رواية مغامراتي مع سفيان الفصل الخامس 5 بقلم رشا منصور
#الجزءالخامس
#مغامراتي_مع_سفيان
ليلي. …
صحيت من النوم ع صوت قفل باب الشقه. معقولة يكون أشرف عملي مفاجأة ورجع من السفر بس إجازته لسه كمان أسبوع.
قومت وبصيت في كل الشقه لقيت سفيان مش في غرفته ولقيت ورقه ع الكومود مكتوب فيها أنا عند خالتوا رشا..
غريبه صحي بدري كدا ازاى ده بيغلبني وأنا بصحي فيه للمدرسة ولا علشان هو انهاردة أجازة! !!.
عملت نسكافيه وقعدت في الصاله وبعد تلت ساعه لقيت سفيان بيفتح الباب وأول ما شافني وقف مكانه زى ما يكون متردد. يدخل قولت له تعالي هنا .
أنت عارف إنك غلطت' ازاى تخرج من الشقه من غير ما تستأذن مني حتى لو كنت جوه البيت . اياك تقررها' تاني وإلا والله ما في نادي ولا تمارين..
قالي آسف يا ماما إمبارح خالتوا واحنا بره قالت أنها بتصحي بدري كل يوم بتتمرن…
لقيت نفسي صحيت بدري قولت أطلع اتمرن معاها فوق .
بس لما طلعت كانت خلاص قربت تخلص😔 ولما لقيتني زعلان قالت لي أنزل بلغ' ماما إني هاخدك النادي اخليك تشوف صاله الجيم. واعرفك ع الألعاب اللي في النادى تختار منها علشان في الأجازة ماما هتشترك. لك ..
لقيته بيتكلم وهو زعلان وأنا ما صدقت أنه بقي بيتكلم وبيلعب زى باقي الأطفال. خو'فت يرجع يحبسs نفسه في غرفته تاني ويفضل يكلم نفسه…
وسمعت زى صوت بيقولي صلحي الموقف بسرعه أحسن الزعيق'. ده مش في مصلحته'...
قولت له خلاص سماح المرة دى بس يا سوفي(سفيان ) الولد الشاطر هو اللي بيعرف بابا وماما كل حاجه ويستأذن منهم
يلا اطلع نادي ع خالتك رشا تنزل تفطر معانا وأنا هقوم أجهز الأكل. بسرعة؛؛.
سفيان…
أول ما نزلت من عند خالتوا رشامنصورولقيت ماما قاعدة قدامي وشريفاج واقف جنبها. ..
وقفت وبصيت ل شريف(شريفاج ) وقولت في سري أتصرف ازاى ساعدني…
سمعت صوته بيهمس ليا وبيقولي أتكلم كأنك ند'مان. وانا هدخل في عقلها. اطمن….
وفعلا ماما سامحتني. والموضوع عدي. الحمدلله وطلعت قولت ل خالتوا رشا تنزل تفطر معانا وقالت ليا ربع ساعه وهكون عندكم ونزلت ع طول أساعد ماما في تجهيز الفطار وكانت مبسوطة أوى وأنا بساعدها..
رشا….
غيرت هدومي ونزلت عند ليلي ودماغي مشغوله ازاى هخرج من غير ما ليلي ما تيجي معانا…
وابتديت اهرج وأنا باكل وقولت ل ليلي أنا هاخد سفيان ساعه كدا لحد النادي تكوني إنتي يا قمر عملتي ليا بقي انهاردة محشي.
أنا من بكره هنزل الشغل ومش هعرف اكل كدا تاني..
قالت ليا إيه محشي ده إنتي عاوزة تدبسيني. اليوم كله في المطبخ! ولسه ع ما أجيب الحاجات…
قولت لها بسيطه هنزل اشترى لكي كل الطلبات. وهرجع اخد سفيان وهننزل ومش هنرجع إلا لما تتصلي علينا واطمني أنا شحنت الفون . يعني مش هتلاقيه مقفول…
ونزلت تحت قابلت خالتي وعرفتها إني هشتري طلبات من السوق لو محتاجه أجيب لها حاجه..
وأول ما عرفت ان ليلي هتعمل محشي فرحت وقالت بقالي كتير مش كلته بسبب تعب عمك سليمان..
أشتري الحاجات وأنا هبقي أطلع اساعدها واتغذي. معاكم….
قولت لها اشطه وجهزي نفسك بقي أنا نص ساعه بالكتير وهكون هنا ان شاء الله. ..
خرجت وأنا عماله أفكر ياتري الكتاب المرة دى هطلع منه بمعلومه هتفيدني ولا لاء
ورجعت ع طول وأنا جايبه كرنب وبتنجان وكوسه وفلفل وقولت ل ليلي وخالتوا عيشوا بقي😄😄
وخدت سفيان ونزلنا وأول ما دخلت المكتبه لقيت عمو سليمان قاعد بيقرا في كتاب طب وبعدين بقي. ده الكتب في درج المكتب اللي قاعد عمو يقرا عليه…
بصيت لقيت ريهامشيكان واقفه هزيت رأسي في إتجاه عمي ..قولت عامل ايه يا عمو إيه رأي حضرتك تتغدي معانا انهاردة.. ليلي هتعمل لنا محشي.
قالي ياااه بقالي كتير مقلتوش لان الدكتور مانعني من الأكل المسبك. علشان معدتي بس ممكن اخد كام صباع من نفسي كدا واخد العلاج ع طول …
هوب والكهرباء فصلت وطبعا عملت نفسي خا'يفه وعمو قال لنا استنوا في كشاف في درج المكتب وطبعا سفيان عمل نفسه بيدور وطلع كتاب بسرعه اخدته في شنطتي والكهرباء رجعت تاني …
قولت له انا هاخد سفيان النادى معايا وهنرجع ع الغداء ان شاء الله وخرجت بسرعه …
وروحت فعلا النادي وأنا حاسه. اننا متر'اقبين. من
الجنnالمؤذي. بس ياتري دول اللي تبع. السا'حر ولا دول الموجودين في اى مكان فيه إنسان نوراني او زوهري.
ولا اللي كانوا بيحاولوا يأذوا. عمو محمد…
واخدت سفيان وقعدنا في الكافتيريا وقالي ما تروحى اى مسجد او جامع الأزهر. .؟؟
قولت له لو دخلت المسجد أنا هكون قاعدة في قاعة السيدات وانت في قاعة الرجال. هتعرف ازاى إني خلصت قراءة وكمان مينفعش أقف عند باب القاعة وانادي عليك…
قالي خلاص هنتظرك بره المسجد؟
قولت له أنت مسؤول' مني افرض حصل لك حاجه أقول ل ليلي إيه … انت امانه'. معايا
وبعدها قولت له تعالي وروحت صاله الجيم وكانت فاضية ولسه ساعتين ع ميعاد تدريب الرجاله…
وشغلت السماعات ع سورة البقرة وطلعت الكتاب ولقيته بعنوان " بدايه كل نهايه"....
وفضلت اقرء بسرعة قبل ما حد يدخل علينا ولقيت الكتاب بيكلم عن البدايه بعد موتt الإنسان.
وفهمت من الكتاب ان عند انتقال الإنسان للعالم الموازي. وياخد البديل مكانه في عالمنا بعد كام يوم تنتهي' حياة. الإنسان ده وهنا هتكون البدايه بالنسبة للبديل ..
لإنه مش بس بياخد أموال. وعقارات وكل ما يملكة هذا الشخص وبس ده بيكتسب كمان صفاته وذاكرته!!! 😲😲
يعني ايه ده بقي كدا إحنا مش هنقدر نفرق اللي معانا ده عمو محمد ولا الشبيه بتاعه ما الاتنين نفس الشكل ونفس الذاكرة.
وقولت ل سفيان ع اللي فهمته من الكتاب..
قالي يعني الحاجه الوحيدة اللي ممكن تكشفه. انه أول ما يفوق من الغيبوبه نسأله عن حاجات في الماضي….
قولت له واحد في غيبوبه بقالوا فترة طبيعي أنه ينسي شويه حاجات او عنده فقدان ذاكرة مؤقت…
وفجأة سمعت صوت ولقيت الكابتن داخل ومعاه مجموعه من الشباب علشان ميعاد التدريب .
أخدت سفيان وخرجت أفكر أعمل إيه. .. لازم اتصر'ف. بسرعة أكيد عمو محمد مش هيقدر يقاوم. أكتر من كدا ولو استسلمm لهم يبقي حكمm ع نفسه بالمو'ت😔..
قولت ل سفيان يلا بينا نروح علشان حاسة ان عددهم. بيزيد.
وأحنا بنعدي الطريق مرة واحدة سيارة عملت فرملة.
جامدةe. واتصدمت'. سيارتين وموتوسيكل. وسمعت صوت همس في وداني بيقولي اذكري الله وبسرعة ع البيت ..
ضربات'. قلبي كانت بتدق جامد. ومش قادرة اتلم. ع اعصاابي'. وبحاول اقول آية الكرسي مش عارفه أركز..
فضلت طول الطريق مش بقول غير يارب . يارب. يارب
وأول ما دخلنا مدخل البيت قفلت البوابة. الحديد'a وقعدت ع السلم اخد نفسي وواخده سفيان في حضني وهو عمال ينهج. وابتديت أذكر ربنا وقدرت أقول سور قرآنية وهدينا خالص
وقولت ل سفيان كدا مش فاضل لنا غير كتاب " بوابة العالم الاخر" يمكن ده اللي يعرفنا طريق البوابه
وبعدها طلعنا عند ليلي.. بحجه أننا نساعدها.
وأول ما دخلنا شقة ليلي لقيت عمو سليمان مبسوط وبيقولي يا وش السعد عليا ياريتك قعدتي معانا من زمان.
قولت له ياااه كل ده علشان المحشي . اومال لو عملت لك صنيه كنافه 😄😄
قالي لاء إمبارح سمعت كلامك وقرأت ل أخويا محمد سورة البقرة ومن شويه دخلت اقرءها له شوفت صوابع ايده بتتحرك. أنا مش مصدق نفسي.
احمدك يارب أخويا بيتحسن وهيفوق ويرجع لنا تاني وهيعيش بينا …
بصيت بصدمة'. ل سفيان وقولت بصوت له بصوت مش مسموع.
مافيش وقت كدا جدك محمد في خطرr ع حياته ولازم نلاقي بوابة العالم الآخر بسرعة وندخل. ننقذهr منهم ..
بس يا عالم مين هينقذناe إحنا 😔😔
يتبع….
ياتري إيه اللي هنقدر نوصل ل مكان البوابه؟!
بقلم #رشامنصور
