رواية النصيب الفصل السابع والعشرون 27 بقلم رحاب القاضي
#النصيب
_الحلقه الـ 27
ــــــــــــــــــــــــــــــــــــــــــــــــــ
وَكَيفَ أَلُومُ النَّاسَ فِي الغَدْرِ بَعدَمَا
رَأَيتُ شَبَابِي قَد تَغَيَّرَ عَهدُهُ؟
- البارودي
_صحيت شهد من نومها اول ما حست بحركه جنبيها وعلي شعرها واول ما فتحت عينيها لقيت أسر قاعد جنبيها وقالها بأبتسامه هادئه..
أسر
وحشااني اووي والله..
قامت بسرعه من جنبيه وقالت بحده
انت. ايه اللي جابك هنا؟
أسر
قولت لامك عايز اشوفك فقالت انك من. امبارح نايمه وكانت هتدخل تصحيكي بس قولتلها انا جوزها مش غريب وهدخل اصحيها وهي ما اتكلمتش..
شهد بحده
وجاي عايز ايه؟.
أسر بجديه
اهدي طيب وما تكبريش الموضوع وجاي اخدك يا كبيره يا عاقله عشان ترجعي بيت جوزك ولحضن جوزك وحياتنا سوا..
شهد بعصبيه
مستحيل انا مش هرجعلك وهطلقني عشان انا خلاص مش هخليك تلعب بيا تاني..
أسر
لعبت بيكي فين انا يا شهد ما تعقلي الكلام اللي بتقوليه؟
شهد
انا شوفت كل حاجه الاول كدبت عليا فهمتني انك خلاص قطعت علاقتك بكارم وبطلت تدور ورا فايز ده واننا هنبدأ سوا من جديد وطلعت كدااب بتاخدني علي قد عقلي عشان اصدقك ونقنع سوا فؤاد انك اتغيرت، كل هدفك من البدايه انك توصل لفايز وترجع حبيبتك القديمه اللي انت كنت معايا بس عشان توصلها وتنقذها ولما انا وهي كنا في خطر اختارتها هي وانا رميتني ورا ضهرك عشان ماليش لازمه عندك..
أسر بجمود
لو مالكيش لازمه انا ما كنتش جيت امبارح وجيبتك من عند كارم ما كنتش جيت دلوقتي عشان اخدك ونرجع سوا لحياتنا مع بعض..
شهد بحده
بطل كدب هو انت اصلا بتتخطط لايه وجاي هنا عشانه محتاجني امثل معاك دور ايه تاني معاك؟..
أسر
لو كان العكس وانتي اللي مع فايز انا كنت اختارتك انتي لان الراجل ده مريض انما كارم كان الموضوع هيتحل معاه واتحل فعلا ورجعتك اهو..
شهد بنبره غاضبه
انا كنت قاعده وسط مجرمين كارم وفايز كانو بيتفقو عليك قداامي، فايز كان هدفه انا مش نتالي علي فكره ولولا ان كارم صعبت عليه واشفق علي حالتي الله واعلم كان حصل فيا ايه، ومين نتالي انا مراتك هان عليك تسيبني وتختار واحده تانيه، مستحيل ارجع اثق فيك تاني ولا اطمن وانا معاك..
أسر
طيب تعالي بس معايا وانا هصلح كل ده ونرجع زي الاول...
اتنهدت شهد بغيظ وقالت
طيب نفترض اني رجعت معاك زي ما انت عايز، ايه وضع نتالي في حياتنا؟
رد عليه وهو بيحاول يخفي توتره
انتي مالكيش دعوه بيها ليكي عليا انكم ما تتقابلوش خالص..
شهد بعدم فهم
ازاي يعني؟..
أسر بجديه
يعني حياتي معاها غير حياتنا انا وانتي سوا..
شهد
معلش انا فهمي علي قده، وضحلي الصوره اكتر يعني ايه حياتك معاها انت هتتجوزها؟!
أسر بقلق
ايوه عشان ده اللي كنت متفق معاها عليه وما اقدرش اتخلي عنها ولا اسيبها..
اتملت عيونها دموع غصب عنها وقالت
بس تقدر تتخلي عني انا وتسيبني..
أسر
انا ما قولتش كده. يا شهد وانتي مالكيش دعوه بالموضوع ده هي هتبقي بعيد عنك اصلا..
شهد
والله الكلام مع واحد اناني زيك خساره اصلا، امشي يا أسر وانا مش هرجعلك واقبل انك تتجوز عليا..
أسر
عارفه لو روحت قولتلها دلوقتي اني مش هطلقك وهتجوزها هتزافق عشان بتحبني بجد..
شهد بسخرية
وانا ما بحبكش روح بقي لـ اللي بتحبك وسيبني انا في حالي..
أسر بهدوء
مش هينفع عشان انا بحبك يا شهد ومش هقدر اسيبك..
شهد بحده
وانا بقيتش عايزااك ولا عايزه حبك ده..
أسر بنبره
هعتبر نفسي ما سمعتش حاااجه يا شهد ويلا بينا عشان كده. كده. اللي انا عايزه هو اللي هيحصل..
شهد
ده اللي هو ازاي بقي الاول كنت بتهددني بأهلي اللي كنت هربانه منهم انما دلوقتي انا مش فارق معايا حد واعلي في خيلك. اركبه..
اسر بغضب
طيب يا شهد انا بقي عندي استعداد دلوقتي اخدك معايا غصب عنك ولا ابوكي ولا اي حد هيقدر يمنعني بالعكس ابوكي اللي انتي قاعده عنده ده هو اول واحد هيقولك امشي مع جوزك، وممكن برضو امشي واسيبك وبملاليم اخليه يجيبك لحد عندي..
بصتله بدموع وهو كمل كلامه بنبره واثقه وقال
ما كنتش عايزه اقولك كده بس انتي اللي بقيتي مستفزه وكلامك عبيط..
شهد بدموع
هو انت مش بقي عندك حبيبتك روح ارجع لحياتك القديمه معاها انا ما بقيتش طيقاااك..
مسكها من دراعها جامد وقال بحده
احترمي نفسك وعيب تقولي كده لجوزك، ولا هو عشان الدكتور ادهم ظهر في الصوره تاني بقيتي شايفه نفسك عليا..
شهد بغيظ
قول اللي تقوله انت اصلا طول عمرك كده انا اللي غبيه عشان صدقت انك بتحبني وانك اتغيرت، وبرضو مهما عملت مش هرجعلك ولو فكرت تخلي ابويا يتدخل في الموضوع ده ويرجعني ليه والله العظيم هموت نفسي ولا اني ارجعلك، ولو عندك دم طلقني انا مش عايزاااك، ولو علي المؤخر اللي فؤاد خلاك تمضي عليه مش عايزااه واللي عملته ليا ولاهلي الفتره اللي عدت انا دفعت تمنه بزيااده فوفر علي نفسك اللي جاي بقي وشوف طريقك بعيد. عني..
أسر بجمود
وانا مش هسيبك ومش هطلقك يومين يا شهد هسيبك يومين ولو ما رجعتيش ما تلوميش غير نفسك علي اللي هعمله، انتي مش هتبعدي عني وهتفضلي معايا وبمزاجي وبالطريقه اللي انا عايزها..
_قال كلامه وهو متعصب وسابها وطلع وهي قعدت علي الكنبه وفضلت تعيط.، ودخلت عندها فاطمه وقالت بقلق..
فاطمه
في ايه كان بيزعق ليه؟
شهد ببكاء
ما فيش. حاجه يا ماما، هما العيال فين؟
فاطمه
في مدارسهم قومي استحمي. كده وغيري هدومك لحد ما اجهزلك الفطار وبعدين اجيبلك فيلم ابيض واسود من اللي بتحبيهم ونقعد ونتكلم..
ابتسمت شهد وسط دموعها وقالت
ما كنتيش بتحبيني اتفرج علي الافلام دي وتقوليلي هتخربك وهتخرب دماغك..
فاطمه
فشر ده انا بنتي ما فيش زيها، عيالي كلهم زي السكر واللي حصلك ده واللي شوفتيه علمني كتير هيخليني اقف في وش ابوكي ومش هخاف منه تاني ومش هخليكم تعيشو تاني وكأنكم يتامة الاب والام، انا معاكم وربنا معانا..
شهد بدموع وخوف
انا مش عايزه ارجع لاسر تاني يا ماما والنبي لو جه وجابلكم فلوس او حاجات بلاش تاخدوها منه وتخلوني ارجعله.
فاطمه
يغور هو وحاجته وفلوسه ولا تنزل دمعه واحده تاني من عينك بسببه، انا هتصرف لو وصلت اخدكم. وامشي من البيت ونقعد حتي في الشارع بس اعملك اللي انتي عايزااه هعمل كده..
_ابتسمت شهد واطمنت شويه وقامت طلعت هدوم من بوعها القداام ودخلت الحمام، وتحت بيت شهد كان طالع أسر من العماره وخبط في رحمه اللي كانت لسه داخله وقالها..
أسر
يا بنتي حاسبي..
رحمه بحده
حاسب انت وشيل النضاره اللي علي عينك دي مش مش بتشوف بيها بلا منظره فاضيه..
أسر
طيب ابلعي ريقك شويه واطلعي اتكلمي مع صحبتك وعقليها..
رحمه
ما انا جايه عشان كده هي لازم تعقل فعلا وعشان كده اخدتلها معاد مع خالتي ناهد..
أسر
خالتك ناهد مين؟
رحمه بحبث
محاميه في محكمة الاسره وان ما طلقتهاااش برضااك هخليها تخلعك يا عرة الرجاله..
أسر بغيظ
هي العمليه ناقصه يا انثي الكلب انتي، عارفه يا رحمه لو شهد عملت حاجه زي دي انا اا..
رحمه بصوت عالي
هتعمل ايه يا عنيا لا عندك كده وخد خط انا ما بتهددش ولا بخااف غير من اللي خلقني ومش هخلي صاحبتي تكمل حياتها مع واحد زيك..
أسر بحده
دي مراتي وانا وهي حرين ما تدخليش خالص بينا..
رحمه
ده عندها الحجه الله يرحمها، يابا انا وشهد صحاب من لما كنا عيال مش هتيجي انت يا ابن امبارح وتبعد صاحبتي عني او تأذيها وتفتر اني هسكتلك ده انا علي اللي عملته فيها ماسكه ايدي عنك بالعافيه..
أسر بضيق
يا رحمه اسمعي انا والله بحبها وو..
رحمه
قالو لـ الكدااب احلف ما هو كدااب هنصدقه ازاي، واسمع انت بقي ايااك تشوفني تاني وتكلمني حتي نص كلمه عارف ليه؟
أسر بغيظ
ليه؟
رحمه
عشان احنا في اياام مفترجه وداخلين علي رمضان وانا في الايام دي بتجنب السيئات، فهمت يا سيئات بيه..
_بصلها أسر بعصبيه ولبس نضارته وسابها وطلع بره العماره واخد عربيته ومشي، وطلعت رحمه عند شهد وقعدت مع فاطمه ونور اخت شهد الصغيره وطلعت شهد بعد شويه من الحمام واول ما شافتها رحمه جريت عليها وحضنتها وقالت بدموع..
رحمه
حمدلله علي السلامه يا ابو صلاح، كفاااره يا جدع..
ابتسمت شهد وقالت
طيب بالراحه كنت هقع والله..
بعدت عنها رحمع شويه وقالت
انتي مال وشك منور كده ليه، صحتك جات علي الخطف ولا ايه..
فاطمه
شهد خلي بالك من اختك هنزل اشوف الواد اللي واقف في المحل ده تحت قولتله يبعت شوية طلبات من قيمة ساعه ولا عبرني..
شهد
حاضر يا ماما ما تقلقيش عليها اهي قاعده معانا..
نزلت فاطمه ورحمه قالت
اكرم قالي اللي حصل امبارح جدعه والله يا شهد انك ما رجعتيش معاه..
شهد بضيق
هو ايه اللي حصل وانا مخطوفه انتي عرفتي منين اصلا؟
رحمه
تعالي اقعدي وانا هحكيلك كل حاااجه..
ــــــــــ #بقلم_الكاتبه_رحاب_القاضي ــــــــ
_وفي الوقت ده في المستشفي اللي فيها نسمه كانت لسه نايمه تحت تأثير المخدر وقاعده جنبيها علي الكنبه نعمه ودخل عندهم محمد وقال بهدوء..
محمد
ايه الاخبار يا نعمه..
نعمه بحزن
زي ما انت شايف اخوك كان هيموتها بجد..
محمد
بعد الشر ربنا يديها طولة العمر ويخفف عنها، خدي جيبتلك فطار..
نعمه
وهو مين ليه نفس ياكل ولا يشرب، امي تعبت ومشيت وابويا شويه وجااي، هو حصل ايه بالظبط؟
محمد قعد جنبيها وقال
خليت الواد هاني راح قال كل حاجه حتي سعيد بالليل راح واعترف انه ضرب نسمه لانه كان شاكك فيها بسبب اللعبه اللي عملتها امي وهاني عليه..
نعمه بحزن
وامك اتقبض عليها؟!..
اتنهد محمد بضيق وقال
ايوه يا نعمه وهي واخويا مقبوض عليهم دلوقتي، بس انا وانتي مالناااش دعوه بالموضوع ده فاهمه ولا لا
نعمه بدموع
فاهمه بس خايفه يا محمد المشكله دي مش هينه دي وصلت للشرطه والحبس..
محمد
واحنا مالنا انا من يوم. ما اتجوزتك عمرنا ما زعلنا ولا وثلت بينا المواضيع لكده، ومش عارف اجيب الغلط في مين في امي ولا اخويا اللي ما عرفش يحمي اختك. من دماغ امي، وما اكدبش عليكي رمية امي في الحبس مخلياني هتجنن بس مش عارف اعملها حاجه ولا حتي ادافع عنها بالكلام..
نعمه
فهمااك يا اخويا بس تعرف نسمه بتحب اخوك واكيد. عارفه انه مظلوم وان اللي حصل ده غصب عنه ويمكن لما تقوم تسامحه والموضوع يخلص دي فاقت علي بعد نص الليل كده وكانت مش في وعيها وما قالتش غير اسم سعيد..
محمد
تبقي عبيطه لو فكرت تسامحه وتعدي اللي حصل ده، اصل بالعقل كده انا حد وجه شككني في مرااتي اول حاجه هعملها اني اواجها، البت بتخااف تتكلم وهو الراجل هو اللي يتحكم في كل حاجه حواليه بس هو هيفضل طول عمره مسلم دماغه لامي..
نعمه بضيق
ربنا يجيب العواقب سليمه ويخلص الموضوع ده علي خير، بقولك ايه امشي انت انا مش عايزه ابويا يجي ويقولك حاجه تزعلك، وانا لما تيجي امي هاجي اشوف العيال واجهزلك اكل من غير ما ابويا يعرف.
محمد بسخريه
بقي مراااتي وبشوفها سرقه وايه الذنب اللي عملته مش عارف..
نعمه
حقك عليا يا محمد ابويا وقت ما يهدي هو اللي هيقولي ارجعي لبيتك وجوزك وعيالك عشان انت راجل ما فيش منك وانا عمري ما هسيبك..
قرب منها محمد وباس راسها وقال
خلي بالك من اختك ولو عوزتي حاجه كلميني، هروح الورشه انا والعيال في المدرسه وهبقي اروح اجيبهم.
نعمه
ماشي يا محمد..
_مشي محمد وهي فضلت قااعده مستنيه نسمه تفوق من المخدر وتطمن عليها..
ــــــــــ #بقلم_الكاتبه_رحاب_القاضي ــــــــ
_ وفي بيت الفيومي كانت قااعده هاله بتشرب القهوه بتاعتها وجات نتالي قعدت معاها وقالت
نتالي
صباح الخير يا هاله..
هاله بضيق
اهلا..
نتالي
هو انا ليه حاسه انك. متدايقه من وجودي هنا؟
هاله بسخريه
حاااسه بس لا يا حبيبتي اتأكدي انا من زمان مش بطيقك اصلا ووجودك هنا مدايقني لان اخويا متجوز وانتي جايه تخربي حياته..
نتالي بخبث
هو قالي انه متجوزها بس عشان يقدر ياخدلي حقي ما حبهاااش..
هاله بحزن
اسر اخويا قالك كده؟
نتالي بخبث
ااه قالي كده والله والا كنت هعرف الموضوع ده منين هو بس البنت دي صعبانه عليه عشان اتخطفت واللي حصل..
هاله بغيظ.
يا ندل يا أسر يا حيوان، بقولك ايه انتي كمان انا مش بحبك ما هو مش بالعافيه احبك يعني..
نتالي
براحتك انا المهم عندي أسر وبس، بعد اذنك..
_قالت كلامها وسابتها وطلعت فووق وهاله كانت بتبصلها بغيظ وفجأه دخل عندها فؤاد وقال...
فؤاد
صباح الخير..
بصتله هاله بسرعه وقالت
صباح النور انا كنت هجيلك دلوقتي يا فؤاد..
قعد فؤاد جنبيها وقال
كنتي هتيجي تقولي ايه؟
هاله
يا فؤاد انا خبيت عليك عشان خايفه علي اخويا، انا كنت عايزااه يتغير ويبقي شخص كويس واشوفه مبسوط..
فؤاد
واتغير بقي ولا رجع زي الاول ومش بس كده ده عرض حياة بنت مالهاش اي ذنب للخطر بعد ما ضحك عليها ولعب بمشاعرها..
هاله بحزن
انت معاك حق وبعد كده والله اللي انت عايزه انا هعمله..
فؤاد بجديه
ده غصب عنك يا هاله من النهارده مالكيش دعوه بأسر خالص هو عايزك يجيلك بيتك انما نتدخل في حياته واللي بيعمله ممنوع..
هاله
ايه اللي انت بتقوله ده، وبيتي يعني ايه؟
فؤاد
جيبت بيت تاني بتاعي انا انما ده بيتك انتي وانتي انا ما ينفعش اقعد في حاجه مش ملكي تاني حاولت اعمل بوصية ابوكي واساعده بس هو مش راضي انه يساعد نفسه حتي وكل غلطه بيعملها اكبر من اللي قبلها، يبقي خليه في حياته اللي عجبااه دي واحنا خلينا في حالنا بعيد عن المشاااكل بتاعته دي..
هاله بحزن
طيب وشهد؟
فؤاد
انا لولاها هي ما كنتش هتدخل في مشاتكل أسر، بس علي قد ما اقدر ساعدتها ودفعت الفلوس للراجل اللي كانت عنده ومقابل كده اخدت كل حقك من عند اخوكي قبل ما يضيعه وهو يتحمل مسؤلية نفسه بقي ويصلح الازمه اللي عملها في الشركه بتاعت ابوكي، وشهد لو طلبت تطلق هقف جنبها واساعدها في اي حاجه تحتاجها لا اتنازلت ورجعتله براحتها تتركن جنبيه..
هاله بقلق
طيب استني نكلمه وو..
فؤاد بجديه
لااا ما فيش حاجه اسمها نقعد ونتكلم تاني، اخوكي بياخدنا علي قد عقلنا وما يتاخدش علي كلامه، ولو عايزااانا نرجع يا هاله يبقي دلوقتي تجيبي حاجتك انتي وتياام وتيجي معايا في بيت جوزك والا خليمي قااعده معاه وتبقي خلصت كده، انا جيبت اخري بجد. ومش نااقص مشااكل تاني...
هاله بدموع
حاضر يا فؤاد انا هااجي معاك زي ما تحب..
مسحلها دموعها وقال بهدوء
ده عشان مصلحتك انتي وتياام، أسر مشاكله كتير وانتي شوفتي بنفسك..
هاله بحزن
حاضر هروح اشوف حاجتي انا وتيااام وجايه واللي انت عايزه انا هعمله..
_قالت كلامها وسابته وطلعت فووق، ونتالي كانت واقفه تسمع كلامهم وقالت بابتسامه واسعه..
نتالي
احسن برضو ابعدو عنه عشان يوافق نرجع تاني امريكا..
ــــــــــ #بقلم_الكاتبه_رحاب_القاضي ــــــــ
_وفي بيت شهد كانت قااعده تتكلم هي ورحمه وقالتلها شهد بغيظ..
شهد
يعني انتي اللي روحتي لادهم؟
رحمه
اومال يعني كنت اسيبك مخطوفه..
شهد
ما هو كده كده كان كارم هيسبني لازم تدخلي ادهم في حياتي تاني يعني.
رحمه
جرا ايه يا وليه هو انا يعني كنت اعرف انه ناوي يسيبك ما كنت خايفه عليكي..
شهد ابتسمت وقالت
ربنا يخليكي ليا تقريباً انتي الوحيده اللي كنتي خايفه عليا..
رحمه
لا للحق هاله والدكتوى ادهم واكرم كانو خايفين عليكي وامك كمان توقعتها هتبقي ندله زي ابوكي بس اول مره احس انها خايفه عليكي كانت امبارح..
شهد
ابويا ده ما فيش زيه..
رحمه بحمااس
ما عرفتيش صح اللي حصل؟..
شهد
حصل ايه؟
رحمه
عارفه الست روحيه اللي بتيجي تروق الشقه لماما اللي ساكنه عندكم في المنطقه هنا..
شهد
ايوه ايوه افتكرتها مالها؟
رحمه
قالت لماما ان حماتك الاولي ام سعيد هي وابنها اتقبض عليهم امبارح..
شهد
ازاي ده انا امبارح بالليل شوفت سعيد، بس كان مدايق اووي اول مره اشوفه كده
رحمه
ما هو من اللي عمله هو وامه في مراته يا حراام..
شهد بفضول
ليه هما عملو فيها ايه؟
رحمه
تقريبا كده امه اتفقت مع خطيبها القديم عليها وخلو سعيد يشك فيها وضربها لحد ما راحت المستشفي وتعبانه اووي واهلها بلغو عنه هو وامه..
شهد. بسخريه
عادتهم ولا هيغيروها بس اللي زي مراته دي وراها اهلها يعني لو انا كنت مكانها سعيد كان دفني هو وامه من غير ذنب وما كانش حد سأل فيا..
رحمه
اخص عليكي وانا روحت فين ده انا كنت شربت من دمهم...
ابتسمت شهد وقالت
قوليلي كلمتي شيري..
رحمه
ايوه وعايزانا نروح عندها بس اكيد مش هينفع
شهد
ومش هينفع ليه وماله نروحلها بس انا هدومي اتبهدلت واللي هنا كلهم مش حلوين..
رحمه مسكت ايدها اللي فيها الدبله وقالت
هو عادي تبيعي الدبله دي ولا قلبك مش هيطاوعك عشان من ريحة الواطي جوزك..
شهد ابتسمت بخبث وقالت
والله فكره دي كمان غاليه اووي ومن حقي ابيعها هروح اغير هدومي وننزل نبيعها واجيب بيها حاجات عشان المعهد وكده..
رحمه بحماس
وهتغديني وبعدين نبقي نروح لشيري
شهد
تمام بس اوعي قداام شيري تقولي حاجه من اللي حصلت دي نتعامل عادي..
رحمه
تمام يلا ادخلي غيري هدومك..
شهد
استني بس امي ترجع عشان نور ولا هنسيبها لوحدها..
رحمه
ايوه صح وهي مالها البنت دي ماسكه فيكي ليه؟
ابتسمت شهد وهي بتحضن اختها وقالت
خايفه اسيبها وامشي..
رحمه
لا اطمني يا ست نور اختك شكلها قاعده معاكي لحد. ما تجوزك..
ــــــــــ #بقلم_الكاتبه_رحاب_القاضي ــــــــ
_وبعد شويه في مركز الشرطه اللي موجود. بيت فاايز كان أسر قااعد هناااك ودخلت عنده فايز مع العسكري واول ما شاف أسر اتحولت ملامحه للغضب وقال..
فايز
جاي تشمت فيا صح.، تبقي عبيط لو افتكرت انها خلصت كده..
أسر ببرود
هو انت ما تعرفش مش انا اعرف الكاتبه رحااب القاضي وهي قالتلي ان حكايتك خلصت هنا..
فايز بسهريه
يا عالم ممكن تغير رأيها وتعمل جزء تاني، وقتها هعمل اللي ما لحقتش اعمله المره دي..
أسر
مش هتقدر حتي لو كان في جزء تاني، زمان خلصت اخوك منك ومن العقد اللي كنت بتطلعها عليه، ودلوقتي خلصت الناس كلها من شرك وجاي اشمت فيك بصرااحه..
فايز بجمود
براحتك اشمت براحتك مش هزعل منك عشان لسه ما خلصتش ومش هتخلص غير بمزاجي..
قام أسر وقف قداامه وقال
وانا مستنيك لو تقدر تعمل حاجه اعملها، واللي عملته في نتالي اول بس ما يتحكم عليك انا هعرف اخلصه فيك كويس..
فايز بخبث
هي قالتلك علي موضوع حملها اللي سقطته بسبب الحادثه، طيب قالتلك كام مره قربت منها غصب عنها ما اظنش انها هتقولك كده هتخااف عليك من الصدمه، بس ده مش اللي كنت عايزه برضو، كان هيبقي احلي بالنسبالي لو مع مراتك..
مسكه أسر من هدومه بكل قوته وقال بغضب
لو جيبت سيرة مراتي علي لساانك. هقتلك، وطول مانا عايش مش هتقدر تشوفها حتي تاني..
الظابط
أسر بيه ما ينفعش كده لو سمحت اتفضل بره..
_سابه أسر وفضل فايز يضحك بطريقه مستفزه خلت أسر يبقي في قمة غضبه وسابه ورجع بيته، وكانت نتالي قااعده في الجنينه وشكلها متدايق جدا قرب منها وقال..
أسر بحده
انتي كنتي حامل؟
نتالي بقلق
ايوه بس ده وقت الحادثه..
أسر
ودحلتي السبااق وانتي عارفه انك. حامل؟..
نتالي
ما كنتش اعرف والله وعرفت لما فوقت في المستشفي وبعدها ظهر قدامي فايز واخدني غصب عني من هنااك..
أسر بضيق
قرب منك؟
نتالي بدموع
حاول بس ما قدرش يعملي حاحه لاني كنت بمعنه، هو عرض عليا كتير اني ابقي معاه مقابل اني اخرج من السجن اللي كان مقعدني فيه بس مستحيل كنت اوافق طبعا، أسر انا خلاص كنت نسيت الدنيا عامله ازاي بره وفكرة اني اشوفك ونرجع تاني كانت مستحيله وكانت حلم بالنسبالي، اوعي تخليه يلعب في دماغك وتسيبني او تختار تكمل مع البنت اللي اتجوزتها دي وتسيبني انا ماليش غيرك في الدنيا دي كلها ما اعرفش حد. غيرك ولا اعرف هي بقيت عامله ازاي اصلا بقالي سنين لا بشوف الشارع ولا بكلم حد غير خالتي..
حضنها أسر بهدوء وقال
اهدي ووالله هدفعه تمن كل اللي عملو فيكي ده، ومستحيل اصلا ابعد عنك انتي عبيطه ده انا ما قت اني لاقيتك وانك لسه عايشه..
بعدت عنه نتالي وقالت
طيب تعالي نمشي من هنا جوز اختك جه وقالها يا تختارك او تختار تقعد معاه هو واخدت ابنها وحاجتهم. ومشيت معاه، انا وانت مالناااش غير بعض يلا نرجع امريكا تاني ونكمل حياتنا اللي كنا فيها مع بعض هناك وخالتي اكيد محتجالي دلوقتي..
أسر اتنهد بضيق وقال
هو انا حاولت اوصل لخالتك واللي بعته يروحلها هناك للاسف لقاها متوفيه بسبب العلاج بتاعها اللي ما كانتش بتاخده..
نزلت دموع نتالي بحزن وقالت
هو اللي عمل كده فايز كان قاصد اكيد يسيبها من غير العلاج بتاعها ده واحد. مريض ومش طبيعي..
أسر
الله يرحمها ارتاحت من عمايله، وفي نااس معارفي هناك هيقومو بالواجب..
نتالي
انا عايزه اسافر انا مش عايزه اقعد هنا..
أسر
معلش هتتعودي انا ما ينفعش امشي او ممكن بعدين لما علاقتي بشهد تتصلح..
نتالي بضيق
ازاي هو انت مش هتطلقها خلاص؟..
أسر بجديه
بصي انا لما شوفتها وحبيتها انتي ما كنتيش موجوده وغصب عني ما بقيتش قادر اسيبها..
نتالي بدموع
حبيتها يا أسر؟!...
أسر
ايوه والاختيار ليكي يا نتالي هتقدري تبقي معايا وهي مراتي ولا مش هتقدري وفي الحالتين انا هفضل جنبك وهساعدك اللي بينا ما كانش قليل..
نزلت دموعها وقالت بحزن
هبقي زوجه تانيه يعني، تمام موافقه المهم افضل جنبك وما تبعدش عني تاني..
ابتسم أسر وقال
عمري ما هسيبك يا نتالي..
نتالي
هي موافقه انك هتتجوز عليها..
اتنهد أسر بضيق وقال
هتوافق ما قدمهاااش حل غير انها توافق، شهد هتسمع كلامي وهتنفذه..
_في الوقت ده موبيله رن برقم واحد. من الرجاله اللي شغالين معاه مؤخراً، قام بعد عن نتالي ورد عليه وقال..
أسر
ايه يا اسماعيل الاخبار؟..
اسماعيل
ايوه يا باشا المدام طلعت من الصبح بعد ما مشيت انت من عندهم يشويه ومعاها واحده صاحبتها وراحو محل دهب وبعدين راحو كذا محل هدوم وفي الاخر اهو عند بيت واحد اسمه محمود ابراهيم ومكتوب جنب اسمه السفير السابق يا باشا..
اتنهد أسر بضيق وقال
تمام خليك متابعها من بعيد وخلي بالك منها..
قفل أسر معاه وقال بغيظ
يوم اهلك مش فايت يا شهد من اولها كده....
ورجع لنتالي وقالها
نتالي انا لازم امشي دلوقتي وشويه وهرجع اطلعي انتي نامي..
نتالي بحزن
حاضر وابقي شوف حصل ايه عند خالتو وكده عشان لو هروح ازور قبرها حتي هي واحمد..
أسر
حاضر اللي انتي عايزااه انا هعمله..
_قال كلامه وسابها وطلع، وطلعت نتالي فووق ودخلت اوضة أسر واول حاجه اخدت بالها منها صورة أسر وشهد يوم كتب كتاابهم موجوده علي الحيطه، اتنهدت بضيق ودخلت فضلت تتفرج علي الاوضه لحد. ما وصلت لادولاب اللي فيه هدوم شهد وحجاتها وبصتلهم بغل وحقد وقالت..
نتالي
مش من حقك تقعدي هنا ولا يبقي ده مكانك، أسر ليا انا لوحدي وبس..
ــــــــــ #بقلم_الكاتبه_رحاب_القاضي ــــــــ
_وفي بيت شيري كانت قااعده شهد ورحمه معاها في صالة بيتهم وقالتلهم شيري بحماااس..
شيري
علي فكره دي اول مره يبقالي صحاب اووي كده لدرجة انهم يجو يقعدو معايا في البيت، قوليلي بقي يا ست شهد انتي كنتي مختفيه فين الفتره اليومين اللي عدو دول وبكلمك مش بتردي...
شهد
كنت تعبااانه شويه وبعدين اديني جيبت رحمه وجيت اهو عشان ما تزعليش
شيري
خلاص هعديها مدام جيتو عندي قولولي ايه رئيكم في البيت؟
رحمه بنبره واثقه
مش بطال يعني عادي..
شيري بغيظ
ما بلاش انتي هاا فاكره البوقاق اللي عندكم..
رحمه
بوقااق مين دي بتغلط فيا؟
شهد
لا هي قصدها البق..
رحمه
لا ما احنا كلمنا الشركه العالميه للحشرات وجات قبضت عليهم..
شيري بعدم فهم
طيب ايه رئيكم نقعد في اوضتي احسن..
رحمه
الاول بس هو انتي قاعده لوحدك يا بت لا شوفنالك ام ولا اب ولا اخ لحد دلوقتي وجايين من بدري..
شيري
لا بابي مسافر بيجي كل كام يوم يشوفنا ويمشي تاني وشريف نايم واسعد في شغله لسه ما رجعش ومامي برضو في شغلها، هيجو كمان شويه وهخليكم تتعرفو علي مامي..
رحمه بحماس
قولتلي امك تركيه مش كده؟
شيري
ايوه..
رحمه
بتتكلم عربي ولا بتقول اهلين ومرحبا وكيفك والجو ده..
شيري
رحمه حبيبتي ده برضو عربي ماما تركيه مش لبنانيه..
رحمه
لا ما هو احنا في ثقافتنا ده تركي ومش هتناقش في الموضوع ده
شيري
والله ولا انا كمان هتناااقش، تعالو بقي نقعد في اوضتي احسن..
رحمه
طيب انا هرد علي ماما الاول عشان نسيت اقولها اني جايه هنا..
شهد
وتزعلي لما تتخانق معاكي..
شيري
طيب كلميها في البلكونه هنا وتعالي ورانا علي اوضتي اهي اللي هنا دي..
_وراحت شيري وشهد لاوضتها ودخلت رحمه البلكونه عشان تكلم مامتها وفي الوقت ده طلع شريف من اوضته وهو مش لابس غير بنطلونه بس وشعره منعكش لانه لسه صاحي وقبل ما. ل المطبخ. سمع. صوت رحمه وهي بتكبم مامتها فأبتسم ببلاهه وقال..
شريف
لا مش معقول بحلم. بيها وانا صاحي كمان...
وقرب من البلكونه وشافها واقفه ومديااه ضهرها وهي بتكلم مامتها فابتسم وقال..
شريف
رحمه انتي هنا من امتي؟..
بصتله رحمه واول ما شافته واقف من غير هدوم. برقت بصدمه وكسوف ووشها قلب احمر وقفلت الفون في وش امها بسرعه وقالت بحده وعصبيه وهي مداريه عينيها بأيديها..
رحمه
انت عبيط يالااا ازاي تقف قدامي كده؟
شريف بأحراج
يا نهار اسود اا انا بس ما صدقتش نفسي انك. عندنا يعني..
رحمه بغيظ من غيرما تبصله
طيب اوعي من قدامي بشكلك. ده وروح استر نفسك..
شريف بتوتر
حاضر حاضر هروح بس ما تمشيش هاا انا عايز اتكلم. معاكي..
_قال كلامه ومشي من قدااامها راح اوضته بسرعه وهي راحت لاوضة شيري وكان وشها لسه احمر، فسألتها شهد بقلق وقالت..
شهد
مالك يا بنتي في ايه، هي طنط عفاف زعلت ولا ايه؟
رحمه
لا لا خالص لما عرفت اني عند شيري قالتلي عادي بس ما اتأخرش..
شيري
طيب بصو الشغاله والشيف اجازه النهارده هنطلب اكل من. بره تحبو تاكلو ايه؟..
شهد
لا ما تكلفيش نفسك احنا هنقعد شويه وهنمشي علي طول..
شيري
لا ما تبقوش رخمين بقي انا ما صدقت انكم هتيجو ونقعد مع بعض شويه، بصو هطلبلكم علي ذوقي..
في الوقت ده موبيلها رن برقم شريف فردت وقالت
ايه يا شريف؟
اتوترت رحمه وفضلت متابعه شيري وهي بتتكلم وشيري قغلت معاه وقالت لرحمه بهدوء.
شيري
رحمه شريف بيقول عايزك. في حاجه. مهمه وهو قااعد بره في الصاله مستنيكي.
رحمه بتوتر
لا لا انا مش فاضيه..
بصتلها شهد بشك وشيري قالت
مش فاضيه وراكي ايه شوفيه عايز ايه بس وتعالي..
رحمه بضيق
لا مش عايزه اكلم. حد انا حره..
شيري
خلاص براحتك انا هروح اجيب منه. رقم. المطعم عشان اطلب الاكل..
قامت شيري طلعت وشهد قالت
في ايه مالك يا رحمه؟
رحمه. بصوت واطي
بصي انتي عارفه اني بحب اكرم ومش هحب حد غيره وشريف ده بيتلزق اصلا فيا وانا مش عايزه اديله وش عشان ما يبنيش احلام في دماغه..
شهد
استني يعني شريف في حاجه. من. ناحيته ليكي طيب ما كويس وانتي قولتي قبل كده ان اكرم مش جاهز وشريف من عيله كويسه ومناسب جدا واهلك اكيد هوافقو بيه ومش هتبقي في مشاكل من ناحيته..
رحمه
ما بطيقوش ما فيش قبول من ناحيته وانا بجب اكرم وهستنااه حتي 100 سنه وعارفه ظروفه وقبلاها...
شهد
اللي يريحك يا رحمه بس ما ترجعيش تعيطي في الاخر...
ــــــــــ #بقلم_الكاتبه_رحاب_القاضي ــــــــ
_وفي المستشفي عند. نسمه كانت قاعده جنبيها مامتها ونعمه اختها اللي قالتلها...
نعمه
حمدلله علي سلامتك يا حبيبتي ده احنا كنا هنتحنن عليكي..
ناديه بدموع
منه لله اللي كان السبب لا يرتاح دنيا ولا اخره..
بصتلها نسمه بدموع وقالت بصوت كله الم
هو سعيد فين، قولتيله الحقيقه يا نعمه؟
ناديه بضيق
سعيد ايه وزفت ايه انسي خالص النااس دي احنا مالنااش علاقه بيهم بعد كده، وربنا يسامحني عشان انا لو كنت سمعت كلامك من الاول ما كانش كل ده حصل..
نزلت دموع نسمه وقالت
انا مسمحااه يا ماما هو فهم الموضوع غلط، انا المفروض كنت اقوله..
نعمه
خلاص يا نسمه دلوقتي هتتعبي اكتر يا بنتي واحنا ما صدقنا تخفي شويه
نسمه
روحيلو انتي يا نعمه كلميه خليه يجي وقوليلو كل حاجه وقولي لمحمد وبابا قوليلهم اني مظلومه..
ناديه
هما خلاص عرفو انك مظلومه وهاني وسعيد وانه اتقبض عليهم اطمني وراكي اهل يجبولك حقك..
نعمه بغيظ
يا ماما هو ده وقته برضو؟
نسمه بعدم فهم
ازاي يعني اتقبض عليهم هو حصل ايه؟
نعمه
هاني طلع متفق مع ام سعيد عشان يوقعو بينك وبين جوزك ويخلوه يشك فيكي، وسعيد هو كمان اعترف بكل حاجه وانه هو اللي وصلك للحاله دي..
نسمه بدموع
بس سعيد مظلوم زيي هما السبب في اللي حصل ده، امه وهاني السبب..
ناديه بقلق
يا بنتي اهدي خلاص مش وقته هتتعبي اكتر..
نعمه
اهدي يا نسمه وارتاحي دلوقتي المهم صحتك والباقي هيتحل والله، محمد مش هيسيب اخوه ما تقلقيش..
_غمضت نسمه عيونها بألم جيدي ونفسي كبير جداً بتحس بيه بسبب اللي اتعرضت ليه
ــــــــــ #بقلم_الكاتبه_رحاب_القاضي ــــــــ
_وبعد شويه قدام بيت رحمه وقف شريف بعربيته وكانت جنبيه شيري اخته وقاعدين في الكنبه اللي ورا شهد ورحمه اللي كانت مدايقه جدا من نظرات شريف ليها، واول ما وصل عند بيتها قالتله..
رحمه
بس هنا خلاص..
شريف
ده بيتكم؟
رحمه
لا بيت الجيران.. اكيد بيتنا اومال هنزل هنا ليه؟
شريف
قولي ايوه بيتنا مش لازم تحسسيني اني غبي في كل سؤال اسأله..
رحمه
وانا اعملك ايه ما انت غبي فعلا لامؤخذه..
ضحكت شيري هي وشهد وشريف قال بغيظ
انزلي يا رحمه الله يهديكي..
وسابتهم فعلا رحمه ونزلت وشريف قال بضيق
دي حتي ما قالتليش شكرا اني نزلت اوصلكم..
شهد
معلش تلاقيها نسيت انا هنزل هنا وهتمشي لحد بيتنا هو قريب..
شيري
لا والله ما ينفعش احنا هنوصلك يلا يا شريف..
شريف بهدوء
حاضر ..
_وفعلا وصلها شريف لبيتها اللي وصفته ليه وقبل ما يقرب من البيت شافت أسر واقف قدام بيتهم جنب عربيته فقالت بسرعه لشريف..
شهد
خلاص هنا يا شريف انا هنزل هنا..
شريف
يا بنتي اوصلك لحد البيت؟
شهد
لا خلاص اصلا مش هتعرف ترجع عشان الشارع دايق شويه..
شيري
طيب خلي بالك من نفسك ونتقابل بكره ان شاء الله..
شهد
ان. شاء الله..
_ونزلت من العربيه وهما مشيو وبصت لأسر اللي كان بيبصلها بغضب، واخدت نفس عميق وراحت ناحيته وقالت بحده..
شهد
نعمم ايه اللي جايبك تاني؟
أسر بجمود
كنتي فين؟
شهد
حاجه ما تخصكش...
أسر بحده
لا يخصني يا روح امك، وبلاش يا شهد تستفزيني..
شهد
طيب سيبني في حالي وما تخلنيش اشوف وشك تاني وانا مش هستفزك..
خبطها علي راسها بأيده بعنف وقال بحده
انتي ما بتفهميش يعني انا مش هبعد عنك يا شهد ودلوقتي حالا هتيجي معايا ونرجع لحياتنا زي ما كنا الاول،ولو فاكره اني هعمل حساب لزعلك واسيبك تتصرمحي براحتك يبقي بتحلمي..
شهد بغيظ
وانت بقي ارجع اعيش تاني معاك مغفله، ارجع واقبل انك تتجوز عليا وشويه تسيبني تاني، انا ما عنديش استعداد اعيش تاني لو دقيقه واحده مع واحد زيك..
أسر بغيظ
تمام. انتي صاحبتك. بقي لعبتلك في دماغك وجايه تطلعي عقدك وكرامتك عليا بس الكلام ده مش هياااكل معايا وايوه هتجوز نتالي وبكره. كمان ومش هطلقك وغصب عن اهلك هترجعيلي وبمزاجي برضو، هسيبك يومين بالظبط عند. بيت اهلك وهرجع اخدك ولو عايزه تعملي مشااكل يا شهد روحي اي مكان تاني من غير ما اعرف..
_قال كلامه وسابها ومشي وطلع في الوقت ده ابوها من المحل بتاعه وقال بجمود.
صابر
اتحايلت علي جوزك يطلع يقعد فووق يستني الهانم مراته بس ما رضيش، كنتي فين بقي؟
شهد بدموع
كنت مع رحمه عند شيري صاحبتي..
صابر
ما انتي ما فيش حاجه خرباكي غير مشيتك. مع البت المهتوشه دي، تلاقيها بتحقد عليكي وعايزه تخرب بيتك..
شهد بغيظ
رحمه اكتر واحده في الدنيا بتحبني وبتخااف عليا، وريح نفسك يا بابا انا لو السما اطبقت علي الارض انا مش هرجع لأسر عايز تضربني تموتني اتفضل بس مش هرجعله، تصبح علي خير..
_قالت كلامها وسابته وطلعت شقتهم. بسرعه وهي بتحاول تداري خوفها منه، واول ما وصلت شقتهم كانت مامتها واخواتها قاعدبن بيتعشو وفاطمه قالتلها..
فاطمه
كويس انك جيتي تعالي اتعشي مع اخواتك..
شهد
لا انا عايزه انام..
فاطمه
موبيلك اللي سيباه هنا ده طيب ما بطلش رن..
شهد
حاضر يا ماما هشووفه..
_واخدت موبيلها من علي الترابيزه ولقيت ان أسر كلمها كتير وكمان هاله..
شهد بغيظ
واحلي بلوك يا أسر اهو واتجوز براحتك..
وكلمت هاله اللي ردت عليها بسرعه وقالت
اخص عليكي يا حيوااانه بكلمك عشان اجيلك اطمن عليكي ومش بتردي..
شهد بدموع
هاله لو سمحتي اسمعيني انا عايزه محامي كويس ضروري..
هاله
ليه في حاجه ولا ايه؟
شهد بجديه
ايوه في انا عايزه اخلع اخوكي..
_تفتكرو بقي هيحصل ايه؟
"اذكروني في دعائكم كتير اووي ان ربنا يهون عليا وعلي اهلي الكرب اللي احنا فيه ده 🥹"
ــــــــــــــــــــــــــــــــــــــــــــــــــ
#بقلم_الكاتبه_رحاب_القاضي
