رواية الجاني مجهول الفصل الحادي عشر 11 بقلم عادل الصعيدي

 رواية الجاني مجهول الفصل الحادي عشر 11 بقلم عادل الصعيدي

الفصل الحادي عشر 

قبل الاخير 

الفاعل مجهول 

______________________عادل _

ماهر خارج من شركة باباه بعد ما عرفوا حقيقة عمه معاذ ، بتركب عربيته سمع رنات تليفونه وكان المتصل زميله الدكتور امجد ..

ماهر : ايوه يا دكتور امجد 

امجد : انت فين يا دكتور من بدري برن عليك 

ماهر : اسف يا امجد بس كنت مع والدي بشركته 

امجد : طيب . تعالي بسرعه المستشفي عايزك ضروري 

ماهر : خير ، قلقتني فيه ايه !!! 

امجد : تعالي بس الاول ، وبعدين سوق براحتك الموضوع عادي . حاكم انا عارفك الفضول هيقتلك عشان تعرف في ايه !! 

ماهر بضحكه :: هههههه ماشي هسوق براحتي خمس دقايق تلاقيني بوشك ..

ماهر بيقفل المكالمه مع امجد وبيتحرك بعربيته علي المستشفي .....

دقايق وبيوصل المستشفي ماهر وبيركن عربيته و بيطلع لفوق بالمستشفي بسرعه وبيدخل مكتب امجد ويتفاجأ بشخص قاعد مع امجد ..

امجد : ايه يا بني السرعه دي . معقوله الفضول يعمل فيك كدا 

بسيوني وقف من كرسيه وقال ؛

بسيوني : ازيك يا دكتور ماهر عامل ايه ؟!

ماهر بص ناحيته بصمت واستغراب وبنفس الوقت بيقول مين دي !!

بص لامجد وسكت 

امجد : ايه يا دكتور سلم علي الراجل 

ماهر مد ايده باستغراب وبيتامل ملامح وشكل الراجل الا قدامه 

امجد : سلم يا بسيوني علي الدكتور ماهر واتكلم معاه 

ماهر لبسيوني : هو حضرتك تعرفني 

بسيوني : انا بسيوني يا ماهر بيه اخو مليكه 

ماهر وقف مصدوم الصوت بسيوني بس الشكل شخص تاني خالص 

ماهر : بسيوني !!!

بسيوني :: ايوه يا ماهر بيه بسيوني والله اخو مليكه 

ماهر : معقوله ؛ وايه حصل معاك ؟! مين عمل فيك كدا !!!

بسيوني : اقعد بس وانا هحكيلك كل حاجه بالتفاصيل 

ماهر : لا اتكلم وانا واقف عادي .قول يا بسيوني حصل ايه ؟؟!!

بدأ بسيوني يتكلم ويحكي لاماهر اللي حصل وبعد ما خلص كلام 

فضل ماهر شارد وعيونه علي بسيوني ..  

ماهر مكنش مصدق ان الا واقف قدامه دي بسيوني اخو مليكه والا كان بيشتغل عندهم بالفيلا ...

صدمه بصمت مررريب 

اكمل كلامه ماهر بضيق وغضب 

ماهر : هيا وصلت السفاله والحقاره لكدا 

انه عايز ينهي حياة بني آدم بالطريقه البشعه دي معقوله دي يبقي اخو بابا وعمي انااااا..

مستحيل 

بسيوني:: انا كل ذنبي اني عرفته وكشفته علي حقيقته يا دكتور . عمك معاذ هو وراء كل البلاوي الا بتحصل بالفيلا ..

امجد بهدوء : متقلقش يا بسيوني ، كل حاجه هتتكشف والحقيقه هتبتان وقريب اووي معاذ هياخده جتزاته 

ماهر بيقرب من بسيوني ويطبطب علي كتفه : متقلقش ومن اللحظه دي متخافش انت في حمايتي . أما بخصوص وشك دي انا هسفرك لدكتور صاحبي بره مصر وهيعملك عمليه تنهي كل الآثار الا بوشك دي متقلقش 

بسيوني : ربنا يكرمك يا دكتور ، دلوقتي عايز اعرف مليكه امتي هتخرج وحالتها ازاي دلوقت 

ماهر : متقلقش قريب هتخرج بس انا عايزك في مهمه ضروريه !!! 

وفجاه تدخل الممرضه وهيا بتصرخ 

اللحقني يا دكتور ماهر اللحقني .

ماهر بخوف وقلق :: انطقي فيه ايه ؟!!

الممرضه :: مليكه واقعه علي الارض وغرقانه في دمها ...

ماهر وامجد طلعوا يجروا علي الاوضه الا فيها مليكه 

دخلوا الاوضه 

ومليكه كانت واقعه علي الارض وبتنزف دم من راسها ..

ماهر وامجد بصوت واحد للممرضين:: عمليات بسرعه جهزوا العمليات بسرعه ..

اخدوها وبيجروا علي اوضة العمليات..

بعد كام ساعه خرج امجد وماهر من اوضة العمليات 

ومليكه دخلت اوضة الانعاش بسيوني كان منتظر بره 

جري ناحيتهم هما وخارجين وقال : اي حصلها يا دكتور ماهر 

ماهر : هيا حاولت توقف من علي الارض مقدرتش توقف وقعت علي الارض 

وخبطت دماغها بالحيطه 

دلوقتي هتبقي كويسه ..

تعالي معايا المكتب .

قاطعهم امجد : طيب انا عندي مشوار هخلصه بسرعه وارجع اكلمك يا ماهر 

ماهر : ماشي يا دكتور امجد خد راحتك  ..

ماهر وبسيوني دخلوا 

مكتبه ..

ماهر :: اسمع يا بسيوني انا هشرحلك المهمه الا عايزك فيها 

وعايزك تركز معاي اووي فاهم 

بسيوني : طب المهمه دي عباره عن ايه ؟!! 

ماهر : متخفش حاجه سهله، ودلوقتي هفهمك ...

ماهر بيتكلم مع ماهر وبيشرح ليه المهم 

فجأه جاله اتصال من الداده فاديه ،،

فاديه : الوو يا دكتور ماهر 

ماهر :: ايوه معاكي يا داده 

فاديه:: نوره شرفت تعالي بسرعه بقي . وكل حاجه جاهزه 

ماهر قام من قدام بسيوني بعد ما قفل مع فاديه 

ماهر :: يلا تعالي معايا بسرعه .وفي الطريق هكمل الشرح معاك يلا ..

طلعوا من مكتبه وخرجوا من المستشفي وركبوا عربية ماهر وطلع بسرعه ...

تتبع

الكاتب عادل الصعيدي

               الفصل الثاني عشر من هنا 

لمتابعة باقي الرواية زوروا قناتنا على التليجرام من هنا     

تعديل المقال