رواية انتقام عاشق الفصل الثامن 8 بقلم مارينا علي
انت قولت حبيبتى
اتفزع يوسف لدرجة انه وقع من على الكرسي
=ان.. انتى فوقتى امتى.... دنيا انتى بجد صحيتى
دنيا وهيا بتحط ايدها على دماغها
هو انت مين؟؟
قال يوسف وهو بيقوم بصدمة: انتى فقدتى الذاكرة ولا ايه
ماتحترم نفسك يااخ انت ايه فقدت الذاكرة دى
يوسف باستغراب: دنيا انتى بجد مش فاكرانى؟؟
دنيا: هاا لا عارفاك انت.. انت جو
يوسف بفرحة: ايوا يادنيا انا جو الحمد لله انك فاكرانى افتكرت انك نستينى
دنيا وهو بتبص على المكان باستغراب: هو انا فين
دخل والد دنيا ووالدتها الل اول ماشافوا بنتهم فرحوا جدا ومكانوش مصدقين وفضلوا يحضنوا ويبوسوا فيها
سهير ودموعها نازلة: ياحبيبتي حمد الله على سلامتك انا مش مصدقه نفسى اخيرا فوقتى
دنيا باستغراب: الله يسلمك ياماما هو للدرجادى كانت حالتى خطيرة
سهير: ياااه يابنتى ده انتى بقالك اسبوعين فى غيوبة بس الل مايتسمى الل اسمه سامح لما ضربك بالسكي*نة المجر*م بس متخافيش ياحبيبتي هياخد عقابه
دنيا بصدمة ورعب: انا انضربت بسكينه
بصت سهير لعبد الحميد وتبادلوا النظرات بااستغراب
دنيا بدموع: بابا ايه الل حصل حد يفكرنى
يوسف: اهدى يادنيا.. انا هفهمك كل حاجة
دنيا وهيا بتزيح ايده: ابعد ايدك كدة بدل ماقطعهالك... انت مين اصلا
يوسف بصدمة: اييه
سهير بدهشة: عبده البت مالها الحادثة سببتلها فقدان للذاكرة ولا ايه
عبد الحميد: الضربه كانت فى بطنها مش راسها ياام دنيا
فى منزل صابر
صابر: هيا البت سهر هتفضل قافلة على نفسها الباب كدة كتير ومبتتكلمش مع حد لحد امتى
غالية: انا مش عارفه هيا عاملة فى نفسها كدة ليه كله عشان الل مايتسمى سامح ده انا اخطبها لسيد سيده اصلا مكنتش موافقة عليه من الاول... انت بتبصلى كدة ليه
صابر: اصل كلامك كله متناقض منين انتى الل شجعتيها عشان تتخطبله وجاية دلوقتي تقولى انك مكنتيش موافقة ولا فيه حاجة انا معرفهاش
غالية باارتباك واضح: حاجة ايه الل متعرفهاش لا طبعا
صابر: ماشى ياغالية انا كنت رايح اشوف دنيا عبد الحميد كلمنى وقال انها فاقت هتيجى معايا
غالية: ماشى
فى اوضة سهر
سهر وهيا بتجمع حاجات حواليها
=انا هنتقم هنتقم منكم كلكم
- متقلقش يااستاذ عبد الحميد بنتك كويسة جدا
عبد الحميد بقلق: ازاى يادكتور وهيا حتى مش فاكرة جت المستشفى ليه
انا عملتلها فحوصات وكلها بتأكد ان ذاكرتها كويسة جدا والدماغ سليمة يمكن الل حصل معاها سببلها صدمة نفسية غير انها غابت اسبوعين فى غيوبة فدة كمان أثر على العموم هيا هتفتكر تدريجيا بلاش حد يضغط عليها
وقتها سمعوا صوت صراخ دنيا فدخلوا جرى
عبد الحميد بقلق: مالك يابنتى فى ايه
دنيا بعياط: انا افتكرت كل حاجه سامح الل ضربنى بالسكينة يابابا ماما كانت صح بابا سامح المجر*م لازم يتعاقب انا خوفت اوى يابابا
عبد الحميد وهو بياخدها فى حضنه: اهدى ياحبيبتي اهدى هيتعاقب هو اتقبض عليه والنيابة كانت مستنية تفوقى عشان تاخد اقوالك
دنيا وهى بتخرج من حضن والدها: المستشفى دى باين عليها خاصة بابا انت جبت الفلوس منين
عبد الحميد باحراج وهو بيعدل نضارته: كل الفضل للاستاذ يوسف هو اتكفل بكل المصاريف
يوسف: خلاص ياعمى كفاية تحرجنى وبعدين انا معلمتش غير واجبى
عبد الحميد: واجبك!
يوسف وهو بيبص فى عيون دنيا بحب: احم.. ماهو انا ياعمى طالب ايد بنتك للجواز
#انتقام_عاشق8
