رواية قمر الساهر الفصل الثلاثون 30 والاخير بقلم ايلا ابراهيم

 رواية قمر الساهر الفصل الثلاثون 30 والاخير بقلم ايلا ابراهيم

رواية_قمر_الساهر

#بقلم_إيلا_إبراهيم

30 والاخيره

كان قاعد بيبص للبحر وهو سرحان لما حس بخطواتها الهاديه وهي بتهمس بخفوت : يعقوب احنا فين

يعقوب بهدوء : في نص البحر .. عشان متهربيش مني ..

سمر : انت بتعمل كده ليه .. 

رفع وشه وبص ناحيتها وهو بيقول : عشان تحسي بيا ..

سمر : يعقوب اللي بتعمله ده اسمه جنان خلينا نرجع 

يعقوب : لو ده يبقى جنان يبقى انا عاوز اتجنن يا سمر.. لو حبي ليكي جنان يبقى ايوا انا مجنون 

سمر بتوتر : يعقوب انت ليه بتعمل كده

يعقوب وقف قدامها وهو بيقول. بغيظ : هو انتي لسا بتسألي .. بقولك بحبك بحبك ياسمر افهميها بقى 

سمر بصت ناحيته من غير ما تصدق اللي يقوله عندها شك فيه وفي كلامه وفي كل حاجه بيعملها ما هي عندها حق اللي زي يعقوب مالوش امان

يعقوب : بتبصيلي كده ليه

سمر : مش عارفه افهمك 

يعقوب: أديني فرصه وحده بس وهتفهميني

سمر فرصه .. فرصه يا يعقوب .. طب قولي مشاعر الحب دي جاتلك من أمتى هااا .  لما اتجوزت مها غصب عن العايله كلها حبك ليا كان فين.. طيب دي سيبها على جنب. محاولاتك مع قمر كلها دي تبقى ايه.. ولسا جاي تقولي بتحبني..

يعقوب بغضب :  عشان كنت بكره سلطان كنت عايز  اعرفه واعرفك اني احسن منه كنت عايزك   تشوفيني زي ما كنتي تشوفيه..سلطان اللي انتي دائما شيفاه الفارس بتاعك وهو مش معبرك.. كنت عاوز اقولك بصي ياسمر مها حبيبته سابته عشاني .. ومراته بتحبني... لكن. .لكن انتي فضلتي مصره على حبك ليه .. لحد ما لقيتك بتحاولي تنسيه. .. تعرفي.. على قد ما انتي عيطتي وكنتي زعلانه وقتها .. على قد ما انا كنت مبسوط و طاير من الفرحه واخيرا هتنسي سلطان... وتعرفي تشوفين ..

سمر كانت بتبصله بتوهان .. مشاعره اللي بيحاول يخرجها بكلامه اللي مش مترتب عينه اللي بتبصلها بلمعه .. اول مره تبص فعنيه. كان فيهم حب كبير ليها. هي ما شافتش الحب ده طول الوقت ليه..

حست بيه لما مسك درعاتها وهو بيقول انا بحبك.. بالرغم من كل حاجه حصلت بحبك ياسمر .. كنت بحاول احميكي حتى من اخطائك.. حتى من حروبك اللي بتحاربيها عشان توصلي لسلطان كنت أنا وراكي خطوه بخطوه... انا وانتي غلطنا كتتتيرر اوووي.  خلينا ننسى الماضي ونبدأ من جديد وكأننا اتولدنا النهارده .. ممكن ياسمر.. دارت وشها عنه بهدوء ولسا هتمشي منعها وحاوط وشها وهو بيقول صدقيني مش هتندمي فرصه وحده بس ..

انتفضت على صوت فونه وكأنه رجعت ىعقلها.  ومشيت بسرعه وهي حاسه بالارتباك .... أما يعقوب بص لفونه و كان مهاب..

يعقوب بتأفف عايز ايه يا مهاب..

مهاب انت فين

يعقوب ليه في حاجه.  

مهاب سمر مش باينه وحنين اتخطفت وانا شكوك أن سمر خطفتها. 

يعقوب بغضب : سمر تخطفها بأمارة ايه... انا ومراتي في نص البحر لوحدنا.. ومفيش حد معانا .

مهاب باستغراب :  سمر معاك

يعقوب بجديه : ايوا من امبارح .. وبلاش تزعجوها كل شويه يامهاب سمر خلاص مش زي زمان

مهاب . بحرج احنا بس كنا مخضوضين عليها هي وحنين.

يعقوب : هوسلطان فين دلوقتي

مهاب : بيدور على بنته 

يعقوب : طيب انا هاجي حالا

مهاب : لا خليك انت أن شاء الله هنالاقيها 

يعقوب : طيب طمني يامهاب لو لقيتوها  

مهاب ،: ماشي سلام. قفل مهاب وهو بيفكر هي البنت هتكون راحت فين...لحد ما سمع صوت عياط الصغيره وحارس البيت شايلها ودخل بيها البيت. وقال لمهاب أنه ڜاف عربيه حطته عن باب البيت وهربت ومعرفش يلحقها.  

*******

قمر بصدمه : عمي

العم : والله زمان ياقمر..

قمر بدموع : بنتي فين..حنين فين 

العم : بنتك بخير ما تخافيش وتلاقيها دلوقتي وصلت البيت .. وبتلعب مع ابوها 

قمر انت عملت كده ليه .. عايز مني ايه 

العم : عشان اقابلك.  مهو جوزك رافض يخليني اشوفك..

قمر :ليه كل ده انت عارف اني كنت هموت من خوفي على بنتي  .. حرام عليكي ياعمي مش كفايه اللي عملت بيا.  

العم : ايوا كفايه تصدقي وانا برضو كنت بفكر بكده بس الاول في حاجه نعملها وبعد كده مش هضطر اشوف وشك ابدا 

قمر : حاجه ايه دي

العم :ابوكي طلع  كاتب كل حاجه يمكلكها باسمك .. وانا لا يمكن اسمح لفلوسي يروحوا للغريب عشان كده توقيع بسيط منك .. وكل حي يروح لحاله بما انك تميتي السن القانوني دلوقتي 

قمر انت بتقول ايه

العم زي ماسمعتي انا دورت عليكي كتير اووي طول السنتين عشان كده ولما عرفت انك رجعتي حاولت اقابلك كتتير بس سلطان مش راضي . عشان كده اضطريت العب اللعبه دي تعالي اديني توقيعك وروحي ولا كأن حصلت حاجه. .. وانتي اكيد مش هتبلغي سلطان على عمك والا ايه.. قربي ..قربي وقعي عشان اوصلك.. الوقت اتأخر . 

هي مش هتوقع حاجه.. كان ده صوت سلطان .

ارتعب عمها لما شاف سلطان بهيئته الي تخوف واقف قدامه .

العم برعب سسلطان بباشا انا لسا حالا ووالله كنت عاوز اوصلها البيت مش كده ياقمر يابنتي..

قمر بصت ناحيته والورق اللي بأيده واتكملت وهي تتحامى بسلطان : لا مش كده  حرمتني من العلام وقلت ماشي اهي كتتير بنات مش متعلمه.. خلتني خدامه لعيالك ومراتك قولت لنفسي اعتبري نفسك بنتهم وبتخدميهم...جوزتني وانا لسا عيله..  وسكت.. لما رماني جوزي عليك عشان تضربني مسألتش ولا اعترضت نفذت اللي طلبه منك كنت وقتها هخسر بنتي .  ودلوقتي جايلي عشان أتنازل عن حقي .. لا .. لا ياعمي خدها مني تاني والله حقي وحق ابويا هيرجع كله وانا اللي هقفلك .. عشان انا مش قمر العيله بتاعت زمان لااا عاوزاك تعرف انا بقيت ام .. واللي يقرب مني وانا و بنتي هاكله بسناني حتى لو كنت انت سامعني.. خدت الورق من ايده وهب بتقول والورق ده بله واشرب ميته وقعطت الورق ومشيت. لسا هيلحقها عمها مسكه سلطان من ذراعه على فين

التاني سكت وشهق بألم لما سلطان اداله قلم وقاله ده عشان بس تفتكر كلامها ومتنساهوش ابدا  وراح وراها. 

قمر من غير كلام طلعت عربيه سلطان وقعدت جنبه وهو ركب عربيته وبدأ يسوق. 

قمر بضيق انت بتراقبني 

سلطان بص ناحيتها وانتي بتمشي بمزاجك كده ليه معندكيش راجل مثلا

قمر انت بتتهرب من سؤالي بسؤال

تنهد سلطان وهو بيقول انتي امتي هتبطلي العند بتاعك ده 

قمر بتراقبني ليه خايف اني اهرب.. تاني

سلطان مكنتش براقبك ..لكن رجعت البيت وشفتك طالع بعربيه اجار والوقت متأخر قلت اكيد في حاجه بخصوص حنين  حاولت اوقفك بس العربيه مشيت وانا اهو لو ماجيت بالوقت الصح يعالم كان هيخصل ايه

قمر بتوتر مكنش هيحصل حاجه وانت اصلا عملت ايه يعني 

سلطان مممم مش كأنك من شويه كنتي بتتحامي بظهري وانتي بتتكلمي..

قمر بحرج.. طب روحني عايزه اطمن على بنتي ..

سلطان بابتسامه ماشي  هنروح 

*******

كانت قاعده لوحدها مش راضيه تخرج تتكلم معاه لما حست بيه بيقعد جنبها ..

يعقوب سمر .. هو انتي بتكرهيني لدرجه دي..

سمر انا لا بكرهك ولا بحبك يا يعقوب.

يعقوب طب كويس يعني فيه امل .

سمر يعقوب

يعقوب بصي انتي مش هتخسري حاجه ادي علاقتنا فرصه عشان ابينلك قد ايه انا بحبك وبموت فيكي .  سمر فرصه وحده بس مش اكتر. .. وبعد كده لو فضلتي على رأيك صدقيني هامشي ومش هتشوفي وشي تاني ابدا..

ولو فضلت مصره عالطلاق

يعقوب هطلقك.

سمر وعد لو فضلت على رأيي هتطلقني 

هز رأسه بحماس وهو جواه فرحان اوووي وهو بيقول ايوا وعد

******

سلطان بغيره واخده بنتك فحضنك وناسيه ابوها

قمر عايز ايه ياسلطان.

سلطان حضنك عشان وحشني.تصحب

قمر حطت بنتها النائمه على سريرها الصغير وراحت عشان تنام وهي بتقول بجديه .تصبح على خير 

نام سلطان جمبها وهو بيقول تصبحي على هنا وسعاه وقرب منها ودفن وشه بشعرها بشوق وبيحرك اديه عليها .. بعدته بغيظ وهي بتقول بتعمل ايه.

سلطان شدهها ليه وهو بيقول. خلاص هنام اهو بس متبعديش..

الصبح بدري صحيت قمر وكان سلطان مش موجود وبنتها برضو ..

وقفت بخضه ولسا هتخرج دخل سلطان الاوضه .

وقبل ماتطلع وقف قدامها وهو بيقول على فين

قمر هروح.اشوف حنين

سلطان طب وابو حنين يعمل ايه 

قمر سلطان لو سمحت ابعد هشوف بنتي

سلطان بنتك مع الشغاله متشغليش بالك فيها

قمر هروحلها ولسا هتخرج مسكها وحاوط خصرها وهو بيقفل الباب برجله

قمر  بتعمل ايه سيبني..

سلطان تؤ مش هسيبك ..

قمر سلطان.

سلطان عارفه اسمي من بوقك يجنن

حاولت قمر تزقه لكنه قرب منها اكتر. وهو بيثبتها وبيبوس خدها وهو بيقول طول السنتين كنتي بتوحشني .

وباسها تاني عارفه احساس انك قدام عنيا ومش عارف اقرب منك.. بيبقى احساس رخم اووي

قمر بضعف ابعد ياسلطان

سلطان بتوهان متقوليش ابعد دي ابدا انا مش هبعد هقرب وهفضل اقرب لحد ما ابقى اقرب ليكي من نفسك . 

حست برعشه بجسمها من قريه وانفاسه السخنه اللي بتضرب وشها لما همس لها بحبك وعارف اني جيت عليكي اوووي.  لكن اوعدك من النهارده مش هسمح لأي حاجه تزعلك ابدأ  ومحدش يعرف يغلط عليكي ابدا ..ولسا هتتكلم وهي تايه بلمساته باسها وهي من غير ما تحس بادلته ووو

*****

يوم فرح سلمى ومحمد..

مهاب الف مبروك..

محمد بسعاده الله يبارك فيك عقبالك..

مهاب بجديه خد بالك منها و متزعلهاش ابدا.

محمد وهو بيبص على سلمى بحب سلمى في عينيا..

بصت سلمى عليه برضوا  بحب ظاهر 

هز مهاب رأسه ومشي .. ومحدش عارف. انه مقرر يسافر ومش هيرجع تاني ابدا 

تمت بحمد الله 💚        

لمتابعة باقي الرواية زوروا قناتنا على التليجرام من هنا 

تعديل المقال