رواية انتقام عاشق الفصل السابع 7 بقلم مارينا علي
#انتقام_عاشق7
مانتى مش هتلحقى حتى ياروحى تعمليها
وقبل مادنيا تستوعب كلامه كان سامح خرج مطوة وغرزها فى بطنها
مع السلامة ياحبى هتوحشينى
وقعت دنيا على الارض ودمها بينزل بغزارة وقبل ماسامح يهرب كان يوسف مسكه الل كان جاى يطن على دنيا بس للاسف ملحقاش قبل ماسامح يضربها بالسكي*نة
لكمه يوسف بقوة وقال بغضب
ياكل*ب بتستقوى على بنت اقسم بالله لندمك على الل عملته
بعدها رماه للناس الل كانت اتجمعت وشال دنيا الل كانت فقدت وعيها وراح بيها على المستشفى اما سامح فكان البوليس قبض عليه
فى المستشفى
سهير بعياط هستيرى: بنتى.. بنتى ياعبد الحميد بنتى بتمووووت هترووح منى
عبد الحميد ودموعه نازلة: اهدى ياسهير اهدى هتبقى كويسة قلبى بيقولى كدة
يوسف بمواساة: هتبقى كويسة متخافوش دنيا قوية وهتعدى منها
قاطعهم مجئ غالية وصابر
صابر: ايه ياخويا طمنى على دنيا
عبد الحميد بحزن: لسة فى غرفة العمليات
سهير بغضب: انتم ايه الل جابكم هنا جايين تشمتوا فينا
غالية: الله يسامحك ياسهير صحيح انى مبحبكيش والعلاقات بينا مش كويسة بس زعلت اوى على الل حصل فى بنتك
سهير بغضب: متعمليش الشويتين دول عليا ياغالية انا اكتر واحدة فهماكى... خدتى حقك منى ياغالية انبسطى بقى يابنت عمى بنتى بتموت اشمتى فيا براحتك
قاطعهم خروج الدكتور من غرفة العمليات فجرى الكل عليه
يوسف: طمنا يادكتور دنيا عاملة ايه؟؟
الدكتور بعملية: بنتكم محظوظة الحمد لله تعدت مرحلة الخطر كويس اوى انكم لحقتوا تجبوها
سهير بفرحة: الحمد لله.. الحمد بنتى بقت كويسة
عبد الحميد بفرحة: ونقدر نشوفها امتى
اول ماتفوق تقدروا تدخلوا تشوفوها والممرضه هتابع معاكم
صابر وهو بيحضن اخوه: حمد لله على سلامتها ياخويا
غالية فى نفسها: اتصالحوا بعد كل محاولاتى انى افرقهم لا انا مش هسمح بكدة
بعد مرور يومين
انا قلقانة اوى على دنيا ياعبده البنت بقالها يومين مش بتفوق
عبد الحميد: متقلقيش ياسهير مش الدكتور طمنا وقال اثر البنج
سهير بخوف على بنتها: بنج ايه ياعبده الل بقاله يومين انا بقول ننقلها مستشفى تانية
عبد الحميد: طب انا هتكلم مع الدكتور الاول
وكان لسة هيقوم بس شاف الدكتور داخل عليهم
عبد الحميد: كويس يادكتور انك جيت انا كنت لسة هجيلك بنتى مش بتفوق ليه؟؟
الدكتور بأسف: انا كنت جايلك اكلمك فى كدة
عبد الحميد بخوف: خير يادكتور قلقتنى بنتى فيها حاجة
الدكتور: صحيح ان العملية نجحت والحمد لله قدرنا ننقذها بس الظاهر ان دنيا دخلت فى غيبوبة
شهقت سهير بصدمة وقالت: بنتى!! يعنى ايه يادكتور بنتى مش هتفوق تانى
الدكتور: اهدوت بس ياجماعه احنا لسة مش متأكدين اذا كانت غيبوبة ولا لا
انا هننقلها لمستشفى خاصة الرعاية هناك كويسة واظن حالتها هتتحسن
قالها يوسف الل كان لسة واصل وسمع كلام الدكتور بالصدفه
الدكتور: يكون افضل بس التكاليف فى المستشفيات دى بتكون عالية جدا
يوسف: مش مهم التكاليف المهم دنيا ترجعلنا تانى ابدأ اعمل إجراءات نقل دنيا وانا متكفل بكل المصاريف بعد اذنك طبعا ياعمى
عبد الحميد بحزن: انت يابنى جمايلك علينا كترت اوى بجد كتر خيرك بس مش هينفع
قاطعه يوسف وقال: لو سمحت ياعمى بلاش ترفض طلبى لازم ننقل دنيا فى اسرع وقت
وبالفعل مع اصرار يوسف اتنقلت دنيا لمستشفى اخرى اكثر، تطورا
مكنش يوسف بيفارقها طول الفترة دى
يوسف وهو ماسك ايدها: فوقى بقى يادنيا بقالك لحد دلوقتي اسبوع انا عملت كل الل اقدر عليه انتى لازم تصحى فى كلام كتير عايز احكهولك ياحبيبتي
انت قولت حبيبتى
اتفزع يوسف لدرجة انه وقع من على الكرسي
=ان.. انتى فوقتى امتى.... دنيا انتى بجد صحيتى
