رواية ست الحسن الفصل الرابع 4 بقلم زهرة الربيع
#الرابع يعني هكون بسالك على النشره الجويه ....عملت ايه مع عروستك دخلت ولا ايه
مجاهد ضحك وقال ...ده سؤال بردك يا عمي.... ما فيش حاجه واااااااصل
عمه بصله بدهشه وهو كمل وقال .....ما اتعملتش.. عملنا كل حاجه..ولد اخوك اسد يا عمي في ايه ده سؤال بردك
عمه طبطب على كتفه وقال ....طب الف مبروك يا ولدي
في الوقت ده طلعت حسنه من الحمام وبقم يباركولها
مجاهد بقى يبصلها باعجاب شديد من شكلها كانت اول مره يشوفها بالبيجامه مشالش عيونه من عليها
عمو حمحم وقال...ايه يا عريس مش هتنزل تسلم على الرجاله
مجاهد قال وهو مثبت نظره على حسنه..... لا ما نزلش واصل النهارده
كلهم ضحكوا عليه وحسنه نزلت عيونها بكسوف بس عمو قال... لا معلش الناس عايزه تسلم عليك حتى تمشي ما هنطولش عليك يلا
واخذو ونزل بيه وحسنه كمان لبست ونزلت مع امها ومرات عمها يسلموا على بعض من قرايبهم اللي قاعدين تحت
بعد شويه الناس كانت مشيت وحسنه لسه هتطلع على اوضتها عرفان شدها على زاويه وقال بغضب.... واخيرا هعرف اتكلم معاكي يا بنت العم ..ولا مجهزاش دلوك
حسنه بصتلو بغضب وتوتر وقالت... هملني يا عرفان كل شيء قسمه ونصيب يا ولد العم ....وعسى ان تكرهوا شيئا وهو خير لكم يمكن كده احسن ليك
ولسه هتمشي شدها بغضب من ايدها وقال... او يمكن احسن لك انتي ولا ايه
حسنه قالت بضيق..... اسمع يا عرفان يعلم ربي اني مكنتش عايزه كده واصل... بس ده اللي حصل...و دلوك انا على ذمه راجل ومش اي راجل ده ولد عمك وكيف اخوك وانت عارف وقفتنا دي ملهاش اي لازمه فانسى الموضوع ده كيف ما قلت لك كل شيء قسمه ونصيب
عرفان قال بغضب وزعيق.... ما هنساش حاجه انتي ليا يا حسنه وهتبقي ليا لاخر العمر... ولو مقولتيش اتجوزتيه ليه انا هعرف لحالي وساعتها مش هعديها فاهمه
حسنه لسه هتتكلم اتفاجئوا بيه واقف قدامهم وقال بغضب ...حسنه تعالي هنه
حسنه بلعت ريقها بتوتر وقربت عليه وقالت بارتباك شديد... انا نزلت مع مرت عمي كانت عايزاني اسلم على خالتي سنيه و
بس مجاهد قاطعها وقال بحده... اطلعي على اوضتك
حسنه حاولت تتكلم بس زعق جامد وقال... قولت اطلعي على اوضتكككك
حسنه اترعبت وطلعت جري على الاوضه
مجاهد بص لعرفان بحده وغضب شديد
بس عرفان ابتسم بسخريه ولسه هيمشي مجاهد مسكو من هدومه بغضب وقال...شيلها من دماغك يا عرفان... انا وحسنه خلاص اتجوزنا واكيد ابوك قال لك اني كنت رايدها قبل منك وبعته يخطبها لي انا يعني انت جيت بالغلط بنا
بقلم...زهرة الربيع
عرفان دفع ايده بغضب وقال ...قالي....وقالي كمان انها ما قبلتش بيك وقبلت بيا انا وقالت ريداني.....واضح ان ده اللي وجع قلبك وخلاك تجبرها تتجوزك....انا خارك زين طول عمرك بتغير مني وبتتمنى اللي في يدي... بس انا مش هعديها لك كيف ما بعدي لك كل حاجه لان حسنه بتحبني انا وريداني انا ولسه ريداني لحد دلوك
هنا مجاهد ضربه بوكس قوي وقعه على الارض وقال بحده... ريداك ولا مريداكش...بقت مرتي ومش هتكون لحد غيري ابعد عنها احسن ليك لاخر مره هنبهك
مجاهد قال كده وطلع على الاوضه بغضب شديد
وعرفان بص لطيفه بغيظ وحقد وبيتوعد له بشيء خطير
مجاهد اول ما طلع فتح الاوضه ودخل بغضب شديد وقال... كنتي بتعملي ايه معاه ..ها ..انطقي اتتكلمي ياحسنه
حسنه قالت بتوتر...انا... انا هاحكي لك اللي حصل كله بس لو تهدا
مجاهد ضرب الطاوله برجله وقعها بغضب وقال.... انا هادي طالما انتي لسه عايشه وما كسرتش دماغك ودماغه ابقى هادي قوي. .. واقفه معاه ليه حنيتي للي كان بينكم
حسنه قالت بغضب شديد على كلامه...اعقل كلامك يا ولد عمي ...انا مش خاطيه ولا واحده ما تربتش عشان اكون على ذمه واحد واحن للتاني...ومتنساش ان انت السبب في كل اللي بيحصل ده.... واحد كان جاي على اساس يعمل فرحه يروح يلاقي عروسته متجوزه ابن عمه..طيبعي يبقى عايز يسالني وافقت ليه ...وانا قلت له كل شيء قسمه ونصيب خلصنا
مجاهد قرب منها بغضب وقال.... بس ده اللي حصل.... ما قالكيش حاجه تاني ما مسكيش كده ولا كده
حسنه زعقت فيه بغضب وقالت..... فوق لحالك يا مجاهد.... ما تتعداش حدودك وياي.... انا لو كنت كده ما كنتش خفت من تهديداتك ليا...لما جبرتني عليك وقولتلي لو ما اتجوزتنيش هخليكي ليا في الحرام لما هددتني انك تاخد شرفي مني..و كنت فعلا هتعملها لولا اني وعدتك اوافق على جوازنا
مجاهد قال بغضب شديد.... انا عملت كده لاني كنت رايدك من زمان ومن قبل منو وانتي اللي ما كنتيش شايفاني ولا واخده بالك ليا
حسنه قالت بغضب.... كذاب انت ما كنتش رايدني انت طمعت في حاجه مش ليك.... اصلا انت اللي غلطان في الموضوع ده من اوله لاخره لو كنت رايدني كيف ما بتقول وعايزني الاول كنت اتقدمتلي قبلو... لكن كلامه صح انت لما لقيته خطبني غيرت منه... انت ولا عايزني ولا هباب انت قاصد تاخدني منيه وبس
قالت كده ولسه هتمشي قال بغضب ....روحي اسالي عمك لو بتصدقي كلامه هيقول لك مين اللي طلبك الاول ومين اللي كان عايزك من اول ما اتولدتي يا حسنه
حسنه بصت لو باستغراب وقالت... قصدك ايه
مجاهد ابتسم بسخريه وحزن وقال.... قصدي ان انا اللي بعت عمي عشان يخطبك ليا يوم ما طلبك لعرفان..... كان يقصدني انا بكل كلمه قالهالك يومها ... انا اللي قولتله اني حبيتك من اول ما عرفت الحب.... انا اللي قلت له يا هيه يا بلاش
..بس لما فاتحك في الموضوع انتي افتكرتيه يقصد ولدو عرفان
وكمل بحزن والم وقال....ما انا لو كان ابوي لسه موجود معاي كان هو اللي راح اتقدملك يمكن كنتي فهمتي انه يقصدني انا
حسنه اتسعت عينيها بزهول شديد وبقت تفتكر وقت ما عمها طلبها ...فعلا لما قالت له انها مهتلاقيش زي عرفان وشه اتغير جدا
و مجاهد كمل بحزن وقال.... لما قولتيله انك موافقه على عرفان ما حبش يكسر فرحتك قال لك تمام ..وجيه وقال لي كل شيء نصيب..وخطبك لعرفان وانا علشان كده هددتك وكنت ناوي فعلا اعملها مش مجرد تهديد مش لاني بغير منيه كيف ما بتقولي بس لانك عمرك ما هتعرفي انا حبيتك قد ايه يا حسنه مستحيل تحسي بيا
حسنه كانت بتسمعه بزهول وقعدت على السرير وهيه مش مصدقه الي بتسمعه وقالت بدموع..... ما قلتليش ليه.... ليه ما تكلمتش..ده انت كنت بتحكي لي عن اي حاجه وانا اقرب واحده ليك لحد ما فكرت انك كيف اخوي واكتر..مجاش في بالي في يوم انك تكون رايدني... ليه حتى ما حسستنيش بكده
مجاهد اتنهد بحزن وقال.... كل واحد بيحب بطريقته يا بنت العم.... انا فكرت اني لما ماقولكش على حاجه لا
....و لما احميكي من الدنيا كلها ولما ابقى كيف ضلك في كل مكان ولما ابقى سرك وتبقي سري...فكرت ان ده الحب فكرت انه هيوصل لك بس حصل خير الظاهر مفيش فايده
ولسه هيمشي وقفت وجريت مسكت ايده وقالت.... ما فيش فايده كيف هتطلقني بس انا ما كنتش اعرف حاجه ما تطلقنيش يا مجاهد اديني فرصه تاني يا ولد عمي
مجاهد ضحك بخفه وحضن خدودها بايديه وقال....اطلقك كيف يا هبله حتى لو قولتيها مش هنطقها ...انا قصدت ان ما فيش فايده انك تحبيني او تحسي بيا
حسنه بصت لعيونه وقالت....و مين قال لك كده انا حسيت بالحب اللي في عيونك ده من اول ليله.
. مش انا قلت لك اني مخبرهاش انت عايز ايه دلوك بقيت عارفه كل حاجه خلينا ناخد فرصه مع بعضينا مش يمكن نتفقوا
مجاهد ابتسم بسعاده وشدها لحضنه جامد وقال.... انا جاهز اديكي فرصه واتنين وعشره مستعد اديكي العمر كله فرص.. لو ممكن ياجي يوم وتكوني ليا جاهز ابيع العمر كله عشان اللحظه دي
حسنه ابتسمت وقربت منه جامد وغمضت عينها وباسته برقه شديده من شفايفه وبعدت وقالت بكسوف..... اللي فيه الخير يقدمه ربنا يولد عمي
ولسه هتبعت جذبها من وسطها بقوه وقرب منها بشغف شديد
بعد عنها بالعافيه وقال بهمس...شكلها صبحيه مفترجه يا بت ولا انتي ايه رايك
حسنه ضحكته وقالت...و الله اللي تشوفه
مجاهد ابتسم وقال.... انا شايف خير كثير..كتير قوي
و شالها وراح بيها ناحيه السرير وقرب منها وغابو مع بعض في لحظات جميله جمعتهم
عدت الايام بينهم في السعاده واستقرار
مجاهد كان بيعمل اللي يقدر عليه كله علشان يسعدها ويحسسها بحبه الكبير ليها
وحسنه كانت مبسوطه قوي بقربه وبكلامه وطبعا بمعاملته اللي كانت دايما بتحسسها انها احلى ست على ا الارض
في يوم كانوا قاعدين في الجنينه وبيزرعو ورده وهي قالت بحماس.... هو محتاج قد ايه علشان يفتح يا مجاهد
مجاهد ابتسم وقال ...بالنسبه للناحيه العلميه هيفتح مع الربيع بس بالنسبه لقلبي بيفتح كل ما تفتحي عيونك كل صبحيه يا ست الحسن
حسنه ضحكت وضربته في كتفه بخفه وقالت.... لا خلينا في العلميه يا نحنوح
مجاهد بص للقفطان الابيض اللي لابسه وكان ايدها فيها تراب وعلمت فيه اتنهد وقال..... بقى اقول كلمتين حلوين ما ينوبنيش غير انك تبوظي القفطان..ده اللي بناخده من الحريم
حسنه ضحكت وغمزتلو وقالت..... بالذمه ده بس اللي بتاخده من الحريم
مجاهد ابتسم و قرب منها اوي وقال.... لا في حاجات تانيه حلوه قوي بس تاعبني فيها يا غزال.... اجي لك يمين تجيني شمال
حسنه ضحكت جامد وقالت ....ده اللي هو انا ...ده انا لو اسيبك على راحتك مهتنزلش من الاوضه واصل.... يلا كمل شغلك ساعه بتزرع الورد
مجاهد ابتسم وقال ..بديله وقته يمكن يحبني... اصلي زارع ورد قبل كده ما طمرش فيه واصل
حسنه ضحكه من قلبها ولسه هترد
جاتلو مكالمه ورد وقال... الو
بس وقف بزهول وقال...انت بتقول ايه ......انا جاي حالا جاي حالا
حسنه بصتلو بخوف وقالت..... في ايه.... ايه اللي حصل
مجاهد بص لها وقال بقلق.. بيقولو المخزن القبلي اتحرق... قولي لعمي وخليه يحصلني على هناك انا هطلع قدامه
قال كده ومشي بسرعه وحسنه دخلت عند عمها وقالت بخوف.... الحق يا عمي المخزن القبلي بيقولو اتحرق ومجاهد راح على هناك..وبيقول لك حصله
عمها قال بخضه...ايه كيف ده
و جري بسرعه وهو بيقول...اتصلي على امك ومرت عمك يا حسنه هما طلعو يزورو عمتك خليهم ياجو يقعدو معاكي
حسنه قالت بخوف...ماشي ماشي وطلعت التليفون هتتصل وهيه بتقول .... استر يا رب استر
بس اتفاجأت بصوت عرفان من وراها بيقول.... ما تخافيش يا قمري مفيش مخزن اتحرق ولا حاجه
حسنه بصتلو بزهول وقالت..انت كنت فين حصل ابوك
عرفان ضحك وقال...بقولك مفيش حاجه اتحرقت ...ده انا بس عايزه يمشي من البيت.. لاني قطعت فرامل عربيته...انا قطعتو وعد على نفسي لو مابقتيش طليقته هتبقي ارملته
حسنه اتسعت عنيها بزهول شديد وصدمه. ووووو
