رواية الشيخ مرجان الفصل الثامن عشر 18 بقلم محمد يوسف
#البارت18 🖊️ Mohamed Youssef Sultan
لما روحت فتحتلي ام سامح وسالتني انت كنت فين
قولتلها بعدين هبقي اقولك
قالتلي خش خش عم انور لسه نايم
قولتلها تقوله ايه لما يصحي ودخلت نمت قعدت تحاول
تتمايص وتقلعني وتقولي وحشتني يامرجان
قولتلها انتي بتعملي اي جوزك ممكن يصحي في اي وقت
ويخش علينا روحي واقفلي الباب وسبيني انام بقي
الساعة ١٢ صحتني من النوم وقعدت تتحرش بياوقالتلي
عمك انور راح ل ابوك والعيال في المدرسة
قمت غسلت وشي وطلعت من الحمام لقتها في المطبخ
بتحضر الفطار اتسحبت من غير ما تحس وفتحت الباب
ونزلت رحت ل ابويا ..سألني مالك ياض تعبان عندك اي..وايه اللي تعبك
قولتله بطني كانت تعباني اووي الصبح بس الحمد لله احسن دلوقتي
قالي ..وبعدين بقي في بطنك دي ..هبقي اخلي عمك
سامي يروح يكشفلك عند الدكتور
قولتله لو تعبت تاني هروح ..طلع فلوس من جيبه وقالي
خد خليهم معاك ..مش عايز حاجه
قولتله لا
دخلت اوضتي وقعدت افكر اجيب اسم امه ازاي وشفت
اني اسهل اني أسرق الصورة اللي ع الكمدينو بس يارب
اعرف وميخدش باله اني اخدتها ويشتكي ل ابويا ولا يبعتلي استدعاء ولي أمر ع البيت
وفعلا رحتله حصة في بيته بس مدخلش الحمام ولا
دخل المطبخ عمل قهوة ولا شاي زي كل مره
وتاني حصة جيه حد صنايعي عنده يغيرله مروحة
الغسالة وطلب مني انزل اشتري ليه قطع غيار من تحت
ولما قعدت استعبط عليه واحسسه اني مش فاهم وأنه
مش حافظ الطرق كويس ..خاف ل اتاخر وطلب مني أن
اقف مع الصنايعي لحد ما يجيب الحاجه بسرعة ويجي
فضل في الحمام الصنايعي يشرب سيجارة وقولتله اعملك شوية شاي
قالي ياريت سكر زيادة قالي أنه استاذ ابراهيم دا بيشك
في صوابع أيده وأنه نزل مخصوص علشان خايف اني
اضحك عليه وازود في ثمن الحاجات وأن معظم
الموظفين كده ناشفين وجلدة ويطلعوا الجنية بالعافية
قولتله ثواني وفتحت اوضة استاذ ابراهيم ولسه هطلع
الصورة من البراواز فتحت الدرج لقيت ورق كتير وكام
صورة ليه صغيرة اخدت وحده منهم وطلعت بسرعة
كملت كلام مع الصنايعي وخلصت الحصة ونزلت ورحت
البيت وبعد يومين ابويا قالي روح لعمك انور ابعتهولي
وخليك هناك والساعة 10 تعالي ..قولتله أنا هاخد شنطة
المدرسة وهبات هناك واجيلك بكرا بعد ما اخرج من
المدرسة قالي ماشي ياحبيبي ..كان عايز يوزعني
علشان يشوف شغله
رحت وقولت ل عم انور وبعد ما راح ل ابويا..ام سامح
قالتلي اصبر شوية هبعت سامح واخته عند اختي ونقعد
مع بعض قولتلها بكرا نروح البيت بتاع امك علشان ناخد راحتنا اكتر
قالتلي انا مبقتش مرتحالك ونفسي اعرف المره اللي رجعتلي فيها الصبح كنت فين
قولتلها يووووووه بقي
قالتلي خلاص ياحبيبي انا مش بحبك تزعل ..انت لما
تحب تحكي لوحدك أنا هسمعك ...قالتلي تخش تاخد دش
واجبلك عباية من بتوع سامح تلبسها قولتلها ماشي
سامح راح يجيب لبن من عند جدته ام أبوه وأم سامح
دخلت عليا الحمام كانت عايزة تحميني ..زعقت فيها
وقولتلها انت ايه اللي بتعمليه دا اقفلي الباب
قفلته ولما طلعت لقتها واقفة ع باب الحمام وزعلانه
ومقموصة مني وقالتلي خش اوضة عمك انور سرح
شعرك..دخلت وجت حضنتني من ضهري وقالتلي انت
مش هتبطل شخط ونطر فيا ..دا انا عمري ما خوفت من
راجل ولا عملت حساب لمخلوق ..بلاش تقسي عليا يامرجان أنا بحبك
سامح رجع وانا فضلت قاعد افكر في استاذ ابراهيم وفي
الدساسة ومستني بفارغ الصبر الليل يجي علشان اروح
اقابلها واتمتع واعيش اجمل اللحظات معها
رحتلها وكنت واخد معايا قطة صغيرة ودخلت وسامع
صوت انفاس اكتر من حد صوت ناس بتتنفس سامع
صوتهم وحاسس بحرارة نفسهم وبعدين سمعت صوت
جنحات اكنها بتطير بس مش شايفها وظهرت الدساسة
بصورة الست العجوزة وقالتلي اتاخرت عليك
قولتلها انا كنت حاسس ان في حد هنا
قالتلي انا مشتهم ا.د.ب ح يلا وشيل شوية دم وارمهالهم برا يكلوها
قولتلها برا ..برا فين 😟
قالتلي ارميها برا في اي حته ..سمعت كلامها ورجعتلها
وقالتلي انت كده كده مش هتشوف حاجه بس برضو
مش عايزاك تستغرب حاجه من اللي هتشوفها ولا حتي تظهر انك خايف ..اتفقنا
هزيت راسي بس كنت مرعوب وعايز اقولها طب ما تخليني امشي وانتي اتصرفي
ابتسمتلي وقالتلي بصوت مبحوح ..قولتلك يامرجان
متخفش .اسمع الكلام
قولتلها حاضر حاضر
قعدت تتكلم بلهجة غريبة بكلام مش مفهوم ووتحرك
صبعها بشكل دائري وتفرد صوابعها وايدها ع الاخر
وزي اللي بتكلم حد جنبها بس انا مش شايف غيرها هي
وبس ...بصتلي وقالتلي هات الصورة وبعد ما كانت
مسكها ب أيدها فضلت الصورة متعلقة في الهواء وبعد كام ثانية وقعت ع الأرض
وقالتلي هات الصورة جبتهالها ..قالتلي اطلع برا مكان ما
رميت القطة هتلاقي عضمها موجود هات عضمة وتعالي
رحت وفعلا ملقتش القطة ولقيت كام عضمة جبت عضمه
وصممت اني اكتب الطلسم بخطي أنا وعرفتني ازاي اعمله
خلصنا وقالتلي تعالي ورايا
طلعت وفضلنا ماشين ووقفت وشاورت ب العصايةاللي
كان في أيدها وقالتلي احفر هنا حفرت
قالتلي احفر اكتر يامرجان حفرت وقالتلي حط الصورة في الحفرة واردم عليها
قولتلها خلاص كده
قالتلي خلاص عايز تروح
قولتلها لا
ابتسمت وقالتلي تعالي ورايا واحنا نازلين اتحولت لخالتي قولتلها ما بلاش خالتي
مردتش عليا بس قالتلي هو شتمك قالك اي ابراهيم دا
قولتلها قالي يا خ.و.ل
ضحكت ضحكتها العالية اللي كلها غرور وشر وتكبر
وقالت بكرا نشوف مين اللي خ.و.ل ..انت ولا هو
قولتلها هو انتي كنتي بتكلمي مع مين من شوية
ابتسمت وقالتلي
اسالتك كترت يامرجان..دا ميمون النكاح👹
يتبع.
