رواية حبيبي المدير الفصل الستون 60 والاخير بقلم شيماء صبحي
#الفصل_60
#رواية_حبيبي_المدير
#الكاتبة_شيماء_صبحي
بعد يومين من فرح مريم وحسن اتجهت ليزا واحلام وماهر ومارك وحمزه لبيت حسن علشان يصبحوا عليهم لانهم سابوهم يوم كامل براحتهم!
ليزا كانت فرحانه من كل قللبها ان مريم اتجوزت وكمان ان جوزها يبق حسن ..فاول ماشافتها وهيا لابسه روب الصباحيه حضنتها بكل حب واحلام قربت منها هيا كمان وحضنتها بفرحه؟
ليزا بصت علي الرجاله لقتهم قاعدين وبيتكلموا فطلبت انها تاخد بناتها ويدخلوا يتكلموا في غرفه مريم وبالفلعل دخلوا كلهم للاوضه وقفلوا علي نفسهم الباب!
ليزا اتكملت وهيا بتبص لمريم وقالت بتساؤل:طمنيني يا حبيبتي عليكي عاملة ايه!
مريم بخجل :الحمد لله يا ماما؟
ليزا ابتسمت وخبطت علي كتفها وقالت:متأكده يا مريم!
مريم افتكرت حجات بسيطه من اللي حصلت اول امبارح وامبارح ووشها احمر جدا فوالدتها ابتسمت لانها لقت الاجابه الصحيحه علي سؤالها فبصت ليزا علي بنتها احلام وقالت:صحيح يا احلام انتي عارفه هتعملي ايه يوم الخميس الجاي!
احلام حركت راسها:ايوا طبعا يا ماما دا فرحي ..واكيد متحمسه علشان الفستان والميكب !
ليزا بصت لمريم وحركت راسها بابتسامه وقربت من احلام وقالت:اللي انتي قولتيه دا حاجات عاديه كلنا عارفينها واصغر طفل ممكن تساليه هيقولك انا عارف ان دي الحجات اللي هتحصل في يوم الفرح بالنسبة للعروسه والعريس كمان انما انا يا حبيبت قلبي بتكلم علي ليلة الدخله عارفه هتعملي فيها ايه؟م ولا علي الله حكايتك!
احلام وشها احمر بقوه وكأن دا موضوع حساس جدا هيا مش بتقرب منه حتى ولو بالتفكير فحركت راسها وقالت:طبعا ياماما عارفه والدة خطيبي القديم شرحتهالي؟
ليزا اتصدمت من كلامها بس حركت راسها ليها وقالت:خلاص انسي اي كلام سمعتيه قبل كده و ركزي معايا كده يا حبيبتي وحطي كل الكلام اللي هقوله دا حلقه في ودنك لان الحاجات دي بالزات بتبق اهم حاجه في حياة اي زوجين؟
احلام بخجل:بس يا ماما ؟
مريم بمقاطعه :مفيش بس يا احلام اسمعي كلام ماما لان هيا عندها حق لازم يبق عندك حتي ولو معلومات عن اسعاد جوزك علشان ميبصش برا يا قلبي !!
احلام حركت راسها بالموافقه وكان وشها احمر جدا بسبب اللي سمعته من مامتها واختها!!
بعد حكاوي ونصايح من ليزا ومريم قامت احلام بعدما حست انها مش هتقدر تسمع اكتر من كده !
احلام باستئذان:انا هخرج برا علشان اقعد مع ماهر وانتوا خلصوا كلامكم براحتكم وتعالوا ورايا!
مريم وليزا ضحكوا علي شكلها وهيا خرجت بسرعه وقربت من ماهر واللي اول ما بص في عينها تخيلته احلام معاها في اللحظة اللي شرحتهالها والدتها فخجلت جدا وقعدت جمبه وهو استغرب ان شكلها متغير!
ماهر بتساؤل:انتي كويسه يا احلام؟
احلام بموافقه:ايوا كويسه وكل حاجه زي الفل!
ابتسم ماهر ووقتها حسن قال وهو بيوجه كلامه لأحلام:الف مبروك مقدما يا احلام..اتمني انك تكوني مبسوطة بجوازك من ماهر؟
احلام رفعت عينيها وبصت لحسن وقالت:الحمدلله انا مبسوطه واسعد واحده كمان؟
ضحك ماهر وهو بيمسك ايديها وبيقبلها ووقتها حسن كلم حمزه:الف مبروك مقدما يا حمزه كلها اسبوع وشويه واشوفك عريس؟
ابتسم حمزه واتكلم:الله يبارك فيك يا كبير كله من زوقك!
ضحك حسن وحمزه بص علي احلام وقال:كنتوا بتقولوا ايه في كل دا يا احلام !
احلام بضيق:خليك في حالك ومتركزش معايا؟
حمزه عدل وشه وبص قدامه وهيا رجعت تفكر تاني في كلام امها واختها وهيا مكسوفه اوي!
بعد وقت العائلة كلها قامت علشان يسيبوا حسن ومريم علي راحتهم ورجعوا كلهم للقصر !
وعند احلام طلعت بسرعه لاوضتها وهيا متوتره ولما لاحظ ماهر انها مش علي طبيعتها طلع وراها وهو قلقان لتكون حصلت معاها مشكله وهو ميعرفش!
احلام كانت قاعده علي السرير وبتفرق في ايديها ولما سمعت صوت فتح الباب وخطوات ماهر بتقرب منها زاد التوتر في قلبها وقامت بصتله وهيا بتقول بكل توتر وارتباك:ماهر انا خايفه!
ماهر استغرب كلامها ولاكنه قرب منها ومسك ايديها وبص في عينها وسألها:مالك يا احلام وخايفه من ايه!
احلام بخجل:خايفه من يوم الخميس،خايفه مقدرش اعمل كل المطلوب مني ومقدرش اخليك مبسوط؟
ماهر ضم حاجبه وحرك راسه بعدم فهم:وايه اللي مطلوب منك دا مش فاهم!
احلام بتوتر:اللي مطلوب مني يا ماهر اللي بيحصل في اليوم دا يعني ،،مش هقدر اوصفلك اكتر من كده؟
ماهر فهمها علي طول من نظراتها واحمرار وشها فقال وهو بيبتسم بهدوء:انتي مش مطلوب منك اي حاجه يا احلام لان الحجات دي مش بكلام الناس او بالحكاوي الحجات دي باتفاق بيكون بيني وبينك بنشوف راحتنا فين وبنعملها ،انما خوفك وتوترك دا هو اللي هيخليني مش مبسوط لان راحتي وسعادتي من راحتك وسعادتك .. همس بلطف:متخافيش يا احلام انا مش غريب عنك علشان اشوفك خايفه مني بالشكل دا او خايفه انك تسعديني ..لا بالعكس انتي اكتر واحده عارفه تسعديني وتخليني مرتاح ومبسوط بأقل الطرق وعارفه بايه تاني يا احلام!!
كلامه اثر في احلام لدرجه انها بكت من الفرحه لما لقت انه متفهم موقفها ومع خوفها وبيحاول يطمنها بافضل الطرق،،فحركت راسها ليه علي سؤاله وقالت:ليه يا ماهر!
ماهر بابتسامه:يا احلام انا بس اول ما بشوفك كل الوجع والحزن دا لو موجود بيختفي اول ما ببص في عينك بحس اني مش ناقصني حاجه في الدنيا وجودك جمبي سبب كافي انه يخليني اعيش واحب اني اكون جمبك !!
عارف ومتاكد ان اكيد سمعتي كلام كتير من ناس مختلفه بس انا عاوز اقولك وجهة نظري انا..بلاش تخلي خوفك يأثر علي لحظة جميله زي دي انا بحبك ومستحيل ازعل منك حتي ولو قصرتي انا عارف ازاي الفت نظرك بس كل اللي بتفكري فيه دا ومخليكي متوتره ومش علي بعضك انا عاوزك تشيليه من دماغك خالص!!
احلام ابتسمت علي كلامه وحركت راسها بابتسامه فـ ماهر قربها منه وحضنها جامد علشان يطمنها اكتر وهيا ضمته بكل حب وعشق لداخل حضنها!
ماهر ابتسم وبعد عنها وهمس في ودنها:اي رئيك نفض منفصلين عن بعض لحد يوم الفرح يعني كل واحد مننا يكون في غرفه؟
احلام استغربت بس حركت راسها وسالته:ليه ؟
ماهر:علشان نحس بشعور مختلف وقتها فرحة علي اشتياق لازم لحظتنا تكون مختلفه ..بوجودنا مع بعض حتي لحد يوم الفرح مش هتحسي بتجديد فانا اقترحت ولو رافضه خلاص؟
ضحكت احلام وحركت راسها وقالت:لا خلاص انا اقتنعت انت فعلا عندك حق خلاص كده انا هقعد هنا وانت شوفلك اي اوضه تانيه؟
ضحك ماهر وحرك راسه وقال:انا هروح انام مع حمزه اهو نتسلي انا وهو مع بعض!
ضحكت احلام وحركت راسها وهو قرب من خدها باسها وبعدها قال :هتوحشيني اوي يا احلام!
احلام بابتسامه:وانت كمان يا قلب احلام!
ضحك ماهر وحدفلها قبله هوائية وبعدها خرج واحلام قعدت علي السرير وهيا حاسه ان هم راح من علي قلبها لان الكلام اللي سمعته كان تقيل عليها وكان مخوفها وضاغط عليها !!
بس ماهر حل كل المشكله بسهوله فابتسمت احلام وهيا بترجع بضهرها لورا وبتغمض عينها بكل عشق وبتقول:حبيبي..يا ماهر..ربنا يخليك ليا؟
عند حمزه كان نايم وفجأة لقى اللي داخل عليه الغرفه وبيقرب من السرير وبينام!
حمزه بدهشه:خالي انت بتعمل ايه!
ماهر وهو مستغطي:هنام معاك النهارده؟
حمزه بضيق:لا مش عاوز حد ينام جمبي يادوبك السرير علي قدي !
بعد ماهر الغطاء من علي وشه وقال بتهديد:وانا قولت هنام معاك ولو مش عجبك اتفضل سيب السرير وقوم نام علي الكنبه!
حمزه بصدمه:دي اوضتي ودا سريري ازاي يعني عاوزني اسيبلك سريري؟
ماهر قرب منه وقال بنوم :معلش يا حمزه استحملني الكام يوم دول لحد ميعاد الفرح بس؟
حمزه كان هيعترض بس لقي ماهر نام فحرك راسه وقال:يارب صبرني ماشي!
ماهر حط ايديه علي وش حمزه وحمزه بعدها:هو انت بتاع الحركات دي يا خالي؟
ماهر بنوم:دي علشان اعترضت اني انام جمبك يا حيوان!
حمزه ضحك علي كلام خاله وقال:خلاص انا هسامحك علشان خاطر القرابه بس مش اكتر؟
ماهر حرك راسه ونام وحمزه دقايق وكان نام!
وبعد مرور خمس ايام وفي يوم الفرح؟
مريم بابتسامه:فين فستانك يا احلام؟
احلام وهيا بتسيب البنت اللي بتعملها الميكب وبتقرب وتطلع فستانها من المكان اللي حطاه فيه وبتقول:امسكي يا مريم هو تقيل شويه!
مريم اخدته منها وفتحته وطلعته وحطته علي السرير واحلام رجعت قعدت علي الكرسي تاني والبنت بدات تكملها الميكب..
مريم بابتسامه:شكلك تحفه اوي يا احلام والفستان خطير،انا متاكده ان ماهر هيتفاحئ لما يشوفك بيه بعدما جهزتي الميكب والطرحه كمان؟
احلام قلبها دق بقوه وابتسمت وهيا بتقول: ايوا ماهر..حبيبي هيبقي مبسوط!
مريم ضحكت علي شكل احلام وقربت من مامتها اللي بتعمل لنفسها الميكب وبتقول:دي واقعه في حبه من الدور العاشر يماما؟
ابتسمت ليزا وحركت راسها وقالت:عندها حق يا مريم انتي مش شايفه هو عامل ازاي!
مريم ضحكت علي كلام والدتها وقالت:الظاهر ان ماهر ليه معجبين؟
ابتسمت ليزا وكانت خلصت مكياچها وقالت وهي بتبص علي احلام:بس تصدقي يا مريم اختك وكانها حوريه خارجة من الجنة ما شاء الله عليها !
مريم بصت علي اختها تاني وحركت راسها وقالت:عندك حق يا ماما دي فعلا تجنن؟
احلام كانت سمعاهم وفرحت علي كلامهم وكانت البنت خلصت فبصتلها وقالت:احنا كده خلصنا الميكب قوليلي بق اي رئيك ..
البنت رفعت المراية قدام وش احلام واحلام بصت لنفسها بفرحه وقالت :الله بجد تسلم ايديك يا حبيبتي بجد زي القمر!
البنت ابتسمت علي رد فعلها واحلام حضنتها بفرحه وقالت:انا شكلي حلو اوي تسلمي بجد يا حبيبتي!
البنت فرحت جدا من رد فعل احلام وحست ان مجهودها اتقدر ومرحش علي الارض وخلاص فبصت لاحلام وقالت:انتي بجد اجمل والطف عروسه انا قابلتها لحد دلوقت؟
ضحكت احلام وقالت:والله انتي اللي زي السكر وقمر كمان كفايه ابتسامتك البشوشه دي!
البنت حضنت احلام تاني ووقتها مريم وليزا قربوا من احلام وهما مبهورين من شكلها وحضنوها وهما فرحانين من قلبهم وهيا قامت علشان يساعدوها تلبس الفستان !
وفي القصر وبعدما انتهي ماهر من لبسه واستعداده علشان ليله فرحه قرب منه حمزه وهوا لابس بدله ومتشيك وبيبص عليه ومبتسم وبيقول:الف مبروك يا خالي والله عشت وشوفتك عريس زي القمر!
ماهر ضحك علي كلامة وحضنه بحب وقال:عقبال ما اشوفك عريس انا كمان يا قلب خالك.
حمزه خبط علي ضهره بحب وقال بصوت رجولي ضخم:ان شاء الله يا ماهر ان شاء الله!
ماهر ضحك علي طريقة حمزه وبعد عنه وقال:مش هتكبر ابدا؟
ضحك حمزه بقوه وقال:لا خلاص انا كبيرت وبقيت راجل وكلها كام يوم بس وهخطب يعني بقيت ابو الرجاله كمان!
ماهر حرك راسه وضربه في كتفه بخفه:طبعا ابو الرجاله كلهم واللي متفق معايا علي الكلام دا امه تبق قرعه!
ضحك حمزه علي كلامه بقوه ووقتها خبط حسن علي الباب ودخل ولما شافهم بيضحكوا ابتسم بتلقائيه وقرب من ماهر سلم عليه بفرحة وقال:الف مبروك يا عريس ايه الجمال والحلاوة دي كلها!
ماهر بابتساة:شكرا لزوقك العالي يا حسن واهو يا سيدي ادينا بنتعلم منك ..
حسن وهو بيبص في ساعته:ايه مش ناوي تروح لعروستك ولا ايه..الوقت بيجري وهيا جهزت خلاص!
ماهر حرك راسه وقال:لا متقلقش المسافه مش كبيره دي الغرفه اللي جمب اللي جمبي يعني المسافه مش هتاخد اكتر من خمس دقايق متقلقش؟
ضحك حمزه وحسن علي كلامه وهزوا راسهم ليه وهوا عدل هدومه وقال بتساؤل:ايه كل حاجة تمام'
حسن بموافقه واعجاب شديد:كله تمام اتوكل عليا الله ياعريس'
ماهر ابتسم وخرح من الغرفه وفي الوقت دا كانت احلام جهزت والمعازيم وصلوا وكانوا مستنين حضور العروسين بس؟
ماهر قرب من باب الغرفه اللي بتجهز فيها احلام وخبط علي الباب وبعد ثواني ليزا فتحت الباب وقالت:ازيك يا حبيبي الف مبروك؟
ماهر وهو بيسلم عليها:الله يبارك فيكي يا ماما؟
ابتسمت ليزا وبصت لمريم وقالت:ماهر وصل يا مريم جهزي احلام!
مريم حركت راسها بالموافقه واحلام لما سمعت ان ماهر واقف برا قامت ولفت بجسمها بسرعه علشان لما يدخل ميشوفهاش علي طول!
وفي الوقت دا حسن قرب من ماهر واداله بوكيه الورد اللي نساه وماهر اخده منه وابتسم وبعدها دخل لاحلام وهو بيقول:بسم الله ما شاء االله..قمر من قبل ما اشوف ياناس؟
احلام بكسوف حركت جسمها وهو فضل يقرب منها وهيا قلبها بيدق لحدما لفت بجسمها وهو اول مشافها وقف متنح!
احلام بخجل:مالك يا ماهر انت كويس!
ماهر بتوهان: هوانا بحلم!
ضحكت احلام وحركت راسها بالرفض وهو قرب منها وحضنها وقال:طالعه تجنني يا احلام زي القمر يا روح قلبي!
احلام ضحكت علي كلامه وهوا فضل حاضنها لفتره لحدما انتبه علي صوت ليزا اللي بتقول:المعازيم مستنينكم يا ماهر!
ماهر انتبه ليها وبعد عن احلام وهو بيضحك فحرك راسه وسلم احلام لوكيه الورد وقال وهو بيمسك ايديها وبيشبكها في ايديه:يلا بينا يا اجمل عروسه شافتها عيني!
ابتسمت احلام بخجل وبدات تمشي وهوا جمبها وخرجوا الاتنين من الغرفه ونزلوا علي السلم وكان معازيم الفرح الاقارب والاصدقاء بالنسبه لاحلام والباقي اصدقاء ماهر من رجال الاعمال والمستثمرين ومدراء شركته ..
احلام بابتسامه:الحفله تجنن ياماهر!
ماهر بموافقه:فعلا تسلم ايد اللي جهزها!
بص لاحلام لان كل حاجه كانت من تصميمها فهيا بصتله وهيا فرحانه !
وصلوا عند نص الجنينه في المكان المخصص ليهم وبدات اغنيه تشتغل وهما يرقصوا عليها بكل هدوء ورومانسيه وكل اللي موجودين مبهورين بشكلهم اللي يجنن!
ليزا قربت من مارك وهيا بتبكي دموع الفرح:البنت تجنن شايف حلاوتها؟
ابتسم مارك وهوا بيضمها لحضنه: اكيد هتكون حلوه وتجنن زي مامتها !
ابتسمت ليزا وحركت راسها بحب وقالت:لولاك مكنتش وصلت لحاجه انا بحبك اوي يا مارك!
مارك رد عليها بحب:انتي اللي غيرتيني للاحسن يا ليزا ولولاكي فعلا انا كنت هبق ضايع ومش عارف نفسي انا اسعد واحد في الدنيا علشان انتي معايا؟
ليزا ابتسمت وهو ابتسم وشاورلها علي ماهر وهوا بيشيل واحلام وبيلف بيها وكان شكلهم تحفه!
احلام بدوخه بسيطه:حاسه اني هقع؟
ماهر بابتسامه:لا متخافيش انا ساندك كويس اوي!
احلام حركت راسها بالموافقه وبدات الاغنيه التانيه تشتغل وكل اللي بيحبوهم بيقربوا عليهم وبيشاركوهم الرقصه واولهم حمزه وحنين اللي كانت لابسه فستان رقيق وشكله يجنن ..قربت حنين من احلام وحضنتها بفرحه وباركت ليها واحلام فرحت اوي لما شافتها وفرحت اكثر لما شافت ان حمزه مبسوط جدا بوجودها!
فقرب حمزه من خاله وحضنه هو كمان وهو مبسوط وفرحان ليه من كل قلبه ولما حس انه هيخنق ماهر بسبب ضغطه عليه بعد عنه وكان ماهر بيضحك فبص لحنين اللي بترقص مع احلام وابتسم وساب ماهر وقرب منهم وبدا يرقص معاهم ولما شافه ماهر ضحك علي شكله من قلبه ..
قرب حسن من ماهر وشاركه الرقصه وكان ماهر مبسوط لانه كون صداقه مع حسن لانه شاب رجوله وابن بلد..
فضل ماهر يرقص وهوا مبسوط ومارك اتنازل عن رُقِيه للحظه وقرب منهم ورقص وهوا بيحاول يقلدهم وكانت الحفلة كلها ضحك وفرحه طالعه من القلب لحدما انتهت وكل المعازيم مشيوا وليزا ومريم وحمزه وحنين سلموا عليهم و ماهر شال احلام وهوا مبسوط واتحرك بيها لداخل القصر وطلع بيها علي جناحهم واللي كان مجهز بشكل جميل ومفروش بطريقة حلوه!
ماهر دخل وقفل وراه الباب وهو كان لسا شايل احلام اللي وشها قلب فرولايه بسبب الكسوف!
ماهر قرب من السرير ونزلها عليه بلطف وقال بابتسامه:الف مبروك يا عروسه!
من وسط خجهلها ردت عليه:الله يبارك فيك يا عريس!
ابتسم ماهر وقال:ايه مش هنغير هدومنا '
احلام حركت راسها بالموافقه وقالت:خليني انا ابدا علشان الفستان هياخد وقت!
ماهر حرك راسه وهيا قامت وطلبت منه يساعدها تقلع الفستان وهو ساعدها وبعدما قالعته خالص وكانت لابسه هدوم شاده جسمها تحتها بصتله وقالت:هدخل اكمل لبسي جوا في الاوضه!
حرك راسه بالموافقه وهيا دخلت وهو فَضَل ان هيا اللي تغيرله البدله وفضل قاعد مستنيها لحدما هيا خرجت وهيا لابسه روب ابيض بريش حفيف من عند الايد وبتقرب عليه وهيا مكسوفه!
احلام بتساؤل:ميغرتش هدومك ليه!
ماهر بابتسامة:انا حابب انك تساعديني فيها لاني مستني اللحظة دي من زمان!
احلام ابتسمت وقربت منه وبدأت تخلعه الجاكت الاول وبعدها القميص واول مشافت جسمه بعضلاته اللي ظاهرة قلبها دق بقوه وهوا كان بيبصلها ومبسوط فـ جت عند البنطلون وخجلت جدا انها تخلعوله فبصتله وهوا حرك راسه بان كفايه كده عليها وانه هيدخل يغير هدومه!
احلام ابتسمت وهو دخل للغرفه بس بدون ما يقفل الباب وغير هدومه وبعدها لبس روب هو كمان وقال:انا لقيت دا هو دا بتاعي صح!
احلام حركت راسها وقالت:ماما قالت اننا لازم ناخد شاور الاول علشان جسمنا اكيد عرقان !
ماهر حرك راسه وقال خلاص هدخل انا اخد شاور الاول لاني مش هغيب!
احلام :وانا هشيل الطرحه لان فيها بنس كتيره لحدما تخرج'
حرك راسه ودخل اخد شاور وهيا فكت طرحتها وفردت شعرها علي ضهرها!
ماهر من جوه الحمام:احلام..يا احلام!
احلام من برا:نعم يا ماهر!
ماهر بصوت واطي مش واضح بسبب الباب:هاتيلي هدوم لان هدومي اتبلت!
احلام وهيا بتحاول تفهم كلامه:بتقول اييييه!
ماهر بصوت اعلي:بقولك هاتيليييي هدوووم لان هدووومي كلها اتغرقت مايه ومش هعرف اخرج!
احلام قدرت تسمعه فردت عليه بموافقه:حاضر'
اتجهت احلام للداخل واخدت بيجاما وفوطه وقربت من الحمام وخبطت عليه ماهر فتح الباب ومد ايديه وبسبب ان الحجات كتير مقدرش يمسكها كلها بايد واحده!
احلام وهيا بتفصل الفوطة عن البيجاما!
استني خد حاجه حاجه!
ماهر فضل يمثل انه مش عارف يمسكهم وان الحاجه بتقع منه لحدما احلام قالت بضيق:خلاص ابعد انت شويه خليني ادخل اعلقهم علي الشماعه!
ماهر سمع كلامها وبعد شويه لان الحمام واسع جدا فسمحلها تدخل واول ما احلام وقفت ترصله الهدوم والفوطه علي الشماعه قرب ماهر منها وقفل وراها الباب!
احلام بشهقه وكسوف كبير:ماهر..انت بتعمل ايه؟
ماهر كان شعره نازل علي وشه بسبب المايه فبصلها بحب كبير وقال:هعمل اللي اتفقنا عليه انا وانتي من اول ما كتبنا الكتاب..هتمم جوازنا يا احلام!
احلام بخجل شديد:طيب بس انت ملقتش غير الحمام!
ابتسم ماهر وقال:بدايه الشاور من الحمام فخلينا ناخده مع بعض!
خجلت جدا وكانت بتحرك راسها برفض ولاكنها مقدرتش عليه بسبب نظراته ليها اللي كانت بتدوخها فحركت راسها وهو شغل الدش وخلاه مايه دافيه وقرب منها وهيا بهدومها وهيا قالت برفض :لاااا هدومي اتبلت!
ماهر بشقاوة:ما هو دا المطلوب يا احلام'
بصنله بخجل كبير لان تفاصيل جسمها بدات تبان قدامه وهوا بدا يقلعها هدومها علشان متبردش!!
في غرفة حمزه كان ماسك التيلفون وبيكلم حنين وبيقول:كنتي زي القمر يا روح قلبي .،ان شاء الله في فرحنا هتكوني قمرين!
حنين بخجل:انت كمان يا حمزه كنت جميل اوي انا للحظة حسيت اني بحلم والله وعلي فكرة في الفرح هتبق زي القمر كمان وكمان!
ضحك حمزه ورد عليها:خلاص كلها ايام وهنكون مخطوبين رسمي ويارب يا حنين اكون انا الراجل اللي بتتمنيه!
حنين بحب:انت فعلا الراجل اللي بتمناه يا حمزه انا بحبك جدا وعلي فكره الكلمه دي مش قليله بالعكس دي كبيره اوي وانا فعلا بحبك؟
فرح حمزه جدا من كلامها ورد اليها:وانا كمان بحبك يا حنين واوعدك اني هبذل كل جهدي علشان اسعدك واكون دايما سندك وضهرك وحبيبك اللي بتحبيه وبتحبي انه يبق معاكي العمر كله !
حنين بحب:يارب يا حمزه يارب!
حمزه لقي ان الوقت اتاخر فقال:انا هاجيلك بكره علشان نخرج وعلي فكرة انا اتفقت مع مامتك النهارده في الفرح واستأذنتها!
حنين بموافقه:خلاص ماشي يا حمزه!
حمزه:ماشي يا روح قلب حمزه من جوه انا هسيبك دلوقت علشان تنامي لان الوقت اتاخر وانا برضوا محتاج انام علشان تعبت النهارده'
حنين بموافقه:خلاص ماشي مع السلامه يا حبيبي!
حمزه بحب:مع السلام يا روح قلبي!
في غرفة ماهر؟
خرج ماهر وهو لابس الروب القطن واحلام وراه وكانت مكسوفه جدا منه.. ماهر وهوا بينشف شعره بالفوطه..تعالي يا احلام قربي مني!
احلام قربت منه وهوا مسك فوطه تانيه غير اللي علي دماغه وبدا ينشفلها شعرها وهيا بصاله ومبسوطه..ماهر بصلها وابتسم وقرب منها وقبلها وهيا قررت تسيب نفسها خالص علشان هيا نفسها واكيد ماهر نفسه ان اللحظة دي تكون خاليه من الاحراج لان دا حلالهم وهيا مش بتعمل كده لانها مجبوره ولاكن بتعمل كده لانها فرحانه'
احلام بادلته القبله وهوا كان مبسوط لان دي البنت اللي اتمناها من ربنا تكون حلاله وام عياله فقربها منه اكتر وشالها وحطها علي السرير'
احلام بقلق:شعري لسا مبلول ..
ماهر بضحكه:انتي شايفه ان دي مشكله كبيره تعطلنا يعني!
احلام حركت راسها بالرفض وهو ضحك وقرب منها تاني ولحد اللحظة دي هنقف علشان عيب اوي نكمل شرح🙈
__________
في يوم جديد كان شنطة ماهر واحلام اللي هيسافروا بيها جاهزين فخبطت ليزا علي باب جناحهم الساعه ١١ علشان ميعاد الطياره وماهر اللي فتحلها وكان لابس هدومه!
ليزا بابتسامة:صباحيه مباركه يا عريس امال فين احلام!
احلام جت من وراه وهيا مبتسمه:انا هنا يا ماما؟
ليزا حضنتها بفرحه وقالت:صباحية مباركة يا عروسة!
احلام كانت مبتسمه:الله يبارك فيكي ياماما..
ليزا قالت وهيا بصالهم:يلا علشان ميعاد الطياره كله تحت مستنيكم علشان يسلموا عليكم قبل ما تسافروا!
احلام وماهر حركوا راسهم بالموافقه وليزا مشيت وهما بصوا لبعض بفرحه.. ماهر وهو بيمسك ايديها:انا عارف ان دي اول مره هتركبي الطياره بس عاوز اقولك نصيحه بدل ما تخافي وتبوظي اللحظة استمتعي بيها ..
انتي هتبقي في السماء وشغل بق محمد هنيدي في فول الصين العظيم دا مش حقيقي ومش بيحصل غير مره واحده في المليون'
احلام حركت راسها بالموافقه وهوا قال:جاهزننزل!
احلام بحماس وفرحه كبيره:يلا بينا؟
احلام وماهر نزلوا وكان في استقبالهم كل حبايبهم زي مريم وجوزها حسن وليزا وجوزها مارك وحمزه طبعا ..
ماهر بابتسامه:صباح الخير!
الكل:صباح النور وصباحيه مباركه عليكوا يا احلي عريسان؟
ردوا عليهم.الله يبارك فيكم!
احلام قربت من مريم وسلمت عليها بحب وسلمت علي حسن ومارك وحمزه وماهر عمل زيها بـ الظبط ووقتها كان فاضل ساعه واحده علي الطياره فالخدم شالوا الشنط وماهر واحلام خرجوا علشان يركبوا العربيه!
ليزا ومريم في صوت واحد:خلي بالك علي احلام يا ماهر!
ماهر بابتسامه:من عيوني!
ضحكت احلام وشاورتلهم وودعتهم وبعدها ركبوا العربيه والعربيه اتحركت بيهم في طريق المطار؟
وفي المطار!
احلام بفرحه:دا شكله يجنن اوي يا ماهر انا مبسوطه جدا؟
ماهر بحب:فعلا يجنن يلا تعالي علشان بيندهوا ان الطياره هتطلع ..احلام حركت راسها و اتجهوا لطريق المسافرين ومشوا منه وبعد وقت مش كبير؟
كانوا ركبوا الطياره والطياره انقلعت وطارت في السماء وكانت احلام قاعده جمب الشباك وشايفه كل حاجه من فوق فعيونها دمعت لان دا كان حلم من احلامها ولما بصت جنبها وشافت اللي حققلها الحلم اتمنت من كل قلبها انها تردله كل اللي عمله معاها فحضنته بكل حب ودعت بصوت واضح:ربنا يخليك ليا ياماهر وتفضل معايا العمر كله يا رب؟
ابتسم ماهر وضمها لحضنه اكتر ورد:يارب يا احلام ويخليكي ليا يا حبيبت قلبي!
عدي وقت كبير وكانوا وصلوا تركيا هبطت الطياره وكان في استقبالهم عربيه مخصصه ليهم خرج ماهر واحلام من المطار وركبوا العربيه واتحركوا بسها للفندق اللي هيقعدوا فيه..
كانت احلام بتتفرج علي المدينه من خلال الزجاج وهيا مبسوطه لان زيارة تركيا كان هدف بالنسبالها وحلم كبير هيا بفضل الله وماهر حققته فضلت تتابع الشاوارع والبيوت والناس ولما شاقت بحر اسطنبول انبهرت بجماله وحست وكأنها بداخل مسلسل تركي وهيا بطلة قصته وماهر بطل المسلسل؟
ماهر كان سعيد بانه شايف كل فرحتها دي علي وشها ولما شاف حماسها مع كل شارع او بيت او شكل حاجه بتبهرها وبتخليها مبسوطه كانت ابتسامته بتزيد وسع لان امل حاجه خلتها مبسوطه!
بعد اسبوع من وجود احلام وماهر في تركيا رجعوا تاني لمصر علشان خاطر خطوبه حمزه واللي كانت هتتعمل في القصر وتم تجهيز حنين لحفلة خطوبتها في القصر ..
حمزه بحب:انا مبسوط اوي يا خالي'
ماهر:ربنا يسعدك دايما يا حمزه انت برغم شقاوتك ومصايبك الكتيره الا ان انت رجوله و ابن حلال وتستاهل كل خير!
حضنه حمزه بحب وشكره من كل قلبه علي انه السبب في انه يكبر ويتربي تربيه ايجابيه خاليه من الامراض النفسيه وكمان بعيد عن اهله الانانين فماهر طبطب عليه وقال:خلينا بس نخرج علشان احلام بلغتني ان حنين جهزت!
ابتسم حمزه بحماس وحرك راسه بالموافقه وماهر اداله بوكيه الورد وحمزه اخده وخرج !
وفي غرفه حنين كانت لابسه فستان اوف وايت وكان يجنن عليها استنوا لما حمزه يدخل وهيا وقفت بضهرها فقرب حمزه منها بابتسامه واول ما لمس كتفها لفت حنين وسحرت قلب حمزه معاها!
حمزه كان عاوز يحضنها بس حنين فكرته بكلامها وان الحضن دا في كتب الكتاب والفرح انما الخطوبه ممكن يقبل ايديها فقط!
حمزه افتكر كلامها قبل ما يقرب منها وفعلا مسك ايديها قبلها وبعدها سلمها البو"يه اللي فيه ورد طبيعي وريحته حلوه وخرجوا من الغرفه ونزلوا علشان حفلتهم!
المعازيم اهل حنين واصحابها واصحاب حمزه وزمايله وطبعا شويه معازيم من ماهر علي احلام وكانت الحفله مليانه بناس كتير حابين شكل حمزه وحنين!
في مكان هادي..مريم بتبص لحسن وبتقول:انا حاسه ان بطني وجعاني يا حسن في وجع كبير في بطني ونفسي بتغم عليا كتير ولسا مستفرغه من شويه الاعراض دي مش طبيعيه وحسيت بيها قبل كده لما كنت حامل من ١٠ سنين؟
حسن استغرب كلامها ازاي الاعراض د يتجيلها وهيا معندهاش رحم فقال:ممكن يكون برد في المعده ولا حاجه!
مريم حركت راسها وقالت: ممكن يا حسن..المهم خلينا نروح الحفله علشان محدش يلاحظ اختفائنا؟
حسن حرك راسه ومسك ايديها ودخلوا بس كان واضح عليها التعب وانها عاوزه تستفرغ ..
اللي لاحظت شكلها هيا احلام واللي سابت ايد ماهر بعدما بلغته انها هتشوف مريم لان شكلها تعبان فقربت احلام من اختها وسالتها بقلق:مريم انتي كويسه؟
مريم شرحتلها اللي حاسه بيه وانها دايخه وعاوزه تستفرغ دا غير وجع بطنها الشديد.. وشرحتلها كمان ان الوضع بالتفاصيل دي كلها هيا حست بيها قبل ما تعرف انها حامل من ١٠ سنين ..
طبعا الكلام دا خلي احلام تشك ان مريم تكون عندها الرحم وان اللي حصل كان تشخيص غلط من دكتور او لما بلغوها مكنوش يقصدوها هيا لان دا وارد انه يحصل في مستشفي عام زي دي..
فقربت منها احلام وقالت:مريم انتي مين اللي قالك ان رحمك اتشال!
مريم بتذكر:ماما فاديه؟
احلام فكرت في كلامها بدهشه وردت :ياعني بعد اللي حصل منها دا ميخلكيش تشكي في اي حاجه !
مريم بصت علي اختها بتفكير وقالت:اشك في ايه !
احلام:ليزا قالت انها بتتخيل سينروهات يعني ممكن تكون تخيلت ان الدكتوره قالتلها انك فقدتي الرحم بس انتي زي الفل ومفقدتيهوش ..
مريم اتصدمت وقالت:تفتكري يا احلام بس ازاي يعني!
احلام حركت راسها وقالت:تعالي معايا نروح للحمام علشان لو هتستفرغي واول ما الحفله دي تخلص نناقش حسن وماهر وهما هيشوفوا حل؟
مريم حركت راسها ومسكت ايد اختها ودخلوا للحمام وبالفعل مريم فضلت تستفرغ بكل تعب !
وعند حمزه كان بيرقص مع حنين بفرحه وشويه واهل حنين فضلوا يرقصوا معاها وهوا فضل يرقص مع خاله وحسن اللي شده من ايديه غصب عنه!
وعند ليزا لاحظت ان مريم واحلام مش موجودين فقررت تروح تدور عليهم ولما لاقتهم خارجين من الحمام ومريم واضح عليها التعب قربت منهم بلهفه وقالت:مالك يا حبيبيتي !
مريم بتعب:مش عارفه ياماما اعراض غريبه وكاني حامل بس مش عارفه ازاي!
ليزا بصتلها بدهشه واحلام اتكلمت:ماما خالتي تسنيم هيا الوحيده اللي بلغت مريم خبر فقدانها للرحم فانا حسيت وكلن كل اللي حصل كان من تخيلاتها يعني مش حقيقي لان لو كانت فعلا فقدت الرحم كان حسن عرف بس هيا قالت ان الدكتوره مكلمتش غير تسنيم وقالتلها هيا كل حاجه!
ليزا حركت راسها وقالت: صح يا مريم احلام عندها مق اكيد قالتلك كده بسبب تخيلاتها يعني ممكن الموضوع يكون مش حقيقي!
مريم بصدمه:بجد يا ماما يعني انا فعلا عندي الرحم!
ليزا:خلونا نتاكد واختبار الحمل هو اللي هيحدد اذا كان في رحم ولا لا ؟
مريم بتساؤل:واحنا هنجيب اختبار دا الحمل منين دلوقت !
ليزا وهيا بتحرك راسها بالموافقه:عندي فوق كام واحد لاني كنت بستخدمه علي طول؟
مريم بتساؤل:هو انتي كنت عاوزه تخلفي؟
ليزا حركت راسها واحلام قالت:خلونا نطلع ونطمن عليها الاول '
مريم حركت راسها ومشيت وليزا واحلام سننوها وطلعوا كلهم لغرفه ليزا ومارك وليزا جابتلها الاختبار بسرعه من درج التسريحه ومريم اخدته منها ودخلت بسرعه للحمام.. يتبع بقلمي شيماء صبحي
تفتكروا بق مريم فعلا عندها الرحم ولا كلام تسنيم كان حقيقي🤔🤔
#الفصل_الأخير
#رواية_حبيبي_المدير
#الكاتبة_شيماء_صبحي
