رواية النصيب الفصل الثاني عشر 12 بقلم نور محمد
#البارت_الثاني_عشر(النـصـيـب)
سمعت يارا صوت فونها وهو بيرن كتير فمسكته بسرعه وخوف وانصدمت لما لقته حازم فقالت بصوت مهزوز من الخوف: ده ده حازم جوزي هو بيرن ليه دي اول مره يرن عليا كده؟! و
قاطعها صوت احمد وهو بيقول ببسمه خبيثه: ايه ده تفتكري ممكن اللي بيرن جرس الشقه دلوقتي يكون هو نفسه حازم جوزك ياقلبي والا ايه؟!
يارا سمعته وفتحت عنيها بصدمه وزهول كبير واحمد انفجر في الضحك على شكلها كده قدامه وقال بضحك: هههههه لا مش قادر شكلك مضحك اوي بجد
فضل يضحك قدامها بقوه ويارا كانت بتبصله بخوف وتوتر فقرب منها احمد بضحك وابتسامه وقال: اهدي ياقلبي انا كنت بهزر معاكي بس متخافيش ده اكيد بواب العماره جاب لنا الاكل اللي طلبته منه في الفون
سكت وبعد عنها شويه وضم ايديه بسخريه وكمل: وبعدين جوزك حازم هياجي هنا ازاي وهو ميعرفش حاجه عن علاقتنا سوى فكري بالعقل كده
يارا سمعته وخوفها بدأ يتلاشى شويه وانفاسها انتظمت وبصتله بعتاب وقالت: حرام عليك يااحمد والله انا قلبي كان هيقف من الخوف و
قاطعها احمد اللي وضع ايده على شفايفها بسرعه وحب وقال: بعد الشر علی قلب حبيبي ان شاء الله اللي يكرهك ياقمري متقوليش على نفسك كده تاني
يارا ابتسمت له بسعاده واحمد بعد عنها ولبس هدومه بستعجال وقال: انا هطلع اجيب الاكل من عمي محمد البواب وانتي ادخلي خدي دش سخن كده علشان ناكل سوى ماشي ياقلبي
هزت يارا رأسها له بطاعه وكسوف واحمد توجه للباب وقبل مايخرج التفت لها بسرعه وقال: واه كنت هنسى كلمي حازم جوزك كمان وطمنيه علشان ميقلقش عليكي مع اني مش حابب ده بس هصبر علشان خاطر عيونك انتي ياقمری
غمز لها بعد. ماخلص كلامه ويارا ابتسمت له وهزت رأسها بهدووء واحمد خرج من الغرفه وهي اخدت فونها ورنت على حازم اللي فتح عليها بحده وقال: ساعه برن عليكي وانتي مفيش رد ليه ها الهانم اتأخرت كده فين؟!
يارا بلعت ريقها وحاولت تهدي نفسها علشان متتكشفش قدامه وقالت: روحت عند صحبتي ازورها لاني من زمان مشوفتهاش ربع ساعه كده وهكون في البيت ياحازم تمام
حازم سمعها وشك في الموضوع بس تهند بضيق وقال: تمام ربع ساعه متزدش دقيقه كمان يايارا مفهوم
يارا بخوف وطاعه: حاضر مفهوم
قفلت معاه وحطت الفون جنبها بحزن ودموع على اللي بيحصل معاها في الوقت ده ونزلت دموعها غصب عنها وهي بتتزكر الماضي بتاعها اللي كانت فاكره انها اسعد حياه كانت بتعيشها بس اكتشفت دلوقتي انها كانت اكبر خداع ووهم في حياتها و
فاقت فجأه على دخول احمد للغرفه وهو حامل صنيه الاكل على ايديه وقرب منها بحب وقال بمشاکسه: احلا اكل جاهز لاحلا بنوته شوفتها في حياتي المعدوده ياغزالي الشارد
يارا ابتسمت له وسط دموعها واحمد وضع الاكل جنبه وقرب منها بصدمه وزهول وقال: مالك ياقلبي بتعيطي كده ليه هو حازم قال لك حاجه زعلتك والا ايه؟!
يارا بصتله بحرمان اول مره تشعر بيه حرمان الحب والحنان اللي شافته في عيون ابوها الله يرحمه بس ومن بعد وفاته وحياتها انقلبت رأس عن عقد ومفيش كلمه حنينه او حب حسه بيه من بعد ابوها بس دلوقتي رجعت شافت نفس الحب والحنان المحرومه منه في عيون احمد لها فبدون وعي رمت نفسها في حضنه وهي بتقول بدموع وسعاده: انا بحبك اوي وعمري ماحبيت حد قدك يااحمد ومش عاوزه من الدنيا غيرك
احمد ابتسم بشده وحاوطها بزراعيه بحب متبادل وقال: وانا كمان بحبك ومش عاوز من الدنيا غيرك يايارا
وفضلوا كده لوقت طويل وبعدها قعدوا يأكلوا سوى تحت نظرات الحب والضحك المتبادل بيهم في جو رومانسي هادي وجميل
.........................
وعلى الجهه الاخرى
في مكتب عمر دخلت بنت جميله مكتبه وهي منزله عنيها في الارض وقالت بطاعه:حضرتك طلبتني يامستر عمر
عمر رفع نظره لها بخبث وقال: ايوه يااميره تعالي قربي هنا
اميره بصتله بخوف بس قربت منه بتوتر وقالت: نعم يامستر عمر
عمر طلع من جيبه علبه شكلها غريب ومدها لها بخبث وقال: خدي العلبه دي يااميره خليها معاكي علشان انا عاوزك تعملي بيها حاجه مهمه
اميره اخدت منه العلبه وبصتله بستغراب وقالت: العلبه دي فيها ايه يامستر عمر وحاجه ايه دي؟!
عمر ابتسم لها وقال ببرود: العليه دي فيها حبو*ب مخد*رات وعاوزك تحطي منها في العصير لصحبتك حبيبه موسي محمود كل يوم بنتظام لغايه مااقولك كده كفايه تمام
اميره فتحت بوقها قدامه بصدمه وزهول كبير من كلامه لها ووقعه العلبه منها من شده الصدمه وقالت بصوت عالي:اييه انت عاوزني احط مخد*رات لصحبتي المقربه انت اجننت والا ايه يامستر عمر
عمر وقف وجرى عليها وكتم بوقها بسرعه وخوف وقال:اخرسي يابت يخرب بيتك هتفضحينا في المكان وبعدين ياحلوه متنسيش اني معايا صور ليكي انتي وحبيب قلبك محمد اللي علطول لازق فيكي هنا واقدر دلوقتي حالا ابعت الصور دي كلها لابوكي واخوكي وشوفي هيحصل فيكي ايه بعد مايعرفوا اللي بتعمليه هنا من وراهم بقى ياحلوه
اميره جسدها ارتجف من شده الخوف وقالت بدموع:لا والنبي خلاص يامستر عمر انا هعمل اللي انت عاوزه مني بس بلاش تبعت لهم حاجه احنا بنحب بعض وبعد مانخلص الجامعه هنجوز والله هو وعدني بكده
عمر بعد عنها وضحك بسخريه عليها وقال ببرود:هههه قال هيتجوزوا قال احلام مراهقين بجد لكن ده مش موضوعي انا عاوز اللي طلبته منك تنفذيه بالحرف الواحد وبعد ماتخلصي مهمتك دي انا هفكر امسح صورك اللي عندي تمام ياحلوه
اميره هزت رأسها بطاعه وخوف هي بتتخيل ممكن يحصل فيها ايه لو ابوها او اخوها شافوا الصور دي لها مع محمد حبيبها وزميلها في المدرسه وقالت:حا حاضر انا هنفذ كلامك كله يامستر عمر
عمر ابتسم بخبث وتخطيط للقادم وهو بيتوعد في نفسه لحبيبه في الايام القادمه
....................
وفي اليوم التالي
وقفت عربيه حازم قدام مدرسه حبيبه وحازم ابتسم لها وقال:اهو وصلنا للمدرستك ياجميل بس عاوزك تاخدي بالك اوي من نفسك هنا ياحبيبه ماشي ياقلبي
حبيبه ابتسمت له وفتحت باب العربيه وقالت بتوتر وخوف:حاضر ياحازم هعمل كده بس
سكتت بتردد وارتباك فهمه حازم اللي سحبها في حضنه بحنيه وقال:متخافيش ياحبيبتي انا اخدت حقك منه وكمان حظرته لو قرب منك تاني هعمل فيه ايه
خلص جملته وبعد عنها وحاوط وجهها بايديه بحب وكمل:مش عاوزك تخافي من شئ ابدا مدام انا موجود معاكي ياحبيبه ولو حصل معاكي أي حاجه عاوزك تجري عليا فورا بدون تردد او خوف ماشي ياحبيبه قلبي
حبيبه بصتله بحب كبير وابتسمت بسعاده عارمه وقالت:حاضر ياحبيب قلبي
حازم دق قلبه بعنف لما سمعها قالت كده وقال وهو بيبلع ريقه برغبه وحب:لا كده احنا نأجل المدرسه النهاردا لظروف خاصه احسن و
قاطعته حبيبه اللي فتحت باب العربيه وخرجت منها بسرعه وهي بتضحك عليه وقالت بضحك:لا مفيش منه الكلام ده دلوقتي ياقلبي لما اخلص مدرسه بقى لان الامتحان قربت خلاص
حازم بصلها بغيظ بس ابتسم لها بخبث وقال:ماشي ياحبيبه هي انتي هتروحي مني فين يعني نصبر كام ساعه مش خساره في شهد عيونك ياقلبي
حبيبه بصتله بحب كبير وهي بتشاور له من بعيد بايدها وحازم فصل يراقبها لغايه ما اختفت من قدامه وحط ايده على قلبه بغصه تملكت قلبه وقال:يارب احميها ليا انا مش عارف ليه حاسس انه هيحصل لها حاجه جوه المدرسه دي بس انا ثقتي فيك كبيره يارب احميها ليا ارجوك
خلص كلامه وتهند بقلق وخوف بياكل في قلبه عليها هو مش عارف سببه ايه؟!
.....................
اما حبيبه فدخل المدرسه بسعاده وفرحه كبيره وفجأه لقت اميره صحبتها قدامها فجرت عليها بحماسه وهي بتقول: اميره وحشتيني اوي اوي يابت
اميره سمعت صوتها والتفتت لها وحضنتها بسعاده متبادله وقالت: وانتي كمان وحشتيني اوي ياحبيبه كنتي فين ده كله يابت
حبيبه بعدت عنها ببسمه وقالت: لا دي حكايه طويله اوي تعالي احكيها لك قبل الجرس المدرسه
اميره مشت معاها وهي بتبص عليها بحزن وتردد وبعد ماوصلوا لمقعد مناسب في المكان فتحت شنطتها بتردد كبير وطلعت منها علبه عصير ومدتها لحبيبه ببسمه حزينه وقالت: خدي ياحبيبه ده عصير جديد بس ايه طعمه تحفه انا الصبح اول ماشفته قولت اجيب واحد ليا وواحد ليكي كمان خدي دوقي طعمه حلو اوي
حبيبه ابتسمت لها بشكر واخدته منها بعطش وقالت: تسلمي ياقلبي كلك زوق والله انا فعلا عطشانه اوي
اميره بصتلها بحزن وهي كاتمه دموعها قدامها بندم كبير وحبيبه شربته كله وبدأ تحكي لها الحكايه من اولها تحت نظرات عمر الموجهه تجاهم بخبث وسعاده
...................
ومرت ايام على نفس الحال ده وحازم كل يوم كان بيوصل حبيبه للمدرسه والقلق والخوف لسه موجود في قلبه عليها وكل يوم يلاحظ ان حالتها بتتغير بشكل غريب بس كان ديما يقول في باله اكيد من ضغظ الامتحانات وتوترها بسببها بس كان في شئ جواه ديما ينكر الكلام ده و يقوله ان فيه شئ حاصل معاها بس هو مش عارفه ايه؟!
اما حبيبه فكانت زي العاده كل يوم صبح في المدرسه تقابل صحبتها اميره وتعودت دايما تشرب منها نفس العصير بحجه ان طعمه حلو ومنعش في يوم منهك في المدرسه رغم انها لاحظت تعبها والصداع اللي بقت تشعر بيه يوميا ولما تشرب من اميره العصير ده كان التعب والصداع كله بيخفي تمام وده كان شئ غريب اوي بنسبه لها بس هي عمرها ماهتشك طبعا في اميره صديقه عمرها
.................
لغايه مافي يوم راحت المدرسه زي العاده وهي تعبانه اوي واول ماوصلت عند اميره طلب منها العصير بسرعه وقالت بتعب: اميره فين العصير اللي كل يوم بنشربه سوى انا حاسه نفسي تعبانه وجبت منه امبارح من عندنا بس الصداع ده مخفش بعدها ليه؟!
اميره بصتلها بتوتر وبلعت ريقها بخوف لان العلبه خلصت منها فقالت بتوتر وخوف: احم معلش ياحبيبه بس انا مكنش معايا فلوس زياده اجيب لك النهاردا و
قاطعتها حبيبه بتعب وارهاق: انا انا معايا فلوس خدي وجيبي ليا العصير ده بسرعه ارجوكي
اميره بلعت ريقها تاني بتوتر وارتباك وقالت: احم لا ياحبيبه اصل انا بصراحه ا...
سكتت بصدمه لما صرخت فيها حبيبه بتعب وغضب وهي بتقول: انتي ايه ها بقولك خدي جبيلي العصير ده انا مصدعه اوي ياله خدي الفلوس اهه
اميره بصت للفلوس بخوف وتردد ونزلت دموعها بقوه وهي بتشهق بندم كبير: سامحيني سامحيني ياحبيبه انا اسفه اوي ياصحبتي اسفه اوي
حبيبه بصتلها بصدمه وزهول وقربت منها بغضب وقالت بشك : اسامحك يعني ايه اسامحك على ايه يااميره انطقي انتي عملتي ايه؟!
اميره بصتلها بندم كبير ودموعها زادت اكتر وقالت: والله كان غصب عني ياحبيبه اصل هو هددني وانا كنت مرعوبه منه و
سكتت لما حبيبه قربت منها بصدمه اكبر ومسكتها من اكتافها بقوه وقالت بصدمه وزهول: هو مين وقال تعملي ايه انطقي يااميره ارجوكي انتي عملتي فيا ايه؟!
اميره بصتلها وعنيها كلها دموع وندم وقالت: المستر عمر هو اللي طلب مني احطلك في العصير حبو*ب مخد*رات ياحبيبه وهددني لو معملتش كده معاكي هيبعت صور ليا انا ومحمد حبيبي لاهلي وانتي عارفه ابويا واخويا ممكن يعملوا فيا ايه لو شافوا الصور دي انا اسفه اسفه اوي ياحبيبه
حبيبه سمعتها وبعدت عنها بصدمه لجمت لسانها وهي بتبص لها بصدمه وزهول كبير ولسه هتتكلم سمعت صوت فونها ولقته رقم غريب ففتحت عليه بتوتر وقلق وقالت: الو مين معايا؟!
سمع صوتها ورد عليها بخبث وقال: ده انا حبيبك عمر ياقلبي ها نقول مبروك ياعروسه اصل انا مستني اللحظه دي من زمان اوي واللي هيريحك موجود معايا دلوقتي في شقتي لو عاوزه منه تعالي على العنوان ده بسرعه ماشي ياقلبي
خلص كلامه وقفل السكه في وشها وحبيبه بصت في الفون بصدمه والدموع تكونت في عيونها وزاد الصداع وألم رأسها اكتر وبصت على اميره بخبيه امل وحزن كبير
واخدت شنطتها وخرجت من المدرسه كلها تحت نظرات الحزن والندم الكبير من اميره لها
..................
وعلى الجهه الاخرى
حازم كان قاعد في مكتبه في الشركه بتاعته وهو حاطط ايده على قلبه اللي بقى يدق بعنف وقلق كبير وفجأه وقف مكانه وقال بقلق وخوف: لا كده بقى كتير اوي انا لازم اروح اطمن عليها فورا واطمن قلبي اللي هيقف من شده القلق والخوف ده و
سكت حازم فجأه وعنيه وسعت بصدمه لما لقى حبيبه دفعت باب المكتب بتاعه بقوه وبصتله بدموع وتعب كبير وهي بتقول: حازم.. حازم الحقني انا بقيت مد*منه
حازم سمعها وهو لسه في صدمته منها ولسه هيجري عليها بقلق ورعب لقاها وقعت و اغمي عليها قدامه وووو
يتبع... بقلم نورمحمد
#النصيب
حبيبه المسكينه وقعت في فخ عمر اللي عمله لها وفي النهايه جرت برضو على حازم علشان يساعدها تتوقعوا حازم هيعمل ايه دلوقتي مع حبيبه وهي باحاله دي وعمر هيعمل ايه فيه كمان ده كله هنعرفه البارت القادم ولسه اللي جاي مخبي لنا مفاجأت كتير اوي🤔 💥💥
