رواية ندم لا يفيد الفصل الخامس 5 بقلم مارينا علي
حمد الله على سلامتك ياملك
ملك وهيا بتتعدل فى قعدتها
الله يسلمك يامراد
مراد بابتسامة: متتصورتيش فرحت قد ايه لما عرفت انك لسة عايشة بس ده حصل ازاى يعنى انا شوفت العربية انفجر*ت قدامى
ملك بتعب: انا كنت نطيت من العربية قبلها
مراد بااستغراب: وليه ياملك معرفتناش فى وقتها انك كويسة احنا افتكرناكى موتى ومامتك حالتها صعبة جدا
ملك بحزن: فى حد حاول يقتلنى يامراد وانا لازم اعرف هو مين الاول انا محتاجة مساعدتك
مراد:ده واجبى ياملك انى اقف جمبك بس انتى ناوية تعملى ايه؟
ملك بتفكير: مش عارفه يامراد ابدأ منين ولا ازاى.... تفتكر يزن الل حاول يقتلنى
مراد: معتقدش مش بقول كدة عشان هو اخويا بس يزن ملهوش مصلحة انه يقتل*ك نهائى بس بصراحة انا شاكك فى البنت الل اسمها روز تصرفاتها غريبة ومش مطمنلها
ملك بكره: مش كفاية انها خرب*ت حياتى كمان كانت عايزة تقتلنى... مراد انا انا لازم اظهر طول مانا بعيدة كدة مش هقدر اوصل لحاجة
مراد: ملك اهدى انا مش متأكد ان هيا ده مجرد شك وبعدين انا خايف ترجعى البيت والشخص الل حاول يقتلك يحاول تانى انا هشوفلك مكان آمن تقعدى فيه
ملك بدموع: لحد امتى يامراد انا هاجى معاك وأسيبها على ربنا ماما ورولا ورودى اكيد بيتعذبوا من غيرى
مراد: ملك ارجوكى انا خايف عليكى ممكن اننا نخفى عليهم انك لسة عايشة ده غلط ومش هيسامحونا عليه بس ده افضل مايخسروكى خالص وبالنسبة لعيلتك متخافيش انا جمبهم ومش هخلى حد يقرب منهم
ملك بابتسامة حزينة : مش جديدة عليك يامراد طول عمرك كنت واقف جمبى انا والبنات ومحسستهمش بغياب ابوهم بناتى محظوظين انك عمهم ياريت يزن زيك
مراد بمرح: كفاية كلامك ده كدة هاخد مقلب فى نفسى
ضحكت ملك بخفة وبعدها قال مراد
انا هروح دلوقتي ياملك عشان محدش يشك فيا وهجيلك قريب خلى بالك من نفسك
كانت روز نازلة من السلم وهيا حاطة سماعه فى ودانها وبتدندن بكلمات اغنية اجنبى وهيا بتتمايل وتهز جسمها بااغراء
كيان بغيظ: روحى ياشيخة الهى تنقلبى من على السلم ونخلص منك
روز: صباح الخير كيان
كيان: صباح الزف*ت
روز بااستغراب: What does this mean ( ماذا تعنى) زفت انا مش افهمك تقصد ايه
ثنية بتريقة: دى شتيمة ياروحى
روز: وانت مين اول مرة اشوفك..... ااه انت الخدامة جديدة ممكن اعملى قهوة
ثنية:نعممم ياختتتى انتى اتجنن*تى ولا ايه لا انتى مش عشان اجنبية تشوفى روحك علينا لا ده انا افعص*ك تحت جزمتى يابت
روز: what انا قولت حاجة غلط
ثنية: ايوا ياماما انا مش خدامة انا ثنية مرات ريان سلفتك
بعدها دخلت ثنية المطبخ بعصبية
وصيفة: مالك يابت فى ايه
ثنية: انا زهقت ياخالتى
وصيفه بسخرية: انتى برضه الل زهقتى ياعنيا مش كفاية مستحملاكى انا وابنى يابت ده انتى مجوزة من قبل ملك يعنى بقالك عشر سنين مجوزة ومعرفتيش تجيبى لابنى حتة عيل ولا المرحومة التانية جايبة بنتين اعمل بيهم ايه أهى غارت عقبال عيالها ومعرفش ابنى صابر عليكى
ثنية: والله ياخالتى انا الل صابرة مش ابنك
وصيفه: تقصدى ايه يابت
ثنية وهيا ماشية قالت
روحى اسألى ابنك
دخلت ثنية غرفتها وخرجت صورة محتفظة بيها وباستها بحب وهمست
لوله حبى ليك مكنتش استحملت مع ريان الل مبيخلفش ده لحظة بس اعمل ايه عايزة افضل فى البيت عشان اكون قريبة منك
دخل يزن اوضة ملك ودموعه خانته ونزلت وفورا ازاحها
يزن فى نفسه: انا السبب انها تموت رودى كان معاها حق هعيش ازاى بعذاب الضمير ده
صوت تانى من جواه قاله: وانت ذنبك ايه انت عمرك ماحبتها وحبيت روز وبس ابوك الل جبرك تجوزها
صوت آخر: بس هيا ذنبها ايه ليه تدفع التمن
كل ذنبها انها حبتك مكنش مفروض تحب جبان
يزن وهو بيرمى الفازة بقوة: بسسسس كفااااااية انتم الاتنين
يزن انت بتعمل ايه هنا
التفت يزن وشاف روز فقالها باارتباك
ولا حاجه انا كنت جاى اشوف العيال..... انتى جاية اوضة ملك تعملى ايه
روز: ضورت عليك كل البيت ملقتش انت اتوقعت انك هنا وطلعت صحيح
يزن: كنتى عايزة حاجة ياحبيبتي
روز: عايزة money بيبى
يزن: عايزة كام
روز: 100 الف
يزن بصدمة: 100 الف ليه
روز بزعل: معقول حبيبي نسيت عيد ميلادى
يزن بصدمة: يعنى انتى عايزة الفلوس دى عشان تعملى حفلة عيد ميلادك
روز بفرحة: ايوا حبيبى هنعملها فى البيت
يزن: اييه انتى اكيد اتجننتى معداش اسبوع على وفاة ملك وعايزة نحتفل فى البيب
روز: واحنا مالنا حبيبى انا وعدت كل صحابى فى مصر انى اعمل حفلة فى بيتنا ونعزمهم كلهم
بعدها نزلت دموع التماسيح بتاعتها فمسح يزن دموعها برقة
يزن: خلاص هعملك الحفلة الل انتى عايزاها (ياواط*ى🙄)
عند ملك كانت قررت انها ترجع البيت وتعرف الكل انها لسة عايشة كانت متوقعه انها هتروح تلاقى البيت فى حالة حزن متعرفش انها هتلاقى حفلة عملتها اكبر عدوة ليها والل سمحلها يزن ابو عيالها
ملك باابتسامة: الفرحة هترجع تانى البيت تانى بعد ماارجع
تفتكروا ايه ردة فعل يزن اما يشوف ملك وياترى يزن بيحب ملك ولا مجرد شعور بالذنب
#ندم_لا_يفيد5
