رواية انتقام عاشق الفصل الرابع 4 بقلم مارينا علي
انا جو لحقتى تنسينى
دنيا باستغراب: جو مين انا اعرفك
المقابل يادنيا الل انتى وعدتينى بيه انا عايزك توفى بوعدك
دنيا بصدمة: انت!؟
مستنيكى قدام البيت متتأخريش
بعدها قفل علطول فبصت دنيا من نافذه منزلها تتأكد انه موجود بس مكنش موجود غير عربية فتوقعت دنيا انها عربية الشخص الغريب ده
دنيا باارتباك: انا لازم انزله بسرعه ليتجن*ن ويطلع
=رايحه فين يادنيا يابنتى
دنيا بتوتر:مشوار بسرعه ياماما وراجعه علطول
عبد الحميد: طب اقعدى افطرى معانا الاول ياحبيبتي
دنيا: لما آجى هفطر يابابا بس لازم امشى دلوقتي
وبعدها مشيت دنيا علطول
عبد الحميد بااستغراب: هيا رايحه فين ياسهير
سهير: اتلاقيها محتاجة حاجة ونزلت تجيبها ياابو دنيا
هز راسه بااقتناع وبعدها كملوا أكل
اما دنيا فنزلت قربت من العربية بحذر فسمعت صوته بيقول
=اركبى يادنيا
دنيا وهيا بتبص حواليها باارتباك: انت عايز منى ايه؟؟
رد بهدوء: اركبى مش هنتكلم فى الشارع
دنيا بخوف: مش هينفع لان....
دنيا اركبى انا مش هخطفك متنسيش انى فى بينا اتفاق
خافت دنيا لحد من اهلها يشوفها وغير ان الشخص ده كان مصر فمكنش قدامها حل تانى غير انها تركب معاه
دنيا وهيا بتفرك فى ايدها: احنا هنروح فين؟؟
هتعرفى اما نوصل
حست دنيا بالندم للحظات انها ورطت نفسها الورطة وهيا مش قادرة تفهم ايه نوايا الشخص ده
بعد وقت كانوا وصلوا امام مطعم فخم
دنيا: لحظة واحدة احنا اكيد مش داخلين المطعم ده
رد بااستغراب: لا داخلين
دنيا: لا ياعم ده باين عليه مكان غالى اوى لو كنت عايز تعزمنى كنت قولتلى وكنت خدتك عند عمى محمود بتاع الحوواشى على اول الشارع بس الحواوشى بتاعه مقولش تحفه
بصلها بصدمة فقالت بتوتر: احم شكله مش عاجبك... فى عمى سامى على اول الشارع التانى بيعمل كوفته وفى عمى...
بسسسسس
دنيا بزعل: مش معقول دول كلهم مش عاجبينك
بقولك ايه مش عايز اسمع صوتك لحد ماندخل وتفهمى المطلوب منك
دنيا باانفعال: انت بتكلمنى كدة لييه يابنى آدم انت مفكرنى عشان اتفقت معاك اتفاق وساعدتنى تبقى هتتحكم فيا تبقى غلطان لا فوق كدة ده انا...
هو انتى مبتفصليش ليه؟ بالعه راديوا!؟
كانت لسة هترد بس قاطعها
خلاص مش وقته خناق خلينا ندخل ونتفاهم
خدته دنيا على جنب وقالت بهمس: انت متأكد اننا هندخل المكان ده.. ده باين ان الاكل هنا غالى اوى ولا تكونش هتخلينا ناكل وبعدها نغسل الاطباق
رد بصدمة: مين الل يغسل الاطباق
دنيا: انا و.. انت
بقولك هيا مش ناقصه غبا*ء اخرسى
بعدها دخلوا وانتظرت دنيا انه يبدأ فى الكلام
عايزاك بقى تعملى فرح فى احسنها قاعه... سامح سامح!
سامح بخضه: طبعا طبعا ياحبيبتي
سهر بغضب: هو ايه الل طبعا بقالى ساعه بكلمك وحضرتك ولا معايا
سامح: معلش ياحبيبتي كنت شارد فى حاجه
سهر بغيرة: حاجة ايه الل واخده تفكيرك لدرجة ان حضرتك مش سمعنى ولا مهتم بكلامى
سامح بانفعال: خلاص بقى يادنيااا
سهر بغضب: انا مش دنيا ياسامح انا سهر
سامح بااعتذار: أنا آسف آسف بجد اتلغبطت
سهر: اتلغبطت فى اسمى ياسامح... اقولك امشى اطلع براااا
سامح بدهشة: سهر انتى بتقولى ايه!
سهر وهيا بتزقه لغاية الباب
برااا برااا بقولك... اما تبقى تعرف تقول اسمى ابقى اشوف وشك
غالية: عيب يابنتي الل بتعمليه ده سامح يبقى خطيبك
بس ياماما محدش يدخل
قفلت سهر الباب بعنف فى وش سامح
بعدها قعدت على الاريكه بغضب
=وصلت انه يتلغبط فى اسمى ماشى ياسامح اما وريتك
غالية: ياحبيبتي اهدى
بس ياماما اصلا انتى السبب فى كل ده
غالية بصدمة: انا
سهر: ايوا ياماما انتى عارفه انه كان بيحبنى من الاول بس اشترطتى عشان توافقى على جوازنا انه يكسر قلب دنيا الاول واستحملت سنتين عشان خاطرك لكن متوقعتش انه يتعلق بيها كدة
غالية: متبقيش عبيط*ة هو مقصدش واكيد مش متعلق بالبنت دى وبعدين انا عملت كل ده عشانك
سهر بتفكير: اممم.... صحيح ياماما ايه سبب كرهك الكبير لعمى ومراته
غالية بحقد: دى عدواة كبيرة عمرها ماهتنتهى غير اما بموتى او موتهم بس قبلها دمارهم هيكون على ايدى
تطلبى ايه!
شكرا.. قول الل انت عايزه منى عشان معنديش وقت
قال بسخرية: متخافيش مش هتغسلى الاطباق
ردت دنيا وقالت: مش ده الل مخوفنى
اومال
دنيا: بصراحه اعرف نواياك الاول اصلا خروجى معاك لوحده مصيبه عشان كدة انفض وقول عايز ايه
رد وقال: انا محتاج مساعدتك
دنيا بااستغراب: مساعدتى انا
ايوا مساعدتك بنفس الطريقه الل ساعدتك بيها
دنيا بعدم فهم: ازاى.... يعنى عايزنى امثل قدام حد اننا بنحب بعض
بالظبط بدأتى تفهمى
دنيا: بس ليه ومين الحد ده بس لحظة واحدة ازاى اتكلمنا كل ده ومعرفش اسمك لحد دلوقتي
ابتسم وقال يوسف
فبرقت بصدمه
فرد بابتسامة اكبر: مفروض انا الل اكون مستغرب مش انتى انك عرفتى اسمى لوحدك
ردت دنيا بعفوية: اصلك حلو ووسيم فقولت ان الاسم لايق عليك.
حطت ايدها على بوقها بصدمه
فضحك بخفه وقال: واى حد بيكون حلو بيكون اسمه يوسف
دنيا بخجل: يعنى بحسها.... خلينا نتكلم فى المهم مين الل عايزنى امثل عليه انى بحبك
كان لسة هيتكلم بس جه حد سحب كرسى وقعد
يأهلا ياأهلا هيا دى الل بتحبها
