رواية مكتوبة علي اسمي الفصل الثامن عشر 18 الجزء الثاني بقلم ملك ابراهيم
#الحلقة_18
#الجزء_الثاني
#مكتوبة_على_إسمي
#بقلمي_ملك_إبراهيم
ايه الشغل القديم ده!! اللمبه الحمرا دي اتهرست في كل الافلام الأبيض والأسود.
بيسان ردت عليها بنفس الهمس: قصدك ان معاه بنت جوه يعني ؟ بس بلاش نظلمه يمكن عنده اجتماع فعلا واللمبه الحمرا دي تبع ديكور المكتب.
ثواني قليله وسمعوا صوت بنت بتصرخ جامد وفجأة الباب اتفتح وفي بنت خرجت من مكتبه وهي بتجري وبتعيط وحاطه أيديها علي البلوزه بتاعها من منطقة الصدر..
آيات وبيسان بصوا لبعض بصدمة وقبل ما يتحركوا من مكانهم لقوا شاب خارج من غرفة المكتب وشعره متبهدل وكأنه كان في خناقه وزعق في السكرتيرة بصوته العالي وقالها: البنت دي لو جت هنا تاني تطلبلها الامن يرموها برا..
وهو بيتكلم لفت انتباهه بنتين واقفين وبص لهم بنظراته الغامضه.
آيات وبيسان اتجمدوا مكانهم وآيات مسكت في بيسان وهمست لها: بيسان انا خايفه يلا نمشي من هنا بسرعه.
الشاب قرب منهم وهو بيتأملهم بوقاحه وعيونه كانت متثبته علي بيسان اكتر لانها هي اللي واقفه قدامه وآيات كانت واقفه وراها وماسكه فيها بخوف.
وقف قدامهم وقال: متعرفناش؟! انتوا جايين تقدموا في الوظيفه الجديدة ؟
هزو راسهم ب لا والسكرتيره بتاعه قربت منه وقالت ببرود: دول اصحاب الشركة اللي طلبوا يقابلوا حضرتك عشان تنفيذ المشروع الجديد.
بص على بيسان بوقاحه من فوق لتحت وقال: وماله نجربهم ولو عجبوني ياخدوا المشروع.
ردت عليه آيات وهي واقفه بتتحمى في بيسان: ايه نجربهم دي يا أستاذ انت ما تحترم نفسك!
بص عليها وهي واقفه بتخبي نفسها وقالها بسخريه: ما توريني نفسك كده يا بطل وانت بتتكلم عشان اعرف ارد عليك انا كمان.
آيات اتعصبت وبصتله بشمئزاز وقالت: ايه الالفاظ دي احنا غلطانين اننا جينا هنا.. يلا يا بيسان نمشي من المكان ده.
بص على بيسان وقال: هي القمر اسمها بيسان.. طب خلونا نتعرف الاول بقى...
ومد ايديه وقال: انا اياد المغربي.
بيسان بصت على ايديه وقالت: اسفه مش بنسلم.. عن اذن حضرتك.
ولسه بتتحرك مع آيات عشان يمشو لكنها اتفاجأت بيه وهو بيمسكها من دراعها بجرائه وبيمعنها انها تتحرك من قدامه.
بيسان اتصدمت من جرائته وزعقت فيه: انت اتجننت!! ازاي تمسكني كده! شيل ايدك عني.
ساب ايديها ورفع ايديه لفوق وقال: متتعصبش اوي كده يا جميل وخلينا نتكلم بهدوء.. مينفعش تيجوا لحد هنا وتمشو من غير واجب الضيافه بتاعنا..
وبص للسكرتيره بتاعه وقالها: هاتيلهم العصير المخصوص بتاعنا.. مينفعش يمشو كده من غير ما يشربوا حاجة.
ردت عليه آيات وهي من جواها خايفه ومرعوبه لكنها كانت بتمثل القوة: احنا مش هنشرب حاجة ولو سمحت ابعد عن طريقنا خلينا نمشي.
بص لها وقال: مفيش حد بيدخل هنا ويمشي قبل ما ياخد واجب الضيافه بتاعه.
ردت عليه بيسان بعصبيه: احنا مش عايزين واجب ضيافه وواجبك وصل خلاص عن اذنك.
مسكها تاني من دراعها تاني وشدها وبيسان اتعصبت وبتلقائية ضربته بالقلم علي وشه... السكرتيرة بتاعه وقع من أيديها العصير بصدمة وكل البنات اللي شغالين في المكتب شهقوا بصدمة واياد اتجنن لما بيسان ضربته وقلة منه قدام البنات اللي بيشتغلوا عنده ومسكها من دراعها وهو بيشدها علي غرفة مكتبه وبيقول بصراخ: انا هدفعك تمن القلم ده غالي اوي.
بيسان صرخت وآيات كانت بتصرخ وبتحاول تبعده عن بيسان واياد كان اقوى منهم ودفع آيات بعيد عنه ووقعت على الأرض وسحب بيسان داخل غرفة المكتب بتاعه وقبل ما يقفل الباب قامت آيات بسرعه واخدت فازة ورد كانت قدامها وضربت بيها اياد علي راسه بكل قوتها.
لحظات من السكوت والصدمة واياد بيقع قدام عيونهم وكل البنات صرخوا بصدمة وآيات بعدت وهي بتكتم فمها ب ايديها بصدمة ومش عارفه هي عملت فيه ايه وبيسان جريت على آيات وهي بتبكي بخوف والبنت السكرتيرة قالت بصدمة: انتوا قتلتوا مستر اياد.
رواية مكتوبة على إسمي بقلمي ملك إبراهيم.
عند مامت امجد.
دخل امجد البيت وكانت والدته قاعده تشرب قهوتها.
حطت الفنجان قدامها وهي بتبص ل أمجد وقالت بدهشة: ايه يا حبيبي رجعت بدري ليه؟
امجد وقف قدامها واتكلم بغضب مكتوم: عايز اخد رأي حضرتك في موضوع..
وقعد امجد قدامها ومامته بصتله باهتمام وحست ان ملامح ابنها متغيره وفهمت ان عامر حكاله اللي حصل في الفرح وبصتله بثبات وقالت: اتفضل.
امجد بصلها وقال: انا قررت اتجوز .
مامته بلعت ريقها بتوتر وقالت: وماله يا حبيبي دا اليوم اللي بتمناه.. من بكره هختارلك عروسه من عيله تليق بينا.
امجد هز راسه وقال: لا يا امي متتعبيش نفسك.. انا اخترت البنت اللي هتجوزها خلاص.
مامته بصتله بثبات وقالت: ومين هي؟؟
امجد وهو بيبصلها بترقب: بيسان.
ملامحها اتغيرت فجأة للغضب وقالت: البنت دي مش مناسبه ليك.
رد امجد: ليه يا امي مش مناسبه ليا؟
مامته بصتله وقالت: عامر حكالك اللي حصل في الفرح؟
رد امجد: ايوا حكالي وانا مش لاقي تفسير للحضرتك عملتيه!.! اخر حاجة كنت اتوقعها ان حضرتك إللي بتفرقي بيني وبين بيسان.. البنت الوحيدة اللي حبتها.
مامته اتكلمت بعصبيه: البنت دي متنفعكش ولو اخر بنت في الدنيا مش هوافق انها تشيل اسم عيلتنا.
امجد بغضب: ليه يا امي؟ بيسان بنت كويسه وانا بحبها.
ردت مامته: مش ضروري تتجوز اللي تحبها.. المهم تتجوز البنت اللي تستحق تكون مراتك وتشيل اسم عيلتك وتكون ام لأولادك يتشرفوا بيها قدام الناس لما يكبروا.
امجد بدهشة: كل المواصفات دي في بيسان.
ردت والدته بغضب: لا.. بيسان متشرفش عيلتنا.
امجد باستغراب: يعني ايه؟
والدته: مكنتش حابه اتكلم في الموضوع ده بس هي اللي اجبرتني علي كده..
مامت بيسان ماتت مقتوله علي ايد باباها وهي بتخونه وباباها مات في السجن وخالة بيسان هي اللي ربتها.
عامر بص ل امه بصدمة وقال: الكلام ده أكيد مش حقيقي!
ردت مامته بثقة: الكلام ده كله حقيقي وتقدر تسألها بنفسك.
امجد بص قدامه بحزن علي بيسان وقال: ازاي قدرت تكتم كل ده جواها وتشيل حزنها لوحدها.
وقام فجأة واتكلمت مامته بصدمة: يعني ايه مش فاهمه!؟ انت لسه مصمم عليها بعد كل اللي عرفته؟
رد امجد بثقة وهو بيمشي من قدام والدته: انا اتمسكت ب بيسان اكتر بعد اللي عرفته.
وخرج امجد من بيته وهو بيفكر في بيسان وقرر يروحلها الشركة ويتكلم معاها.
رواية مكتوبة على إسمي بقلمي ملك إبراهيم.
في قسم الشرطة.
بيسان وآيات وقفوا قدام ظابط الشرطة وهما بيبكوا بخوف واتكلمت السكرتيرة بتاع اياد وهي بتشاور علي آيات وقالت: البنت دي هي اللي قتلت مستر أياد وصحبتها دي اللي مسكته عشان ميقدرش يدافع عن نفسه.
آيات بكت وقالت: انا مكنش قصدي اقتله بس هو كان بياخد بيسان غصب عنها علي مكتبه.
واتكلمت بيسان ببكاء: هو شدني غصب عني عشان يدخلني مكتبه وآيات كانت بتحاول تنقذني منه وممكن تراجعوا الكاميرات اللي في المكتب.
الظابط بص ل للسكرتيره وقال: هو ازاي المكتب مفيش فيه كاميرات؟
ردت السكرتيرة بتوتر: مستر اياد مش بيحب الكاميرات.
الظابط بصلها بدهشة وحس ان في لغز في الموضوع وبص ل آيات وبيسان وعرف انهم بنات كويسين وشكلهم ضحايا اياد المغربي..
أتكلم مع آيات وبيسان وقالهم: ياريت تكلموا اي حد من قرايبكم يجيبلكم محامي يحضر معاكم التحقيقات.
بيسان وآيات بصوا لبعض وبيسان قالت ل آيات: آيات اتصلي على عامر هو اللي هيقدر يساعدنا.
آيات بصتلها وهزت راسها بخوف واتصلت على عامر.
---------
في شركة الجارحي.
عامر كان قاعد علي مكتبه وتليفونه رن فجأة برقم آيات.. ابتسم بسعادة و رد بسرعه لكنه اتصدم لما سمع صوتها بتعيط.
آيات: عامر الحقني انا قتلت واحد.
عامر انتفض من مكانه واتكلم معاها بقلق: قتلتي واحد ايه يا آيات انتي فين؟
ردت آيات وهي بتبكي: انا في القسم انا وبيسان.
عامر اتحرك بسرعه وهو بيسألها قسم ايه وخرج من الشركة بسرعه واتصل على المحامي بتاعه وقاله يسبقه علي القسم واتصل على امجد اللي كان وصل شركة بيسان وعرف انها مش موجودة وعامر اتصل بيه وقاله ان بيسان وآيات في القسم مقبوض عليهم في قضية قتل وامجد جري بسرعه علي عربيته في طريقه للقسم.
رواية مكتوبة على إسمي بقلمي ملك إبراهيم.
في المستشفى.
وصل رجل في الستين من عمره وحواليه حرس كتير وسأل عن ابنه اياد والدكتور خرج عشان يطمنه وقاله انه نزف كتير لكن حالته مستقره ومفيش خوف عليه.
-------
بعد وقت قليل عامر وصل القسم.
دخل يدور على آيات وشافها واقفه قدام غرفة الظابط والكلبشات في ايديها والعسكري واقف جنبها.
عامر جري عليها واتكلم معاها بقلق: آيات ايه اللي حصل؟
آيات كانت بتبكي واول لما شافت عامر قدامها كانت عايزة ترمي نفسها جوه حضنه لكنها مقدرتش تتحرك بسبب العسكري اللي معاها في الكلبش وقالت ببكاء: الحقني يا عامر انا قتلت.
عامر ضم وشها ب ايديها وقالها: حبيبتي اهدي ومتخافيش وفهميني ايه اللي حصل ومين ده اللي قتلتيه؟؟
في الوقت ده دخل المحامي بتاع عامر وامجد دخل وهو بيجري وشاف بيسان واقفه جنب آيات وايديها في الكلبشات وبتبكي.. امجد جري عليها وسألها بقلق: بيسان ايه اللي حصل انتي كويسه؟
اتكلم عامر مع آيات: مين اللي قتلتيه يا آيات اتكلمي ؟؟
ردت بيسان ببكاء: اياد المغربي.. آيات قتلته غصب عنها عشان تنقذني.
عامر وامجد اتصدموا وهما مش فاهمين ايه اللي وصل اياد المغربي ليهم واتكلم عامر معاهم بصدمة: واياد المغربي يعرفكم منين وايه اللي وصله ليكم؟
ردت آيات ببكاء: احنا اللي روحنا لحد عنده.. كنا عايزين ناخد المشروع اللي انت سحبته مننا ومكناش نعرف انه انسان حقير كده.
واتكلمت بيسان وهي بتبكي: حاول يتحرش بينا ومعرفناش نخلص نفسنا منه غير بالطريقه دي.
عامر كان بيبصلهم بصدمة وهو هيتجنن من تصرفاتهم واتكلم امجد بأنفعال: انتوا أكيد اتجننتوا عشان تروحوا ل اياد المغربي برجليكم.. اومال عامر سحب منكم المشروع بتاعه ليه!! عشان يبعدكم عنه لانه عارف انه حقير وسمعته زي الزفت.
آيات بصت ل عامر بندم وهي بتبكي وقالت: انا اسفه يا عامر احنا فكرنا انك سحبت مننا المشروع عشان تحاربنا.
عامر بصلها بصدمة وقال: احاربكم!! انتوا شايفيني إزاي..!! انا مش قادر أصدق انكم بالغباء ده!!
آيات وبيسان خفضوا وشهم في الأرض وعامر بص ل امجد واتكلم مع المحامي وطلب يدخلوا يقابلوا الظابط اللي حقق مع آيات وبيسان.
دخل عامر مع المحامي بتاعه وامجد وقف برا مع البنات.
الظابط عرف ان آيات تبقى مرات عامر الجارحي وعرف ان هي وبيسان اصحاب شركة ووقعوا ضحية ل اياد المغربي..
الظابط قال ل عامر ان اياد لسه عايش وفي المستشفى وطلب منه يروح يتكلم معاه ويقنعه يتنازل عن المحضر قبل ما الظابط يروح ياخد اقواله من المستشفى.
عامر شكر الظابط علي تعاونه معاهم وخرج عرف آيات وبيسان ان اياد لسه عايش.
آيات ابتسمت وهي بتبكي وقالت: يعني انا مش قاتله.
رد عليها عامر :الحمد لله ربنا ستر وانا هحاول اقنع أياد يتنازل..
وبصلها هي وبيسان وقال: بسببكم مضطر اروح اتفاهم معاه بدل ما اكسر دماغه علي اللي عمله معاكم.
وبص ل امجد وقاله: خليك معاهم هنا يا أمجد وانا هروح اتفاهم مع اياد.
امجد هز راسه بالموافقه وهو بيبص ل آيات وبيسان بلوم.
آيات بصت على عامر وهو ماشي عشان يروح يتكلم مع اياد في المستشفى وحست بالندم لأنها ظلمت عامر وفكرت انه بيحاربها في شغلها والحقيقه انه كان بيحميها.
رواية مكتوبة على إسمي بقلمي ملك إبراهيم.
بعد وقت في المستشفى.
عامر دخل المستشفى وسأل على الغرفة اللي فيها اياد المغربي.
دخل عند اياد وكان المغربي الكبير والد اياد قاعد جنبه وهو مش عارف ايه اللي حصل مع ابنه وايه حكاية البنات اللي ضربوه على دماغه بس كان متأكد ان اكيد ابنه اللي غلطان.
عامر دخل وسلم عليه والمغربي استقبل عامر بترحاب لانه يعرفه من زمان وبيتعامل مع شركته من سنين.
المغربي: اهلا يا باشمهندس.
عامر: أهلا بحضرتك.. اياد عامل ايه دلوقتي؟
المغربي: الحمدلله كويس الدكاتره طمنوني عليه.
عامر بص على اياد بغيظ مكتوم وقال: حضرتك عرفت اللي اياد عمله ؟
رد المغربي: لسه مش فاهم ايه اللي حصل وعرفت ان في بنتين ضربوه على دماغه في الشقة بتاعه اللي عاملها مكتب.
عامر بص له باستغراب: يعني ايه الشقة اللي عاملها مكتب؟
المغربي خفض وشه بأحراج وقال: هقولك ايه بس يا عامر.. انت عارف اياد ابني الوحيد اللي طلعت بيه من الدنيا وشكل دلعي الزيادة ضيعه.. انا مسكته شغلي كله وقولت اعتمد عليه بس عرفت انه سايب المكتب الاساسي بتاعنا وواخد شقة في برج لسه جديد وعاملها مكتب ومشغل كام بنت فيها وبيتابع شغله من هناك.. وعرفت ان في بنتين كانوا هناك وحصلت مشكله بينهم وبين اياد وفي بنت منهم ضربته على دماغه.
أتكلم عامر بضيق: البنتين دول يبقوا مراتي َصحبتها وكانوا رايحين يتكلموا مع اياد في شغل وهو حدد لهم الميعاد في شقته اللي عاملها مكتب وهما ميعرفوش ان ده مش المكتب الأساسي ولما راحوا اياد حاول يتحرش بيهم وهما ضربوه وهما بيدافعوا عن نفسهم.
المغربي اتصدم وقال: يادي الفضايح.. انا اسف يا باشمهندس.. حقك عليا وانا مستعد لأي طلب تطلبوه.. انت تعبت من كتر ما بلم من وراه ومش عارف اعمل ايه مفيش فايده فيه واهو آخرة عمايله كان هيخسر حياته.. الولد ده مش هينفع يعيش هنا تاني واول لما يقوم انا هسفره برا مصر.
عامر بص ل والد اياد وقاله: اللي انا عايزه دلوقتي ان اياد يتنازل عن المحضر عشان مراتي وصحبتها يخرجوا.
رد المغربي: متقلقش يا باشمهندس.. هيتنازل غصب عنه وانا اسف مرة تانيه على اللي حصل.
عامر وقف مع المغربي لحد ما اياد فاق وابوه غصب عليه انه يتنازل والظابط جه اخد اقواله واياد اتنازل وهو خايف ومرعوب من عامر بعد ما عرف ان واحدة من البنات اللي حاول يتحرش بيهم تبقى مرات عامر الجارحي.
-------
بعد يوم طويل وفي ساعة متأخرة من الليل.
خرجوا كلهم من القسم.
آيات وبيسان وعامر وامجد.
آيات وقفت قدام عامر وقالتله: انا هروح مع بيسان بقى وشكرا يا عامر علي كل اللي عملته معانا.
عامر مسك أيديها وقفها وقال : استني هنا انتي مش هتروحي لأي مكان.. انتي هتيجي معايا علي بيتنا.... بقلمي ملك إبراهيم.
... يتبع
عامر انقذ آيات المرادي كمان ♥️ تفتكروا هتوافق ترجع معاه بيته ولا هترفض وهتكمل في عنادها 🤔
