رواية الشيخ مرجان الفصل الخامس والعشرون 25 بقلم محمد يوسف
#البارت25 🖊️ Mohamed Youssef Sultan
اتقفلت قفلة وحشه كنت عامل حسابي اني هبقي مع سامية وهعيش معها اللحظة
وفجأة الموضوع اتحول ومشيت سامية وفضلت زفتة
الطين ام سامح اللي صابر بس عليها علشان بيتها اللي
سهل اخد مفتاحه منها واقابل فيه سامية وكمان الشغل
والفلوس ولو كان متوفر بيت عندي أو مكان تبع سامية
كنت قطعت علاقتي ب ام سامح خالص واستغنيت عن
الشغل والفلوس عادي .
..كان نفسي ارد عليها لما قالتلي هي فيها أي احسن مني
وبتضربني علشان دي ..كان نفسي اقولها انتي مش
بتشوفي نفسك في المرايا ..انتي فاكره نفسك ست
اصلا .وان مفيش وجه مقارنه خالص بينك وبينها
ياخنزيرة بس اللي منعني اللي قولتلكم عليه فوق
خلصنا أنا وهي وبعدها قعدت تحايل وتراضي فيا وتعتذر
عن القلم رغم اني عجنتها ضرب وقالتلي خد ياحبيبي
المفتاح خليه معاك بس متعملش كده تاني ولما تعوز كده
في اي وقت قولي ولو اتاخرت عليك ابقي اعمل اللي تعمله
قولتلها دي ع فكرة زبونة زيها زي هبه
قالتلي مرجان انت بيبان عليك ياحبيبي لما بتكدب ..زي
ما ضحكت عليا وقولتلي اوعي تيجي لحسن تتلبسي
اخدت منها المفتاح ودخلت شلت الفلوس مكانها وروحت
البيت وانا في قمة العكننة . كان نفسي اوي في سامية
معرفش حبيتها ولا مالي لدرجة أن بقيت اروح المدرسة
منتظم علشانها وكنت احس بغيره لو شفتها بتتكلم مع
مدرس او وقفة تهزر أو تضحك معاه وبمجرد ما تلمحني
من بعيد تقفل في الكلام وتمشي ولما نخرج تعتذر وتقعد
تبرر موقفها وكنت بحسها فرحانه ومبسوطة اوي بغيرتي عليها
المهم تاني يوم سامية سالتني علي اللي حصل وخافت
ليكون حصلي مشكلة قولتلها الحمد لله جت سليمة
قالتلي طب ايه مش هنعرف نتقابل كده
قولتلها مش عارف بس يومين كده الدنيا تهدا واقولك
مشينا مع بعض وقعدت تتغازل فيا وتقولي كلام حب
وتوصف احساسها وشعورها ناحيتي وأنها بتكره يوم
الخميس كره العمي علشان الجمعة إجازة ومش بتشوفني
مع انها كانت بتحبه جدا قبل ما تعرفني
وقالتلي أن لو معرفتش اشوف صرفه في موضوع المكان
دا هي هتحاول تتصرف في مكان
بعد يومين ام سامح جات عندنا البيت وسلمت ع ابويا
ولمت الهدوم اللي هتتغسل ودخلت اوضتي قالتلي جهز
نفسك في زبونة هتيجي ع المغرب
قولتلها ايه مشكلتها دي
قالتلي زي المره اللي فاتت بس دي بقالها ٣ سنين ومفيش
حمل اصلا وكشفت والدكاترة قالولها انهم زي الفل
ومفهمش اي حاجه ..هتقدر ياواد تساعدهم
قولتلها هقدر بس متقوليش واد دي 👊🏻
قالتلي حاضر ياسيدي وتاج راسي ..مش هتبل ريقي بكلمة حلوة
قولتلها طلبتي منهم عربون كام
قالتلي زي المره اللي فاتت برضو ..انت ياواد كل اللي
همك الفلوس وبس ..لولو مش بتهمك
غمزتلها اللي هو خدي بالك صبحي ممكن يدخل علينا في اي لحظة
ابتسمت وبمياصه قالتلي اه منك انت يامجنني
رحت قبل المغرب قعدت استنتهم وبعد المغرب فعلا
دخلت ام سامح ومعها ست كبيرة وست تانية في
ألعشرينات الست الكبيرة قعدت تبصلي ومستغربة
اني ازاي ساحر وفي السن دا وظهر جدا في عنيها انها
شاكه في الموضوع ومش مطمئنه خالص والتانية
عماله تبصلها وتمصمص في شفايفها ..اللي هو دا اللي
هيحل مشكلتي ..أنا كان اي اللي خلاني اسمع كلامك واطوعك
كنت متعود ع النظرات دي والغمز واللمز شفته قبل كده
من هبه والمره دي مزعلتش من نظراتهم ولا واستهزاهم
واستخفافهم بيا وبقدراتي لاني متاكد انهم بعد ما يتأكدوا
هيتغيروا تماما زي هبه بظبط اللي لو طلبت عنيها دلوقتي مش هتتاخر
اتكلمت الست وعرفتني بنفسها وقالت دي بنت اختي
ومرات ابني ومتجوزين بقالهم ٣ سنين ومفيش حمل
واخدتها ونزلنا القاهرة وكل الدكاترة قالوا إن مفيش اي
موانع للحمل وأنها زي الفل
قولتلها طب وابنك
قالتلي رافض يكشف ومش مقتنع كمان بالشيوخ والكلام دا وغلبت معاه
قولتلها اسمك اي بصوا لبعض والاتنين قالوا في نفس الوقت أنا
قولت ل الست الكبيرة أيوة انتي قالتلي انتصار
قولتلها واسم ابنك ..قالتلي ياسر
بصيت ل بنت اختها وقولتلها وانتي
قالت ب استغراب مريم
قولتلها واسم امك
بصت ل حماتها ب اندهاش وزي اللي مش مقتنعه
وشايفه أن كل دا هبل في هبل
قولتلها اي نسيتي اسم امك 😡
قالت حماتها اسمها عزة ..اسمها عزة
قولتلها يومين ويوصلكم الرد اتفضلوا
قاموا الاتنين مشيو بعد ما دفعوا العربون ل ام سامح
وانا معملتش حاجه مع ام سامح علشان كنت هروح
لدساسه بليل وفعلا بليل روحت واخدت معايا قطه
واتاكدت انها سليمة 100% علشان متزعلش زي المره اللي فاتت
واول ما شفت الصبارا قولت الحمد لله انها موجودة
وفكرت ساعتها أنا هعمل اي لو ملقتهاش ..وان ممكن
شغلي يتعطل والحنفية اللي بتجيب فلوس بالسهل تقف
وقولت هسالها واقولها ازاي احضر جن واخليها تعلمني
قبلتها في نص الطريق وقالت مرجان..أنا مش قولتلك متغبش عليا
سكت شوية
قالت اي بتفكر في كدبة جديدة ..وبصتلي وبرقتلي جامد
وقالتلي مين سامية دي يامرجان
قولتلها دي المدرسة بتاعتي
قالتلي اي دا انت حبتها كمان ..ليك حق تنساني يامرجان
قولتلها لا لا مقدرش انساكي
قالتلي جاي ليه يامرجان
قولتلها نفس اللي حصل المره اللي فاتت بس دي مش
بتحمل زي هبه .أنا كنت هديها الاعشاب اللي قولتيلي
عليها بس قولت أسألك الاول
ضحكت وقالتلي كويس انك معملتش كده وقالت مريم بنت عزة صح
ب اندهاش وتعجب ..أيوة صح صح
قعدت تقول كلام مش مفهوم بصوت واطي وبعدين
قالتلي دي المشكلة في جوزها
قولتلها اسمه ياسر ابن إنتصار
قالتلي دي لازم يتعملها زار وتقدم قربان للجن اللي
هيساعدها في الإنجاب وجوزها يمارس معها بدمها
قولتلها هو رافض الموضوع ومش مقتنع خالص بالكلام دا
قالتلي ب ابتسامة خبيثة خلاص قوم انت بالمهمة دي
بس المشكلة انها مش هتقدر تستغني عنك وهتطاردك
قولتلها اه صحيح هما بيعملوا كده ليه معايا
ضحكت وقالتلي قصدك ع لولو وساميه
قولتلها اه
قالتلي دا موضوع يطول شرحه بس ب اختصار علشان
كان أول علاقة جنسية ليك كانت مع جنية ومش اي
جنية دي ملكة من ملكات الجان لو عايز متتعلقش بيك
وتحبك متعملش معها علاقة كاملة يامرجان
قولتلها معملش علاقة كاملة ازاي
قالتلي يعني متجبش ال..... جواها
بحلقت فيا وكنت ساعتها بفكر اسالها انها تعلمني طرق تحضير الجن
قالتلي عايز تتعلم يامرجان مش كده
قولتلها اه
قالتلي هعلمك بس اول درس لازم تفهمه كويس جدا
يامرجان أن الصرف اهم بكتير من التحضير
قولتلها ازاي
قالتلي اهم من انك تعرف المراسم والطقوس وتعويذة
التحضير انك تحفظ تعويذة الصرف وتحفظها عن ظهر
قلب وتكتبها وتحتفظ بيها في اكتر من مكان لانه سهل
جدا ينسهالك وياذيك فاهمني يامرجان
قولتلها فهمك فهمك
قالتلي انا هحضر هامان دلوقتي وهيظهرلك دلوقتي مش
عايزاك تخاف وحاول تبان طبيعي ..أنا قاصده أحضره
دلوقتي علشان تشوفه وتتعرف عليه علشان دا اللي هيساعدك في الكشف ع مريم وعلاجها
قولتلها حاضر وبعدت عنها شوية وحضر هامان وقعد
يبص عليا وزي اللي بيشم ريحتي كان شكله مخيف قزم
واقرع وليه ديل زي ديل الحصان بالظبط ووجلد وشه
وجسمه فيه تجاعيد وترهلات كتير ..لولا وجود الدساسه
كنت قمت جريت وهربت من كتر بشاعة منظره وفجأة اختفي
قالتلي قولتلك متخفش وبرضو خوفت يامرجان
قولتلها غصب عني
قالتلي متخفش دا مش هيقدر يأذيك حتي لو نسيت
تعويذة الصرف علشان في عهد بيني وبينه ..واختفت
وظهرت ع صورة خالتي ومشيت قدامي وانا بدون وعي
مشيت وراها ونزلنا المقبرة تحت وقعدت ترقص
وتستعرض زي كل مره وبعدها دبحت القطة وعملنا كده سوء
قالتلي وهي بتوصلني ل برا لما سالتها عن الزار اعمله
ازاي ..قالتلي لولو عارفه كل حاجه قولها وهي هتتصرف
يامرجان وكتبتلي تعويذة تحضير هامان وتعويذة
الصرف وقالتلي اسرع طريقة تحضره فيها الحمام يامرجان
يتبع
