رواية الشيخ مرجان الفصل الاول 1 بقلم محمد يوسف
#البارت1بقلم 🖊️ Mohamed Youssef Sultan
تعبت من كتر المشي مع امي وانا شايل الشنطة ع قلبي
ومصاريني لسه بتتقطع من الوجع والألم ومن كتر التعب
نزلت الشنطة وقعدت ع الأرض ...امي اتخضت عليا
وقالتلي ياحبيبي يابني ما قولتلك سبني اشلها أنا اوعي
وشالت الشنطة ع دماغها وحاولت تقومني بس كنت
خلاص تعبت ومش قادر قعدت جنبي تطبطب عليا
وتقولي وهي بتبكي سامحني ياحبيبي معرفتش اختارلك
اب كويس يحبك ويحافظ عليك أنا مكنش قدامي حل
تاني لو رحت بيت ستك هيجي وهيبهدلنا ولو رحنا
لخالتك جوز خالتك مش بعيد يطردنا أو يكلم ابوك يعرفه
أنا مكنتش مهتم اوي لكلامها لاني كان الوجع والألم
بيقطع فيا ..امي شاورت لعربية نقلة كبيرة كانت معدية
ع الطريق ووقفت وامي قالت للسواق معلش ممكن تنزلنا ع اول الطريق اللهي يسترك
السواق بص ل امي بصه كلها خبث وغمزلها وقالها عيوني
انتي تامري ونزل شال الشنطة حطها في الصندوق وراء
وكان عايز يركب امي جنبه وابقي أنا جنب الشباك بحجه
أنه بيشرب سجائر وخايف علي صحتي وصدري من
دخان السجائر وهو الوسخ النجس كان عايز يتحرش بيها ويحاول يلمس جسمها
وقتها أنا مكنتش فاهم قصده ولا شاغلني ومجاش في
بالي أنه بالقذارة دي ..وامي اللي صممت اني اركب أنا
جنبه وهي جنب الشباك واكون وسطهم
ظهر عليه علامات الغضب وبقي يبصلي بقرف ..بس
برضو مكنش شاغلني أنا كل اللي شاغلني وقتها انام
علشان الحاجه الوحيدة اللي بتريحني من احساس الالم دا هو النوم
قعد يفتح كلام مع امي ويرمي كلام من تحت ل تحت
أنه عايش لوحده والدنيا تمام وان لو مشلتكيش الأرض
اشيلك في عيني ولما اضايقت ..اضايقت من كلامه
وبصتله ..كمل كلامه وقال القمر دا اخوكي الصغير
قولتله أنا مش قمر انا اسمي مرجان وابنها مش اخوها
قالي ب استهزاء عاشت الاسامي ياسي مرجان
امي ..متشكرين ياسطي كتر الف خيرك ..وغمزتلي اللي هو كبر دماغك منه وكلها دقائق ونوصلةع اول الطريق
قالها ..وعلي كده ايه اللي منزلك في الوقت دا
امي كدبت عليه وقالتله..أنا رايحة بيت ابويا في الناحية الغربية
قالها رايحة بيت ابوكي يبقي اكيد غضبانة..معقول في راجل عاقل يزعل ويغضب العسل دا
هنا نسيت الوجع والألم وقولت للراجل دا اقف
قالي ايه
قولتله بقولك اقف ..ااااقف
وقف العربية فتحت الباب وقولت ل امي انزلي نزلت وانا
نزلت وبكل وقاحة طلع الصندوق رمي الشنطة ع الأرض
وقال في داهية فعلا خيرا تعمل شرا تلقي
من وقاحته تفيت عليه وقولتله غوره تخدك. ياراجل
ياوسخ
..امي قالتلي خلاص ياحبيبي هدي نفسك
وقالتله هو ..روح ياسطي ربنا يستر طريقك
قالها اكل العسل حلو بس النحل بيقرص ..وبصلي من
فوق لتحت وقالي تشكر ياسي مرجان وطلع جري
بالعربية خاف احدف عليه طوبة اكسرله العربية
امي قالتلي معلش يابني ولسه هتشيل الشنطة ع رأسها
شلتها أنا ومشينا ..لحد ما وصلنا اول الطريق وامي
قالتلي تعالي نروح للشيخ جمال هو يساعدنا ويشوف
لينا مكان دا راجل طيب واكيد مش هيسبنا
رحنا للشيخ جمال واستقبلنا في بيته وكلم اخوه وشرحله
الوضع وقاله ابعتهم ورزقي ورزقهم علي الله
ورحنا ل اخوه الشيخ جمال استقبلونا استقبال زي استقبال الشيخ جمال واحسن
ناس طيبين ومحترمة وعارفين ربنا وبيسعدوا امي من
غير مصلحة ولا مقابل مش زي السواق الوسخ الحقير
المهم جمعو لينا بيت صغير اوضه وصالة وحمام ومطبخ
وامي رهنت الغويشة والحلق اللي معاها وبقت كل يوم
تروح السوق تبيع خضار وترجع بعد اذان الضهر ..الوجع والألم اللي كنت بحس بيهم اختفي تماما الحمد لله
وبدأت بقي تحكيلي كل يوم حاجات عن ابويا اكتشفت
أن مكنتش اعرفه اصلا
قالتلي أنها بعد ما اتجوزته مشي مع راجل مشعوذ ودجال
كان اسمه الشيخ صالح وكانت ديما بتحذره من الراجل دا
بس كان بيقولها أنه بيقعد بس معاه مش اكتر من
كده ..واتاري ابوك كان بيتعلم منه وبعد ما حملت فيك
.صالح دا طلع خلوة من اللي بيطلعها ابوك دي .بس
مرجعش بيقولوا أن الجن بلعوا وسحبه تحت الارض دا
الي سمعته واللي البلد كلها كانت بتقوله ساعتها
جوز المقاطيع بقي اللي معاه دلوقتي وديما معاه هما هما
اللي كانو شغالين اصلا مع صالح وبيجيبو ليه زبائن
وبيستنفعوا من وراه زي ما بيستنفعوا دلوقتي من ابوك
المهم هما اللي طلعوها في دماغه بحكم أنه كان اكتر
واحد متعلم فيهم وصالح معرفه شوية حاجات ورجله
جت في الموضوع ومن ساعتها وابوك اتحول وبقي
شخص تاني ..كان يضحك عليا ويقولي الواد لسه صغير
ومش حاسس ولا داري بحاجه اول ما يبقي عنده ٤
ولا ٥ سنين هبطل وهيبقي معايا فلوس كتير نمشي
ونسيب البلد وقرفها خالص ..والله يابني مكنش ب ايدي
ارفض ولا حتي اخد موقف .. لما كنت اعترض أو اهدده
اني هسيبه او أقوله طلقني كان بيسلط عليا الجن يجبلي
صداع وكوابيس وانا نايمة كنت احلم انك بتغرق وانا
مش قادرة انقذك واحلم انك توهت وضعت مني وانا في
السوق واحلم بكلب بيعضك وبياكلك كنت أقوم مفزوعة
وأوقات اقعد اصرخ اصرخ ولما اشوفك جنبي اهدا
واسكت واقعد استغفر ربنا
كنت اوقات ابقي داخله الحمام اتوضي وأشوف حيوان
شكله مفزع ويخوف وشعره مفرود ومغطي أرضية
الحمام كلها في مره دوست ع شعره حسيت أنه ازاز
وشوك دخل في رجلي ..مرتين يغم عليا وقلعت طرحتها
وورتني اثار جرح في رأسها بسبب مره لما اغم عليها
رأسها اتخبطت في الحوض واتفتحت ..عارف يامرجان
لما بطلت اشكي ولا اعترض واقبلت بالأمر الواقع
الصداع راح والكوابيس راحت ومبقتش حاجه تظهرلي
