رواية النصيب الفصل الثامن والعشرون 28 بقلم رحاب القاضي
#النصيب
_الحلقه الـ28
ـــــــــــــــــــــــــــــــــــــــــــــــــــــــــــ
كَيف يتم إقناع الغُصن المكسور، أنَّ الريح قد اعتذر؟!😞
دخلت شهد اوضتها وكلمت هاله اللي ردت عليها بسرعه وقالت
اخص عليكي يا حيوااانه بكلمك عشان اجيلك اطمن عليكي ومش بتردي..
شهد بدموع
هاله لو سمحتي اسمعيني انا عايزه محامي كويس ضروري..
هاله
ليه في حاجه ولا ايه؟
شهد بجديه
ايوه في انا عايزه اخلع اخوكي..
هاله
ما تهزريش يا شهد تخلعي مين ده كان يخلعك ويخلعني معاكي من علي وش الدنيا
شهد
انا بقي مش خايفه منه ولو مش هتساعديني عشان هو اخوكي تمام براحتك انا هتصرف
هاله
طيب اهدي وانا كده كده كنت هجيلك بكره والله ونشووف الموضوع ده
شهد
لا مش هنشووف حاااجه انتي بكره تيجي وتاخديني لاي محامي يخلصني من اخوكي..
هاله
حاضر زي ما انتي عايزه، المهم انتي فين دلوقتي؟
شهد
في بيت ابويا ومش همشي من هنا تاني ولا هرجع لاسر ولا عايزه اشوفه تاني اصلا
هاله
حاضر مش هتشوفيه تاني اهدي انتي بس وانا بكره هجيلك، المهم طمنيني عليكي انتي كويسه؟
اتملت عيون شهد دموع وقالت
لا مش كويسه انا عايزه ابقي كويسه بس كل حاجه جايه معايا بالعكس..
هاله بقلق
هو أسر عملك حاجه تاني ولا ايه؟
شهد بحزن
عايز يتجوزها عليا يا هاله وعايزني اسكت واحط جزمه في بوقي وارجعله عادي، وابويا طبعا موافق المهم ما اطلقش من اسر اللي بيديله فلوس زي ما يحب، بس انا مش هقدر اعيش مع اسر وفي واحده تانيه في حياتنا بيني وبينه، قال وانا اللي كنت فاكره انه هيصالحني علي اللي عملو وانه اختارها وما اختارنيش لما كنت مخطوفه طلع لا وكمان هيخليها تاخد مكاني عنده ويتجوزها..
هاله بحزن
والله هجيبلك محامي ولو عايزه تخلعيه هخليكي تخلعيه يا شهد ومش هيقدر يخليكي تعملي حاجه غصب عنك ابدا
شهد
تمام انا هستناكي بكره يا هاله، تصبحي علي خير..
_قفلت شهد معاها ورااحت غيرت هدومها ونامت ولقيت في رساله علي موبيلها من رقم غريب، فتحتها وكانت رساله صوتيه من حد واول ما سمعتها جالها صوت ادهم اللي قالها....
ادهم
"حاولت اكلمك من كل مكان بس شكلك عملالي بلوك فجيبت رقم جديد عشان اكلمك منه واطمن عليكي، انتي كويسه يا شهد ارجوكي ردي عليا"
اتنهدت شهد بضيق وكتبتله
"ايوه انا كويسه وبخير، وشكراً علي سؤالك"..
_قالت كلامها وقفلت الفون وحطته جنبيها وجات تنام بس جات نور اختها الصغيره ونامت جنبيها، فشهد ابتسمت بهدوء وقالت..
شهد
تعالي في حضني يا صغنن انتي..
نور
انتي هتمشي تاني؟
شهد
لا مش همشي هقعد معاكم علي طول، القعده هنا مع ابوكي ارحم بكتير من الوجع والخوف اللي شوفته بره البيت ده..
_بصتلها اختها بعدم فهم، فابتسمت شهد وحضنتها بهدوء وفضلت تطبطب عليها بحنان لحد ما هما الاتنين نامو بهدوء...
ــــــــــ #بقلم_الكاتبه_رحاب_القاضي ــــــــ
_وفي الوقت ده في بيت ادهم كان فاتح رسالة شهد وبيبصلها وهو مبتسم وجه حسام صاحبه وحط ليه قهوه قداامه وقال..
حسام
طبعا لما ردت عليك ردت فيك الروح يا عم الدنجوان..
ادهم
انا ما كنتش فااكر اني بحبها اووي كده يا حساام، ازاي اصلا عرفت تعلقني بيها كده ومش قادر ابعد عنها، انت عارف انا كنت بروحلها قدام المعهد بتاعها كل كام يوم عشاان اشوفها من بعيد واطمن عليها وامشي من غير ما هي تشوفني ولا تاخد بالها مني..
حسام
بس انت قولتلي قبل كده انها بتحب جوزها، يعني اللي انت بتعمله ده مالوش لازمه
ادهم
ما بيحبهاش يا حسام والله ما بيحبها ربع ما انا بحبها بس هي شكلها خلاص هتبعد عنه وانا المره دي مش هسيبها وهقف قدام الدنيا كلها المهم تبقي معايا..
حسام بسخريه
حتت بت ما تسواش حاجه شقلبت حالك ودخلتك في حوارات انتي في غني عنها، بس برااحتك اعمل اللي انت عايزه انا ماليش اني اتدخل كفايه اللي هتعمله فيك امك لو شمت خبر عن اللي بيحصل ده
ادهم بلا مبالاه
مش مهم اي حاجه المهم عندي شهد وبس..
ــــــــــ #بقلم_الكاتبه_رحاب_القاضي ــــــــ
_وتاني يوم في المستشفي عند نسمه كان قااعد فتحي متعصب جدا هو وناديه مرااته ونعمه قالت ليهم بقلق..
نعمه
يا جماعه خلاص هي تعبااانه لوحدها..
فتحي
وهي تعباانه بسبب مين مش بسبب زفت الطين سعيد اللي هي قالت انه ما عملهااش حاجه وانه ضربها بحاجه خفيفه وقال ايه مسمحااه لانه معذور ما كانش فاهم حاجه..
ناديه
تلاقيها فاكره انها لما تعمل كده هو هيتعدل ولا هيبطل يااخد. صف امه
نسمه بتعب
هو ما خدش صف امه يا ماما المره دي، هو اتضحك عليه وانا مش هخلي حد يوقع بيني وبين جوزي وايوه مسمحااه ومش زعلانه منه ومش عايزاااه يتحبس
نعمه
طيب والله هي معاها حق يا جماعه دول شككوه في مراته دول شياطين لعبوها صح واي رااجل غيره كان هيتصرف كده
فتحي
وانتي بقي ناويه ترجعيله تاني وتقعدي في بيته تاني يا نسمه عند امه بعد اللي حصل ده؟
نسمه بدموع
لما يجي يرجعني اقعد معاه واللي تحكم بيه يا بابا انا راضيه بيه، بس بالله عليك انا مش عايزه اسيب سعيد ولا عايزه اطلق والله هو طيب وكويس ولو كانو سابونا في حالنا انا كنت هبقي اسعد واحده معاه، مش انا كنت رفضااه في الاول بس والله بعد ما عشت معاه وعرفته بجد حبيته وما بقيتش عايزه اسيبه ولا اعيش بعيد عنه..
قام فتحي وقال بحزن
خليكي معاها يا ناديه، وانتي يا نعمه خدي بنتك وارجعي بيت جوزك اختك حلت المشكله بس تفهمي جوزك اننا مش هنتنازل عن حقنا في اللي عملته امه، وانتي لو اتنازلتي يا نسمه اقسم بالله لا تبقي بنتي ولا اعرفك الشيطانه دي لازم تتحاسب وتتلم بقي..
ناديه
ابوكي معاه حق يا نسمه وانتي في الحته دي لازم تسمعي كلامه
نسمه بدموع
انا المهم عندي جوزي وبس يا ماما والله، سعيد مش هيتحبس بسببي لو حتي هيموتي هو ما يتحبسش..
ناديه
هيطلع يا حبيبتي ما تخفيش وربنا يهدي سرك ويصلح حالك انتي وهو ويبعد عنكم كل شر..
ــــــــــ #بقلم_الكاتبه_رحاب_القاضي ــــــــ
_وفي الوقت ده في بيت الفيومي كان قاااعد أسر هو ونتالي بيفطرو وقالتله بحمااس
نتالي
بص انت هات موبيل جديد وانا هاخد ده..
أسر
انا هجيبلك واحد زيه بس ده بتاعي ايه البلطجه دي..
ابتسمت نتالي وقالت
ما انا من يومي باخد حاجتك وهاخد الفون لحد ما تجيبلي واحد جديد..
أسر
عليه شغلي ما ينفعش هفتحلك اللابتوب قبل ما امشي..
نتالي
عندك شغل هو انت بجد. بقيت ماسك شغل باباك؟
أسر
ايوه ولازم احافظ علي فلوسي وشغلي، بصي هي مسؤليه بس انا بقيت بحب المسؤلياات..
نتالي
اتغيرت اووي يا أسر عن الاول..
أسر
للاحسن ولا الاوحش؟
نتالي
بالنسبالي مش فارق انا بحبك في كل حلاتك، الخوف من مشاعرك لتكون هي كمان اتغيرت من ناحيتي..
أسر
انتي مكانتك عندي زي ما هي مستحيل اتغير عليكي انتي يا نتالي..
نتالي
طيب وشهد؟
أسر
مالها شهد؟
نتالي بحزن
انت بتقول انك اتجوزتها وحبيتها وانت فاكر اني ميته، المفروض لما انا ظهرت انت تنساها بقي يا أسر لو انت فعلا عمرك ما هتتغير مشاعرك معايا يبقي انساها بقي البنت دي وطلعها من حياتنا..
اتنهد أسر بضيق ورد عليها وقال
بصي يا نتالي انا مش هقدر اسيب شهد ولا اطلعنا بره حياتي ومش معني اني حبيتها اني كده بطلت احبك انتي، كل واحده فيكم ليها مكاانه مختلفه عندي، بس لو وجود شهد هيدايقك انتي ممكن تبعدي ومش هلومك ومش هعاتبك بس هتحطي نفسك في محل اختيار بينك وبينها فانا مش هسيبها..
نتالي بدموع
طيب ما هي حاطه نفسها في محل اختيار بيني وبينها عندك، وعايزااك تسيبني يا هي تمشي وتبعد عنك ما تسيبها تبعد ولا انت تقدر تعيش من غيرب انا بس ما تقدرش تعيش من غيرها هي..
اتوتر أسر وقال
انتي مش فاهمه حاجه يا نتالي، بس شهد مراتي فاهمه يعني ايه مرااتي ومالهاش غيري ومش هقدر اسيبها تبقي لحد غيري ولا تكمل لوحدها..
مسحت نتالي دموعها وقالت
خلاص خلينا نقفل الموضوع احسن، بقولك ايه تعالي نتصور بالفون زي ما علمتني وانا عجبني الانستا ننزل صورتنا استوري عليه..
ابتسم أسر وقال
لا برافو اتعلمتي بسرعه اهو، تعالي يا ستي نتصور..
ــــــــــ #بقلم_الكاتبه_رحاب_القاضي ــــــــ
_في الوقت ده في بيت شهد كانت واقفه قداام المرايا بتظبط في الحجااب بتاعها عشان تروح المعهد بتاعها، ورن موبيلها بأسم شيري فردت عليها وقالت..
شهد
ايوه يا شيري انا لسه في البيت؟
شيري
عارفه انا كمان لسه في البيت بفطر انا وشريف وهنطلع، بس في حاجه غريبه كده شوفتها..
شهد
حاجة ايه دي؟
شيري
انا من فتره كده عملت follow علي الانستا لـ أسر جوزك المهم يعني دلوقتي هو منزل استوري عنده هو وبنت كده حضنااه وبتبوسو ليكون بيخونك يا شهد..
شريف
يا بنتي تلاقيها اخته عيب كده..
شيري
لا مش اخته هو ما عندوش غير هاله اخته وبس، مين دي بقي يا شهد؟
شهد بدموع
مم مش عارفه هشوف وابقي اقولك، هقفل بقي عشان اكمل لبس..
_قفلت معاها شهد وبسرعه فتحت الاستوري بتاعت أسر وشافت الصوره بتاعته هو ونتالي وهي حضنااه وبتبوسو في خده وقريبين من بعض بطريقه مش كويسه، ودموعها نزلت بحزن وقفلت الفون وفضلت تعيط وفي الوقت ده دخلت عندها رحمه وقالت..
رحمه
اعوذ بالله ابوكي ده رااجل انا علي اخري منه والله في مره هضربه ليكي وو ايه ده في ايه يا بت مالك..
_قفلت رحمه عليهم باب الاوضه وراحت قعدت معاها بسرعه وقالتلها بقلق..
رحمه
في ايه يا شهد مين زعلك ابوكي مد ايده عليكي ولا ايه؟
شهد بحزن
لا مش ابويا، أسر بيه اللي جاي بيتأمر فيا وعايزني ارجعله كأن حياته واقفه عليا..
رحمه
ماله فرقع لوز ده هبب ايه تاني؟
شهد ببكاء
شيرر شيري كلمتني وبتقولي انه متصور ما الزفته بتاعته علي الانستجرام وهي يعتبر في حضنه وبتسألني مين دي وانا مش عارفه اقولها ايه، يعني ارد اقولها ايوه جوزي بيخوني وهطلق منه ولا اقولها دي بقي اللي هتبقي ضرتي مراته التانيه..
رحمه مسحتلها دموعها وقالت
لا انتي هتقوليلها دي السنكوحه بتاعت المخلوع ان شاء الله..
ابتسمت شهد بهدوء ورحمه حضنتها وقالت
بطلي تعيطي، ازاي تعيطي وانا معاكي اصلا والله لاخليه يتشل كده ويدوق من نفس الكاااس الحيوان ده وفي الاخر تخلعيه زي المسمار وترميه في اوسخ صندوق زباله وخليها الصفرا اللي معاه دي تنفعه..
شهد بقلق
انتي هتعملي ايه؟
رحمه بخبث
مش انتي كنتي ناويه تخلعيه انا جيبتلك اسم محاميه شاطره اووي في المواضيع دي وعلي قدنا من غير ما تتحوجي لحد من طرفه احنا هنعتمد علي نفسنا..
شهد بضيق
المشكله اني لو طلبت فلوس من ابويا او انه يقف جنبي في الموضوع ده مش هيوافق يا رحمه وموضوع المحاميه والحاجات دي عايزه مصاريف وانا مش عارفه هجيب منين ده حتي الفلوس اللي معايا دي تمن الدبله اللي بعتها لما تخلص انا مش عارفه هروح المعهد ازاي بعد كده..
رحمه
تشتغلي فيها ايه لما تشتغلي اي حاجه وانا كنت داخله جمعيه بخمس الاف جنيه هندفعهم للمحاميه في الاول وبعد كده ربك يسترها..
شهد ببكاء
انا مش عارفه انا من غيرك كنت هعمل ايه رحمه؟
رحمه
والله ولا مش عارفه من غيرك كنت هشوف اكرم واحبه ازاي ..
ضحكت شهد وقالت
يادي اكرم وسنينه الواد لحس دماغك خالص..
ــــــــــ #بقلم_الكاتبه_رحاب_القاضي ــــــــ
_وفي بيت فؤاد وهاله الجديد كانو قااعدين بيفطرو وفؤاد قالها..
فؤاد
شوفي شهد عايزه ايه وساعديها تعمله انا هشوفلها محامي كويس
هاله
ما تهزرش يا فؤاد انا اخدتها علي قد عقلها بس مش هخليها تطلق من اخويا، مش عايزه أسر يرجع زي الاول تاني وما حدش هيخليه يبقي بني ادم كويس غير شهد
فؤاد بحده
دي اسمها انانيه اللي بتعمليها انتي واخوكي، عايزين اللي يرضيكم وبس وانتي المهم عندك اخوكي يتغير ويبقي كويس انما انه يدوس علي كرامة بنت مالهاش ذنب في اي حاجه ده عادي، انه يزلها ويعرض حياتها للخطر ده عادي عندك انتي واخوكي..
سابت هاله الاكل واتحولت ملامحها للحزن وفؤاد اتنهد بضيق ومسك ايدها وقال بهدوء..
فؤاد
هو مش احنا امبارح اتفقنا مالناالش دعوه، يا هاله ده انتي اكتر واحده بتدافعي عن المرأه في الندوات بتاعتك بالله عليكي يا شيخه وحياة ابنك اللي بيعمله أسر في مراته ده يرضي ربنا ولا يرضي اي حد اصلا؟
هاله
لا ما يرضيش حد يا فؤاد بس انا مش هتدخل في الموضوع ده مش هخرب بيت اخويا بأيدي..
فؤاد
تمام انا هكلم شهد وهساعدها وخليكي انتي بره الموضوع..
هاله بضيق
طيب يا فؤاد اللي انت عايزه اعمله..
ــــــــــ #بقلم_الكاتبه_رحاب_القاضي ــــــــ
_وفي قسم الشرطه كانت قاعده ام محمد بتعيط ومحمد والمحامي قدامها وقالت هي ببكاء.
ام محمد
ياريتني ما خلفتكم ليه ياارب اديتني خلفه بس عشان يحبسوني يمرمطوني علي كبر..
محمد بغيظ
استغفر الله العظيم يارب..
المحامي
يا. حجه احنا عايزين كلام مفيد دلوقتي عشان نعرف نطلعك من الورطه دي بقالي ساعه قاعد بسمع ندب وعياط انا مش فاضي.
ام محمد ببكاء
انت بتزعقلي ليه وانت يا محمد يوم ما تجيبلي محامي ببقي قزعه واقرع يفهم ايه ده بس..
المحامي
لا بقي كده كتير ده انتي وليه حيزبونه انا ماشي ده انتي الحبس خساره فيكي حلال فيكي اعداام، ليك الجنه يا اسطا محمد ده انا لو دي امي كنت انا اللي حبست نفسي وارتحت منها..
قال كلامه المحامي ومشي ومحمد قال بغيظ
حتي المحامي طفشتيه، اساعدك ازاي انا دلوقتي..
ام محمد
هربني من هنا في ست مفتريه تحت مخليااني انام الليل كله علي جنب واحد ولو اتعدلت بتنيمني وانا واقفه وبتخليني لامؤخذه افليها..
ضحك محمد وقال
مين الوليه القمر دي اشكريهالي بتخلص ذنوب الناااس والله.
ام محمد
روح ربنا ياخدك ما هو انت السبب لو كنت سيبتني اجوزك واحده علي مزاجي وما اتجوزتش بنت ناديه ما كناااش وصلنا هنا دلوقتي..
محمد
ما انتي لو شايله مراتي واهلها من دماغك ما كانش كل ده حصل، بس اقولك علي حاجه يا اما انا جيبتلك محامي عشان خاطر ربنا بس عشان مهما حصل انتي امي بس الحقيقه القضيه صعبه ده تشهير وشروع في قتل كنتي عايزه ابنك يقتل مراته ودي فيها من ست سهور لتلات سنين ايه رئيك بقي..
لطمت ام محمد علي وشها وقالت
لااا يارب انا عملت ايه بس لكل ده، حسبي الله ونعم الوكيل في الظالم..
محمد
يعني فيكي.
ام محمد
امشي غور من وشي حسبي الله فيك، يردوه فيك عيالك ربنا يخربيتك يا شيخ..
ـ جه العسكري واخدها وهو بصلها بدموع وحزن والظابط دخل وقاله..
الظابط
هي هتتعرض علي النياابه بكره بس اخوك خلاص كده مدام مراته مش متهمااه في حاجه ومتنازله عن حقها في اللي حصل منه معاها يبقي هيطلع علي طول النهارده تقدر تستنااه تحت وتاخده معاك..
محمد
تمام يا باشا ربنا يكرم اصلك..
ــــــــــ #بقلم_الكاتبه_رحاب_القاضي ــــــــ
_واخر اليوم كانت داخله شهد مطعم حلو جدا مع رحمه وقبل ما تدخل وقفتها وقالتلها بقلق.
شهد
رحمه انتي جيباني هنا ليه، عارفه لو كنتي متفقه مع اسر وهو جوه هزعل منك
رحمه
عيب والله بقي انا اتفق مع جوزك ده انا لو اطول اولع فيه من اول مره شوفته فيها هعمل كده، انا متفقه مع حد تاني خالص حد انا حبااه ومتقبلااه..
شهد بقلق
ما تهزريش يا رحمه في مين جوه؟
رحمه بقلق
دكتور ادهم..
اتصدمت شهد وقالتلها
يا نهارك اسود يا رحمه انتي ازاي تعملي كده؟
رحمه
هو قالي انه عايز يقابلك وبصراحه فرصه جات في وقتها عشان تنتقمي من اسر اللي مقضيها ومش عاملك اي احترام..
شهد
فانا بقي اعمل زيه، يلا بينا يا رحمه انا مش هدخل اقابل حد..
رحمه
طيب شوفي هو عايز ايه وانا معاكم اهو يعني مش هتقعدي معاه لوحدكم..
في الوقت ده طلع ادهم من جوه وقال
في ايه شايفكم واقفين مش راضين تدخلو في حاجه ولا ايه؟..
ردت عليه شهد بجديه وقالت
لا ما فيش بس انا عندي مشوار مهم ولازم امشي..
ادهم
انا مش هعطلك يا شهد هما خمس دقايق بس وبراحتك بعد كده..
رحمه
خلاص يا شهد مش هنتأخر اهو..
_بصتلها شهد بضيق ودخلت المطعم معاهم وقعدو هما التلاته وادهم بصلها وابتسم وقال..
ادهم
تشربي ايه يا شهد ولا اطلبلك حاجه علي ذوقي؟
شهد
انا ماليش نفس لحاجه، ياريت تقول عايزني في ايه عشان امشي..
بص ادهم لرحمه بمعني انها تسيبهم لوحدهم، فقامت رحمه وقالت بهدوء..
رحمه
انا هروح اكلم ماما بره عشان قالتلي اكلمها وانا نسيت.
ـ قالت كلامها وسابتهم ومشيت بسرعه وشهد. كانت مدايقه جدا من تصرفاتها وادهم قال بهدوء لشهد..
ادهم
هو انتي مدايقه مني ليه؟
شهد
وانا هدايق منك ليه، انا مدايقه من الوضع اللي احنا فيه، انا واحده متجوزه وما ينفعش اقعد مع راجل كده لوحدي معاه، انا تقديراً لوقفتك جنبي يا دكتور ادهم لما كنت مخطوفه انا وافقت اهو اجي واشوفك عايز ايه
ادهم بحزن
هو انتي ليه يا شهد لما هربتي من اهلك جيتيلي انا؟
شهد
مش وقته الكلام ده، كان موضوع وخلص.
ادهم
ما خلصش بالنسبالي يا شهد انا لحد دلوقتي مش عارف انساكي ليه انتي بالذاات واشمعنا انتي انا مش عارف والله، مهما حاولت ابعد عنك مجرد التفكير فيكي بس بيرجعني لنقطة الصفر، وتفكيري ده تاعبني بقول لنفسي هي لو كانت حبتني بجد زي ما انا حبيتها ما كانتش اتجوزت اللي اسمه أسر ده، انا ما اذتكيش زيه وبرضو بتختاريه هو، ولا هو كان في حياتك من الاول اصلا..
شهد بدموع
لا ما كانش في حياتي من الاول..
ادهم
اومال في ايه بزمتك ده راجل تتجوزيه، هو ده راجل اصلا ده واحد كل حياته مشاكل ومش كويس وانا مستعد دلوقتي اجيبلك كل البلاوي اللي كان بيعملها، ليه اختارتي تتجوزيه يا شهد؟
نزلت دموعها وقالت
انا ما اختارتش حاجه لا اختارت اشوفك لا اشوفه ولا اتجوزه، انا بتتفرض عليا كل الاختيارات دي ولازم ارضي بيها، حتي هو فرض عليا حبه وحبيته بصراحه..
ادهم بحزن
وانا.... مش المفروض كنا هنتجوز وسيبتي اهلك عشاني؟
شهد
معاك حق بس انا كنت بهرب من اللي بيحصلي مع اهلي بيك انت، كنت فاكره اني بحبك بس لما اتجوزت اسر وحبيته اتأكدت وقتها اني ما حبيتش حد غيره هو مع اني والله لحد النهارده بتمني اني ما كنتش شوفته اصلا ولا عايزه احبه ولا ابقي في حياته بس هو النصيب...
ادهم اتملت عيونه دموع وقال
امم النصيب معني كلامك انك برضو ناويه ترجعيله تاني..
شهد بضيق
في الحالتين مش هينفع تبقي في حاجه بينا لاني انا قولتلك انا بحبه هو حتي لو اطلقت منه مش هينفع اتجوزك انت وانا بحب واحد تاني
ابتسم بحزن وقال
تمام يا شهد تقدري تمشي وشكرا جدا لصراحتك معايا..
شهد بحزن
انا اسفه ما كنتش عايزه ازعلك
أدهم بدموع
لا لا ولا يهمك عادي حصل خير، كان في مشوار معاكي اتفضلي عشان ما تتأخريش..
ـ قامت شهد وسابته وطلعت وكانت رحمه لسه داخله المطعم، ولما شافت شهد طالعه قالتلها بقلق..
رحمه
في ايه؟
شهد بحده
بجد شكرا انك انتي كمان بتلعبي بيا يا رحمه..
قالت كلامها وسابتها ومشيت وراحت رحمه وراها وقالت بعدهم فهم..
رحمه
في ايه يا شهد انا عملت ايه؟
شهد
يا سلام مش عارفه انتي عملتي ايه، ليه تخليني اتحط في الموقف ده مع ادهم، ليه اصلا تخليني اقابله وانتي عارفه ان أسر رافض اني اقابل الراجل ده
رحمه
هتقولي اسر تاني، تحبي اوريكي صورته مع البت بتاعته تاني عشان شكلك نسيتي ما تعقلي بقي يا شهد وسيبك منه..
شهد بدموع
انا لسه مراته يا رحمه وانا مش زيه عشان اعمل زي ما هو بيعمل، انا مش خاينه زيه، وحتي لو كنت مطلقه منه في حاجات كتير غلط انا ما ينفعش اعملها زي اني اقابل ادهم ده او شريف او يبقي في بينا قعده وكلام، اسر كان بيغير منهم وبيمنعني اكلمهم بس هو كان معاه حق انا ما ينفعش اعمل كده..
رحمه
خلاص انا اسفه ومش هعمل حاجه تاني غير لما اقولك عليها..
_رن في الوقت ده موبيل شهد برقم فؤاد، فردت عليه وقالت..
شهد
الو..
فؤاد
ازيك يا شهد عامله ايه؟
شهد
الحمد لله بخير..
فؤاد
انتي فين يا شهد دلوقتي انا عايز اشوفك
شهد
انا كنت مع رحمه.. هو في حاجه؟
فؤاد
انتي لسه عند قرارك انك عايزه تطلقي من أسر؟
شهد بثبات
ايوه لسه عند قراري ولو انت مكلمني عشان اتراجع مستحيل انا هطلق منه يعني هتطلق..
فؤاد
تمام المحامي بتاعي شاطر جدا في خلال اسبوع هيخلصلك الموضوع ده، جاهزه دلوقتي اجيلك ونروحله..
اتنهدت شهد بحزن وقالت
ايوه جاهزه هبعتلك لوكيشن المكان اللي انا فيه..
فؤاد
تمام وانا مسافة الطريق وهكون عندك يا شهد..
_قفلت معاه شهد وبعتتله عنوان المكان اللي هي فيه ورااحت قعدت علي كنبه بسيطه في الشارع قدام النيل ورحمه قعدت جنبيها وقالت..
رحمه
انتي هتشليني يا بت مدام عايزه تطلقي زعلانه ليه؟
شهد ببكاء
لتاني مره هتطلق وانا لسه يدوب ما كملتش عشرين سنه
رحمه
منه لله ابوكي ومنها لله ام سعيد ومنه لله سعيد ومنه لله أسر في مين تاني فكريني..
ضحكت شهد وقالت
كتير كتير منهم لله كلهم المهم بس اني هتطلق من أسر عشان اعرف اخد راحتي في اللي هعمله بعد كده
رحمه
هتعملي ايه؟
شهد
هو احنا هنغني ونرد علي بعض ما احنا اتفقنا اني هشتغل واعتمد علي نفسي وطبعا اسر وانا علي ذمته مش هيخليني اعمل كده بس لما اطلق هبقي براحتي..
رحمه
ان شاء الله تطلقي وتخلصي منه السئيل ده، انا همشي عشان بابا في البيت اليومين دول ولو اتأخرت هيعلقني، وابقي طمنيني عليكي..
شهد
حاضر خلي بالك من نفسك..
رحمه
ماشي وانتي كمان يلا باااي..
_وسابتها رحمه ومشيت وبعد شويه جه فؤاد واخدها للمحامي بتاع العيله وقاله فؤاااد كل حاجه بخصوص طلاق أسر وشهد..
بصلها المحامي بخبث وقال
هو الموضوع ممكن يطول جدا وياخد وقت كبير لو أسر رفض الطلاق..
فؤاد
اومال انا جاي ليك ليه يا توفيق اتصرف..
توفيق
الحل اللي هيخلص الموضوع ده بسرعه هو الخلع..
شهد
انا موافقه اعمل اي حاجه المهم اني اخلص من الموضوع ده في اسرع وقت..
فؤاد
اعملها اللي عايزاااه يا توفيق
توفيق
تحت امرك يا فؤاد بيه، بكره هستناكي الساعه عشره هنا يا مدام شهد عشان تعمليلي توكيل ونبدأ في اجراءات القضيه..
شهد
حاضر
فؤاد
تمام وانا هكون معاها برضو يا توفيق يا انا يا هاله هانم هي مش هتكون لوحدها..
_ومشي فؤاد هو وشهد من عند المحامي اللي دخلت عنده المساعده بتاعته وقالت..
رانيا
يا توفيق بيه لو حضرتك وافقت تمسك القضيه دي احنا هنخسر اكبر شركه ماسكين الشؤن القانونيه بتاعتها، شركة الفيومي..
توفيق
معاكي حق يا رانيا وفؤاد ده لسه ما وصلش لنص شركة الفيومي..
رانيا
طيب وهتعمل ايه حضرتك؟
توفيق
انا هعرف اتصرف كويس في الموضوع ده وهكسب الطرفين كمان..
_وبعد شويه تحت بيت شهد وقف فؤاد بعربيته وقبل ما هي تنزل من العربيه قالتله..
شهد
شكراً جدا يا فؤاد علي وقفتك معايا النهارده
فؤاد بهدوء
مش كل شويه هفضل اقولك انك اختي الصغيره يا شهد، واللي انا بعمله ده حقك ومالكيش دعوه بأن أسر ابن عمي واخو هاله انا علي طول هفضل اساعدك لحد ما تقفي علي رجلك لوحدك وما تبقيش بحاجه لحد..
شهد بقلق
هو أسر هيسكت بعد ما يعرف اللي هعمله، يعني بعيد عن اللي ممكن يعمله معايا ممكن تحصل مشاكل بينك وبينه
فؤاد
يعني هي المشاكل اللي بيني وبينه خلصت اصلا، وبعدين هو ما يقدرش يعملك حاجه انتي بتاخدي حقك وما بتعمليش حاجه غلط بالعكس ده هو اللي الغلط راكبه من ساسه لرااسه، وخليكي فاكره ان صاحب الحق قوي وما تخافيش منه..
شهد
حاضر.. طيب تعالي اتفضل مش هينفع تمشي كده علي طول..
فؤاد
مره تانيه هجيب هاله ونيجي نقعد معاكي شويه..
شهد
تنورو في اي وقت، بعد اذنك..
نزلت شهد من العربيه وفؤاد بصلها بحزن وقال
خسرت كتير يا أسر باللي عملته فيها ده..
ــــــــــ #بقلم_الكاتبه_رحاب_القاضي ــــــــ
_وبالليل في بيت رحمه كانت قااعده بتذااكر في اوضتها وموبيلها رن برقم شريف، فأتنهدت بضيق وردت وقالتله..
رحمه
يا نعم؟
شريف
فاضيه بكره عايز اشوفك
رحمه
لا مش فاضيه وعايز تشوفني ليه انت ما بتشبعش تهزئ..
شريف
اللهم طولك يا روح عايزك في موضوع شخصي
رحمه
انا ما بسلفش حد فلوس
شريف
تسلفي مين يا جعاانه انتي، بكره بعد المحاضرات بتاعتك هقابلك هستناكي بره الجامعه
رحمه
استني بس هو انت عارف منين انا بخلص امتي محاضرات؟
شريف
انا عارف عنك حاجات كتير يا رحمه بس انتي اللي مش واخده بالك
رحمه
انا كنت شاكه من الاول فيك والله، انت عفريت صح، الو شريف الوو..
_قفل شريف في وشها وهي فضلت تضحك بهدوء ورجعت تكمل مذاااكره بس موبيلها رن تاني والمره دي برقم اكرم فمسكت الفون وقالت لنفسها بضيق..
رحمه
الله واكبر عليكي يا رحمه موبيلك بقي مركز شباب ده يقفل ده يتكلم..
وردت علي اكرم وقالت
نعم انت كمان عايز ايه؟
اكرم
انت كمان؟ هو حد كان بيكلمك ولا ايه؟
رحمه
وانت مالك بتسألني بصفتك ايه؟
اكرم
طيب اهدي ودلوقتي مش هسأل بس بكره هسألك براحتي..
رحمه
ازاي يعني مش فاهمه وايه الفرق بين بكره والنهارده؟
اكرم
الفرق يا ستي اني بكره هاجي واتقدملك واخبطك من باباكي هو في البيت اليومين دول صح..
قفلت رحمه في وشه وقالت لنفسها بصدمه
هو انا اللي سمعته ده بجد هو هيجي يخطبني بجد وجداني، بيتصل تاني ارد اقوله ايه ده؟
ردت عليه وسكتت وهو قال
ايه رد الفعل ابن الغبيه ده، بتقفلي في وشي عشان بقولك هاجي اتقدملك
رحمه بتوتر
دي الشبكه انت عايز ايه يعني دلوقتي؟
أكرم
تاخديلي معاد من باباكي عشان اجي بكره اتكلم معاه
رحمه
حاضر اقفل بقي سلام
اكرم
يا بنتي ايه الطريقه دي بينيلي انك مبسوطه حمسيني للموضوع اكتر
رحمه
ما هو انا كده مصدومه فرد فعلي غريب لما استوعب هفرح صدقني باي..
_وقغلت تاني في وشه وطلعت بسرعه راحت لمامتها المطبخ ولقيتها واقفه بتعمل اكل ومتعصبه جدا..
رحمه
في ايه يا ست الكل يا عفاف يا قمر انتي..
عفاف
غوري من وشي يا بت انتي مش هتبقي انتي وابوكي عليا، مصحيني من احلي نومه اعمله مكرونه محمره وفراااخ..
رحمه
ما حدش قالك تتجوزي مصارع يا ماما، المهم اكرم اللي حكيتلك عليه..
عفاف
ماله خزوقك ولا لسه؟
رحمه
لا الحمد لله ربنا نصرني وعايز يجي يقابل بابا ويتقدملي..
عفاف
هو قد ابوكي ده لو خايفه عليه بلاش تخليه يجي يتقدم..
رحمه
يا ماما مش وقت هزار والنبي قولي لبابا انه جاي بكره وكلمتين حلوين منك علي الواد بقي..
عفاف
انتي بتحلمي عايزاني انا اروح لابوكي واقوله في عريس متقدم لبنتك ويفضل يقولي شافها فين وعرفها منين هو انا ناقصه، ابوكي عندك جوه لو جدعه روحي قوليلي..
رحمه
يعني مش هتقفي جنبي يا ماما..
عفاف
مدام الموضوع فيه ابوكي وعصبية ابوكي يبقي لا.
رحمه
ماشي يا عفاف انا هروحله وهقوله ده بابا ده طيل وهيسمعني وهيفهمني.
ودخلت رحمه عند باباها اوضته وكان قاعد علي الكنبه وبيرفع حديد بأيده وقعدت جنبيه وقالتله..
.
رحمه
بابا يا بابا يا حتة سكره..
سامي
مش هزود مصروف انا وغوري قولي لامك تخلص الاكل انا جعااان..
.
رحمه
لا مصروف ايه انا مش عايزه زيااده ده انت لو مش عايز تديني مصروف كمان انا موافقه، وماما جايبه الاكل وجايه
سامي
اومال انتي عايزه ايه؟
رحمه
هو انت مش ناوي تفرح بيا يا بابا وتجوزني
سامي
ما لقيتش حد عبرك وقولت لا
رحمه بغيظ
اهو حد عبرني وجااي يقابلك بكره عشان يخطبني
سامي ساب الحديد من ايده وقال
مين ده يا بت ماشيه مع مين يا بت الكلب..
.
قامت رحمه من جنبيه بسرعه وقالت
والله مش كده وبعدين لو انا بعمل معاه حاجه غلط هو هيجي يتقدملي يعني ويدخل الباب من بيته..
سامي
اسمها البيت من بابه يا بت ما تعصبنبش....
رحمه بخوف
انت صح والله ولو مش عايزه يجي في ستين داهيه المهم رضاك يا ابو الكباتن..
سامي هدي شويه وقال
اممم وده انا اعرفه شوفته قبل كده؟
رحمه
فاكر انت الواد اللي جالي قبل كده تحت البيت..
.
سامي
ايوه اللي كنت ناوي اعجنه ده بس الناس حاشوني عنه، انا قولت ماشيه معاه يا بت الكلب..
رحمه
كفايه بقي تهزئ في نفسك، بص هو جاي بكره والله ولد محترم جدا وكويس اديه فرصه عشان خاطر رحومه حبيبتك..
سامي
طيب هستناااه بكره ونشووف خدي تعالي هنا..
رحمه
هاجي بس ما فيناش من ضرب..
سامي
يا بت خدي ما تخافيش..
قامت رحمه وقربت منه وهو خدها في حضنه وقال
كبرتي يا قلب ابوكي وبقيتي عروسه علي الله تعقلي.
رحمه
يااه يا بابا اهو ده الحضن اللي يتقال عليه بجد انه يسيع من الحبايب الف..
بعد عنها سامي وضربها علي كتفها بهزار وقال
بطلي لماضه يا بت ويلا قولي لامك تجيبلي الاكل..
مسكت رحمه دراعها بألم وقالت
ده قبل ما دراعي يتكسر ولا بعده تسلم ايدك يا ابو الكباتن..
ــــــــــ #بقلم_الكاتبه_رحاب_القاضي ــــــــ
_وقداام القسم اللي محبوس فيه سعيد، طلع مع المحامي وكان محمد مستنيهم واول ما شافهم قال..
محمد
كفاره يا عم سعيد ياريت بقي تحكم عقلك واللي حصل ده يعلمك..
المحامي
هتابع انا قضية الحجه يا اسطي محمد وعلي تلفون معاك..
محمد
تمام يا متر وانا هعدي عليك بكره وهراضيك..
مشي المحامي ومحمد قال لسعيد
امك لسه حوارها كبير هي والواد هاني وهياخدو حكم تقيل شويه
سعيد بجمود
ما يخنصنش ماليش دعوه بحد..
محمد
استغفر الله العظيم يارب مش عارف اقولك ايه والله، المهم هتعمل ايه مع نسمه، هي رجعت بيتهم بس البت تعباانه وبرغم كل ده اتنازلت عن حقها في اللي عملته فيها، ونعمه بتقولي انها مسمحاك ومش زعلانه منك خلقتلك الف عذر يعني عشاان ما تطلقوش ياريت بقي تقدر اللي هي عملته عشاانك ده..
سعيد
ان شاء الله المهم انا عايزك في موضوع مهم..
محمد.
طيب تعالي الاول معايا البيت خدلك دش وغير هدومك دي وكل لقمه وبعدين نتكلم..
سعيد بجمود
لا انا مش هدخل الحته بتاعتنا دي تاني بعد اللي حصل، انا عيني اتكسرت هناك بعد اللي امك عملته فيا وفي مراتي..
محمد
يا عم مشاكل بين الاهل الناااس مالها بينا..
سعيد
ريحني يا محمد وحياة عيالك انا خلاص عمري ما هدخل المنطقه دي تاني المحل والشقه هكتبهم بأسمك وانت هتبيعهم وهقولك تعمل ايه بفلوسهم..
_تفتكرو بقي سعيد ناوي يعمل ايه؟
ــــــــــ #بقلم_الكاتبه_رحاب_القاضي ــــــــ
_وفي شركة الفيومي كان قااعد أسر في مكتبه مع أكرم وقاله أسر بهدوء.
أسر
لو عايزني اروح معاك بكره وانت بتتقدم ما فيش مشكله..
اكرم
ده يشرفني طبعا بس انا عايز اروح لوحدي عشان تبقي الصوره واضحه من البدايه اني بطولي لا ليا اهل ولا حد..
أسر
بس انت جدع ويا بختها البت رحمه بيك والله.
اكرم
المهم طيب احنا هنعمل ايه في الشغل ده طلع حوار كبير وانا واحد لسه يدوب ببدأ اتعلم..
أسر
وانا كمان لسه ببدأ وبتعلم..
اكرم
بس انت شاطر الحق يتقال يعني فااهم برضو الدنيا هنا ماشيه ازاي.
أسر
انا بتوه بس كان فؤاد بيعرف يلم كل حاجه وذكي جدا انما انا لوحدي صعبه شويه بس لازم ابقي قدها واحافظ علي الشركه دي واثبت للكل اني مش فاشل علي الاقل خالص في المستقبل اولادي يفتخرو بيا زي ما انا دلوقتي بقول انا أسر الفيومي وبفتخر بأسم عيلتي واللي عملو ابويا..
_في الوقت ده رن موبيل أسر برقم اسماعيل اللؤ مكلفه يراقب شهد فرد عليه وقال..
أسر
ايه يا اسماعيل خير؟
اسماعيل
كلمتك كتير يا باشا من شويه
أسر
ما كنتش فاضي المهم الهانم فين؟
اسماعيل
في بيتهم انا كمان رجعت البيت من ساعه، المهم هي بعد ما طلعت من الكليه بتاعتها راحت مطعم هي وصاحبتها ودخلت وراهم وقعدو هنااك مع واحد. وشويه وصاحبتها سابتهم وقاامت وفضلت هي والراجل ده قاعدين لوحدهم..
أسر بغضب
راجل مين ده؟
اسماعيل
ما سبقش ليا وشوفته يا باشا بس انا صورته ليك وهو قاعد معاها قصدي مع الهانم..
أسر
طيب ابعت الصوره بسرعه..
قفل معاه أسر واكرم قاله
في حاجه ولا ايه؟
ما ردش عليه أسر وملامحه اتحولت للغضب والعصبيه بشكل مخيف اول ما شااف صورة شهد وهي قاعده مع ادهم لوحدهم في المطعم..
أكرم
في حاجه يا أسر قلقتني..
بصله أسر بجمود
انت تعرف مكان العياااده بتاعت الدكتور اللي اسمه ادهم..
اكرم
ايوه روحتله انا ورحمه لما كانت شهد مخطوفه، بس ماله الراجل ده عمل ايه؟..
قام أسر وقال بنبره غاضبه
هو اللي جابه لنفسه تعالي معايا...
_وبعد شويه وقف أسر بعربيته قدااام االعياااده بتاعت ادهم وجه بنزل معاه اكرم بس أسر قاله بحده..
أسر
خليك هنا الموضوع ما يخصكش..
اكرم
ما ينفعش اسيبك وانت متعصب كده ده انت ممكن تخرب عليه الدنيا
أسر
وهو ابن حلال ويستاهل برضو..
اكرم
هو مش انت كنت لسه بتقولي اسم عيلتك وعايز تحاافظ عليه، افتكر ده دلوقتي وبلاش تعمل حاجه تبوظ اسم عيلتك..
أسر
لا ما هو لما الموضوع يوصل لمراتي يبقي الله يرحمه
اكرم
هو مين اللي الله يرحمه؟
أسر وهو بينزل من العربيه
اسم العيله الله يرحمه...
_وسابه أسر وطلع فوق وفي الوقت ده كان طالع مريض من اوضة الكشف بتاعت ادهم ولسه واحد تاني هيدخل بس أسر ذقه وقاله..
أسر
لامؤخذه يا باشا في حجز ليا..
المريض
حجز ايه ده معادي..
الممرضه
ما ينفعش كده يا استاذ اتفضل احجز كشف وخد معاد..
أسر
لا ما الدكتور حبيبي وانا جاي اصفي معاه حساب متأخر واخرسي انتي والكابتن ده بدل ما اخبطكم في بعض..
طلع في الوقت ده ادهم وقال
في ايه.. انت بتعمل ايه هنا يا عم أسر..
أسر بغضب
لو عايز نتكلم هنا ما فيش مشكله، بس انا. مش مسؤل عن الفضايح اللي هتحصل لو انت عايزنا نتكلم هنا قدام الناس المحترمه دي يا دكتور ياللي عامل فيها انك محترم..
بصله ادهم بقلق وخوف علي سمعته وقال
اتفضل يا أسر بيه وبلاش هزار قدام الناس عيب كده، اتفضل..
_دخل أسر جوه اوضة ادهم اللي دخة ورااه وقفل الباب وقاله بحده..
ادهم
انت عايز ايه وجاي تعملي مشاكل في مكان شغلي ليه؟..
أسر
ايوه حلو كده خااف بقي يا حيلتها علي مكان شغلك وابعد عن مراتي والا وديني وما اعبد اخليلك كل الهليله اللي انت فرحان بيها دي كوم ترااب واول حاجه هدمرها سمعتك..
ادهم
تصرف طبيعي يطلع من واحد صايع زيك، وبعدين مش كلامك ولا تهديدك ده هيبعدني عن شهد..
أسر بحده وعصبيه
ما تنطقش اسمها علي لسااانك ياااه، وانسي خالص انك كنت تعرفها ودي اخر مىه هاجي اتكلم معاك بذووق انما لو حصل وعرفت انك لفيت حواليها تاني هتشوف تصرفات واحد محترم زيك هيتصدم منها اتفقنا يا دكتور..
ادهم بغيظ
لو خلصت كلامك اتفضل بره..
أسر
الكلام خلص لسه الفعل اللي انا جايلك عشاانه عشان يبقي تذكاار ما بينا..
_خلص كلامه ومسكه من هدومه وبحركه سريعه خبطه في براسه في مناخيره وذقه علي الكنبه اللي ورااه وهو ماسك مناخيره اللي بتزف بألم وأسر قاله بشماته..
أسر
عالج نفسك بقي يا دكتور..
_قال كلامه وسابه وطلع بره العياااده وهو ونازل علي السلم موبيله رن برقم توفيق المحامي..
أسر
وماله ده كمان عايز ايه؟
رد عليه أسر وقال
ايوه يا استاذ توفيق معاك..
توفيق
ازيك يا اسر بيه ايه اخبارك
أسر
كويس في ايه؟
توفيق
هي في حاجه حصلت كده وانا لولا عضم التربه وغلاوة الحج الله يرحمه عندي ما كنتش هرفض قضيه زي دي هتكسبني كتير
أسر
ايه الحكايه يا استاذ توفيق وقضية ايه دي اللي انت هترفضها عشان عضم ابويا الله يرحمه..
توفيق
هو حضرتك ما تعرفش اصل فؤاد بيه والمدام بتاعت حضرتك جم عندي وهايزين يرفعو قضية خلع علي حضرتك بس انا رفضت ومستعد اداافع عن حضرتك بكل قوتي واخليك تكسب القضيه..
وقف أسر مكانه وقال بصدمه وعدم تصديق
انت متأكد من كلامك ده، المدام بنفسها جاتلك؟
توفيق
ايوه والله ومعاها فؤاد بيه ومصممه ترفع القضيه في اسرع وقت..
أسر بحده
ما فيش قواضي هتترفع يا توفيق واياااك الكلام ده يطلع بره او حد بديعرفه مفهوم..
توفيق بقلق
كأني ما سمعتش حاجه يا باشا وو..
_قفل أسر في وشه وطلع بره العماره وركب عربيته وعيونه بتطق شرار واكرم بصله بقلق وقال..
اكرم
في ايه انا بقيت اخااف منك والله..
أسر بعصبيه
ما بقيتش عارف المها بت الجزمه كل سويه تطلعلي بحوار..
اكرم
انا مش فاهم حااجه هي عملت ايه؟
أسر بحده
انزل خد تاكسي يا اكرم..
اكرم
حاضر بس بلاش العصبيه دي علي شهد دي غلبانه وو..
سكت فجأه اول ما أسر بصله حده وقال بسرعه
اا انا نازل اخد تاكسي ولو عوزت مني حاجه كلمني.
_نزل اكرم من العربيه وأسر راح لبيت شهد ووقف تحت البيت بعربيته وكانت ملك اختها واقفه في المحل بتاعهم، نزل من العربيه ورااحلها وقال..
أسر
ازيك يا ملك عامله ايه؟
ملك بضيق
كويسه..
أسر
مالك انتي كمان بتكلميني كده ليه؟
ملك
عشان مزعل شهد اختي..
أسر
طيب اطلعي قوليلها ردي علي أسر هو تحت وعايزك ضروري..
ملك
طيب خد بالك من المحل لحد ما اجي..
أسر
ماشي وابوكي فين؟
ملك
بيتعشي فوووق..
أسر
طيب روحي قولي لشهد زي ما قولتلك بسرعه..
_سمعت ملك كلامه وطلعت فووق عند شهد اللر كانت بتصلي واستنتها تخلص وقالتلها..
ملك
شهد أسر تحت وبيقولك ردي عليه عشان عايزك ضروري..
شهد بقلق
هو ابوكي فين؟
ملك
نزل تحت وقااعد معاه..
شهد بخوف
طيب يا ملك روحي شوفي هتعملي ايه؟
_طلعت ملك وشهد مسكت موبيلها وشالت رقم أسر من البلوك ورنت عليه وهو رد علي طول وقال....
أسر
انزلي عايزك..
شهد
مش نازله قول عايز ايه هنا وخلصني..
أسر بخبث
مش انتي عايزه تطلقي انا هطلقك يا شهد تعالي بس هنقعد في عربيتي شويه وبعدين كل حاجه هتنتهي زي ما انتي عايزه..
شهد بقلق
مم ماشي نازله..
_قفلت معاه وحطت موبيلها علي الشااحن ونزلت لقيت ابوها قااعد جوه المحل وبيشرب في الشيشه بتاعته وأسر في عربيته، وأول ما شافها صابر قالها..
صابر
خدي هنا يا بت انتي الاول..
قربت منه شهد وقالت
نعم؟
صابر بنبره غاضبه وصوت واطي
ورحمة ابويا وامي يا شهد لو اطلقتي تاني لاسففك تراب الارض، اسمعي كلام جوزك وراضيه عشان انتي لحد النهارده ما سوفتيش الوش التاني بتاعي وانا ممكن اعمل فيكي وفي امك واخواتك ايه..
_اتملت عيونها دموع وبصتله بحزن وكسره حقيقيه ورااحت ركبت العربيه جنب أسر وقالتله بجمود..
شهد
خير عايز تتكلم في ايه؟
طلع أسر موبيله ووراها صورتها وهي قاعده مع ادهم في المطعم وقال ببرود..
أسر
ايه ده يا محترمه؟
شهد بصتله بخوف حاولت تداريه وردت عليه وقالت
اياً كان ايه بس هي حاجع ما تخصكش..
أسر بغضب
هنشووف يا شهد..
_وقفل الموبيل وحطه قداامه علي تابلوه العربيه وبسرعه كبيره اتحرك بالعربيه من قداام بيتهم ومشي، وهي بصتله بخوف وقالتله..
شهد
انت بتعمل ايه نزلني يا أسر انت واخدني فين؟
ما ردش عليها أسر وهي حاولت تفتح الباب بس كان قافل الباب عليها وسايق العربيه من غير ما يديها اي اهتمام..
شهد بعصبيه
انت ايه اللي بتعمله ده، احترم رغبتي يا شيخ بقي انا ما بقيتش طيقااك ولا عايزه اكون معاك..
_اول ما خلصت كلامها كان موقف هو العربيه ونزل بايده علي وشها بكل قوته لدرجة ان راسها في شبااك العربيه، وحطت ايدها علي وشها وبصتله بصدمه ودموع وهو مسكها من شعرها وقال بحده..
أسر
اقسم بالله اللي عدي كله كوم واللي جااي كوم تاني يا شهد، واوعي تفكري انك هتبعدي عني تاني حتي لحظه واحده وابوكي انا قولتله اني هاخدك ونديكي علقه معتبره عشان تتلمي عارفه قالي ايه، قالي اعمل فيها ما بدالك بس ما ترجعهاش ليا تاني، فمن النهارده مالكيش مكان غير معايا انا بالطريقه اللي تيجي علي مزاجي غصب عنك، ومش عايز اسمع صوتك لحد ما نوصل البيت فاهمه..
_ما ردتش عليها وغصب عنها فصلت تعيط وهو ساب شعرها ورجع سااق العربيه ورااح لبيت الفيومي وهنااك حصل؟...
_تفتكرو هيحصل ايه، ومن رأيكم أسر معاه حق في تصرفاته وغيرته عليها ولا لا؟
ـــــــــــــــــــــــــــــــــــــــــــــــــ
#بقلم_الكاتبه_رحاب_القاضي
