رواية الشيخ مرجان الفصل السابع 7 بقلم محمد يوسف
#البارت7 🖊️ Mohamed Youssef Sultan
الورقة دي كان مكتوب فيها كلام مش مفهوم زي شخبطة
كده مربعات ودواير كان نفسي اشوفها واعرف ايه اللي
مكتوب فيها دا وكمان كان نفسي اعرف ايه طلبات
الاسياد دي وازاي صبحي دي يتقاله يامولانا وياسيدنا
امال الشيخ جمال وأخوه عم عمر يتقالهم اي لما صبحي الغول يتقاله يامولانا
المهم ابويا بعد كده دخل اوضتي وافتكرني زعلان
وواخد ع خاطري أنه زعقلي وشتمني قدام الست دي
وطلع فلوس وقالي خد انزل اشتري ليك حاجه
نزلت وطلعت كان قاعد مستنيني وجبت ٢ ايس كريم
فتخت وحده وقولت التانية هحطها في الفريزر وشوية
اكلها بس لما شافها في أيدي قالي انت جايب ل ابوك
جيلاني والله انت عسل ياض يامرجان طالع ل ابوك اصيل
خدها منزايدي وخط أيده في جيبه وطلع فلوس تاني
وقالي خد علشان افتكرت ابوك خد
اخدت الفلوس وقالي ياحبيبي طول ما باب اوضتي
مقفول متخرجش من اوضتك خالص لما تلاقي الباب
مفتوح أخرج خلاص ياضنايا
قولتله حاضر
قالي ابوك ياض معالج روحاني أيدي دي فيها الشفا
والدواء وان دي هبة ونفحه من عند ربنا بيديها لعباده الصالحين
قولتله امال ايه دجال دي يا ابويا
قالي بغضب انت مين اللي قالك كده ..امك صح 😡
قولتله لا مش امي أنا سمعتها زمان في المدرسة
الابتدائي وسالت امي وقالتلي انها متعرفش
ابويا ..ضحك وقالي ولسه معلقة في دماغك لحد دلوقتي
دجال دي ياحبيبي راجل كداب مخادع نصاب إنما ابوك
معالج زي زي الطبيب بظبط أنا عندي جوا اعشاب وزيوت
طبيعية مقروء عليها تدهن بيها مكان الوجع بخف باذن الله
قولتله يعني الست دي كنت بتدهن ليها من الزيوت دي
قالي اه ياحبيبي ..اوعي ياض تدخل الاوضه دي اوعي
قولتله ليه يابابا
قالي 😡من غير ليه انت تقول حاضر وبس
قولتله حاضر
عمال اقول لنفسي اعشاب اي دي ..ما أنا كانت بطني
وجعاني وشربتني منها والوجع زاد مخفتش ..والست دي
لو كانت بتعدل هدومها بسبب انك كنت بتدهن جسمها
بالزيت دا انت بقي كنت بتعدل هدومك ليه واي طلبات
الاسياد دي ...انت فاكرني اهبل ومش بفهم الاوضه دي
هي اللي فيها السر
بعد يومين الست دي جت تاني وكان انور قاعد مع ابويا
في الاوضه ببيتكلموا وكنت بتصنت عليهم وانا خايف
ومرعوب ليفتح الباب ع غفلة وبيشوفني وبطين عيشتي
سمعت انور دا وهو بيقوله بس انت من بعد موضوع
رابحة دا وانت مش عاجبني ياغول ..دا انا قولت أن
بعدها بالك هيروق وهترتاح وهنرجع ل ايام زمان ونلعب بالفلوس زي الاول
صبحي قاله زرزور معاكسني طلباته كترت وبقي يتعبني
عقبال ما يحضر لازم اعمل للملك بتاعه خلوة واحضره ويشوف معاه صرفه
انور قاله وساكت ليه ما تطلع مش احسن من وقف الحال اللي احنا فيه دا
قاله 41 يوم كتير برضو هسيب مرجان فين
قاله بيت اخوك مفتوح ياغالي انت اي اللي بتقوله دا
وهنا الباب خبط وانا جريت ع اوضتي قبل ما ابويا ولا
انور دا يفتح ويشوفني
الست جت ومعها قفص مليان فراخ وشنطة سودة كان
فيها اعشاب وانواع من البخور وحاجات تانية
صبحي طلع ديك من قفص الفراخ وأنور خد القفص ونزل
بيه وعمال بيقول وهو نازل ع السلم يافرج الله ياكريم
يارب وفرحان بيه اوي ابويا دخل بيها الأوضه وبعد
دقائق طلع من الأوضه وطلعت معاه ودخلو هما الاتنين
بالديك الحمام وقفلوا الباب عليهم وبعد شوية الست
صوتت جامد وبعدين سكتت خالص طلعو من الحمام
والست خرجت عريانه وع جسمهم علامات من الدم لولا
أنها كانت ماشية ع رجلها كنت افتكرتها انها ماتت أو ابويا
قتلها بعد ما دخلو الاوضه طلعت براحة واتصدمت لما
شوفت بقع دم في أرضية الحمام والديك مدبوح ومرمي
ع الأرض وهدوم الست دي متعلقه ورا باب الحمام
قولت اتصنت واسمع بيقول اي مسمعتش غير صوت
الست وهي بتتوجع وبتتالم قولت ابص من فتحة الباب
بس كان دخان البخور كتير اوي ومش باين اي حاجه
رجعت اوضتي قبل ما ابويا يفتح الباب ولا يحس بيا
يتبع
