رواية الشيخ مرجان الفصل الثاني 2 بقلم محمد يوسف
#البارت_2 🖊️ Mohamed Youssef Sultan
مكدبش عليكم مكنش فارق معايا اللي امي بتقوله ومش
فاهم معظم كلامها يعني خلوة في الجبل ويعني ايه
الجن بلعوا وسحبو تحت الارض وشعوذة وسحر
والكوابيس والكائن الغريب اللي كان بيظهرلها في الحمام
خايف من الي بتقوله ومرعوب بس مش فاهم ولا
مستوعب ومش بحاول استفسر ولا اسال علشان أنا بكره
سيرته ومش طايق اسمع اسمه ..بس كنت بسبها تحكي
علشان كنت بحس انها مرتاحة وهي بتحكيلي
وتفضفض ..كنت حاسس زي اللي بتخلص ضميرها
وبتبراء نفسها قدامي من جريمة وذنب هي معملتهوش
ولا ليها اي يد فيه
.حكتلي تقريبا من اول يوم اتجوزها فيه لحد ما هربنا أنا
وهي منه
كل الحكايات دي محكتهاش في يوم واحد لا دا علي
مدار ٨ شهور كانت كل يوم تحكيلي جزء
وكانت في حاجات مش بتكملها زي ما اتكلمت عن
الأعمال والسحر اللي كان بيعمله بالنجاسة ..مكنتش
فاهم يعني ايه نجاسة اصلا وكنت فاكر أنه كان بيخونها وبيعرف ستات عليها
هي كمان كانت بتراعي اني سني صغير ومش فاهم كنت
بحس وبشوف في عنيها ان كل اللي هي حكتهولي دا
ميجيش 10% من حجم الظلم والعذاب والبشاعة اللي
عاشتها وشافتها منه وأنها بتحاول ع قد ما تقدر تجمل
الصورة علشان مكرهوش ع امل أن ربنا يهديه ويرجع
لعقله ولصوابه ونرجعله
في خلال ال ٨ شهور دول كانت امي بتنام جنبي وتفضل
حضناني جامد ولما كنت اقلق وافتح عنيه كنت بشوف
امي ماسكه هدومي زي الي خايفة أن اهرب ولا حد يجي
يخطفني منها. كنت برجع اغمض عيني تاني وانام علشان
متقلقش وتصحي لما اقوم من جنبها
حتي لما كانت تروح السوق الصبح كانت تخدني معها
وتفضل عنيها عليا وجنبها لحد ما تخلص ونرجع سوء
كنت في قمة السعادة والفرح ويعتبر دول كانوا احلي ٨
شهور في حياتي ..كله ببعاملني بود واحترام وحب
محدش بيتنمر عليا ولا بيتريق ولا بيجرحني بكلامه ولا
بيبصلي ب احتقار واستهزاء وقرف ..امي كانت خايفة
تروح القرية تسحب ورق المدرسة من هناك وتقدمه في
البلد اللي احنا عايشين فيها ل صبحي يشوفها ولا حد
من المقاطيع ويأذوها ولا يرقبوها وهي راجعه ويعرفه
مكانها وقالت مش مهم تروح عليه سنة والسنة الجاية يحلها ربنا
امي دي كنت بحسها ملاك مش بشر خالص من كتر حبها
وحنيتها وطيبتها وروحها الحلوة ..برغم كل اللي صبحي
الغول عمله فيها كنت بسمعها وهي بتدعيله في صلاتها
أن ربنا يهديه وينور بصرته ويكرهوا في الحرام ويبعده عنه ويحنن قلبه عليها وعلي ابنه
تعالوا بقي احكلكم عن اخر يوم شفت فيه امي 🥹😥
امي صحيت اذان الفجر اتوضت وصلت وسبتني نايم
لحد ما حضرت وجهزت الفطار وبعدين صحتني
اول ما فتحت عيني وشوفتها لقيت وشها منور وجميلة
اووي اووي علي غير العادة وفرحانه ومبسوطة وكلها
نشاط وحيوية وابتسمتها جميلة
قالتلي مالك ياواد مبحلق فيا كده ليه .. قوم يلا اغسل
وشك مجهزلك فطار ولا اللي بيجي في الافلام
ابتسمتلها وقومت ودخلت الحمام وقولت يمكن شفتها
بالجمال دا علشان كنت لسه صاحي ومفوقتش بس بعد
ما غسلت وشي وفوقت شوفتها كده برضو كنت مبسوط
وفرحان انها مبسوطة وفرحانه كده بس كان نفسي اسالها واقولها مالك وايه السبب
قعدت ابص عليها وهي بتاكل وبتاكلني ب أيدها وتقولي
اهو انت كبرت وبقيت طولي ولسه شيفاك مرجان العيل
الصغير 😘
خلصت هي اكل بس فضلت قاعدة بتاكلني ب أيدها
فطير وعسل ابيض وقشطة وحلاوة ولبن واول ما قولت
الحمد لله قالتلي خلاص ياحبيبي شبعت وابتسمتلي
نفس الابتسامة الجميلة اللي اول ما صحيت وفتحت عيني شوفتها
قولتلها ااه يا امي الحمد لله
قامت شالت الاطباق وقمت اساعدها وقعدت تدعيلي وانا
بشيل معها الاطباق وبدخلها المطبخ وتقولي .يباركلي في
عمرك وفي صحتك وعافيتك ..يطعمك ما يحرمك
ويكرمك ويوسع رزقك وبحبب فيك خلقه يامرجان ياابن بطني
قولتلها هو انتي مكنش ينفع تخلفيني لوحدك ياامي
امي ضحكت جامد وقالتلي اخلفك لوحدي ازاي ياواد
قولتلها من غير صبحي يعني وابويا دا
قالتلي وهي لسه بتضحك وكانت ضحكتها جميلة اوووي
ولسه بترن في ودني لحد اللحظة دي
وقالتلي قصدك من غير ما اتجوز يعني
قولتلها اه من غير ما تتجوزي ويكون ليا اب
ضحكت اكتر ضحكه جميلة اووي فيها كسوف وخجل
وخدودها احمرت وبقي شكلها اجمل واجمل وقالتلي ينفع
يامرجان بس ساعتها كنت هتبقي ابن حرام وسخسخت
من الضحك ...كنت عايز اقولها من كتر ما احنا مبسوطين
وبنضحك وفرحانين ناخد إجازة ومنحرش السوق ..بس
قالتلي يلا ياحبيبي علشان نشوف اكل عيشنا
رحنا أنا وهي السوق ووقفت تبيع وتوزن الخضار للناس
وكان كل يوم امي هي اللي تفضل عينها عليا ومرقباني
الا اليوم دا كنت أنا اللي عيني عليها وهي تبصلي كل
شوية بصات يتلخص فيها كل معاني الحب والحنان
والعطف ..بعد ما خلصنا شغل واحنا راجعين سالتها
قولتلها هو في ايه ياامي
قالتلي في ايه ازاي ياحبيبي
قولتلها انا حاسس انك صغيرتي ١٠ سنين وجميلة اوي اووي النهاردة
ضحكت وقالتلي والله انت اللي جميل وعيونك جميلة
❤️انت اللي محلي ايامي ودنيتي وانت عمري كله
وباستني في خدي وقالتلي نفسي اعملك كل اللي نفسك
فيه واعوضك عن كل حاجه وحشه عيشتها وشوفتها
محدش مصبرني ومهون عليا اللي انا فيه غيرك انت ❤️
ربنا ميحرمنيش منك ابدا ياضنايا ❤️وحضنتني جامد
وقالتلي يلا بقي ياواد علشان الحق أجهزلك
الغدا ..هعملك النهاردة الملوخية اللي بتحبها
روحنا البيت كنت حاسس ان اللي معايا في البيت دي
صاحبتي أو اختي الكبيرة مش امي خالص في حاجه
غريبة بس فرحان ومبسوط بيها اوي وبقول يارب تفضل
كده علي طول اتغدينا ورحنا أنا وهي عند مرات عم عمر
اخو الشيخ جمال وامي قعدت معها وانا قعدت مع علاء
ابنها كنا صحاب اوي ومن سن بعض وبعد العشا روحنا
البيت شغلت التلفزيون وامي دخلت المطبخ وبعد ربع
ساعة جت قعدت جنبي وكنا بنتفرج أنا وهي وفخاة
الشباك اتفتح واتهبد هبدا جامدة امي قالت استر يارب
بعدها امي سكتت خالص وقامت وقفت زي الصنم كنت
حاسس زي اللي امي جسمها اتخشب. اتخصيت وقفلت
التليفزيون وقولتلها بصوت عالي مالك يا امي في اي
جسمها رجع يتحرك عادي وبصتلي وقالتلي مفيش حاجه
ياحبيبي انا كويسة ..ورجعت بصت تاني ناحية الشباك
وهزت راسها وقالت حاضر حاضر
امي شددت العباية بتاعتها لبستها هي والطرحة ولبست شبشبها وهي متلهوجة
قولتلها انتي رايحة فين ياامي ..رايحة فين اصبري اجي معاكي وبتقولي حاضر حاضر لمين
قالتلي لا ياحبيبي خليك أنا نسيت حاجه عند خالتك
نعمات وهروح اجيبها وجاية ع طول
قولتلها لا انا هاجي معاكي 🥹اصبري
قالتلي علشان خاطري ياحبيبي خليك ومتخفش أنا
راجعه ع طول وفتحت الباب وخرجت وقفلت الباب
جريت فتحت الباب وندهت عليها لفت وشها وقالتلي
وهي بتحاول تكتم جواها الخوف والخضه وقالتلي والله
راجعه ع طول خش ياحبيبي ومتفتحش الباب لحد
وشغل التليفزيون خش ياحبيبي خش اسمع الكلام
امي مشيت بس انا فضلت واقف مصدوم وببكي ومش
فاهم في اي وامي رايحة فين ولو رايحة لنعمات
مخدتنيش معها ليه وليه وشها مخطوف وخايفة كده 😭
بدأت تظهر عفرة اكني عاصفة ترابية ودخان وقعد يزيد
ويكبر ويكبر لحد مبقتش شايف حاجه من كتر العفرة
والدخان وفضلت واقف لحد ما العفرة والدخان دا ما
راحو وأشوف امي بس امي اختفت ومبقاش ليها اثر 😭 🥹
يتبع..
