رواية الجاني مجهول الفصل السادس 6 بقلم عادل الصعيدي

 رواية الجاني مجهول الفصل السادس 6 بقلم عادل الصعيدي

الفصل السادس 

الجاني مجهول 

....

دخل المستشفي وهو في حالة هلع وخوف شديد 

بسيوني بيجري جوه المستشفي ومش عارف يروح فين 

بسرعه لمح الدكتور ماهر جري وراه 

دكتور ماهر دكتور ماهر 

بص ماهر وراه لقي بسيوني ..

بسيوني :: اختي مالها يا دكتور حصل ايه !!!  

ماهر:: اهدي يا بسيوني ان شاء الله هتبقي كويسه 

بسيوني بقلق وخوف:: 

هيا فين ارجوك . قولي فين !!! 

ماهر :: تعالي معايا 

ماهر اخد بسيوني وطلع للدور التاني . اوضة العمليات 

ماهر :: هيا دلوقتي واخده بنج انتي هتشوفها من بره بس 

ولما تفوق هتقدر تدخلها !!

بسيوني اول ما بص عليها مستحملش يشوف منظرها وقعد ع الارض وفضل يعيط مثل الأطفال..

اخده ماهر من ايده ونزل بيه علي مكتبه !! 

ماهر :: اهدي يا بسيوني وان شاء الله مليكه هتبقي بخير 

بسيوني بحزن :: انا ماليش غيرها يا دكتور ماهر . ارجوك قولي حصلها ايه !!

ماهر بضيق :: بصراحه انا مش هخبي عليك . مليكه حالتها حرجه . ادعيلها تبقي بخير يا بسيوني 

بسيوني بعيون دامعه ::

محدش يعرف مين عمل فيها كدا ..

ماهر :: التحقيقات شغاله دلوقتي ومحدش يعرف حاجه ..

بسيوني بيتكلم مع نفسه 

هو مفيش غيره الا عمل كدا . ربنا ينتقم منه 

ماهر :: انت بتقول حاجه يا بسيوني 

بسيوني :: لا دكتور ماهر بدعيلها بس .. 

ماهر :: بقولك يا بسيوني . قوم روح انت وانا هنا قاعد معاها . لو في حاجه هبلغك.  قعادك هنا ما منوش فايده .عشان تفوق من البنج هتاخد وقت كبير ..

بسيوني :: يعني ايه يا دكتور !!

ماهر :: روح انت ومتخفش . دي مليكه دي زي اختي بالظبط . ومتقلقش انا مش هسيبها...

بسيوني قام وخرج من اوضة ماهر وهو واثق ان الا عمل كدا هو معاذ وبيتمم مع نفسه 

لو مليكه جرالها حاجه وديني ما هرحمك يا معاذ الكلب ...

___

ضابط الشرطه بيسأل نوره ايه الا حصل 

الضابط:: يعني انتي مشوفتيش مين الا عمل فيها كدا 

نوره بخوف :: لا يا سعت البيه . انا دخلت الحمام وهيا كانت بره ولما خرجت لقيت الناس ملومه 

بصيت اشوف فيه ايه لقيت مليكه واقعه علي الارض وغرقانه في دماها..

الضابط :: دي كل الا عندك 

نوره :: ايوه يا سعت البيه . معنديش حاجه تاني ..

الضابط :: خلاص . روحي انتي .. 

.....

معاذ  قاعد مع صلاح بمكتبه 

صلاح :: هيا البت نوره  مش كانت مع مليكه وقت الحادثه الا حصلت 

معاذ قاعد بيتكلم مع صلاح وبيتظاهر انه متاثر باللي حصل لميلكه 

معاذ :: هما الاتنين طلعوا من السريا مع بعض . بس وقت الحادثه نوره دخلت الحمام 

ولما طلعت لقيت مليكه واقعه ع الارض والشهود الا بشارع بيقولوا في اتنين ستات ضربوها وهربوا بعربيتهم .. 

صلاح :: مين دول طيب ، مليكه ملهاش معارف ولا حتي قرايب هنا .

معاذ :: معرفش بصراحه.  المسكينه حالتها خطره..

صلاح بيهز رأسه بضيق :: انا مش عارف ايه الا بيحصل بالظبط ومين الشخص الا بيعمل كدا . عموما انا كلمت واحد مهم في الداخليه وقالي هعمل المستحيل واجيب الناس الا عملت كدا ..

معاذ وشه اتغير وحس بقلق جواه :: ياريت والله البنت صعبانه عليا اووي ..

في المستشفي امجد وماهر في اوضة العمليات. 

ماهر بزعل :: وبعدين يا دكتور امجد محتاجين صفايح دم بسرعه 

امجد :: متقلقش يا ماهر انا كلمتهم في بنك الدم وقالوا فصيلتها متوفره هنا . 

ماهر :: نفسي اعرف مين وراء الا بيحصل لينا  دي مش معقول كل كام شهر حادثه تحصل وابشع من الا قبلها ..

امجد :: حقيقي في سر خفي في الموضوع وحلقات الجريمه كلها مخفيه . صحيح النيابه طلبت التقرير بتاع حالتها 

ماهر :: مهو عندهم في السجل بتاع المستشفي يشوفوه براحتهم بقي ..

امجد :: هروح استعجل بنك الدم يبعتوا الصفايح وبعدها هنشوف هنعمل ايه !!!  

.......

معاذ في الفيلا واقف مع نوره في الصاله ..

معاذ :: بقولك إيه. كلمي الناس دول يختفوا خالص الايام دي مفهوم ،، 

نوره :: متخفيش محدش هيعرف يوصلهم المكان الا هما فيه لوحده سجن 

معاذ :: انتي واثقه فيهم كويس 

نوره بثقه :: متخفش يا معاذ بيه دول اخدوا الفلوس ومحدش هعرفلهم طريق ..

معاذ :: برافوا عليكي يانوره . الست هانم الكبيره مبسوطه منك 

نوره :: انا خدمتكم يا معاذ بيه . متقلقش الحكايه في امان ...

وفجاه ...

تتبع...

الكاتب عادل الصعيدي

                الفصل السابع من هنا 

لمتابعة باقي الرواية زوروا قناتنا على التليجرام من هنا  

تعديل المقال