني هبات هنا
قالتلي وابوك قالي لو يوم غاب ولا مرحش المدرسة
ومزكرش تخدي منه مفتاح البيت ومتخلوش يتنقل من عندك
بصتلها بغل وكنت عايز اضربها بس خايف من ابويا لما
يرجع وقولت لنفسي طاوعها واسمع كلامها علشان يمكن
اقدر اضحك عليها بكلمتين واخليها متحكيش ل ابويا حاجه لما يرجع
رجعت معها وسمعتها بليل وهي بتقول ل انور اني فتحت
اوضة ابويا وهو قالها أن اول ما صبحي يرجع هيقوله ويتصرف معاه بقي
الصراحة خوفت وبقيت اتحايل ع النوم يجي مفيش
قلق رهيب مش عارف ابويا هيتصرف معايا هيعمل اي
وفكرت اني أراقب ام سامح واروح معها كل حتة بحجة
اني اساعدها كانت مره توافق ومرات لا لحد ما شفتها
وهي رايحة للبقال دا وفضلت وقفة جوه معاه في المحل
بيتكلموا عادي اكنها زبونة وقفة عادي بتشتري
وفجأة البقال دا خرج بص يمين وشمال ولما شاف الشارع
هادي ومفيش حد قفل نزل باب المحل شوية بس
مقفلوش خالص سبتهم حوالي ٣ دقائق وبعدين رحت
وبصيت من تحت الباب ملقتهمش قولت في سري الله
هما راحو فين نزلت من تحت الفاتحة دي براحة وبقيت
في المحل ولما ركزت لقيت ستارة بفتحها براحة لقبت
وراها باب زي باب اوضة فهمت أن دي اصلا شقة والمحل
دا كان اوضة من ضمن الشقة ..معرفش اي اللي شجعني
وخلاني افتح الباب واول ما فتحت لقيتهم😮
اول ما فتحت باب الاوضه عليهم اتفزعوا وقام من عليها
ونزل الجلبية وقالي بخضه مرجان..وهي قامت ونزلت
العباية وبصت علي الاندر بتعها اللي كان ع الأرض جنبها
ولسه هتمد أيدها علشان تخده وتلبسه مسكته واخدت
بعضي وخرجت.. فضلت ماشي ببط وسمعت صوت باب
المحل وهو بيتفتح عرفت انها خرجت ندهت عليا وانا
عملت نفسي مش سامع وسرعت مشيتي شوية
جت ووقفت قدامي وقالتلي انت ياواد انت مش بنده
عليك
قولتلها عايزة اي
قالتلي عايزة اي 😧 وحبت تشد الاندر بس معرفتش
قولتلها ااه عايزة اي
قالتلي وهي وشها احمر وخايفة انت بتراقبني يامرجان
انت ايه اللي نزلك اصلا من الشقة
قولتلها لما نروح الشقة واقابل جوزك هتعرفي أنا عايز اي
قالتلي مرجان انت فاهم غلط والله
قولتلها انا هحكي اللي شفته بعيني ل عم انور وهو بقي يفهمني الصح
التوتر والقلق والخضه ظهرو اكتر في عينيها وبتتكلم ب
ارتباك وحروف بتقع منها وعنيها ع الاندر ووقفة قدامي
مش عايزاني امشي قالتلي طب اصبر أنا هفهمك
قولتلها انا مش عايز افهم وميهمنيش افهم ..ومش البقال
بس اللي بتعملي معاه كده دول كتير وكتير اوووي ..صح
اتصدمت وقالتلي ..انت بتقول اي
رميت الاندر بتعها في الأرض ..وطت اخدته وحطته في
صدرها . انت عرفت منين
قولتلها ابويا لو عرف اني فتحت الاوضه ودخلتها قسما
بدين الله مش بس انور اللي هقوله علي اللي شفته
أنا هقول للقرية كلها وسيرتك هتبقي ع كل لسان
قالتلي والله مش هقوله ورجعت برقت لما افتكرت انها قالت ل انور
قولتلها وجوزك اللي انتي قولتيله اني فتحت الاوضه ودخلتها
قالتلي ملكش دعوة أنا هخرج الموضوع من دماغه
وهقوله أن كان ببتهيالي اني مش متأكدة اوي..
ورجعت برقتلي تاني وقالتلي بس انت عرفت منين اني
قولت ل عمك انور
قولتلها ملكيش دعوة عرفت منين
قالتلي وهي مصدومة ..انت ياواد مخاوي زي ابوك ولا اي
قولتلها ايه مخاوي دي
قالت ياحفيظ يارب .. والله ياحبيبي متخفش هخلي
عمك انور ميقولش حاجه ل ابوك
قولتلها هاتي مفاتيح البيت
قالتلي في الشقة ياحبيبي اول ما نروح هدهولك حاضر
يتبع
