رواية روحي فداكي الفصل الثامن عشر 18 بقلم جهاد خالد
روحي فداكي 18
يونس بغضب و دخل الاوضه. بتكرهينى ف بتحبي ف ياقوت ال مات
ياسمين بغضب. اه و محبوش ليه راجل طول عمره لحد ما مات عينه مازغتش كان عارف قيمتى و مريحنى
يونس شدها عنده بغضب و عيونه حمرا من كتر الغضب. و انا ايه عيني زاغت
ياسمين بغضب و هى مش حاسه بنفسها. انت بتاع بنات يا بتاع بلاد بره مش يوستينا دى كانت خطيبتك و حضرتك خوفت تقولها انك اتجوزت
يونس بصدمه. و انت عرفتي منين الكلام دا
ياسمين باندفاع و غضب. ابراهيم قالي
يونس بغضب. و انت بتكلمي ابراهيم الزفت دا ليه
ياسمين بغضب اكبر. و دا كل ال فارق معاك بكلمه ليه علشان اعرف اخبارك السوده يا بتاع يوستينا بقولك ايه طلقنى و متجننيش
يونس بغضب. والله ما هطلقك و ال عندك اعمليه
ياسمين قعدت على السرير و انهارت ف العياط. انا ال غلطت أن اتجوزتك كنت عشيت على ذكريات حبيبي و ابو ابنى فينك يا ياقوت ياريتك ما موت و فضلت معايا
يونس الغيره و الغضب خليته يكسر كل حاجه كانت محطوطه على التسريحه كسر المرايات الاوضه اتقلب حالها
ياسين كان بيصرخ ف أوضته و ياسمين طلعت تجرب على ابنها لكن دخل كميه ازاز ف رجلها
ياسمين صوتت
يونس بصلها بخضه و جرى عليها
ياسمين بتبص لقيت ياسين بيحبي و جاى عليها بيجرى
ياسمين زقت يونس و قامت شالت ياسين بصعوبه علشان الازاز ميدخلش فيه
يونس بغضب و خوف عليها. انت غبيه ازاى تمشي كدا
ياسمين كانت بتعيط من الوجع
يونس مسك رجليها و بدء يطلع الازاز و اتصل على ام كريم تيجي تاخد ياسين
أم كريم جت اخدته و هى مستغربه حالهم بس متكلمتش و فضلت السكوت و مشيت
يونس بهدوء. احسن دلوقتي
ياسمين بصتله بقرف و بعدت وشها عنه
يونس اتنهد بغضب و سابها و نزل
ياسمين فضلت مكانها و نامت و الدموع مغرقه وشها
عند ادم
جهاد بفرحه. اليوم امبارح كان حلو اوى يا دومي
ادم بضحك. دومي اه لو حد من الشركه سمع دومي دى
جهاد بضحك و بتقرب منه. متخافش هقولك هنا بس ف الشركه يا قلبي ❤️
ادم حضنها و باس راسها
و قطع حبهم ل بعض موبايله ال رن
ادم بقرف. مين الغلس دا بس و رد
ادم . الو
يونس بحزن. ادم انا جايلك للبيت
ادم باستغراب. مالك يا يونس
يونس بحزن. لما هاجي هتعرف و قفل معاه
جهاد بفضول. يونس ماله
ادم بتفكير. مش عارف هو جاى دلوقتي
جهاد بفرحه. بجد اكيد ياسمين معاه لازم اعمله اكل حلو
ادم برفعه حاجب. هتعملي اكل و انا بتحايل عليكي بقالي اسبوع و تقوليلي انا لسه عروسه
جهاد بدلع. دومى الله ما انا بشرفك قدام صحبك
ادم بصلها بغيظ. امشي يا بت من وشى دا وقته دلع والله هاكلك
جهاد ضحكت و راحت تجهز اكل
عند تميم
عدا اسبوع على اخر كلام ما بينهم
تميم قاعد قدام التلفزيون بس سرحان ف حياته ال ملهاش معني
تميم لنفسه. مش قادر بقالى اسبوع مش بكلمها انا تعبان اوى
روفيدا كانت عملت اكل و ال كان عباره عن حمام و بط و محاشي
روفيدا بابتسامه هاديه. تميم الاكل جهز
تميم باستغراب. ها بتقوليلي انا
روفيدا بصيت يمين و شمال. مفيش غيرك هنا يا حبيبي
تميم بفرحه. هو الكلام دا منك انت هو انا بحلم و بص على لبسها ال كانت عباره عن هوت شورت و بدى كت و قرب منها
روفيدا قعدت بسرعه على كرسي. يلا علشان انا جعانه جدا
تميم اتنهد بغيظ. ماشى الصبر من عندك يارب و بص على الاكل باستغراب. انت ال عملتي الاكل دا
روفيدا بجوع. اه انا عملته عارفه انك بتحبهم
تميم برفعه حاجب. بحبهم
روفيدا باستغراب. اه مش انت بتحبهم
تميم بخبث. انا بحب ال عمل الاكل
روفيدا ابتمست بخجل و مسكت حمامه و بتاكله
تميم اكل من أيدها بتلذذ. اممم بقالي فتره ماكلتش و قولت اممم
روفيدا ضحكت. انت ماشي مع الترند بقا
تميم ابتسم. اه طبعا و قعدوا ياكلوا ف جو ملئ ب الحب
بعد ساعه كانت روفيدا خلصت و بتعمل الشاى و جابت التسالي و مسكت تميم من ايده و دخلوا البلكونه
تميم بغضب. و حياه امك ادخلي البسي حاجه او اقولك خلينا جوا احسن
روفيدا بتنهيده. طيب
و قعدوا على الكنبه
تميم و بياخد الشاى. ها ايه سر التغير المفاجئ دا
روفيدا بهدوء. عادى مش هنفضل عايشين على الذكريات لازم ابدء من جديد و
تميم بمقاطعه. قصدك نبدء من جديد
روفيدا ابتسمت. نبدء من جديد يا تيمو
تميم بتنهيده فرحه. يااه بقالي كتير مسمعتهاش منك يا روڤي يعني كدا حنيتي عليا
روفيدا بابتسامه. بظبط كدا يا تيمو
تميم قرب منها و باسها
روفيدا برعشه و خجل. تميم لسه مش جاهزه ممكن
تميم سند جبينه على جبينها. بما انك عالجتينى زمان انا هعلجك دلوقتي
روفيدا ابتسمت. و انا موافقه
تميم ابتسم و اخدها ف حضنه. من النهارده هتنامي ف حضنى
روفيدا جت تعترض
تميم بمقاطعة. دى بدايه العلاج من غير اعتراض و قومي البسى هنخرج
روفيدا بفرحه. على البحر
تميم بحب. على البحر و چيلاتي عزه كمان يلا بينا و قاموا يلبسوا
عند ادم
يونس حكالهم ال حصل
جهاد برفعه حاجب. حقها يا بن محمد تعمل اكتر من كدا
ادم بحدع. چين
جهاد بغضب. ايه يا ادم هو غلطان
ادم بغضب. انت واقفه تسمعي ال احنا بنقوله مش كدا عيب
جهاد بغيظ. هو دا كل ال همك بقولك يا يونس انت مستفز البت يوستينا دى انا مش بحبها من يوم ما عرفتها و اكيد حد زقها عليك
يونس بتفكير. ممكن بردو اصل انا كلمتها قبل ما اتجوز ياسمين و قولتلها تشوف حياتها لأن هتجوز و هى مجادلتش و ارتبطت بعدها ب بواحد من جنسيتها
ادم قاعد بيسمعلهم بغيظ
جهاد بتنهيده. كلم بقا ال هى ارتبطت بيه و قوله ينزل مصر و يتعامل معاها هو تمام
يونس بفرحه. فكره يا بت يا چين و قام اتصل على حد
ادم و بيضربها على دماغها. دا انت علاقتك ب يونس قويه بقا
جهاد و بتفرك ف دماغها. اه يا آدم ف ايه ما طبيعي إذا كان باباه بيعملني انى بنته ابنه مش هيعاملني انى أخته و دا كلام بردو
ادم ابتسم. ماشي يا ختى لما نشوف ايه القصه دى بقا
جهاد هقوم اجهز الاكل بقا.
جهاد حطت الاكل و شالت اكل ياسمين على جنب
يونس شم ريحه. الاكل اوبا من زمان مأكلتش من أكلك يا چوچو
جهاد بضحك. يلا هاكلك منه اهو
يونس ابتسم و راح قعد. ايوا بقا ملوخيه و فراخ يا لهووى و كمان رقاق و بشاميل لا كدا ياسمين لازم تاكل منهم
الباب خبط و كانت ياسمين
جهاد فتحت و كانت ياسمين
ياسمين دخلت و هى بتعيط و حضنتها. شوفتى الخاين يا جهاد شوفتى
يونس بصوت عالي تعالي يا ياسمين جهاد عامله شويه اكل من ال قلبك يحبهم تعالي
ياسمين بغيظ و غضب. يا باااارد
يونس بحده. بنت عيب مش قدام الناس
جهاد بغيظ. بلا واكسه و شدت ياسمين اقعدى كلى و بعد كدا نشوف الخاين ا اقصد يونس
ياسمين قعدت تاكل بغيظ و خلصوا امل
ياسمين و اقفه مع جهاد ف المطبخ
جهاد بصتلها. انت مصدقه الحوار دا
ياسمين بدموع. انا بقالى فتره بيجيلي صور ل يونس و معاه يوستينا و أنهم بيحبوا بعض من زمان بس كنت بكبر دماغي عارفه لما شوفتهم مع بعض زعلت اوى افتكرت ياقوت لو كان عايش عمر ما كان حصل كدا و انا واثقه
جهاد بحزن. يونس مش وحش يا ياسمين ياقوت انا معرفوش الله يرحمه و يغفر له و يسامحه بس يونس حنين و طيب يوستينا دى كان خاطبها اوعي تفكرى علشان بنقوله بتاع بلاد بره أنه وحش بالعكس احنا بنقوله كدا علشان بندايقه علشان كان زعلان لما سابنا و سافر بسبب الشغل و كدا اتعرف على يوستينا و خطبها محبهاش بس كان اتعود عليها هناك على فكره هو كلم يوستينا قبل ما يتجوزك و قالها أنه هيتجوز و تشوف حياتها و فعلا هى ارتبطت ب واحد هناك
ياسمين و بتمسح دموعها. اومال ايه رجعها تانى
جهاد بتفكير. مش يمكن ال بيبعتلك السبب
ياسمين باستغراب. ال بيبعتلي ابراهيم
يونس دخل بغضب. ابراهيم والله لوريه
جهاد بغضب. انتو بتسمعوا كلامنا و انت يا آدم مش قولتلى عيب
ادم حمحم باحراج. دا يونس ال قالى نسمع و كدا و
يونس بغضب. والله لوريه ابراهيم دا
عند يامن
يامن بتنهده. ماما انا موافق على ايمان و مش بس كدا انا كلمت المأذون و هنروح نكتب الكتاب على طول
نشوى باستغراب. ازاى مش نعزم و كدا
يامن. احنا هنكتب كتب الكتاب و الفرح بعد اسبوع أن شاء الله
نشوى. ازاى و
يامن. ماما هتعرفي بعدين اتفضلى البسى و انا هدخل البس انا كمان
و بعد ساعه نزلوا و راحوا بيت عمه
ايمان طلعت و هى لابسه فستان رقيق ب اللون الازرق و خمار ابيض لايق مع بشرتها الخمريه و عيونها الرصاصي
و بدءو كتب الكتاب
نشوى زغرطت بفرحه و ابو ايمان سلم على يامن بحب. كدا أنا مرتاح و مطمن على بنتى يا يامن خود بالك منها دلوقتي انت امانها الوحيد
يامن بأس راس عمه. ف عنيا و بص ل ايمان ال اول مره يشوفها بعد خمس سنين و راح لها. ليه نفس البراءه يا ايمان
ايمان ابتسمت بخجل من غير ما تبصله
يامن بص ل عمه. معلش بقى يا عمى لازم حضن كتب الكتاب و حضنها
نشوى راحت بعدت ابنها. كفايه كدا انا هحضنها
و حضنت ايمان بحب. مبارك يا قلبي
ايمان بلمعه ف عيونها و ابتسامه. الله يبارك فيكي يا امي
