رواية الشيخ مرجان الفصل التاسع 9 بقلم محمد يوسف
#البارت9 🖊️ Mohamed Youssef Sultan
مجاليش نوم يومها وفضلت افكر واكلم نفسي واقول
معقول صبحي يخون صاحبه وام سامح ازاي تعمل كده
اصلا معقول مش خايفة تتقفش أو ابويا يحكيله وايه
الكلام اللي قالته ل ابويا دا ..معقول كان نفسك في واحد
زي ابويا ..ع ايه طيب ..دا انا ابنه وبقرف منه جدا ولولا
خوفي ع عم عمر وعياله كنت طفشت من زمان
الواضح كده ان كلهم بيشتغلو بعض انور بيشتغل ابويا
وبيستغله وابويا بيعمل علاقة مع مراته وهي بتشتغلهم
هما الاتنين وبتعمل علاقات مع ناس كتير واولهم البقال
ابو نظرات خبيثة
المهم بعد ما ابويا ارتاح وصحته اتحسنت من الخلوة اللي
كان بيعملها رجع للشغل تاني ولما حس اني مركز معاه
بقي يبعتني شوية عند انور وشوية عند سامي صاحبه
التاني
سامي دا بقي يشبه جوز خالتي نفس عجرفته ووقاحته
بس الفرق بين مراته وبين خالتي أن مرات سامي بترد
عليه الكلمة بكلمة ومش بتسكت ولا بتكتم جواها زي خالتي
كنت اسمع مرات سامي وهي بتقوله خليك كده قاعد
تحت رحمته وقت ما يجي ليه مزاج يشتغل يشتغل
والدنيا تبقي حلوة وشوية يوقف شغل وينشفها عليك
وتصرف اللي كسبته كله ..راعي ل ارضك وسيبك منه
العيال بتكبر وصبحي مش هينفعك كان اللي قابله نفعك
قالها بعجرفة جرا ايه ياوليه ..هو انتي ناقصك حاجه ما
التلاجة مليانه جميع خيرات ربنا
قالتله دلوقتي مش ناقصني إنما بعدين ياسامي بتكلم ع بعدين
قام ولعب في صدرها وقالها سيبي بعدين لبعدين مش طالبة عكننه
قالتله بمياصه ياراجل هو انت ايه مبتشبعش
قالها هو انتي يتشبع منك
قالتله طب اتلم العيال لسه صاحية والباب مفتوح اصبر لما ينامو
ومفيش دقائق ودخلت علينا الاوضه وعلي وشها غصب
ربنا وزعقت وقالت انتو لسه منمتوش يلا اتخمدوا علشان
تصحوا بدري للمدرسة وطفت النور وقفلت الباب
قولت في سري هو في ايه ..ما تخشو الأوضه تعملوا
القرف دا وتقفلوا الباب عليكم وتسبونا برحتنا وقعدت
افكر في السحر اللي اسمه الجنس دا اللي هاوس الناس
كلها ..رجاء مرات سامي نسيت النقار وبطلت خناق مع
سامي بمجرد ما قالها كلمتين حلوين ولعب في صدرها
وام سامح ناس كتير مهوسين بيها وبيتعاملو معها بلذوق
ولطافة علشان يمارسو الجنس معها والبقال وابويا كمان
اللي بمجرد ما ارتاح معها وعدها أنه هيشد ع انور .
دا غير كمان جوز خالتي ممكن يضرب خالتي لو امتنعت
عنه أو قالت انها تعبانه أو مش قادرة كان يشتمها
ويهزقها وبعد كده يمارس معها الجنس عادي ..حاجه غريبة فعلا
بعدها رجاء دخلت اخدت دش ولبست قميص نوم
وجهزت الشيشة وقعدوا الاتنين يشربو مع بعض في
الصالة وبعد كده رقصتله ودخلوا اوضتهم
فضلت اتنقل بين بيت انور وسامي وأوقات كنت اروح
لخالتي بس مكنش بيرضي يخليني ابات عندها بس
مفيش مره اروح ازورها غير لما اشوفها زعلانه وحزينة
بسبب قذارة وحقارة جوزها ومعملته القذرة ليها
كان بتصعب عليها نفسها اوي لما يهزقها ولا يضربها قدام
عيالها لدرجة أن محمود ابنها بدأ هو كمان يرد ويبجح
فيها وميحترمهاش ولا يسمع كلامها فضلنا علي الحال دا
حوالي سنة ونص سنتين .كان فضلي كام شهر وأكمل
18س ..كنت عايز اقول ل ابويا يعمله حاجه من
الحاجات اللي بيعملها دي بس خوفت يزعقلي علشان
المفروض أن أنا معرفش أنه بيعمل الحاجات دي وإن
مقتنع أنه معالج روحاني والكلام دا ..وكمان كان هيمنعني
اروح عند خالتي تاني ..بس كانت صعبانه عليا اوي
ونفسي اخلصها من العذاب اللي هي فيه ب اي طريقة من
كتر ما انا بحبها ومستحرم اللي بيحصلها من جوزها
المهم ابويا بعدها قالي أنه هيسافر وكان عايز يقعدني
عند سامي وانا قولتله اني مش برتاح عندهم وعرضت
عليه اروح لخالتي اقعد معها وكنت متاكد انه هيرفض
وفعلا رفض وشتم ع خالتي وجوزها لاول مره احس انه
عاملي حساب واعتبار وقالي طب اقعدك مع مين يابني
قولتله أنا اروح اقضي اليوم عند انور واجي انام هنا
عادي في اوضتي واول ما اصحي اروح عند انور
قالي وليه مش سامي قولتله أنه بيقعد يتخانق كل شوية
مع مراته وان مش بحب عياله وبيرخمو عليا
قالي يعني مرتاح مع عمك انور
قولتله اه
قالي ماشي بس حسك عينك تقرب نحية الاوضه دي
أو تفتحها
قولتله حاضر يا ابويا
تاني يوم جاب قفل كبير وقفلها علشان كان خايف اني
مسمعش كلامه وادخل وسافر بعدها
وانا فضلت يومين ادور ع المفتاح لحد ما لقيته وكان
كل هدفي ساعتها اني احاول اوصل لحاجه أو اي معلومة
اخلص بيها خالتي من جوزها دا زي ما بيعمل صبحي كده
وفعلا فتحت ودخلت الأوضه
#يتبع.
