رواية موضوع عائلي الفصل الثالث والعشرون 23 الجزء الثالث بقلم رحاب القاضي

 رواية موضوع عائلي الفصل الثالث والعشرون 23 الجزء الثالث بقلم رحاب القاضي

#موضوع_عائلي

"بيت الهنا" 

_ الحلقه الـ 23 

ــــــــــــــــــــــــــــــــــــــــــــــــــــــــــــــــــــــــ

"ما كنتُ أحسبهُم يَرجونَ لِي ألمًا 

لَكِن رَموني بسَهمٍ هدَّ أركانـي!"

_دخلت يارا عند. زين اللي كان قاعد علي سريره في المستشفي وبيقلب في موبيله ولما شافها قفل الموبيل بسرعه وحطه جنبيه وقال.. 

زين 

اهلا وسهلا اتفضلي.. 

دخلت وسابت الباب مفتوح وقالت

اهلا بيك والف سلامه 

زين 

الله يسلمك تعالي اقعدي واقفه ليه؟ 

يارا بخبث

علي فكره بقي انا ما كنتش جايه بس ماما اللي صممت اني اجي معاها.. 

زين 

يعني انتي ما كنتيش عايزه تطمني عليا؟ 

يارا 

لا مش عايزه اطمن علي حد.. 

زين 

زعلانه عشان ما كنتش بكلمك صح، والله العظيم انا بعمل كده عشانك انتي وعشان لو كان في نصيب وعشت تبقي ليا علي طول.. 

ردت عليه بتوتر وقالت

عادي ما فرقش معايا اصلا ومش هكلمك تاني.. 

زين 

يعني تعبان وهدخل عمليه خطر اووي وانتي تقوليلي كده اخص عليكي.. 

يارا بحزن 

طيب ما انت حط نفسك مكااني كنت بكلمك وانت ما بتردش عليا خالص ولولا ان ماما قالتلي اللي حصل بينك وبين بابا انا كنت صدقت.. 

زين 

هو بعيد عن انك عرفتي كل حاجه، انتي كنتي هتصدقي ايه؟ 

يارا 

انك بتكلم واحده غيري.. 

ابتسم زين وقال

عبيط انا عشان اعمل كده، وهلاقي احلي منك فين اصلا.. 

ابتسمت بخجل وهو قال

بصي يارا هو انا لازم انفذ كلام ابوكي ومش هتكلم معاكي في اي حاجه خالص لحد ما اخد منه الاذن، هو معاه حق انتي غاليه اووي وانا لازم اثبتله اني اقدر احافظ عليكي من نفسي قبل اي حاجه.. 

ابتسمت بهدوء وقالت 

ماشي خلاص.. 

زين بهدوء

انا هطلب منه انك تكوني موجوده معايا يوم العمليه انتي وبابا وماما وبس مش عايز اي حد تاني، يعني مش عايز يكون في نااس كتير كفايه يبقي موجودين اكتر تلاته بحبهم في الدنيا.. 

وشها قلب احمر وقالت بتوتر 

ان شاء الله تقوم بالسلامه.. 

_دخلت في الوقت ده فيروز ومعاها شهد اللي قالت لزين بابتسامه بسيطه وهدوء.. 

شهد 

الف سلامه عليك يا زين وربنا يقومك بالسلامه

زين 

الله يسلمك. يا طنط، وشكرا. جدا انك. جيتي بنفسك. تطمني عليا وجيبتي يارا.. 

شهد 

ده. الواجب يا حبيبي، وكمان يونس تحت مع باباك وهيطلع يطمن عليك دلوقتي، هي العمليه امتي يا فيروز؟ 

فيروز

بعد اربع ايام. بالظبط. من النهارده.. 

شهد 

ربنا يقومه بالسلامه.. 

ــــــــــ #بقلم_الكاتبه_رحاب_القاضي ــــــــ

_وفي الصعيد في بيت القاضي طلع عبدالله اوضته واول ما دخل اتفاجئ بروان قاعده ومعاها عليااء اللي قالتله بسرعه.. 

علياء

ورحمة ابوك لتقعد وتتكلم معاها كده بالهداوه، اهي جات لحد. عندك... 

بصلها عبدالله بغضب وطلع موبيله وقال بجمود

هكلم السواق يوصلها لحد ابوها انا ما قولتلهاش تيجي وما بقيتش عايزها خلاص. 

روان بدموع

وانا مش همشي يا عبدالله غير لما تسمعني.. 

علياء

استهدي بالله يا ابني مش من اول مطب كده عايز تنهي كل حاجه.. 

روان بحزن 

قوليلو فالح بس يقول انه بيحبني بيحبني وهو مش راضي يصدقني ولا عنده ثقه فيا اصلا.. 

عبدالله بجمود. 

تصبحي علي خير يا امي اتفضلي نامي.. 

بصتلها روان بخوف وهي قالت 

طيب نتكلم الاول.. 

عبدالله بنبره غاضبه 

تصبحي علي خير يا امي هي مش عايزه تتكلم تمام انا هتكلم معاها بس بمعرفتي.. 

علياء بتوتر

وماله يا ابني زي ما تحب تصبحو علي خير.. 

طلعت علياء وروان قالتلها بخوف

استني يا عمتو بس رايحه فين.. 

_كانت لسه هتروح وراها بس عبدالله مسك ايدها جامد وسحبها ناحيته وقال بحده.. 

عبدالله 

علي فين يا روان مش جايه تقلبي عليا الترابيزه خلينا بقي نخلص الحوار ده كله بيني وبينك من غير لا ادخل اهلك ولا اهلي.. 

روان بخوف 

انت هتعمل ايه؟ 

عبدالله بخبث

هنتكلم.. 

روان بقلق

واحنا واقفين كده؟.. 

ذقها بعنف علي الكنبه وقعد قدامها وقال

سامعك قولي اللي عايزااه، بس الاول ردي علي سؤالي انتي ايه سبب رفضك اني اقرب منك من لما اتجوزنا؟.. 

روان بتوتر

كك كنت بتدلع عليك شويه.. 

عبدالله بحده

رواااان من غير لف ودوران تردي عليا يا تاخدي بعضك وتمشي.. 

روان بجديه

والله العظيم دي الحقيقه مؤخراً يعني، الاول كنت قافله منك لما ضربتني وكنت بقول يومين هقضيهم معاك وهتطلق لاني كنت زعلانه منك اووي، بعد كده يعني كنت. مكسوفه علي متوتره شويه فكنت بتهرب منك والله ما في حاجه تانيه.. 

عبدالله 

وحوار انك كنتي مصاحبه واحد وبتروحيله بيته ده ايه، وقبل كده لما شوفنااه واحنا مخطوبين وسألتك ليه كدبتي عليا ما قولتليش الحقيقه ليه؟ 

روان بحزن 

كنت خايفه من بابا وقتها وكل الحكايه اني اتعرفت عليه من ناحية ناس صاحبنا كنت منبهره بقي انه غني وكده واتعرفنا واتفقنا والله انه هيجي يتقدملي.. 

عبدالله بغضب 

روحتيله بيته ليه؟ 

روان بخوف

كان عايز يعرفني علي مامته او ضحك عليا وقالي كده وانا صدقته وروحت هناااك وحاول يقرب مني غصب عني والله وقتها بابا جه واخدني ومشينا.. 

عبدالله بسخريه

وعشان يعاقبك علي الغلط اللي بتعمليه خلاكي توافقي بيا، وانتي بتكرهيني ومش عايزاني.. 

روان 

لا والله انا مش بكرهك ولا عمري كرهتك كل رفضي ليك كان عشان مش عايزه اعيش هنا في البلد وقتها كنت عايزه اقعد في القاهره واتجوز حد مرتاح هناك.. 

قامت وقعدت جنبيه ومسكت ايده وقالت 

بس دلوقتي خلاص والله انا مش عايزه اقعد غير معاك انت وفي اي مكان المهم ابقي معاك وهتعملم اعملك الاكل اللي انت بتحبه ومش هتنك علي حد هنا تاني وهغير لبسي والبس اللي انت تقولي عليه بس عديها وسامحني.. 

عبدالله بجمود

ليه هتعملي كل ده عشااني معقوله حبتيني يعني، ولا خايفه تخسري فرصه مش هتلاقيها تاني.. 

روان بحزن 

لا هلاقيها عادي بس انا مش عايزه اسيبك ومش عايزااك تطلقني عشان حبيت حياتي معاك يعني.. 

عبدالله بخبث

اما نشووف هتحبيها في اللي جاي ولا لا؟ 

روان بقلق

يعني ايه؟ 

عبدالله 

يعني هشووف هتتحملي طريقتي معاكي بعد كده ولا لا، هتبقي زوجه مناسبه ليا ولا لا.. 

روان 

يعني ايه برضو مش فاهمه؟ 

عبدالله 

هتشوفي ودلوقتي مش عايز اي كلام تاني عشان جاي فاصل من الشغل وعايز انااام.. 

روان 

طيب سامحتني خلاص ولا ايه؟ 

عبدالله 

اثبتيلي انك اتغيرتي يا روان وقتها هسامحك انما انا مش قادر اشوفك دلوقتي غير واحده لو كنت عرفت اخلاقها قبل ما اتجوزها عمري ما كنت هبصلها مش اتجوزها.. 

روان بدموع 

طيب وانا اثبتلك العكس ازاي؟ 

عبدالله

بعدين قولتلك عايز انااام... 

_ورااح غير هدومه ووقف قدامها وهي قااعده علي الكنبه وقال بجمود.. 

عبدالله 

روحي نامي يا روان انا هناام علي الكنبه هنا.. 

روان بحزن 

حاضر اللي يريحك.. 

_وقامت من علي الكنبه وهو نام علي طول وهي بعتت رساله لحسن وكتبتله فيها.. 

روان

"يعتبر الامور اتحلت يا بابا اطمن" 

ــــــــــ #بقلم_الكاتبه_رحاب_القاضي ــــــــ

فتح طارق الباب وكان واقف قدامه ست كبيره شويه في السن ومعاها راجل في نفس سنها وبيبصوله بعصبيه وغضب.. 

طارق بقلق

في ايه؟ 

كوثر

انت الاستاذ حسن؟ 

طارق 

لا انا ابنه انتو مين وعايزينه في ايه؟ 

مجدي 

شايفه يا كوثر بنت اختك قاعده مع راجل غريب وابنه الشحط ده.. 

طارق بحده 

جرا ايه يا جدع انت ما تحترم نفسك شحط في عينك اتكلم كويس.. 

مجدي

انا اتكلم زي ما انا عايز ودلوقتي حالا تندهلنا هنا بنت سيد.. 

طارق 

وانتو مين اصلا وتقربو لهنا ايه؟ 

كوثر

انا خالتها يا دلعادي ومش هنمشي من هنا غير لما ناخدها معانا.. 

طارق بجمود

تاخدوها معاكم اممم طيب وسعو كده بس انهدلكم بابا يتصرف معاكم.. 

مجدي 

ايوه يا اخويا انده بابا طول الباب وبيقول بابا زي العيال.. 

طارق بغيظ 

اللهم. طولك ياروح احترم شيبتك يا حج عشان افضل محترمك انا كمان.. 

_وخبط طارق علي باب شقتهم وبص تاني لمجدي وافتكر كلام هنا علي جوز خالتها اللي كان بيحاول يتحـ _ رش بيها واتحولت ملامحه للغضب والعصبيه.. وبعد شويه كانت ليلي بتعيط وبتقول لحسن قبل ما يطلع من اوضتهم ويقابل خالة هنا وجوز خالتها.. 

ليلي 

انت هتعمل ايه يا حسن؟ 

حسن

مش عارف يا ليلي هطلع اشوفهم الاول هما عايزين ايه.. 

ليلي

ما هي باينه زي عين الشمس عايزين ياخدو بنتنا مننا، بقولك ايه انت اللي خليتها تقعد. معانا وانا اتعلقت بيها زي باقي ولادنا واقسم بالله لو خليتها تروح معاهم انا عمري ما هسامحك.. 

حسن 

لو كنت عايزهم ياخدوها يا ليلي كنت من الاول خليتهم يجو ياخدوها ومش لوحدك اللي اتعلقتي بيها يعلم ربنا انها من اول ما قعدت معانا هنا وهي بقيت في غلاوة ولادي برضو.. 

خبطت في الوقت ده رضوي علي الباب وقالت

بابا ممكن اتكلم معاك.. 

حسن

ادخلي يا رضوي.. 

دخلت رضوي وقالت بحزن 

بابا انا كنت عايزه افكرك. ان عم سيد الله يرحمه قبل ما يدخل العمليات قالي اقولك ان لو حصتله حاجه هنا تفضل معاك وما تخليهاش تروح عند. خالتها عشان ما بتحبهاااش وانت عارف برضو السبب، فلو سمحت خلي الناااس دي تمشي ويسيبوها معانا.. 

حسن 

هو انتو ليه محسسيني اني رايح اقولهم خدوها وامشو، ما حدش هياخد هنا من هنا غصب عنها ده كان طارق ولع فينا.. 

ضحكو هما الاتنين بهدوء وحسن قال

هي هنا فين يا رضوي؟ 

رضوي 

اول ما عرفت انهم بره وهي وشها اتخطف كده وقالت انها مش عايزه تقابل حد.. 

حسن 

طيب خليكي مع امك هنا ما تخليهاش تطلع بره وانا هطلع اشوفهم دول عايزين ايه؟ 

_وطلع حسن بره وكانت قاعده. كوثر خالة هنا ومجدي جوزها مع طاااارق اللي قاعد. معاهم ومتعصب جدا.. 

حسن بهدوء

يا اهلا وسهلا نورتونا.. 

كوثر بحده 

لا اهلا ولا سهلا انت الي اسمك حسن؟ 

_كان لسه طارق هيرد عليها بس حسن شاورله يسكت ورد عليهم وقال بهدوء.. 

حسن 

ايوه يا حجه انا حسن خير ان شاء الله؟ 

مجدي

وهيجي منين الخير بقي الراجل يموت ولا حد. يبلغنا وكمان تاخد البنت عندك والله واعلم عملت فيها ايه؟ 

حسن قعد قدامهم وقال

عملت فيها كل خير، وهنا هي اللي طلبت انكم ما تعرفوش اللي حصل ولو كنتو بتسألو عليهم اصلا كنتو عرفتو ان عم. سيد مات من غير ما حد يبلغم بعد الفتره دي كلها.. 

مجدي 

اهو ولاد الحلال بلغونا باللي حصل، ممكن بقي تندهلنا بنتنا عشان ناخدها ونمشي ويكون في علمك احنا عارفين كويس اوي ان شقة الدور الارضي كانت تمليك للحج سيد..

حسن 

بالظبط وكمان بيته اللي في البلد تمليك برضو ومالوش اخوات يعني اللي هتورثو لوحدها هي هنا وبس، فانتو بقي جايين تقولو بنتنا عشان اللي وراها مش حباً فيها.. 

كوثر

دي حاجه ماتخصكش احنا اهلها وادري بمصلحتها، انت مالك انت في الاول والاخر انتو ناااس اغرااب عنها واحنا هناخدها يعني هناخدها

طلعت ليلي في الوقت ده من اوضتها وقالت

تاخدي مين ياخدك. ربنا، هو انتي لسه فاكراها ياختي طيب وريني هتاخدوها ازاي.. 

كوثر بحده 

هناخدها بالاصول والحق يا حبيبتي احنا اهلها انتو تطلعو مين؟ 

ليلي بغيظ

احنا اللي اهلها انتو جايين عايزينها عشان البيت والشقه اللي ورثتهم من ابوها انما انا بعتبرها بنتي وولادي كلهم شايفينها اختهم ومتعلقين بيها، حاجات انتي والنطع اللي جنبك ما تفهموهااش.. 

مجدي 

بقولك ايه يا ست انتي احترمي نفسك.. 

طارق بعصبيه 

لا انت اللي تحترم نفسك وتتكلم هنا بأدب.. 

كوثر

لا واضحه فعلا اخلاقكم وانا هاخد بنت اختي يعني هاخدها ومش همشي من هنا غير وبنت اختي معايا الا والله اروح فيكم في داهيه.. 

_طلعت هنا في الوقت ده ودموعها علي وشها وقالت بنبره خائفه.... 

هنا 

انا مش همشي معاكم، انا قاعده هنا عند اهلي ومش هسيبهم.. 

_قالت كلامها وراحت وقفت جني ليلي وحسن ومجدي بصلها بغضب وقال.. 

مجدي

انتي مش فاهمه حاجه دول بيضحكو عليكي احنا اللي اهلك بجد خالتك دي هي اللي في مقام امك  واقربلك منهم كلهم.. 

هنا بدموع

لا هي مش زي امي خالتي اللي كانت مقعدااني عندها بس عشان المصروف اللي ابويا بيبعته ليا كل شهر انا كنت فاهمه كده كويس، انما ماما ليلي دي اللي تستاهل اني اقولها يا ماما عشان انا شوفت منها حنيه زي اللي كنت بشوفها مع امي الله يرحمها، وبرضو الاستاذ حسن يمكن انا عشت عمري كله بعيد عن ابويا ولما جيت اقرب منه هو اللي سابني، بس ربنا طلع بيحبني عشان عوضني بأحسن اب في الدنيا حنيته وطيبته تكفي العالم وبقي عندي اخوات وعيله عمري ما كنت احلم اني اعيش وسطهم ويحبوني كده، فانا مستحيل اسيبهم وارجع معاكي عند جوزك المريض ده واخليكم تستغلوني عشاان طمعكم.. 

قرب طارق من مجدي وقال بغضب

لو ما اخدتش مراتك ومشيت انا هخلي هنا تقول علي كل اللي كنت بتعمله فيها وهي عندكم فاكر ولا افكرك.. 

حسن بجديه 

بصي يا ست انتي بنت اختك عايزه في اي وقت تيجي تشوفيها تنوري بس لوحدك، انما بنتي مش هتمشي من هنا ومش هتبعد عن بيتها لحظه واحده.. 

مجدي بتوتر وخوف

انا بقول خلاص بقي يا حجه كوثر مدام هي اختارت يبقي براحتها.. 

كوثر بغيظ. 

يا اخويا براحتها بس لما يبقو يضحكو عليكي ويااخدو فلوسك ويرموكي في الشارعما ترجعيش تعيطي يا هنا. 

طارق

ولو رجعتلك وعيطت تفي في وشها ده لو رجعت يعني.. 

_بصتله كوثر بغيظ واخدت جوزها ومشيو وليلي حضنت هنا وقالت ببكاء. 

ليلي

جدعه يا قلب امك، واحنا عمرنا ما هنسيبك.. 

حسن 

بس يا ليلي البت دي قالت كلمتين ما طلعوش من عيالنا اللي بجد 

ريناد

المهم دلوقتي ان هنا خلاص هتفضل معانا علي طول.. 

رضوي 

ايوه فعلا دي احلي حاجه في الموضوع 

طارق

طيب انا هستغل الوضع العائلي الحلو اللي احنا فيه ده واقولكم بقي اني عايز اتجوز هنا.. 

اتوترت هنا ووشها قلب احمر وليلي قالت

يا الف مليون مبروك اهو احنا اهل في بعض ومش محتاجين بقي كلام ورسميات.. 

حسن بجديه 

طااارق اطلع بره.. 

سكتو كلهم وبصوله بقلق وطارق قال

في ايه يا بابا انا بقولك عايزه اتجوز المفروض تفرح.. 

حسن 

وهو الجواز علي الواقف كده مش تقعد ونتكلم وتجيبلي حد كبير اتكلم معاه

طارق 

حد كبير مين ما انت الكبير اجيبك تكلمك يعني ولا ايه 

ضحكو كلهم وحسن بصلهم بغضب وقال

اخرسو انتو كمان وانت عايز تتجوزها يبقي تيجي يوم الخميس وانت معاك ولي امرك... 

طارق بغيظ

شايفين بيعجزني بيطلب طلبااات مش منطقيه بس ماااشي انا هنفذلك كلامك وهتجوزها يا عمي.. قصدي يا بابا وهتشووف بعد اذنك.. 

_قال كلامه ومشي وهو متدايق من تصرفااات حسن معاه، وقال حسن بجديه.. 

حسن 

سيبكم من الكلام ده دلوقتي. انتي يا بنتي قرري بقي هتدخلي كلية ايه، مستقبلك وتعليمك اهم من اي حاجه.. 

هنا بهدوء

حاضر يا بابا حسن ان شاء الله خير.. 

ــــــــــ #بقلم_الكاتبه_رحاب_القاضي ــــــــ

_وعدت الايام ورا بعضها لحد ما جه اليوم. اللي زين هيعمل فيه العمليه، وفي بيت يونس الصاوي.. كان قاعد يونس هو وشهد مع يارا وياسمين اللي قاعدين بعيد. عنهم بشويه.. 

شهد

طيب عشان. خاطري يا يونس خليها تروح.. 

يونس 

قولت لا ولو فضلتي تزني لحد بكره برضو مش هتروح

شهد بغيظ

يعني كدبت عليها وقولتلها العمليه اتأجلت برغم ان الواد نفسه طلب منك انها تبقي جنبه في الوقت ده.. 

يونس بعصبيه

بلا محن عيال ابوه وامه عنده بنتك. تروح ليه، وبعدين انا ما كنتش عايزها تعرف اصلا دلوقتي بس ازاي وانتي لسانك فالت قدام العيال ديما

شهد بغيظ

خلاص يا يونس اسكت هتفضل بني ادم تفكيره متخلف.. 

يونس 

طب لمي نفسك شهد وابقي متخلف احسن ما ابقي بقرون واسيب الدنيا سايبه واقعد واتفرج. 

_ما ردتش عليه شهد وجه يوسف قعد. معاهم وقال ليونس بقلق.. 

يوسف

بابا انت كلمت مروان المنشاوي ولا لا؟ 

يونس

لا لسه هو في ايه؟ 

يوسف بقلق

مم ما هو انا.. بص هو انا لسه ببدأ فغلطت. غلطه صغيره

يونس 

هببت ايه ياللي هتجلطني قريب عملت ايه انطق؟ 

يوسف

هو تقريباً نص المشروع باااظ، وما تقولش ليزن ليطب سااكت.. 

شهد بصدمه

يا نهار اسود باظ ازاي؟ 

يونس بعصبيه

شوفت انا راجل طول عمري محاافظ علي صحتي لا ضغط ولا سكر ولا اي حاجه، بس ربنا مبتليني بعيل يجيب امراض الدنيا هيموتني مجلوط بسببه، باظ ازاي يا ابن الكلب.. 

قام يوسف بسرعه قعد. جنب شهد وهو شبه متخبي فيها وقال بخوف.. 

يوسف

انا حبيت اشغل دماغي واعمل الدور التاني بتصميم مختلف عن الاول قامت المساحات فتحت مني ولما بدأنا بالانشااء التاني وقع علي الاولاني والدنيا ساحت علي بعضها.. 

يونس حط ايده علي قلبه وقال

ااه هتشل والله. 

يوسف

هتتشل في قلبك ازاي يا بابا ما تأفورش انت يونس الصاوي وهتحل الموضوع.. 

قلع يونس الجزمه وقال

هو انا ساحر يعني احل الموضوع ده ازاي، لا ورااجع يقول انا هبدأ بجد وهنجح الواد حسسني انه هيطلع القمر.. 

يوسف

المهم يا بابا دلوقتي تكلم مروان المنشاوي وتخليه ما يقفش علينا، ولا اقولك انتي يا ماما كلمي ايتن مراته هي بتحبني قوليلها يوسف مستقبله هيضيع، والنبي يا ماما يزن. ابنك لو شم. خبر هينفخني.. 

يونس

نكلمه نقوله ايه يعني؟ 

يوسف 

هو مش المشروع ده بتاعه واحنا هنسلمه ليه ويبقي اول استثمار بينا، يبقي هو يجي يصلح الدنيا بقي ويعدل المشروع.. 

يونس بغيظ

ما هو لو انت يا حيوان ما كنتش طفشت رضوي كان زمان المشروع خلص.. 

شهد 

لو سمحت يا يونس ما تجيبش سيرة البنت دي قداامه تاني هو موضوع واتقفل وبعدين فيها ايه لما يغلط ويتعلم من غلطه

يوسف

ايوه فيها ايه؟ 

يونس بحده

ما هو دلع الحريم ده هو اللي خربه وبيخرب في بيتنا.، انا هبقي اكلم مروان وهو يتصرف بس دي اخر مره هتدخل في شغلك انت واخوك.. 

يوسف 

بص سيب الشغل ده ليزن هو فاهم فيه وبيحبه وانا هغير مجال دراستي وادرس ميكانيكا واشتغل معاك عشان اورثك.. 

يونس

تورث مين يالاااا، وانا مش طايقك في البيت هجيبك في وشي في الشغل.. 

شهد 

وانت خايف ليه يبقي معاك في الشغل؟؟ 

يونس

وهخااف من ايه بس ده صايع وفاشل ومش بتاع شغل

شهد 

لا انا ابني مش كده وهينزل معاك. الشغل من بكره يا يونس وتعلمه.. 

يونس

هو بالعافيه يعني ايه اللي هيفهمه شغل العربيات ده؟ 

شهد بسخريه

وانت ايه يعني اللي كان فهمهالك، زي ما اتعلمتها لوحدك. تعلمها لابنك.. 

يونس بغيظ

مااشي يا شهد.. 

باااس يوسف راس شهد وقال بخبث

ربنا يخليكي ليا يا ست الكل وما يحرمنيش منك ابدا يااارب.. 

يونس بغيظ وصوت واطي

جاتك نيله انت وامك في يوم واحد.. 

ــــــــــ #بقلم_الكاتبه_رحاب_القاضي ــــــــ

_وقدام شقة لميااء كان واقف حسن وفتحت هي الباب واول ما شافته بصتله بحزن وقالت.. 

لمياء

دلوقتي اما افتكرت ان ليك اخت يا حسن؟ 

حسن 

طيب هتسبيني واقف علي الباب مش هتقوليلي اتفضل يا اخويا.. 

اتملت عيونها دموع وقالت

لا ازاي اتفضل ده بيتك اصلا ومش ناسيه انك. انت اللي دفعت قساط الشقه دي زمان.. 

حسن دخل وقفل الباب وقال

لا ده بيتك واللي دفعته ده كان حقك، تعالي اقعدي ومش عشان. جيتلك. يا بت انتي هتسوقي فيها وتركبيني الغلط.. 

_قعد حسن في الصاله وهي قعدت جنبيه وقالت ببكاء.. 

لمياء

لا انتو كلكم غلطانين طيب ابني وغلط انا اتحاسب ليه، انت واخواتك وعيالكم ولا حد سأل عليا حتي برساله ورمتوني لوحدي حتي الواطي ابني بكلمه يرد مره وعشره لا وما بيفتكرش فيا، بس هي دي الحقيقه اصلا انا اللي كنت برمي نفسي عليكم الوحيده اللي كانت تيجي هنا وتسأل عليا هي ريناد وانا اللي خسرتها بمعاملتي ليها، انما انتو كلكم قليلين الاصل.. 

حسن 

طيب ما انا برغم وجعي علي قلب بنتي اللي اتكسر جيتلك يا لمياااء وما هانش عليا زعلك برضو، وبعدين اخواتك فيهم اللي مكفيهم عز مع ابنه اللي بيعمل عمليه وعلياء ومشكلة التار اللي في دماغ عبدالله ومشاكل كمال، اعذريهم وخليكي انتي الاحسن واسألي واللي يكلمك منهم بطريقه وحشه قوليلي وانا انفخهولك، هو احنا لينا غيرك يا اخر العنقود انتي يااللي مطلعه عيني من وانتي عيله صغيره.. 

ابتسمت لمياء ومسكت ايده وباستها وقالت

حقك عليا يا حسن انا غلطت في حق بنتك وابني ده انا خيبت في تربيته وما عرفتش اربيه.. 

حسن بضحكه هاديه

انتي طول عمرك خايبه يا اختي، قومي يلا غيري هدومك عشان نروح لعز المستشفي ونقف جنبيه عبدالله وعلياء جم من الصعيد مخصوص عشان يبقو جنبيه، زين ما كانش عايز حد. غير امه وابوه بس اللي يبقو معاه بس احنا عيله حشريه ومن النجمه العيال وليلي وعلياء وعبدالله قاعدين معاه في المستشفي.. 

لمياء

هو احنا لينا غير بعض يا حسن يعني، هقوم اغير هدومي وجيالك علي طول.. 

‌_وقامت وكانت لسه هتروح اوضتها بس رجعت وقالت بخبث.. 

لمياء

قولي يا حسن هي ليلي تعرف انك. جاي تراضيني ولا انت جاي من وراها.. 

حسن بغيظ

ارحمي دماغك دي وارحمينا يا لمياء اتلهي في نفسك ومالكيش دعوه بحد.. 

لمياء

طيب بلاش ليلي انت لسه مقعد عندك بنت البواب دي ولا طردتها.. 

حسن 

هقلع الجزمه واديكي بيها يا لمياء وبعدها هسيبك تاني زي القرد لوحدك وامشي لو ما سكتيش.. 

لمياء

خلاص سكت ما هو الحق بيزعل برضو.. 

قالت كلامها ودخلت اوضتها وحسن قال بغيظ

تتهدي يا شيخه يخربيت دماغك السودا دي.. 

ــــــــــ #بقلم_الكاتبه_رحاب_القاضي ــــــــ

_وبعد شويه في المستشفي اللي فيها زين كان عز قااعد قدام اوضة العملياات وعيونه مليااانه دموع، وجه في الوقت ده. حسن ومعاه لمياااء اللي قالت بسرعه وقلق.. 

لمياء

عز قاااعد ليه هنا الواد حصله ايه اتكلم؟ 

عز 

ما حصلوش حاجه يا لمياء بس انتي ايه اللي جابك؟ 

حسن

جايه تطمن علي زين المهم طمني ايه الاخبار؟.. 

اتنهد عز بضيق ورد عليه وقال

بقاله ساعه جوه العملياات ادعيله يا حسن، انا ما صدقت لقيته مش هتحمل انه يروح مني.. 

حسن طبطب عليه وقاله

ان شاء الله هيقوم بألف سلامه اومال باقي العيله فين؟ 

عز 

قاعدين جوه في اوضة الانتظار عاملينها مناحه وطارق اخد هنا يوصلها هي وتيا البيت وريناد راحت شغلها.. 

لمياء

شغل ايه ده وسايبه بنتها فين؟ 

عز بغيظ

مش بقولك ايه اللي جابك هو ده وقته يا ام اربعه واربعين انتي.. 

حسن 

ادخلي يا لمياء جوه وطمنيهم بلاش كلامك اللي زي السم ده.. 

لمياء 

طيب تعالي دخلني انا خايفه من مراااتك.. 

حسن 

مش هتاكلك يا لميااء ادخلي يلا.. 

_دخلت لمياء اوضة الانتظار وقعد حسن جنب عز وحضنه بهدوء وقال بنبره حنونه.. 

حسن 

هيبقي كويس يا حبيبي ما تخاافش ربك كبير.. 

نزلت دموع عز وقال ببكاء

انا اول مره ابقي خاايف اووي كده يا حسن، كنت طول عمري بهرب من المسؤليه وعليش بكيفي ودلوقتي ابني بيتعذب جوه وانا قااعد متكتف ومش عارف اعمله حاجه، هو مالوش ذنب يدفع تمن غلطي انا ويخسر حياته عشان انا اتعاقب علي الاخطاء اللي عملتها زمان فيه هو يا حسن انا مش عارف اعمل ايه دلوقتي يطمني وخايف اووي.. 

حسن بدموع

ما تفكرش فيها كده يا عز، ربنا ليه حكمه في كل حاجه بتحصل يعني لما ابنك يقوم بالسلامه ان شاء الله افتكر الوقت الصعب ده اللي ما فيش في ايدك فيه اي حاجه غير انك تقول يارب، لا فلوس ولا معارف ولا اي حد هيقدر يهون عليك غيره يا عز، قضيت عمرك كله وانت شارد في الدنيا وبلاويها وناسي ربنا واهو اللي بيحصل ده كله سبب عشان تفتكره، قولي هي فيروز جوه؟ 

عز مسح دموعه وقال

لا هي قاعده لوحدها تحت، انا عارفها مش بتحب تشارك حزنها مع حد. 

حسن 

انزل اقعد معاها انت اكتر حد هيحس بيها وهي برضو انتو الاتنين خوفكم واحد دلوقتي، خليك جنبها يا عز وخليك قد المسؤليه عشان خاطر زين.. 

عز بدموع

حاضر وادعيله يا حسن.. 

حسن 

من غير ما تقول طبعا هدعيله ده ابني انا كمان، يلا انزلها وانا هدخل اشوف الناس اللي جوه دول، وهات فيروز وتعالو هنا عشان انتو تبقو اول نااس تسمع خبر انه كويس وبخير.. 

_ابتسم عز ببعض تفاؤل ونزل تحت وكانت فيروز قااعده في مكان هادي وماسكه المصحف الصغير بتاعها وبتقرأ فيه، قعد عز جنبيها وقال بحزن.. 

عز 

حسن بيقولي انه هيبقي كويس.. 

مسحت فيروز دموعها وقالت

ان شاء الله يا عز هيبقي كويس.. 

عز 

ليه ما خلتنيش اشوفه من زمان يا فيروز ليه عملتي كده؟ 

فيروز 

عشان كنت خايفه عليه منك.، كنت خايفه يتعلق بيك وتسيبه وتمشي فجأه، طول عمري بحاول ابعد عنه اي حاجه تزعله او توجعه بس دلوقتي مش عارفه.. 

عز دموعه نزلت وقال

زمان لما مراتي الاولي وبناتي عملو حادثه وماتو ما اتعظتش غلط تاني بس والله المره دي انا مش هعمل حاجه غلط تاني بس يارب يبقي هو كويس، قلبي مش هيتحمل فرااق ابني كمان.. 

مسكت فيروز ايده وقالت بدموع

ان شاء الله هيقوم وهيبقي كويس، وانت جيت ليه عندي مين هيطمنا دلوقتي.. 

عز 

حسن قالي اخدك ونطلع انا وانتي فووق عشان نبقي اول اتنين يسمعو خبر انه يبقي كويس.. 

فيروز ابتسمت وقالت

حسن ده جميل وكلامه صح يلا بينا نطلع فووق..وخلينا نتفق اول ما زين يقوم نبطل نتخانق قدامه ومش قصدي نرجع ولا الكلام ده بس علي الاقل نبقي اصدقاااء عشان هو ما يدايقش.. 

عز بهدوء

اتفقنا يلا بينا يا ام زين.. 

_قام عز وهو ماسك ايدها ومشيو جنب بعض وقالها بجديه وهدوء... 

عز 

عارفه يا فيوز انا كنت بطلت احلم، كنت بقول حياته كلها رااحت علي الفاضي ماليش حد. هموت وانا لوحدي وكنت ندمان اووي بسبب الاحساس ده لحد ما زين ظهر في حياتي بقيت بحلم ليه هو ازاي لما يتخرج اعمله مستشفي تبقي بتاعته لوحده، ويتجوز البنت اللي بيحبها واعمله بيت كبير تبقالي اوضه فيه لما اروح ابات عنده اقعد فيها، ولما اشوف عياله، هو جه رد فيا الروح فوقني علي حيااه حلوه اووي كانت مستحيله بالنسبالي.. 

فيروز 

ده برضو نفس اللي بحلم بيه من وهو صغير لما كان يطلب مني حاجه كنت بحاول بأي طريقه اجيبهاله ومش مهم جيبتها ازاي فرحته بيها بتنسيني الدنيا، ضحكته وكلامه وحنيته كانو معوضيني عن كل حاجه، عن كل كلمه وحشه كنت اسمعها من الناس هو كان بيهون عليا ولحد النهارده انا بقوله انت ابويا واخويا وحبيبي وصاحبي وابني، ما طلعتش من الدنيا غير بيه.. 

عز 

ربنا يقومه لينا بألف سلامه.. 

_وطلعو فووق وقعدو قدام اوضة العملياات ولقت نظر عز المصحف بتاع فيروز اللي في ايدها فقال بتوتر.. 

عز 

ممكن المصحف يا فيروز.. 

فيروز

ايوه طبعا اتفضل اهو.. 

_مسكه عز واتملت عيونه بندم حتي انه مش عارف اسماء السور اللي فيه، وفتح علي نفس الصفحه اللي كانت بتقرأ فيها فيروز وبدأ يقرأ فيها ودموعه كل شويه تنزل ويمسحها بأيده ويكمل قرأه تاني وفضل علي الحال ده لحد ما طلع الدكتور والممرضين من اوضة العملياات فتصدق بسرعه وقام وهو بيمسح دموعه وقال للدكتور بلهفه ممذوجه بالقلق والخوف.. 

عز 

طمنا يا دكتور ابني كويس مش كده، العمليه نجحت صح؟.. 

الدكتور 

الحمد لله ابن حضرتك بخير.. 

مسك فيه عز وقال

وحياة امك انا ابني عايش ابني بقي كويس احلف، قول والله انه كويس يا حسسسن يا حسن تعالي بسرعه.. 

_طلعو كلهم بسرعه وبصو لعز بعدم فهم هو مبسوط ولا زعلان وفيروز كانت بتعيط وحسن قال بخوف.. 

حسن 

في ايه زين كويس؟ 

عز ببكاء

مش قادر اصدق يا حسن مش قادر.. 

حسن بدموع

لا حول ولا قوة الا بالله.. 

ليلي ببكاء

ربنا يصبرك يا عز.. 

عز 

في ايه منك ليها ابني كويس ابني عايش ما تقولهم يا دكتور.. 

حسن بغيظ

اومال مش قادر تصدق ايه ياللي تنشك في بطنك انت ما تقول انه كويس هو احنا اعصابنا ناقصه.. 

وبص لفيروز وقال بحده 

وانتي بتعيطي لسه ما هو كويس.. 

عبدالله

والله انت رخمم يا خالي عز وقعت قلبنا.. 

عز بأبتسامه واسعه

ولازمتها ايه خالي يا ابن الجزمه، بس ابني بقي كويس يا عبدالله ابني لسه هيعيش معايا مش هيسيبني.. 

حضنه عبدالله وقال

الف حمدلله علي سلامته يا خالي.. 

ــــــــــ #بقلم_الكاتبه_رحاب_القاضي ــــــــ

_وفي المطعم اللي شغاله فيه ريناد كانت واقفه بتتكلم في الموبيل وقالت بسعاده.. 

ريناد

بجد العمليه نجحت يا رضوي وزيزو عامل ايه؟ 

رضوي

طاير من الفرحه طبعا وقاعد هو وطنط فيروز عنده هيستنوه لحد ما يفوق وبابا صمم يفضل معاهم واحنا مروحين اهو..

ريناد

تمام وانا هخلص شغل كمان ساعتين تلاته كده وجايه.. 

رضوي

طيب بسرعه هنا تعبت من بنتك. وانا ماليش خُلق للعيال.. 

قالت ليلي وهي جنبيها 

اومال ليكي خُلق لايه ياروح امك لتطفيش العرسان والقعده في وشي زي البيت والواقف.. 

رضوي بضيق

اقفلي يا ريناد وما تتأخريش.. 

_قالت رضوي كلامها وقغلت في وش ريناد اللي جه مشرف المطعم وقف قدامها وقال بحده 

المشرف 

احنا هنا جايين نشتغل مش نتكلم في الموبيل يا انسه.. 

ريناد 

احمم حاضر حالاً اهو هروح اكمل شغل، وعلي فكره يا استاذ مرزوق انا مدام مش انسه.. 

المشرف 

مش مهم روحي اتفضلي شوفي شغلك، خدي هنا الاول.. 

ريناد 

يا نعم ايه تاني.. 

مرزوق

اسمها نعم يا استاذ مرزوق اتعلمي بقي.. 

ريناد بغيظ

نعم يا استاء مرزوق تحت امر حضرتك؟ 

مرزوق

المدير بنفسه هنا النهارده وانتي جديده هنا وهتروحي تاخدي منه الاوردر لو ما شاف منك اقل غلطه هيقولك بره فاهمه.. 

ريناد 

يا نهار اسود طيب ما تخلي حد. غيري يروحله ياخد الاوردر... 

مرزوق

هو. عايز. يشووف الموظفه الجديده وخصوصا ان هو اللي جابك تشتغلي هنا اصلا.. 

ريناد 

هو اللي جابني هنا، هو مين اصلا؟ 

مرزوق

ايه رئيك اروح اجيب ترابيزه وكرسيين ونقعد. نرغي هنا ونسيب الشغل.. 

ريناد 

انت ليه قفوش كده يا استاذ مرزوق اديني اهو رايحه اخد الاوردر.. 

مرزوق

خدي. هنا ياللي هتشليني انتي، فين المدير قاعد فين؟ 

ريناد 

ايوه صح هو قاااعد فين؟ 

مرزوق

ترابيزه رقم سته الدور التاني وركزي بالله عليكي.. 

ريناد 

حاضر بس انا شغاله دور تالت هنزل ليه تحت؟ 

مرزوق 

تحت افضل من هنا علي فكره ومرتبك هيبقي اعلي، تحت هتلاقي فنانين واعلاميين ورجال اعمال.. 

ريناد بحماس

يعني ممكن الاقي احمد عز تحت انا بحبه اووي.. 

مرزوق 

روحي يا ريناااد. شوفي شغلك بدل ما اخصملك يلاا.. 

ريناد 

حاضر حاضر بس ماتتعصبش انت عليا.. 

_ونزلت ريناد بسرعه وراحت للترابيزه اللي قااعد عليها المدير وكان مديها ضهره، فوقفت قداامه وقالت بهدوء.. 

ريناد 

تحت امرك. يا افند... هو انت؟ 

يزن بأبتسامه واسعه 

مفاجأه مش كده؟ 

ريناد 

هي دي ترابيزه رقم سته يبقي المدير قااعد في مكان تاني واستاذ مرزوق هو اللي اتلخبط.. 

يزن 

يا بنتي انا المدير هنا، المعم ده بالاوتيل اللي جنبيه بتوع عيلة الصاوي.. 

ريناد

ايوه يعني انت اللي جيبتلي الشغل، بس انت عرفت منين اني بدور علي شغل؟ 

يزن 

طيب اقعدي الاول عشان افهمك.. 

ريناد

لا مش هينفع لو استاذ مرزوق شافني ممكن يخصملي.. 

يزن 

يا بنتي انا المدير هنا اقعدي ما تخافيش اعتبري المطعم كله تحت امرك.. 

قعدت ريناد وقالتله

طيب بحيث كده بقي اخصم للاستاذ مرزوق عشان مطلع عيني.. 

ابتسم يزن وقال

ما علينا بصي بقي انا ما كنتش ناوي اظهرلك خالص هنا بس بكلمك كتير اليومين اللي عدو دول وانتي مطنشاني ومش بتردي

ريناد 

ما انا مش فاضيه حضرتك انا دلوقتي بشتغل ولما برجع البيت انا عندي بنتي ومشغوله فيها ومعاها كده يعني.. 

يزن 

تمام انا كنت عايز اكلمك عشان موضوع رضوي يوسف عايزين نرتبلهم معاد كويس في مكان هادي يقعدو ويتكلمو ويعاتبو بعض بقي يتصالحو اللي فيه الخير يقدمه ربنا المهم نبقي عملنا اللي علينا.. 

ريناد

تمام شوف المكان والمعاد المناسب وانا هجيبها، بس قولي الاول انت عرفت منين اني عايزه شغل؟ 

يزن 

من اخر مره شوفتك فيها بعتلك اد علي الفيس وانتي قبلتيه وشوفت انك مهتمه بفرص العمل في القاهره وكاتبه بوست هنااك عشان تلاقي شغل، وانا في الجروب ده لان سعات بعمل اعلانات عشان محتاج عمال او مهندسين خبره وكده.. 

ريناد 

بس ثانيه انا ما قبلتش الاد بتاعك؟ 

يزن 

لا قبلتيه والله في لحظتها.؟ 

ريناد 

لا لا بتهزر مستحيل انا ما بقبلش رجاله عندي.. 

فتح يزن موبيله وقال

هااا قبلااه ولا لا؟ 

ريناد 

ممكن تبقي واحده من اخواتي او تيا، علي العموم شكراً جدا علي الشغل، وهبقي اكلمك ونشوف وقت مناسب نخلي رضوي ويوسف يتقابلو... 

يزن 

تمام في انتظارك يا ريناد.. 

ريناد وقفت وقالت

تمام تطلب ايه بقي عشان اشووف شغلي.. 

يزن بخبث

هو انا جعان ونفسي اتعشي بس ما بعرفش اكل لوحدي... 

ريناد 

خلاص روح اتعشي في بيتكم.. 

ابتسم. يزن وقال

معاكي حق اصلا انا جاي هنا عشان اشووفك.. 

ريناد بتوتر

اا انا هقول للاستاذ مرزوق انك ما طلبتش. حاجه وو وهروح اكمل شغلي بعد اذنك.. 

_مشيت ريناد وراحت اخدت اوردر تاني وراحلها مرزوق وقال بقلق.. 

مرزوق

انا بعتذرلك يا بنتي ما كنتش اعرف والله انك قريبة يزن بيه؟ 

ريناد 

مين. دي اللي قريبة يزن بيه؟ 

مرزوق 

انا فاهم انك. مش عايزه وسايط في الشغل بس ما تزعليش مني،وبلاش تقولي ليزن بيه حاجه علي الطريقه اللي كنت بعاملك بيها ده وصااني عليكي اووي... 

ريناد ابتسمت وقالت

طيب هو قالك ايه يعني، قصدي عادي احنا زي ما احنا يا استاذ مرزوق.. 

مرزوق 

تمام. يا ريناد كملي شغلك وانا متابعك ومعاكي ما تقلقيش من حاجه.. 

ريناد 

تمام. بعد اذنك... 

_ودخلت المطبخ. وافتكرت. كلام يزن معاها واهتمامه بيها وابتسمت بسعاده وراحت كملت شغلها... 

ــــــــــ #بقلم_الكاتبه_رحاب_القاضي ــــــــ

_وعدي كام. يوم وفي المستشفي عند زين كانت قاااعده معاه يارا وقالتله بحزن... 

يارا 

بس انت لو كنت عايزني ابقي جنبك بجد كنت هتكلمني تقولي وانا كنت هجيلك.. 

زين بتعب

يا بنتي ابوكي رفض وانا لازم احترم كلامه عشان ما انزلش من نظره.. 

يارا 

وتنزل من نظري انا عادي صح؟ 

زين 

انتي عبيطه يا يارا هو انا بتحمل شروط ابوكي دي ليه مش عشااانك ولا حد قالك اني غاوي مرمطه وخلاص. 

يارا 

خلاص المهم انك بقيت كويس والعمليه نجحت.. 

زين 

قوليلب طيب عملتي ايه لما عرفتي ان العمليه نجحت.. 

ابتسمت بهدوء وقالت 

فرحت طبعا.. 

زين بخبث

فرحتي بس؟... 

يارا بخجل

لا فرحت اووي وكنت عايزه اجيلك بس اتكسفت اقول لبابا يعني.. 

زين 

عارفه دكتور التخدير بعد ما فوقت من العمليه قالي ان اول ما اخدت البينج قولت ايه؟.. 

يارا بفضول 

قولت ايه؟.. 

زين بهدوء

هُيامي الاسم اللي بحب اقولهولك.. 

ابتسمت بهدوء ووشها قلب الوان وقالت

انا همشي بقي عشان ماما قولتلي ما اتأخرش.. 

زين 

معلش خليكي قااعده شويه انا مش مصدق والله ان العمليه نجحت واني عايش وهكمل معاكي ان شاء الله باقي عمري كله اللي جاي مهما كلفني التمن انا مش هبعد عنك لحظه واحده تاني.. 

يارا 

علي فكره انت بكلامك ده بتوترني يا زين وكده ما ينفعش اصلا.. 

_ضحك هو بهدوء وحط ايده علي قلبه ودخل في الوقت ده عز واول ما شااف يارا ابتسم وقال.. 

عز 

يا قلبي وانا اقول ايه القلوب اللي طايره من الاوضه دي.. 

يارا بتوتر

ازاي حضرتك يا اونكل عز؟ 

عز حضنها بهدوء وقال

الحمد لله يا بنت الواطي.. 

زين 

ايه يا بابا في ايه؟ 

عز 

صاحبي وانا حر بحب اشتمه، اقعدي يا حبيبتي واقفه. ليه؟.. 

يارا بأحراج 

لو معلش انا هنا من بدري ولازم امشي

عز 

الواد تعبان يا بت يونس وانتي الحته بتاعته خليكي معاه.. 

زين بصدمه

بابا اييييه يا بابا مش كده يا حبيبي ايه اللي بتقوله ده، امشي يارا خلاص وانا هبقي اكلمك 

عز 

طيب والله ما هي ماشيه، اقعدي يا بت عارفه زمان كنت عامل شوية مقالب في ابوكي وامك لا وكمان شاااهد علي قصة حبهم.. 

يارا 

بجد ازاي؟ 

عز 

كنت معتكف في المقابر بتاعت عيلة مراتي الاولي المهم المقابر دي كانت جنب مقابر عيلة الصاوي وفي يوم من الاياام شوفت ابوووكي قااعد عند قبر امه وكان بيعيط وشكله كان واخد خازوق معتبر، وجات امك في الوقت ده وقعدت جنبيه وفصلو يبربرو هما الاتنين، فانا روح رامز جلال اللي جوايا طلعت وقومت عامل فيها عفريت وطلعتلهم ابوكي خد ديله في اسنانه وجري وامك وراااه... 

ضحكت يارا وقالت

ههههههههههه بجد هو ده حصل بجد.؟ 

عز 

ايوه والله حتي اسأليهم.. 

زين بضيق

طيب خلاص طيب خليها تمشي يا بابا.. 

عز 

خايف عليها تزعل مني، ياااد دي بنت يونس ويونس ده قلبي وبنته تبقي بنتي قبل ما تبقي مرات ابني ان شاء الله، قوليلي يا يارا انتي بتحبي الواد ده.. 

زين 

يا بابا ابوس ايدك كفايه كده ما تكسفهاااش.. 

عز 

طيب ترد عليا وانا اسيبها تمشي.. ها يا يارا بتحبي زين؟ 

هزت يارا راسها بخجل بمعني ايوه، ابتسم زين بهدوء وعز قال بجديه.. 

عز 

طيب اطمنو وانا والله لاخليكي تتجوزيه غصب عن ابوكي 

زين بابتسامه هاديه 

خلاص طيب يا بابا خليها تمشي.. 

عز 

خلاص هاخدها اوصلها في طريقي وانت امك جيالك دلوقتي.. 

يارا

ما تتعبش نفسك يا اونكل انا معايا السواق تحت.. 

زين 

خلاص يا بابا سيبها براحتها وبعدين انا عايزك في موضوع مهم... 

عز 

خلاص اللي يريحكم وخلي بالك من نفسك يا حبيبة قلبي.. 

يارا 

حاضر.. بعد اذنكم.. 

ومشيت يارا وعز قال

متربيه البت دي هو يونس برضو مربي عياله كويس.. 

زين 

بابا لو سمحت من غير زعل ما ترخمش علي يارا، دي رقيقه مالهاش في الهزار التقيل ده اللي بتهزره مع ولاد. عمي وعماتي وكده.. 

عز 

تتعود عليا مش هبقي حماها وفي مقام ابوها، وبعدين انشف كده ما تبقااش طري اسمع مني وخد. نصايحي.. 

دخلت فيروز في الوقت ده وقالت 

ياخد نصايح مين يا عز بلاااش نصايح للواد احنا متفقين ما نغلطش في بعض تاني فأتلم.. 

عز 

هتلم ما هو تربية واحده ست هيطلع ازاي، علي العموم انا اطمنت عليك وكنت عند الدكتور وطمني اكتر وقريب هتطلع من هنا، همشي بقي عشان رايح مع ابن عمك هيخطب عقبالك.. 

زين. 

ابن عمي مين؟ 

عز. 

هو انت ليك ابن عم غيره هو واحد طارق والباقي بنات.. 

فيروز

الف مبروك ربنا يتممله بخير.. 

ملس عز علي شعره وقال بغمزه 

الله يبارك فيكي عقبالك.. 

زين بغيظ 

ايييه يا بابا عقبالها ايه امي مش هتتجوز اصلا.. وطارق مش كان هيخطب هنا هو قالي انه بيحبها وعايز يتجوزها

عز 

ما ايوه هو هيروح يخطب هنا من حسن وهياخدني انا معاه كولي امره.. 

زين 

لا ثواني بس هو انت هتروح مع طارق ابن عمي حسن عشان تخطبو هنا من عمي حسن ايه اللي انتو بتعملوه ده.. 

ضحكت فيروز وقالت

مستني ايه من عيلة ابوك.. 

عز 

ما بلاش انتي من بعد ما ابوكي مات وعيلتكم اتقطعت ده حتي اخوكي طفشان وسايبك

فيروز

ما هو بسببك انت انا قطعت علاقتي بيه عشان كان لسه بيشتغل تبع معارفك بعد اللي عملته فيا وما قدرش زعلي.. 

عز 

واد فهمان مش خايب زي اخته.. 

زين 

والنبي بس والله انا تعبااان لوحدي كفايه بقي.. 

فيروز بغيظ

عاجبك كده امشي يا عز وسيبنا في حالنا.. 

عز 

ماشي همشي اهو وهسيبكم في حالنا هاا حالنا احنا التلاته غصب عنكم وهرجعلكم بعد ما ابوظ الموضوع للواد طارق واجي، يلا باي.. 

قال عز كلامه ومشي وقالت فيروز لزين 

انت كويس يا حبيبي؟ 

زين 

الحمد لله يا ماما كويس طول ما انتي جنبي.. 

فيروز بخبث

طول ما انا جنبك ولا لما شوفت يارا وشك كده نور لوحده.. 

ابتسم زين وقال

انتو الاتنين يا ماما ولا تزعلي.. 

ــــــــــ #بقلم_الكاتبه_رحاب_القاضي ــــــــ

_وفي الشركه بتاعت سيف وعبدالله كان عبدالله قااعد. علي مكتب المدير وقداامه ملفاات كتير وسيف قاعد قدامه وقاله.. 

سيف بقلق

انا مش فاهم يا ابني انت ليه مصمم تتعب نفسك قول عايز تفهم ايه وانا هفهمك.. 

بصله عبدالله بطرف عينه وقال

لا معلش يا سيف انا عايز اطمن علي شغلي بنفسي... 

سيف 

طيب اللي يريحك.. 

وفي الوقت ده دخلت شرين وقالت

هاي بيبي، ايه ده انت عندك ضيوف ولا ايه؟ 

_ما اهتمش عبدالله بوجودها وفضل مركز في شغله ورد عليها سيف وقال.. 

سيف

لا ده عبدالله ابن خالتي يا شرين، في ايه حاجه ولا ايه جايه من غير ما تقولي.. 

شرين وهي عينيها علي عبدالله

ما فيش خلصت شغلي وقولت اعدي عليك نروح سوا، ازيك يا عبدالله سيف بيحكيلي عليك كتير علي فكره.. 

بصلها عبدالله ورد بأختصار وقال

اهلا وسهلا، المهم يا سيف في عك في الحسابات بتاعت العمال وانا جاتلي اكتر من شكوي.. 

سيف بتوتر

شكوي من مين بس يا عبدالله وبعدين لنا تبقي في حاجه زي دي قولي وانا هتصرف.. 

عبدالله بحده 

ما انت لو كتت بتتصرف يا سيف ما كانش حد اشتكالي، الايرادات اللي في الورق هنا كمان مختلفه عن الربح بتاع كل سنه معني كده ايه بقي؟ 

سيف 

غلطه من الحسابات هبقي اراجع.. 

عبدالله 

انا سنين بحالها سايبك تتصرف في كل حاجه ومش براجع وراااك، وسبحان الله يوم ما ارااجع الاقي نفس الغلطه موجوده كل سنه، ايه يا ابني عمرك ما بترااجع شغلك ولا ايه؟ 

سكت سيف وعبدالله قال 

خليك في بيتك. يا سيف لحد ما ابعتلك ونشوف الموضوع ده اصله ايه؟ 

سيف 

ايه اللي بتقوله ده يا عبدالله ده شغلنا احنا الاتنين انت مش من حقك تقولي اقعد في البيت.. 

عبدالله بحده 

لا ده شغلي انا واللي حصل ده مشكلتي انا لما قولت ده اخويا ولما اسيبله شغلي هنا هيبقي محافظ علي فلوسي مش يسرقني، علي العموم انا مش عايز اتكلم اكتر من كده قدااام المدام روح بيتك دلوقتي ولينا كلام في وقت تاني.. 

سيف بغيظ. 

تمام يا عبدالله، يلا بينا يا شرين.. 

_واخدها سيف وطلعو وهي كانت مدايفه وقالتله بعصبيه.. 

شرين

انت ازاي تخليه يكلمك بالطريقه دي؟ 

سيف بضيق

عشان. هو صاحب الشركه يا انجي.. 

شرين بصدمه

لا استني ازاي يعني صاحب الشركه هي دي مش شركتكم انتو الاتنين زي ما فهمتني قبل ما نتجوز.. 

سيف 

لا قولتلك كده وقتها عشان ما كنتش عايز ابان قليل قدامك، وبعدين ما كنتش فاكر ان عبدالله هيجي ويعمل كده.. 

شرين بغيظ 

انا مش عارفه بجد اقولك ايه، بس ما تتكلمش معايا دلوقتي خالص اقولك حاجه روح بات  عند. مامتك انا مش طايقه اشوف وشك.. 

سيف بسخريه

والله ده اللي فارق معاكي، الله يمسيكي بالخير يا ريناد كانت بتبقي جنبي وقت ما انا مداايق وما بتسبنيش لحظه وبتفكر معايا ازاي اطلع من المشكله مش تقولي روح لامك.. 

شرين بسخريه

وانا مش ريناد المغفله يا سيف، انا شرين مش هسمحلك. تغفلني وتضحك عليا زي ما عملت فيها، وخليك عند مامتك لحد ما اعصابي تهدي اوكي.. 

_قالت كلامها وسابته ومشيت وهو راح فعلا عند. مامته، وعند عبدالله كان لسه قااعد بيرااجع في الشغل والاخطاء اللي فيه وموبيله رن برقم اسرار.. 

رد. عليها وقال 

ايوه يا اسرار معاكي.. 

روان 

انا روان يا عبدالله مش اسرار، اصل لقيتك مش بترد عليا من لما سافرت بس بترد علي اسرار عادي.. 

ساب عبدالله الورق اللي في ايده وقال

عايزه ايه يا روان انا مش فاضي.. 

روان 

عايزه اجيلك هو مش احنا كنا متفقين انك لما تسافر انا اروح معاك.. 

عبدالله بخبث

لا ما احنا غيرنا الاتفااق واتفقنا انك. تسمعي كلامي.. 

روان 

حاضر هسمع كلامك زي ما اتفقنا، بس ما اتفقنااش انك. تطنشني وما تردش عليا وترد علي اسرار هااا.. 

ابتسم عبدالله بهدوء وقالها

اديني رديت عايزه ايه؟ 

روان 

هقفل من موبيل اسرار وهكلمك من موبيلي وترد. عليا وهقولك عايزه ايه.. 

عبدالله 

فرقت يعني ما تقولي عايزه ايه وتخلصي.. 

روان 

ايوه فرقت بالنسبالي ولو ما ردتش عليا والله لهتلاقيني فوق راسك وانت عارف اني مجنونه واعملها.. 

_قالت كلامها وقفلت في وشه وهو ضحك بهدوء ونسي مشكلته مع سيف وفضل مستنيها تكلمه  ، وفعلا رنت عليه بعد كام دقيقه واول ما رد عليها قالتله.. 

روان 

معلش اتأخرت عليك بس طلعت اوضتي عشان اكلمك براحتي.. 

عبدالله 

للدرجه دي الموضوع اللي عايزاااني فيه مهم.. 

روان 

ايوه طبعا وما كنتش اعرف اقوله تحت قدام اسرار وكمال.. 

عبدالله 

هو كمال قاعد مع اسرار لوحدهم؟ 

روان 

معاهك رضوي بنته المهم ركز معايا بقي.. 

عبدالله 

عايزه ايه يا روان وموضوع ايه اللي عايزاني فيه؟ 

روان بتوتر

وحشتني وعايزاك تيجي بسرعه مش هقولك انا اجيلك عندك عشان ما تزعلش بس تعالي.. 

عبدالله

انتي عايزه ايه يا روان؟ 

روان

ما انا قولتلك وحشتني وعايزااك ترجع.. 

عبدالله 

لا مش قصدي كده، قصدي بتمهدي لايه بس احب اطمنك انا مش هيتضحك عليا منك تاني.. 

روان بدموع وحزن 

لا والله مش قصدي كده، يا عبدالله اديني فرصه اثبتلك اني اتغيرت ومش عايزه ابعد عنك ولا اخسرك.. 

اتنهد عبدالله بضيق وقال

اقفلي يا روان انا مش فاضي دلوقتي.. 

روان بحزن 

طيب انت جااي امتي؟ 

عبدالله بجمود

لما ابقي اخلص شغلي هبقي ارجع... 

_قال كلامه وقفل في وشها ورااح وقف عند الشباااك واتنهد بضيق وفتح الموبيل بتاعه علي صورها وابتسم بهدوء وقال.. 

عبدالله 

للاسف انتي كمان وحشتيني يا روان بس لازم اتأكد المره دي انتي اتغيرتي ولا لا.. 

_تفتكرو روان هتكمل مع عبدالله ولا كعادتها هتزهق وهتمشي تاني؟ 

ــــــــــ #بقلم_الكاتبه_رحاب_القاضي ــــــــ

_وفي بيت الاستاذ حسن كانو قاعدين كلهم بيتفرجو علي التلفزيون معادا رضوي اللي اتحجحت انها هتجيب حاجات خاصه بيها ونزلت، والباب خبط وليلي قالت.. 

ليلي

قومي يا روفان افتحي الباب.. 

روفاان 

ما كلهم قاعدين اهو اشمعنا روفان يعني.. 

حسن 

وبعدين احنا اتفقنا علي ايه؟ 

روفان بخوف

قصدي حاضر يا ماما يا ست الكل هو انا اقدر اقولك لا.. 

وقامت تفتح الباب وليلي قالت لحسن بصدمه

انت ازاي بتخليها تسمع الكلام كده؟ 

حسن بخبث

مالكيش دعوه خليكي في خيبتك.. 

ضربته علي كتفه وقالت 

طيب افتكرها يا حسن.. 

رجعت روفان وهي بتضحك وقالت 

كلم يا بابا في جماعخ ضيوف عايزنك.. 

حسن 

انتي بتضحكي كده ليه وضيوف مين؟ 

روفان 

ههههه روح شوف بنفسك هتتصدم زيي والله.. 

_قام حسن عشان يشوف مين اللي علي الباب واتصدم فعلا هو كمان لما شااف عزالدين لابس بدله وواقف وجنبيه طارق هو كمان لابس بدله وماسك ورد وشوكلاته.. 

حسن 

ايه ده انتو عايزين ايه؟.. 

عز برسميه 

ايه يا استاذ حسن هتسيبنا واقفين علي الباب كده كتير ولا ايه مش هتقولنا اتفضلو.. 

حسن 

انت بتتكلم كده ليه ومن امتي بقولك اتفضل ما انت بتدخل زي التور من غير اذن.. 

طارق

احنا جايين لحضرتك في موضوع شخصي يا عمي مش هينفع علي الباب كده.. 

حسن بغيظ 

عم مين يا ابن الهبله، يا ليلي تعالي شوفي الغلب والتفاهه اللي انا فيها.. 

جات ليلي وقالت بأبتسامه واسعه 

يا اهلا. سهلا كده يا حسن سايب النااس واقغين علي الباب اتفضلو يا جماعه نورتونا.. 

_دخل عز وعمل نفسه بيتفرج علي الشقه وهو دااخل وطارق قال لحسن وهو عامل نفسه مكسوف.. 

طارق

احط الحاجات دول فين يا عمي.. 

ذقه حسن بقوه وقال

يا عم خش مش ناقص عبط انا... 

_تفتكرو هيحصل ايه؟ 

ــــــــــ #بقلم_الكاتبه_رحاب_القاضي ــــــــ

_وعلي النيل في المكان اللي بتبقي قااعده فيه ديما اول ما وقفت بعربيتها هنااك اتصدمت اول ما شافت يوسف قااعد هناااك وشكله سرحان جدا، اتردت تنزل من العربيه وتروحله بس في الاخر فعلا راحتله هناك وهو اول ما شافها قبل ما تقول ولا كلمه سااب المكان كله وركب عربيته ومشي وهي بصتله بحزن وندم وقعدت مكانه وبصت للنيل قدامها بدموع، وما اخدتش بالها انه وقف بعربيته وفضل متابعها وهي قااعده من المرايا بتاعت عربيته وهو كمان عيونه اتملت دموع وفجأه اتحزلت ملامحه للقلق والخوف اول ما شااف عربيه فيها شباب. واقفه قريب منها وعمالين يتكلمو ويشاورو عليها من غير ما هي تاخد بالها، والمشكله ان المكان هادي جدا وما فيش ناس فيه.. 

_رجع بعربيته عندها ونزل من العربيه وقرب منها وقال بجمود.. 

يوسف 

قومي امشي يلا.. 

رضوي اتفاجئت من تصرفاته وقالت

وانت مالك انا قااعده هنا.. 

يوسف بغيظ 

مش وقت عِند وخلاص حضرتك يلا امشي وما ينفعش تقعدي في مكان زي ده لوحدك بالليل كده.. 

رضوي

مالكش دعوه امشي يا يوسف وسيبني في حالي.. 

نزلو في الوقت ده الولاد من العربيه وقال واحد منهم بخبث.. 

الولد

ما تسيبها في حالها يا رخمم هي مش عايزه تمشي معاك.. 

قامت رضوي بسرعه ومسكت في دراع يوسف بتلقائيه وقالتله بخوف.. 

رضوي 

مين دول؟. 

يوسف بغيظ. 

مش عارف مين دول، وانتو يا شبتب دي قريبتي ومش رجوله التصرفاات دي.. 

الولد 

وانت بقي يا روح امك هتعرفنا الرجوله ازاي.. 

يوسف بعصبيه 

لا انا هعرفك ازاي تجيب سيرة امي علي لسانك يا خفيف.. 

_قال يوسف كلامه وضربه بالبوكس في وشه ورضوي صوتت بخوف اوول ما اتلمو كلهم علي يوسف ومسكوه وضربوه بقوه، وهي دموعها نزلت بخوف وفضلت تترجاهم يسيبوه وحصل؟.. 

_تفتكرو بقي هيحصل ايه؟ 

نتقابل الحلقه الجايه ورمضان كريم عليكم وان شاء الله مش هيكون في تأخير تاني قولو ياارب🤍🤍🤍🤍🤍🤍🤍🤍🤍🤍🤍🤍🤍🤍🤍🤍

ـــــــــــــــــــــــــــــــــــــــــــــــــــــــ

#بقلم_الكاتبه_رحاب_القاضي

     الفصل الرابع والعشرون الجزء الثالث من هنا

لمتابعة باقي الرواية زوروا قناتنا على التليجرام من هنا      

تعديل المقال