رواية الشيخ مرجان الفصل الثاني عشر 12 بقلم محمد يوسف
#البارت12🖊️ Mohamed Youssef Sultan
رحت لخالتي علشان وحشتني وهي اللي وصتني اني
متاخرش عليها واغيب اغيب وارحلها واطمنها عليا
كنت ببقي في قمة السعادة والفرح لما برسم الابتسامة ع
وشها واضحكها أو اجبلها معايا فاكهه او اي حاجه حلوة
حتي ولو بسيطة ورخيصة .كانت بتفرح بيها جدا وتقعد
تدعيلي ولا اكني جبتلها نجمة من السما
هي كانت جميلة واصغر من امي بس كتر الهم والحزن
والإهانة والضرب والتجريح والتحقير من شأنها خلاها
دبلت وبهتت وانطفت قعدنا أنا وهي نضحك ونهزر
وتعملي في عصير وكنت فاكر أن أمشي قبل ما جوزها
يرجع بس هي اللي قعدت تتحايل عليا اقعد وتخلفني ب امي وتقولي ملحقتش اشبع منك
رجع جوزها واول ما فتحتله الباب قعد يشخط ويزعق
ويقولها كل دا علشان تفتحي
قالتله معلش يااخويا مسمعتش وزعقت في محمود ابنها
وقالتله انت مش سامع ابوك بيخبط مفتحتش ليه
جوزها زعقلها وقالها ومتفتحيش انتي ليه يابوز الأخص ولا ع ايدك نقش الحنة
قالتله خش غير هدومك عقبال ما اجهزلك الاكل
دخل واول لما شافني قالي ب استهزاء هو انت
هنا ..وبص علي كوبايات العصير وقبلها كانت عملالي
شاي بلبن وجيبالي فول سوداني ..هز رأسه وبصلها وقالها
ماهي تكية ..ميغه .. ماشي..وراح غير هدومه
خالتي قربت مني وقالتلي وهي بتوشوشني .حقك عليا
أنا يانور عيني متزعلش
قولتلها انا همشي ياخالتي مش عايزة حاجه
قالتلي عايزك طيب ياحبيبي عايزاك طيب ..انت ياحبيبي
مش عايز حاجه
قولتلها لا ياخالتي
قالتلي ابقي عدي عليا اوعي تغيب تاني الغيبة دي ..انت
عارف ان ابو محمود منعني اروح عندكم والله لولا هو
كنت مخلتكش غبت عن عيني ثانية
..خالتي مرتبكة ومتوترة ووشها رجع يدبل ويبهت تاني
بسبب الزفت دا وكمان شايلة هم أن بسبب وقحته وقلة
ذوقه ازعل واخد ع خاطري ومجيش عندها تاني
حضنتها وقولتلها هجيلك بكرا بدري ياحبيبتي
قالتلي وهي تبتسم وعيونها مدمعه ربنا ميحرمنيش منك ياابن اختي ❤️
مشيت ورحت الشقة وبقيت اكل الكتاب اكل وفضلت
اقراء اقراء لحد ما خلاص قربت النهاية وبرضو مفهمتش
حاجه الموضوع كان الصراحة اكبر من عقلي أنه يستوعبه
طقوس غريبة كلها كفر وشرك وبتاخد وقت طويل في
تحضير الجن خلوة في جبل أو في الحمام وأقل خلوة ٣
ايام ولازم استحمه باللبن واكون مش طاهر واقراء ايات
من القران بالمقلوب وحاجات أنا مش هقدر اعملها
لحد ما قريت في الصفحة اللي قبل الأخيرة عن طريقة
سريعة لتحضير الجن بس من شروطها أن أدخل مقبرة
مهجورة ولازم يكون معايا ورق بردي واكتب عليها
الطلاسم بدم دبيحة قطة أو كلب أو فار وادوب الورقة
اللي فيها الطلسم في علبة فيها شوية ماية وارشهم علي
عتبة البيت أو الورشة بتاعة جوز خالتي
خوفت الصراحة بس كرهي الشديد لجوز خالتي هو اللي
شجعني اني احاول واجرب وبصراحة اكتر اللي كان
مطمني شوية أن حاسس اني هفشل ومفيش جن هيظهر
وكنت بقول لنفسي لو الموضوع تم يبقي خلصت خالتي
من الحياة المقرفة اللي هي عايشها ورحمتها من العذاب
اللي هي فيه ولو متمش يبقي خلاص فهمت أن كل دا
خرافات وارجع الكتاب مكانه ويادار ما دخلك شر
يتبع ..
