رواية الشيخ مرجان الفصل الرابع 4 بقلم محمد يوسف
#البارت4 🖊️ Mohamed Youssef Sultan
عم عمر نزل فتح وسأله خير يا حضرة اؤمر
صبحي ..مايؤمر عليك ظالم أنا صبحي ابو مرجان اللي عندك جو
عم عمر..اتفضل اتفضل
صبحي ..يزيد فضلك امال فين ام مرجان أنا قعدت
اخبط قد كده محدش رد عليا والجيران قالولي ان
مفيش حد ومرجان عندك ..مراتي فين😐
عم عمر..والله معرفش راحت فين ..مرجان قالي انها
خرجت بليل لوحدها ومن ساعتها لسه مرجعتش
صبحي..ازاي متعرفش ..امال مين اللي يعرف..مش انت
اللي جبتلها البيت اللي قاعدة فيه وساعدتها في الشغل
بقي مرات صبحي الغول تبيع خضار في السوق
عم عمر ..الشغل مش عيب ياصبحي
صبحي..بخبث ومكر .مش عيب ..اه فعلا مش عيب ..بس
العيب أن وحده ست ع ذمة راجل ومش اي راجل .دا
صبحي الغول . تهرب ب ابنها ..والعيب الأكبر انك تكون
عارف انها هربانه وتساعدها.ع العموم دا مش موضوعنا
..لو سمحت أنا عايز مراتي وابني
عم عمر..مراتك وابنك 😧 ابنك بس اللي عندي
ياصبحي..مراتك أنا معرفش مكانها والله
صبحي..وانا اضمن منين انك متكنش جبتلها مكان تاني
ولا متجوزها في السر مثلا من ورا مراتك
نعمات..ايه ياعمر اللي أنا سمعته دا😱
عم عمر..ياجدع انت ايه اللي بتقوله دا جواز اي وسر اي
احترم نفسك وانتي ياست انتي ادخلي جوا ..قومي
نعمات.. 😡ماشي ياعمر أنا قايمة ماشي..وقعدت تبرطم وهي ماشية
صبحي ..أنت هتجبلي مراتي وابني ولا اطلع ع المركز
اقولهم أن الراجل دا كان واخد مراتي وابني وهما
يرجعولي مراتي وابني بمعرفتهم بقي
عم عمر ..والله العظيم أنا معرفش راحت فين ولا اعرف
طريقها ..ابنك بس اللي عندي..وبدأ يحس بتوتر وارتباك
ومش عارف يتصرف ازاي ..خايف من المركز وان تطلع
عليه اشاعة في البلد وسمعته واسمه ينضر بسبب الكلام الاهبل اللي صبحي بيقوله
صبحي ..خلاص أنا هاخد ابني بس لو طلع اللي في دماغي صح مش هرحمك لا انت ولا هي 😡
عم عمر ..كلام اي ..انت شكلك متعرفتيش .اسال علي
الحج عمر كامل ابو الشيخ وانت هتعرف انا مين وناسي
مين ..احنا منكدبش ولا لينا في الكلام دا
صبحي ..أنا مش هسال بس عايزاك انت اللي تسال علي
صبحي الغول 😡
عم عمر ..قال في سره ..أنا مالي ومال القرف دا ..اديله
ابنه وخليه يغور في داهية ..دا شكله بني ادم
مريض .اعوذ بالله من غصب الله
عم عمر .. يامرجان..يامرجان ..ياعلاء
أنا كنت سامع بس مش قادر ارد وخايف اوووي ومرعوب
عم عمر..يا ام علاء هاتي مرجان علشان يروح مع أبوه
جيت وسلمت عليه وقالي بركة انك بخير ..بقي ياض
مش عايز تروح مع ابوك حبببك
قولتله اه مش عايز ..أنا هستني امي هنا ..امي هترجع 🥹
صبحي ..بسخرية ..من أمتي اللي بيروح بيرجع ياولدي
بس متقلقش أنا هقلب عليها الدنيا ويبص ل عم عمر
بغضب ويكمل كلامه هقلب عليها الدنيا ياولدي لحد ما الاقيها 😡
مسكت في جلبية عم عمر وقعدت ابكي جامد واقوله
والنبي ياعم عمر خلينا هنا انا مش عايز اروح معاه والنبي 🥹🥹
عم عمر ..طبطب عليا وقالي دا ابوك يامرجان متخفش
ياحبيبي روح معاه وانا لو امك رجعت هجبهالك لحد
عندك متخفش
فضلت اصرخ وأبكي وأمسك في الجلبية بتاعته مش
عايز اسبها وجسمي كله بيتنفض من الخوف لحد ما
صعبت عليه وقاله
عم عمر ..ممكن طب تسيبه يومين لحد ما يهدأ وانا
هجبهولك لحد عندك
صبحي ..ولا ساعة تانية ..وشخط فيا وبرقلي وقالي يلا ياض انجر قدامي
عم عمر ..مش كده ياصبحي براحة انت مش شايف حالة
الواد عاملة ازاي ..راعي أنه حزين وزعلان ع امه
قعدت ابكي وعم عمر خدني في حضنه وقال ل ابويا
الواد هيفضل عندي أمانة لحد ما امه ترجع
صبحي ..دا اخر كلام عندك
عم عمر ..وهو مرتبك ومتوتر من نظرات ابويا ..قاله الله اخر كلام
صبحي ..قام وقال طب ياسيدي ماشي وقرب منه جامد
أنا خوفت منه يضربني ووشوشه وقاله خد بالك من الأمانة بقي ياابو الشيخ 😡 ومشي
ومن بعدها مشفتاش يوم حلو كل يوم تحصل مصيبة
وكارثة ..عم عمر بقي يحلم احلام غريبة ويقوم مفزوع
ويصرخ جامد والبيت كله يصحي ع صوت الصراخ دا
ويحكلنا اللي شافه ..قال إنه أهل البلد كانو ببحدفو ع
البيت كور ناار وأنه شاف مراته وعياله متفحمين
ومره تانية قال إنه شاف ان في وحش ماسك ساطور
وعمال يقطع فيه وهو حي وفي الاخر فصل رأسه عن
جسمه ..دا غير الحاجات اللي كان بيحس بيها في الحمام
وهو بيقضي حاجته ..كان بيقول أنه بيحس اني في حد
معاه في الحمام وبيحس بحركته وبيسمع صوت نفسه
وفي مره البهايم اللي في الحوش بتاعه اللي كلها
مربوطة الرباط اتفك والباب اتفتح وكلهم طلعوا برا ولولا
ستر ربنا وان واحد من الجيران قالهم كانوا هربوا
اخر يوم دا نعمات حست بتعبان ماشي ع جسمها وقعدت
تصوت جامد وقلبنا الاوضه ملقناش اي حاجه
وحده جارتهم قالتلها ان جوزها كان كده ونزلت القاهرة
وراحت زارت السيدة زينب والحسن والحسين وطلعت
حاجات لله والمشكلة اتحلت وفعلا اخدت عم عمر وسافروا ع القاهرة
وبعد ما خلص صلاة ودعاء وطلعوا قابلهم الجن اللي محضروا صبحي ع هيئة واحد من المجازيب ووقف قدام عمر ..عمر افتكر انه عايز حاجه لله وطلع فلوس وقاله خد
قاله أنا الغني بعلمي وبكرماتي وانت الفقير رجع فلوسك في جيبك ياعمر ياابن زينب
نعمات اندهشت وعمر قاله انت عرفت اسمي واسم امي ازاي 😱
قاله ..هتفضل العقدة معقودة.طول ما الأمانة في بيتك موجودة
نعمات ..بركاتك ياسيدنا بركاتك ايدك ابوسها .. حاضر
ياسيدنا حاضر هنرجع الأمانة هنرجع الأمانة وطلعت كل
الفلوس اللي معها وقالتله خد ياسيدنا ❤️دي حاجه بسيطة
قالها ..أنا ميهمنيش المال ولا الدهب ولا الياقوت ولا
المرجان.. مرجان.. مرجان..مرجان ..حيييييييي
نعمات ..هو اسمه مرجان ..اسمه مرجان ياسيدنا .. هات
ايدك التانية ابوسها
قالها..التعلب فاات فااات فاااات ..والدور جاي علي نعمات
وقعد يردد الجملة دي وهو ماشي التعلب فاات فااات
فاااات.والدور جاي علي نعمات
نعمات من الصدمة قعدت علي الارض ..وقعدت تعدد
وتلطم ع وشها وتردد كلام المجذوب
عمر قومها من ع الأرض وقالها انتي ايه اللي بتعمليه دا
قالتله وهي منهارة يانا يا الواد دا في البيت قسما بدين
الله لو مرجعتش الواد دا ل أبوه مش هقعدلك في البيت
دقيقة وحده 🥹 التعلب فاات فااات والدور جاي ع نعمات 😭😭
