رواية انتقام عاشق الفصل الخامس 5 بقلم مارينا علي
خلينا نتكلم فى المهم مين الل عايزنى امثل عليه انى بحبك
كان لسة هيتكلم بس جه حد سحب كرسى وقعد
يأهلا ياأهلا هيا دى الل بتحبها
بصت دنيا بدهشة ليوسف لكن مازاد دهشتها لما واحد كمان سحب كرسى وجه قعد
دنيا بهمس: مين دول
ايه ده يايوسف هيا متعرفناش ولا ايه؟؟
يوسف: لا لا تعرفكم طبعا ياتيته... دنيا دول تيته وجدو الل حكيتلك عنهم كتير
بصتلهم دنيا فلقتهم بيبصلها بحدة فبلعت ريقها وهيا تايهه اما يوسف فكان حاسس انها هتبوظ كل حاجة لكن اتفاجئ لما قالت
جدو حبيبى تيتيه ياااه متتخيلوش كان نفسى اقابلكم من زمان اوى جو حكالى عنكم كتير انا مبسوطه جدا انى قابلتكم
قالت جدة يوسف: اوعى تكون يلا تمثيلية زى كل مرة هعرف
تمثيلية ايه ياتيته بس دى حبيبتي
دنيا باانفعال مصطنع: تمثيلية ايه مش فاهمه هو البيه جابلكم بنت تانية غيرى وقال انها حبيبته
جد يوسف: لا ياحبيبتي لا ده احنا بنهزر
جد يوسف بهمس لجدته: شكله مش بيمثل المرادى
هنشوف...... وتعرفى بقى ياحبيبتي حفيدى من امتى
اسبوع... اقصد من ايام الجامعه ياتيته
فضلوا يتكلموا شوية ورغم ان دنيا مكنتش فاهمه ليه يوسف بيمثل على جده وجدته انهم بيحبوا بعض الا انها اتقنت التمثيلية لدرجة انهم صدقوا فعلا انها حبيبته وكانوا مندمجين جدا معاها فى الكلام وده فرح يوسف
يوسف: هنمشى ياجدى عشان دنيا متتأخرش على شغلها
خلاص ماشى يابنى خلى بالك منها
دنيا: مع السلامه ياتيته مع السلامة ياجدو
بعد ماخرجوا
دنيا: وانت ليه بقى بتمثل عليهم انك بتحبنى دول باين عليهم غلابة اوى حرام تكدب عليهم بالشكل ده
وانتى مالك
نعم ياخويا! ده انا وثقت فيك وحكيتلك كل حاجة وحضرتك مش واثق فيا
اتنهد يوسف وقال: تيته مفروض تعمل عملية خطيرة وهيا رافضه تعملها قبل ماأجوز وبصراحه مبفكرش فى الجواز دلوقتي خالص عشان كدة لقيت ان ده انسب حل انى افهما انى بحب واحدة عشان تعمل عمليتها
دنيا بتفكير: وافرض طلبت منك تجوز او تطور الامر بعد كدة هنعمل ايه
يوسف: لازم نقنعها اننا مش جاهزين للجواز دلوقتي
دنيا: انا مستعدة اكمل معاك التمثيلية فى المقابل انت كمان هتساعدنى انا لازم اندم سامح انه سابنى
يوسف: لسة بتفكرى فيه؟؟
دنيا:تقصد ايه
يوسف: يعنى ميستاهلش انا تزعلى عليه او تعملى اى حاجة عشان ترجعيه ليكى
دنيا بدموع محبوسة: اصلك متعرفش سامح ده كان بالنسبالى ايه...
بصت دنيا على ساعتها وبعدين قالت بشهقة: نهار اسو*ح ده انا ماما هتعمل منى بطاطس محمرة
يوسف بدهشة: بطاطس محمرة... طب تعالى اوصلك
لا لا شكرا هروح انا باااى
أخيرا هشوف ماما وبابا بعد المدة دى كلها انا مبسوطه اوى يافارس
انا كمان مبسوط اوى ياسيليا انى هشوف اهلى بس تفتكرى ان الخلاف الل بين اهلنا انحل
معرفش اهو كل ماكلم ماما تقولى متدخليش انتى وخليكى فى دراستك
فارس بتفكير: انا مش عارف ليه عمى منشف دماغه كدة
سيليا باانفعال: بابا برضه الل منشف دماغه ولا ابوك
فارس: خلاص ياسيليا مش هنتخانق مين غلطان ومين لا
سيليا: على رأيك... مش لو كنا فى جامعه قريبه من بيتنا كان افضل بدل السكن والبهدله دى
فارس: ماهو كله بسبب فشلك مجبتيش مجموع يدخلك جامعه قريبه فروحتى اخر الدنيا
سيليا بسخرية: لا وانت الل كنت جايب الطب
فارس: على الاقل مجموعى كان يدخلنى جامعه قريبه بس انا تنازلت وضحيت عشانك يابنت عمى
سيليا بملل: ياريتك ماكنت ضحيت يااخى ده انت ماسكهالى ذلة من وقتها محسسنى انك ضحيت بحياتك مثلا عشانى.... اقولك انا رايحه احضر المحاضرة
فارس وهو بيشرب العصير: معاكى ربنا
انت مش هتحضر ولا ايه؟
فارس: لا انا هروح اجهز شنط السفر
تمام اوعى تغدر بيا وتمشى وتسبنى
فارس بضحك: لا متقلقيش
ماخلاص بقى ياسهر يعنى اعملك ايه عشان تسامحينى
سهر: والله عايزنى اسامحك بالسهولة دى بعد ماتلغبطت فى اسمى انا احساسى بيقولى ان عندك مشاعر لدنيا
سامح: مشاعر ايه ياحبيبتي انا اصلا ارتبطت بيها عشان خاطرك
سهر بفرحة: بجد يعنى انت ياسامح بتحبنى
سامح : انا بموت فيكى يابت ده انتى الهوا الل بتنفسه نبض قلبى الل بيدق روحى الل مقدرش اعيش من...
ماتتلم يلا انت وهيا انا لسة قاعدة ايه مفيش احترام خالص
سامح باحراج: معلش ياطنط غالية مخدتش بالى
لاياحبيبى ابقى خد بالك واظبط لسانك عشان عمك صابر لو سمع كلام المحن ده مش هيعجبه
سامح: حاضر ياطنط.....احم طب انا ماشى عشان ورايا شغل هعمله
كانت دنيا لسة مروحة لقت حد وقف قدامها
كنتى فين؟؟
دنيا بصدمة: سامح! انت ا... وانت مالك بيا
سامح بغلظة: بقولك ايه انطقى كنتى فين من غير قلة ادب
دنيا بغضب: لا بقولك ايه اقف معوج واتكلم عدل وبعدين انت مالكش انك تسألنى سؤال زى ده لا انت ابويا ولا اخويا
كملت بسخرية ولا جوزى
سامح بغضب: الله يرحم لما كنتى مبتخطيش عتبة البيت غير اما تقوليلى
دنيا: الله يرحم بقى ياحبيبي ووسع كدة من طريقى مش فاضية لواحد زيك
طبعا مش فاضية عشان مقضياها خروجات مع جو بتاعك
بلعت دنيا ريقها بخوف وقالت باارتباك واضح
انت.. انت بتألف تقول ايه
رد بسخرية: ايه فاكرانى مش هعرف امشى قدامى عشان الكلام ده هيتقال قدام ابوكى الاستاذ الشريف المحترم اهو يعرف بنته المحترمة بتعمل ايه من وراه
