رواية الشيخ مرجان الفصل الخامس 5 بقلم محمد يوسف
#البارت5 🖊️ Mohamed Youssef Sultan
نعمات اول ما رجعت من القاهرة سلمت علي عيالها كلهم
وبصت لمرجان بقرف وب استحقار وفضلت وقفة
مستنيه عمر لما يقوله بس عمر استحرم يكسر بخاطره
وسلم عليه وابتسم في وشه علشان كان مكسوف
وخجلان جدا من اللي عملته نعمات معاه
نعمات بصت ل عمر بغضب وقالتله انت هتقوله ولا
أقوله أنا
.قالها خشي انتي يانعمات غيري هدومك
مرجان راح علشان يقفل الباب شاف العربية اللي
جابتهم من القاهرة برا ولسه وقفة ..استغرب جدا وعمر
قاله خليه ياحبيبي مفتوح وتعالي هنوصل مشوار أنا
وأنت وقال لعياله يطلعو فوق
قعد اتكلم بالعقل ويقوله احنا مش قد ابوك وان كل اللي
حصله دا من تحت رأسه وان ال البيت قالوله رجع الأمانة
لصاحب الأمانة .والله يابني لو كان عليا اشيلك في عيني
العمر كله وربنا يعلم محبتك في قلبي قد اي من اول يوم
جيت البلد هنا انت وامك بس مفيش ب ايدي حاجه
نعمات جات وبكل وقاحة انت هتقعد تاخد وتدي في
الكلام معاه ..انت بتستاذن منه ..وبسخرية واستعلاء
يلا ياحبيبي يلا يابابا روح مع عمك عمر علشان يوديك ل
ابوك هو أولي بيك احنا كفاية علينا الهم اللي عندنا ..
بصيت ل عم عمر بص في الأرض وبقي في نص هدومه
ومش عارف يقولي اي ولا قادر يشخط ويزعق في نعمات
قولتلها حاضر يا خالتي ..واخدت بعضي ورائحة ناحية
الباب وانا واخد قرار اني هجري وههرب
عم عمر قالي اصبر يابني اغير هدومي بسرعة وادخل الحمام
نعمات قعدت تبصلي بلؤم وخبث وحسيت اني لو جريت
هتصوت والسواق اللي برا هيمسكني أو اي حد من البلد
فضلت قاعد وانا ميت من الخوف وقلبي بيدق جامد وانا
مستني عم عمر ينزل ..كنت حاسس زي اللي مستني
يتنفذ فيه حكم الاعدام واكتر كمان 🥹
عم عمر نزل وانا ركبت العربية معاه وفي نص الطريق
نزل من جنب السواق وركب جنبي وقعد كلمني بالراحة
وقالي أن كل اللي حصله دا ابوك السبب فيه وأن لو
فضلت معاه اكتر من كده مش بعيد ياذي عيالي كمان
وان ياريت امك موجودة كنت وقفت معها ومعاك إنما
امك محدش عارف طريقها وانا موقفي ضعيف ضعيف
اوي يامرجان ولو قدرت تقنعه انك تقعد معايا من غير ما
يإذينا يامرحب بيك يابني ربنا يعلم انك عندي زي علاء بالظبط
بعد ما كنت مقرر أني اهرب خوفت ع عم عمر وعلاء
صاحبي وأخواته البنات أن ابويا يإذيهم يفتكر أنهم هما
اللي ساعدوني ع الهرب أو أن عم عمر مخبيني وعارف
مكاني وقولت عادي لما اروح عنده واقعد كام يوم ابقي
اهرب عادي وافتكرت كلمة امي لما سالتها قبل كده احنا
هنروح فين وقالتلي ارض الله واسعه
وصلنا البيت وطلع خبط وابويا فتح وبص ل عمر ب تكبر
وغرور وقاله اتفضل اتفضل رغم انك راجل ناقص وقليل
الادب ومش محترم وغلطت فيا في بيتك وقابلتني
مقابلة وحشة بس انا مش هعمل زيك اتفضل 😡
عم عمر ..قاله شكر وكتر خيرك ..ابنك اهو ياصبحي جبتهولك لحد عندك
قاله ومين قالك اني عايزه ...ويبصلي بغضب ويبرقلي
جامد ..ويكمل كلامه ويقول ..أنا اللي مش عايزني أنا
كمان مش عايزه ويبص ل عمر ويقوله انت مش قولتلي
انك مش هتدهوني غير لما امه ترجع ..هي امه رجعت ولا
انت عرفت مكانها
عم عمر قاله لا مرجعتش ولا عرفت مكانها
قاله بغضب امال جيبهولي وجاي ليه خده وارجع مكان ما جيت
عم عمر قاله ابنك اهو ياصبحي وسبني واقف معاه ونزل
قعد يضحك ضحكة قذرة بسنانه السودة المعفنة وشكله
اللي يخوف وبعدها سخط فيا وقالي خش ياابن الوسخة
أنا هعلمك الادب من اول وجديد
دخلت ع اوضة امي وهو دخل اوضته وانا واخد قرار اني
اول ما يروح في النوم هاخد بعضي واهرب بس بعد ربع
ساعة جيه وفي أيده الكرباج اللي كان بيضرب بيه امه وقالي فاكر دا
أنا اترعبت بس كنت بقول لنفسي مش مهم حتي لو
ضربك مش مهم وان دي هتبقي اخر مره انضرب فيها
كمل كلامه وقالي انت من ساعة ما امك خلفتك أنا
ممدتش أيدي عليك حصل ولا محصلش
قولتله حصل
رمة الكرباج ع الأرض وقالي ومش همدها يامرجان بس
من غير حلفان انت لو عملتها تاني أنا مش بس هولع في
بيتهم أنا هحرق البلد كلها بالي فيها ..وخدني في حضنه
وقالي انت ولدي ضنايا ولما هتتجوز وهتخلف هتعرف يعني ايه ضنا يامرجان
وخدني من ايدي وراح فتح التلاجة وقالي بص جيبلك اي علشان كنت عارف انك جاي
مكنش ليا نفس لا اكل ولا اشرب ولا عايز منه حاجه
وخوفي علي عم عمر وعلاء صاحبي بقي اكتر بكتير من
خوفي من ابويا .. اكلت حاجه بسيطة وقولتله أن هدخل
انام ..قالي خش ياحبيبي نوم الهنا
صبحي كان قاصد يهزق عمر ويهينه علشان لو مرجان
رحله يطرده وميقعدوش عنده ويخاف ولما حس ان
مرجان ممكن يهرب ويروح ليهم وحس أنه بيحبهم
ومتعلق بيهم جدا هدده أنه هيموتهم علشان يخاف
وميهربش
يتبع ..
