رواية الجاني مجهول الفصل الثاني 2 بقلم عادل الصعيدي
الفصل الثاني
الجاني مجهول
_______
فتحت باب الاوضه علي بسيوني اخويا عشان اشوف بيتخانق مع مين
اتصدمت حرفيا من الا شوفته !!!
بسيوني ماسك مخده ومعاه سكين وعمال يضرب فيها ويردد .
بسيوني :: انت شيطان انت شيطان انا لازم اخلص منك لازم
واللحظه الا دخلت فيها عليها قلت. في ايه يا بسيوني مالك حصلك ايه !
بسرعه رمي السكين تحت السرير وبصلي
بسيوني :: مليكه !!
مليكه :: ايوه يا بسيوني . ايه الا بتعمله دي !!
بصلي بتوتر وقال
بسيوني :: انا مش بعمل حاجه . تعالي ادخلي واقفه ليه !!
قربت منه بهدوء
مليكه :: ارجوك يا بسيوني لو ليا خاطر عندك قولي مخبي عني ايه ارجوك !!!
بصلي بضيق وخنقه '
بسيوني :: مفيش يا مليكه مش مخبي حاجه متقلقيش ..
بصتله وانا بهز كتفه بإصرار
_ ارجوك ارجوك قلي مخبي عليا ايه يا بسيوني . ورحمة بابا لتقولي ارجوك
لف وشه وبعد عني شويه وقال
_ حرام عليكي يا مليكه الا بتعمليه فيا دي
انا مقدرش اتكلم وانتي كمان متقدريش تتكلمي
ابعدي عني ابعدي دلوقتي .
انا اول مره اشوف اخويا بسيوني بالحاله دي
قربت منه وطبطبت علي ضهره بحنيه
_ طيب اهدي شويه اهدي
قالي ونبرة صوته فيها حزن وخوف شديد
_ اسمعيني يا مليكه احنا منقدرش نعمله حاجه دي شيطان. شيطان يا مليكه ..
اللحظه أيقنت ان في لغز وفي شخص خفي
وراه حاجات بتحصل ومش بعيد يكون موت بابا ليه يد فيها
وبسيوني خايف منه ومش قادر يتكلم حتي معايا ..
طلعت بره وسبته لوحده يهدي ومرضتش اضغط عليه اكتر من كدا ..
قعدت في الصاله افكر
واللحظه جات في بالي فكره اني اطلب من صلاح بيه
اشتغل في الفيلا جوه
عشان أقرب من الناس الا جواها وبكدا مصيري هعرف حاجات تساعدني علي حل لغز المجهول دي
قمت من مكاني وطلعت اتمشي في حديقه الفيلا وبالقرب من حمام السباحه
لمحت صلاح بيه قاعد لوحده
قلت يا بت دي فرصتك وانتهزيها بسرعه
مشيت بخطوات سريعه
وقربت من صلاح بيه
وهو كمان لمحني جايه عليه
عدل من قعدته
ولما وصلت عنده بص ناحيتي وقال
_ ايوه يا مليكه اتفضلي اقعدي . بس ياريت ميكونش عايزاني عشان موضوع انك تمشي من هنا . انا عارف انتي عايزه ايه !!
بصتله وقالت بهدوء::
_ بصراحه لا. انا جايه وطمعانه في شغل ليا جوه الفيلا .
هزي رأسه وكأنه مستغرب من طلبي شغل جوه الفيلا .
وبصلي وهو بيهز دماغه .
_ وليه اخترتي شغل جوه الفيلا. ما عندك شركاتي . ممكن تشتغلي في اي شركه فيهم .
فكرت بسرعه اقوله رد مقنع . لان الا زي صلاح دول متقدرش تقولهم اي كلام وخلاص .
_ بصراحه يا صلاح بيه
انا عايزه اشتغل بمكان قريب من بسيوني اخويا
لاني حاسه انه تعبان وعايزه اساعده كمان في شغله هنا ..
_ طيب يا ستي مدام كدا . انا موافق وكمان عشان انتي بنت المرحوم عمي حسن انا مش هقدر اقولك لا . قدامك الفيلا واعتبري نفسك بتشتغلي فيها
ادخلي عندك الداده فاديه اتكلمي معاها وشوفي انتي عايزه تشتغلي ايه ..
في اللحظه دي دخل علينا معاذ ولما شافني بصلي وبقرف وكان هيتكلم
بس سبقه صلاح بيه وقالي .
ادخلي يا مليكه الداده جوه في انتظارك ...
مشيت بسرعه ودخلت جوه الفيلا وقعدت مع فاديه الداده
وعرفتني علي الخدم الا جوه واني هشتغل مشرفه علي المطبخ .
واتكلمت مع الداده اني من بكره هبدا شغل معاهم
وفي الوقت دي طلعت من الفيلا رايحه
علي اوضتنا في حديقه
لمحت من بعيد بسيوني
ومعاذ بسرعه جريت في المشي
خوفت من بسيوني يحصل معاه حاجه
خصوصا انه مش بيطيق الا اسمه معاذ دي
وفجاه ...
الكاتب عادل الصعيدي
