رواية الجاني مجهول الفصل التاسع 9 بقلم عادل الصعيدي
الفصل التاسع
الجاني مجهول
.....
عدي شهرين علي اختفاء بسيوني من الفيلا
وصلاح دور عليه في كل مكان وملوش أثر ولا وجود باي مكان سأل فيه ..
الكل مستغرب ومش عارف سر اختفاءه المفاجأ دي ايه ؟! ومش وراء اختفاءه وهما مش عارفين اذا كان عايش او ميت ...
في المستشفي ماهر وامجد بغرفه مليكه بعد ما نقلوها من الإنعاش
وفاقت بس اتصدموا
لما لقيوها مش بتتكلم
وانها فاقده النطق
الضربه الا اخدتها علي دماغها كانت قويه افقدتها النطق
امجد : البنت دي صعبانه علي اووي يا ماهر
ماهر هز رأسه بتنهيده وضيق : فعلا هتصعب علي اي حد وخصوصا كمان انها بقيت وحيده بعد ما اختفي بسيوني اخوها ومش عارفين يا تري هو عايش او مات
امجد : غريبه حكايه بسيوني دي ، حتي البوليس مش عارفه يجمعله أثر ،
ماهر : دول اللي المفروض معاهم لغز وحل الحكايات كلها الا انا مش عارف لحد دلوقتي امسك ولا خيط ضد عمي معاذ
امجد : بس انا متأكد مليون الميه زي ما عمك كان عايز يشتري الممرضه تقتل مليكه هو نفسه الا دبر حكاية الستات الا ضربوها بالشارع
وكمان هو إلا وراء اختفاء بسيوني .
ماهر : دي الا انا حاسس بيه . بس عايز ادله قويه تأكد كدا وشهود ووقتها هنعرف نحاسبه ازاي !!!
امجد : طبعا يا دكتور ، مهو من الصعب تتهم حد وانت مفيش دليل واحد معاك لادانته !!
في بيت صغير وسط بيوت مهجوره يبعد شويه عن المقابر
بيقوم بسيوني من علي سريره
وبيدخل عليه راجل كبير بالعمر اسمه نظمي
نظمي : ايه يا بسيوني يا بني هو انت مصدقة مخفيت عايز تمشي زي ما بتقول
بسيوني: ايوه يا عم نظمي انا ليا شهرين نايم ومش قادر اتحرك . ودلوقتي الحمدلله خفيت . اختي وحشتني
نظمي ؛ خليك شويه يا بني انت مونس وحدتي هنا ، أنا من يوم ما جبتك هنا وقدرت انقذك من الكلاب المفترسة دي وانا متونس بقعدتك معايا
بسيوني مبتسم ؛ انا مش هنسي وقفتك دي معايا . ولولا ربنا ثم انت كان زماني ميت . انا لازم اخرج من هنا في حاجات كتير لازم اعملها ورايا
نظمي : انا هسيبك تمشي بس خلي بالك معاذ مش سهل ومن كلامك عنه عرفت ان دي انسان مش بيخاف ربنا يابني . والا زي دي ميقدرش عليه بشر . دي ربنا وحده الا يقدر عليه
بسيوني : ونعم بالله يا عم نظمي ، بس حق ابويا وامي واخرهم اختي مستحيل افرط فيه . وانت شايف وشي بقي زي وشوش السوابق من نهش الكلاب فيا . انا هخلص تاري والا يحصل يحصل انا مبقتش اخاف علي حاجه. بس خلي بالك انت من نفسك يا عم نظمي
نظمي بضحكه: يااه يا بني انا عايش هنا من زمان لا بروح ولا باجي
والحمدلله عايش وسط المقابر يوم ما تحين اللحظه اهو هترمي هنا مع الأموات وخلاص .
بسيوني قرب من نظمي وحضنه وطبط علي ضهره
بسيوني : يلا يا عم نظمي اشوف وشك بخير ...
،،،،،،،،،،
الدكتور ماهر في مكتبه في المستشفي
بيقرأ في ملف بايده
ويستقبل اتصال علي تليفونه من الداده فاديه
ماهر : الوووو
فاديه : ايوه يا دكتور ماهر انا الداده فاديه
ماهر : ايوه يا داده في حاجه
فاديه : ايوه يا ماهر يا بني تعالي الفيلا بسرعه عايزك ضروري دلوقتي .
بيقفل مع المكالمه مع فادي ويطلع يجري من مكتبه لبره المشفي
وفجاه ...
تتبع....
الكاتب عادل الصعيدي
