رواية موضوع عائلي الفصل الثامن عشر 18 الجزء الثالث بقلم رحاب القاضي
#موضوع_عائلي
"بيت الهنا"
_الحلقه الـ 18
ــــــــــــــــــــــــــــــــــ
قُل للّيالي أن تُطيلَ ظلامَها..
فقد اقترب اللّقاء ولا نُريد المُلتقى!
_اول ما هايدي سابت بنتها هي وكمال ومشيت، كان الوضع في بيت الاستاذ حسن متوتر جدا، وقال كمال بضيق.
كمال
انا عارف اني غلطت بس اا..
قاطعه حسن بحده وقال
انت ما عندكش دم يالا بدل ما انت بتبررلنا احنا روح خد بنتك في حضنك ورجع مراتك ولا طليقتك دي عشان خلاص موضوعنا معاك. خلص..
ـ بص كمال لرضوي بحزن وهي سابته وراحت دخلت اوضتها، وقرب كمال من بنته ومسك ايدها واخدها ومشي، وليلي اخدت حسن ودخلو اوضتهم وكان شكله مدايق جداً وما فضلش غير هنا وطارق اللي قالها..
طارق
انتي هتنامي..
هنا
لا عندي مذاكره بعد اذنك..
طارق
طيب اعمليلي شاي الاول..
هنا
انت فيك ايدين ورجلين ما تعمل لنفسك..
طارق بصوت عالي
يا ماما انا عايز شاي..
ليلي من جوه
خلي رضوي تعملك انا رايحه انااام..
طارق بخبث
ما بعرفش اعمل شاي يا هنا ورضوي لو روحت كلمتها دلوقتي هتولع فيا..
هنا
طيب خلاص هعملك ثانيه واحده..
طارق بخبث
طيب تحبي اساعدك..
هنا
هتستظرف والله ما هعملك حااااجه..
طارق ضحك وقال
لا خلاص مش هقول حاجه تاني..
_ودخلت هنا عملتله الشاي وطلعت لقيته قاعد. زي ما هو حطته قدااامه وقالتله..
هنا
الشاي اهو انا داخله اذاااكر..
قام طارق وقال
استني بس..
هنا
نعم في ايه تاني؟..
طلع بسكوت من جيبه وقال بهدوء
البسكوت ده بيبقي حلو مع الشاي عشان تتسلي وانتي بتذاكري، تصبحي علي خير..
_وحطلها البسكوت جنب الشاي ومشي، وهي بصتله بهدوء وابتسمت علي طريقته اللطيفه معاها واخدت البسكوت والشاي ودخلت اوضتها هي ورضوي اللي كانت قااعده علي اللابتوب بتاعها وعيونها ملياانه دموع..
هنا
لو هدايقك انا هطلع اذاكر بره..
رضوي
لا خااالص يا هنا انا عندي شغل انا كمان فهقعد. جنبك ومش هزعجك خالص والله، هو طارق جابلك. البسكوت ده صح؟..
هنا بتوتر
اا ايوه هو جابه..
رضوي ابتسمت وقالت
اصل ما حدش فينا بيجيب البسكوت ده غيره، ممكن واحده...
هنا
اكيد طبعا اتفضلي اعملك شاي..
رضوي
لا خليلي شويه من اللي عملااه، انا بشرب مكان اخواتي عادي يعني...
ابتسمت هنا باتساع وردت عليها وقالت
حاضر هخليلك شويه..
قعدت هنا علي الترابيزه اللي بتذاكر عليها وقالت
هو انا كنت عايزه اواسيكي وكده بس مش عارفه اقولك ايه؟..
اتنهدت رضوي بحزن وقالت
ما تقلقيش انا كويسه اصلا كنت عارفه الموضوع. ده من زمان، وبعدين انا زي الفل اهو وبشتغل ذاكري انتي كمان وما تشغليش بالك..
هنا
حاضر وربنا يرزقك بالاحسن منه..
رضوي بجمود
ما بقتش فارقه خلاص...
_وكملت شغلها وهنا كمان فضلت قااعده بتذاااكر..
ــــــــــ #بقلم_الكاتبه_رحاب_القاضي ــــــــ
_وفي عربية كمال كان سايق العربيه وهو متعصب جدا وبنته قاعده جنبيه بتبصله بدموع وخوف، وهو قال بعصبيه وهو بيتكلم في الفون..
كمال
استني يا هادي خدي بنتك معاكي، هي مش في حضانتك..
هادي
واتنازلت عنها وخلاص هركب الطياره وماشيه شوف بقي هتشيل مسؤليتها ازاي يا بيبي..
_قالت كلامها وقفلت في وشه وهو وقف العربيه وبص لبنته بحده فقالت ببراءه وخوف..
رضوي
انت هتوديني لمامي؟..
كمال بضيق
انا مش عارف هنيل بيكي ايه..
_اتتفضت البنت بخوف منه وبكاء وفي الوقت ده موبيله رن برقم علياء، فرد عليها بهدوء وقال..
كمال
ايوه يا ماما وصلتو البلد؟..
علياء
ايوه وصلنا ودفنا وخلصنا، هات بنتك وتعالي يا كمال....
كمال
هما قالولك؟..
علياء
خالك كلمني وقالي ، هات بنتك وتعالي بيت جدها مفتوحلها..
كمال بضيق
حاضر جاي حالاً..
قفل مع عليااء وقالتله رضوي بهدوء
ممكن أشرب..
اتنهد بضيق ورد عليها وقال
هشوف سوبر ماركت واجيبلك مايه بس اسكتي ما تصدعنيش..
ردت عليه بخوف
حاضر..
ــــــــــ #بقلم_الكاتبه_رحاب_القاضي ــــــــ
_وفي بيت يونس الصاوي، وقفت شهد قدام. اوضتها هي ويونس واخدت نفس عميق وفتحت الباب ودخلت بهدوء وقفلت الباب بهدوء، وهو في الوقت ده دخل من البلكونه وهو حاطط ايديه في جيوبه وبيبصلها بجمود وساكت..
شهد
يارا خايفه لتتخانق معايا..
يونس
وانتي شايفه ايه، اللي عملتيه ده يستاهل ايه، ده انا هاين عليا اديكي علقه معتبره من بتوع زمان الله يرحمه صبري اخوكي لو كان عايش كان هيقوم بالواجب برضو..
ابتسمت شهد بهدوء وردت عليه وقالت
ما بقاش يأثر فيا كلامك ده يا يونس، كان زمان لما كنت اتأثر واعيط..
وراحت وقفت قدااامه وقالت بهدوء
بس لو انا استاهل علقه من بتوع زمان عشان اللي حصل النهارده ده فأنت بقي تستاهل ايه، انا اقولك انا بيبقي هاين عليا كتير اقتلك..
بصلها بسخريه وهي قالت بدموع ونبره مهزوزه
وحياة ولادي فكرت اعملها كتير بس عشان خاطرهم هما كنت بتراجع..
مسكها من دراعها جامد وقال بعصبيه
سيبك بقي من جو الدراما ده وقوليلي كنتي مع الراجل ابن ال... فين؟..
حاولت شهد تداري خوفها منه وردت عليه
كنت في مكان شغل معاه..
ضغط علي دراعها أكتر وقال بحده
شغل ايه ده يا روح امك اللي يخليكي تقفلي موبيلك اليوم كله وتبقي مع راجل غريب ولا عامله قيمه لجوزك ولا لولادك اللي اطول منك، انتي فاكره نفسك ايه حتي لو طلقتك انتي هتفضلي ماشيه بأوامري انا وتحت طوعي انا..
_قبل ما ترد عليه فتحت يارا الباب ودخلت بسرعه وجات تتكلم بس لما شافت يونس ماسك دراع شهد بطريقه عنيفه وشهد دموعها علي وشها سكتت وبصتلهم بخوف ودموع، فساب يونس شهد وزعق فيها وقال بحده..
يونس
مش في باب تخبطي عليه انتي كمان؟..
اتنفضت بخوف وردت عليه وقالت
يوسف اتقبض عليه يزن قالي دلوقتي..
اتصدم يونس هو وشهد اللي قالت
اتقبض عليه ازاي يعني ويزن فين؟..
يونس بعصبيه
لا والله فارق معاكي اووي يا اختي، ما انتي لو واخده بالك من بيتك وعيالك كنتي عرفتي مش بتتصرمحي مع اللي يسوا وما يسواااش وكلامنا ما خلصش يا شهد في الموضوع ده..
شهد بنفاذ صبر
شوف يوسف الاول فين يا يونس وحصله ايه وبعد كده اللي عايز تعمله اعمله...
بص يونس ليارا وقال
اخوكي فين؟..
يارا بقلق
ما قولتلك يابابا انه اتقبض عليه وفي القسم اكيد..
خبطها يونس علي راسها بقوه وقال بغيظ
التاني.. اقصد يزن فينه؟..
يارا بخوف
راحله وقالي ما اقولكش بس انا خايفه عليهم..
اتنهد بضيق وقالها بهدوء
ما تخافيش مش هتحصلهم حااجه انا هروحلهم ما تخافيش..
يارا بدموع
ومش هتزعل مامي صح..
_بص يونس بحده لشهد ومشي من غير ما يرد علي يارا، وقربت منها شهد واخدتها في حضنها وقالت بهدوء....
شهد
ما تخافيش يا حبيبتي ما فيش حااجه وحشه هتحصل...
ــــــــــ #بقلم_الكاتبه_رحاب_القاضي ــــــــ
_وفي الصعيد كان قااعد عبدالله في المصنع بتاعه ودخل عنده حمدي وقاله..
حمدي
عبدالله بيه خلف بره بيقول عايز يتحدت وياااك..
اتنهد عبدالله بضيق وقال
طيب خليه يدخل..
_طلع حمدي وبعد شويه دخل خلف وعيونه كلها غل وحقد لعبدالله اللي قااعد قداامه وقاله بهدوء..
عبدالله
عايز ايه؟..
خلف
يا تديني بت اختي يا نصلح اللي بينا ده واللي تطلبه يا ولد القاضي.
عبدالله
انت عارف انا عايز ايه كويس اللي بينا مش هينتهي غير بموتك او بموتي انا، وانت مش هتعرف تموتني فأستعد بقي عشان قريب اووي هبعتك لـ اللي خلقك..
خلف بضيق
ما هتقدرش وقتها هتحصلني بحبل المشنقه، بص يا عبدالله خلي أسرار تتنازل عن حق امها في ارضي وانا مش عايزها خليها حداكم، وأكده اكده هما ما كانوش عايزين الورث ده واختي بنفسها كانت فيتاه ليا..
عبدالله بهدوء
ده كان زمان قبل ما تقتل ابنها وتخليها تموت بحسرتها، وحتي لو أسرار قالت مش عايزه الورث ده انا عايزه...
خلف بحده
بعينك يا عبدالله انك انت او اي حد غريب يحط رجله وسط ارضي..
قام عبدالله وقال بصوت عالي
حمدي.. حمدي.
دخل حمدي وقال
امر جنااابك يا عبدالله بيه..
عبدالله
طلع الراجل العره ده من هنا ولو جه تاني ما تدخلوش ولو ذودها معاكم امنعه بالقوه..
خلف بغيظ
يعني ده أخر حديت عندك يا عبدالله؟..
عبدالله
وما عنديش غيره، نفذ اللي قولتلك عليه يا حمدي..
_قال كلامه ومشي وحمدي خلي خلف يطلع بره المصنع كله..
ــــــــــــــــ
_وفي الوقت ده في بيت عبدالله القاضي كان قااعد. عزالدين هو وعليااء في الجنينه بياكلو موز..
عز
فاكهة البلد لا يعلي عليها..
علياء
طيب كفايه هتتعب اكلت كتير احنا من لما جينا ومش مبطل اكل..
بصلها عز بغيظ وقال
انتي هتزليني باللقمه عشان في بيتك يا علياء..
ضحكت علياء وقالتله
ههههه مش قصدي والله انا خايفه عليك، كل يا حبيبي بالهنا والشفا، مش كنت بس تروح مع عبدالله..
عزالدين
قولتله تعالي معايا ما رضيش وبعدين المفروض كان جه لمراته اللي بهدلها معاه..
علياء
يعني هو بأيده الواد ده من يومه حظه قليل وفرحته ديما مكسوره، فاكر لما اتخرج من الجامعه وكان عايز يعمل شركه في القاهره ويقعد هناك، بس الله يسامحه محمود غصب عليه يجي يقعد معاه هنا في البلد ويمسك الشغل معاه..
عز
جوزك ما كانش بيقدر علي كمال فكان بيطلعهم في عبدالله عشان بيقوله حاضر ونعم..
علياء
بس كسب رضا ابوه ورااح وهو راضي عنه، وكسبان رضايا عليه دنيا واخره عمره ما زعلني ولا عمل حاجه تخليني اشيل منه، انما كمال طالعلك انت.
عز بغيظ
هو في ايه انتي واختك يا بت كل ما واحده فيكم تخيب في تربية عيل من عيالها تقولي طالعلك....
علياء
ما تقوليش يا بت انا ست البلد كلها تيجي انت في الاخر تقولي يا بت..
لكمها في كتفها وقال بحده
بت وستين بت وانا اقول اللي عايزه، اخوكي الكبير وانا حر هتنسو نفسكم يا شوية كلاب انتي واخواتك..
دخل عندهم عبدالله وقال بجمود
ايه اللي مصحيكم لحد دلوقتي؟..
عز
دانا مستنيك عايزك في كلمتين وامك دي ما بتناامش طول حياتي بشوفها صاحيه انا ما اعرفش هي بتنام امتي اصلا..
علياء
بيلف ويدور عشان يخليني اروح انااام، ماشي يا عز بس ابني برضو هيرجع ويقولي انت قولتله ايه..
عز
غوري يا بت انتي من هنا...
_مشيت علياء وعبدالله ابتسم بهدوء عليهم وقعد جنب عز وقاله بهدوء..
عبدالله
خير يا خالي في ايه؟..
عز
بلاش خالي دي ما تعقدنيش وانت زي الشحط كده، قولي يا زيزو يا عز اي حاجه ما تكبرنيش بس..
عبدالله
ما اعرفش انا يا خالي اقول زيهم كده، انت خالي وليك احترامك وهقولك يا خالي، عايزني في حاجه مهمه بقي ولا اروح انااام انا مطبق من امبارح..
عز بجديه
لا عايزك في حاجات مهمه مش حاجه واحده، واهم حاجه فيهم انك تكبر دماغك من اللي عايز تعمله في خلف..
اتنهد عبدالله بضيق وقال
لا ده تار عمر يا خالي ومش هسيبه ابداً..
عز
في قانون يا عبدالله ما تبقاش متخلف اثبت ان هو اللي قتل ابن اخته وانت تقدر تعمل كده وياخد عقابه بالقانون انما السكه اللي انت ماشي فيها دي مش صح وهتفتح بحر دم عليك وعلي اخوك كمان وعلينا كلنا..
عبدالله
انا عارف انا بعمل ايه با خالي ما تقلقش بس كلام في الموضوع ده منهي، ادخل علي اللي بعده..
اتنهد عز بضيق وقال
انت ليك حسن هو يخف بس ويجيلك هيعرف يعقلك، الموضوع التاني بقي..
عبدالله
خير يا خالي؟..
عز
روان..
عبدالله بضيق
مالها..
عز بحده
اياااك تمد. ايدك عليها تاني يا عبدالله، ما فيش رااجل يمد. ايده علي واحده..
عبدالله
وما فيش راجل يتحمل اللي عملته، وانا كان قداامي حلين اللي عملته يا كنت اطلقها وانا ما اقدرش اطلقها..
عز
الضرب عمره ما كان حل، كنت كلمني انا او كلم ابوها..
عبدالله
ليه وانا ما اعرفش امشي كلمتي علي مراتي ولا ايه..
عز
والله صدق اللي قال عليك دماغك مقفله وجزمه قديمه، من الاخر يا عبدالله روان لو غلطت ما تضربش تقولي انا او ابوها انت فاهم...
قام عبدالله وقال
ان شاء الله يا خالي بعد اذنك..
عز
مش هتستني اخوك جااي هو بنته..
عبدالله بعدم فهم
اخو مين وبنت مين، اوعي تقول انك تقصد كمال..
ضحك عز ببلاهه وقال
هو بعينه جايب بنته وجاااي..
قعد عبدالله جنبيه تاني وقال
لا استني فهمني ازاي يعني جاي هو وبنته، وبنته ازاي هو اتجوز اصلا؟..
ــــــــــ #بقلم_الكاتبه_رحاب_القاضي ــــــــ
_وفي القسم اللي فيه يوسف وصل يزن هناااك ولقاااه قاعد جنب محمود واسلام وميلاد وشوية شباب تانين..
قرب منه يزن وقال بقلق
ايه اللي حصل في ايه؟..
يوسف
انت جاي لوحدك ليه فين المحامي وبابا فين، فين يونس الصاوي.
يزن
اهدي يا ابني جاي ورايا ويومك. اسود. معاه، اخرتها كده. يا يوسف تتخانق وتيجي القسم..
وبص لمحمود واسلام وميلاد وقال
وانا اللي كنت فاكركم محترمين تطلعو معاه، تعملو حسابكم انتو الاربعه ان في عقوبات ليكم في الشغل..
ميلاد بحزن
لا عقوبات لا انا راجل داخل علي جواز وحماتي ست قويه ومفتريه وطالبه مني حاجات كتير ده حاي الصيني بتقول عليا انا..
اسلام
اقعد كده انت وحماتك والصيني بتاعكم ده، ان ما الخطوبه ما باظتش اصلا بعد. ما تعرف انك شرفت هنا..
لطم علي وشه وقال
ما هو الفقري فقري انا عارف حظي..
محمود
طيب انتو اتخانقتو وجابوكم انا مالي انا انسحبت بهدوء يتقبض عليا معاكم ليه؟..
شاور عليهم يزن وقال
بقي دي ناس تتصاحب ايه الاشكال دي..
يوسف بصوت واطي
المشكله انا السبب انا اللي اتخانقت وهما دافعو عني..
يزن
انت موطي صوتك كده ليه؟..
يوسف
عشان الراجل اللي ضربني ما يسمعنيش..
يزن بحده
نعممم يا حبييي ضربك؟.. وخايف ليه كده انا هنا قولي مين الحيوان ده وانا اديه بالجزمه دلوقتي..
ـ قام واحد من الشباب اللي قاعدين علي جنب منهم طويل وضخم جداً ومسك يزن من قفااه وقال بحده..
الراجل
سمعني كده هتدي مين بالجزمه ياااه؟..
يزن بصله بخوف وقال ليوسف
هو ده..
قعد يوسف بسرعه جنب ميلاد وقال
انا ماليش دعوه..
ضرب الراجل يزن بالقلم علي قفااه وقال
ما تنطق يااه..
يزن
من غير مد ايد لو سمحت انا بتكلم علي اخويا منه لله ما حدش مبهدلني من اياام ما كنا عيال غيره، ده حتي حضرتك زمان كان في واحد بيرازي ابويا وجم يخطفوه غفلهم وخلاهم خطفوني انا..
الراجل
اااه طيب اترمي جنبهم يا حلوه يا بلحه يا مقمعه يلاا..
قعد يزن علي الارض بسرعه جنب يوسف وقاله
منك لله بقيت بلحه اهووو، عملتولو ايه ده عشان يتخانق معاكم...
ميلاد بغيظ
فضل يلقح علينا بالكلام واحنا قاعدين في قهوه شعبيه كده، قام اخوك حب يتخانق معاه واحنا نقوله يهديك يراضيك بلاش قال ابدا انتو خايفين منه علي ايه ده طول وعضلات علي الفاضي..
فجأه نزل الراجل بقلم علي قفا ميلاد وقال
بتكررها تاني يالاااا..
ميلاد حط ايده علي قفاه وقال ببكاء
وبس حصل زي ما انت شايف كده..
اسلام بغيظ
لا بقي كده كتير انت ما تعرفش انا ابن مين..
ضربه بالقلم علي قفااه وقال
وهتطلع ابن مين ياااه..
قعد اسلام مكانه وقال بنبره شبه باكيه
ماشي هتعرف دلوقتي انا ابن مين..
ضرب الراجل محمود بالقلم وقاله
شاطر انت خليك ساكت ومؤدب..
حط محمود ايده علي وشه وقال
حاضر..
_ولسه كان هيضرب يوسف بس مسك ايده وباسها بسرعه وقال بأبتسامه صفرااء..
يوسف
عمي وعم عيالي انا قفايا اتهري والنبي مش ناااقص....
جه في الوقت ده يونس ومعاه المحامي وقال
في ايه بيحصل هنا...
اول ما شافه يوسف جري عليه وقاله
يابا الحقني الراجل ده ضربني وضرب يزن كمان..
يونس بغيظ
طيب عيب علي طولك وانت زي الشحط كده، بقي انت ولادي انا حتت عيل زي ده يعلم عليكم..
وقف الراجل تاني وقال
وانت مين بقي ياللي بتغلط..
وقف يزن قدام يونس وقال
لا ما هو انا اسكت علي اللي عملتو فيا وفي اخويا ماشي انما عند ابويا فخط احمر جرا ايه يالا ما تتلم شويه ده راجل كبير عيب..
يونس بغيظ
تعبت نفسك يا حيلة امك وقومت، اوعي كده من وشي..
وزعق في الراجل اللي واقف وقاله بحده
وانت يالااا ولادي لو ايدك اترفعت عليهم تاني هقطعهالك وتترمي هنا لحد ما اشوف هطلعك ازاي عشان اخد حقهم بأيدي..
الراجل بقلق
يا باشا ما هما اللي غلطو وو..
يونس بحده
قولت اخرس يالاااا...
الراجل بخوف
اللي تشوفه ياباشا...
يونس بص للعسكري وقال
قول للباشا يونس الصاوي بره...
العسكري
ماشي وانتو اقعدو ساكتين مش عايز دوشه..
ميلاد بغيظ
لسه فاااكر يتكلم بعد ما اتلطشنا.....
_ودخل يونس بعد شويه للظابط وبعدها دخلو كلهم والظابط قال ليونس اللي قاعد قداامه..
الظابط
والله يا يونس بيه وجودك فوق راسنا واصلا مكالمه واحده الموضوع كان هيتحل، وسيادة اللواء جمعه المنصوري باباك يا اسلام كلمنا برضو..
يونس
شباب وطايشين شويه يا باشا ومش هتتكرر ان شاء الله، والمحضر اتقفل بالصلح اهو اخدهم وامشي بقي..
الظابط
تمام ما فيش مشكله بس اللواء بنفسه قال اننا نسيب اسلام في الحجز للصبح وهو هيجي ياخدك..
ضحكو ميلاد ومحمود ويوسف عليه وهو قال بغيظ
ما هو ناس تتخزوق ونااس تدفع التمن هاا يا بشمهندس يوسف....
قام يونس وقال ليوسف بحده
ورايا يا بشمهندس...
ــــــــــ #بقلم_الكاتبه_رحاب_القاضي ــــــــ
_وفي بيت عبدالله القاضي، دخل اوضته وكانت روان نايمه او بمعني اصح عامله نفسها نايمه، ابتسم بهدوء وفتح الباب تاني ورزعه جامد فمتحركتش خاالص..
ضحك هو بهدوء وقال
ما هو انتي لو كنتي نايمه بجد. كنتي اتفزعتي من خبطة الباب..
اتنهدت بضيق وردت عليه وهي لسه نايمه
اعتبرني نايمه وخلاص..
عبدالله
لا والله هو انا متجوزك عشان اعتبرك. نايمه..
_ما ردتش عليه وهو اخد دوش وغير هدومه ورجع نام جنبيها وقال بهدوء...
عبدالله
قومي يا روان عايز اتكلم معاكي..
ما ردتش عليه وهو قال بنفاذ صبر
ما بتسمعيش الكلام ولما اتعصب عليكي تزعلي وو..
_لاحظ هدؤها ونفسها المنتظم فأتكد المره دي انها نامت فعلا، بصلها بأبتسامه واسعه لملامحها البريئه والطفوليه وبرغم تصرفاتها المشاغبه الا انها حلوه جداً، وكمان احلي اخواتها كلهم..
رفع ايده وبقي بيحركها علي شعرها وهي نايمه بهدوء وقال
يمكن هو ده اللي مخليكي شايفه نفسك علينا انك احلي واحده بجد..
_فتحت روان عيونها في الوقت ده واول ما شافته نايم.جنبيها وقريب منها اتنفضت بخوف وسألته بقلق...
روان
في ايه؟..
عبدالله بخبث
في دخله متأجله بقالها كتير...
روان بخوف اكبر
يي يعني ايه؟..
قرب منها عبدالله وقال
يعني جيبت اخري خلاص نرمي اللي عدي علي جنب ونبدأ من اول النهارده..
بعدت عنه شويه روان وقالت بتوتر وخوف
لا انا مش جاهزه النهارده خالص وبعدين هو مش بمزاجك..
جات تقوم بس شدها جامد من دراعها وقال
واول حاجه في بدايتنا الجديده دي ان اي حاجه اطلبها منك يتقالي عليها حاضر وبس، وبلاش عــِند عشان هتلاقيني بعند معاكي اكتر.....
روان بدموع
كل ده عشان قولتلك مش جاهزه النهارده هو بالعافيه يعني..
عبدالله بجمود
اعتبريها زي ما تعتبريها بس هو هيحصل دلوقتي وانتي اللي هتختاري يا برضااكي يا غصب عنك..
نزلت دموعها وقالت ببكاء طفولي
يعني حتي دي كمان فيها غصب عني، بدل ما تبقي لحظه رومانسيه بينا يعني، علي العموم براحتك مش هتفرق..
اتنهد بنفاذ صبر وقال
اتخمدي يا روان قفلتيني منك وهعديها النهارده عشان المناحه دي، بس ورحمة ابويا لو قلبتيها عزا بكره هعمل اللي عايزه..
_قال كلامه ونام واداها ضهره وهي بصتله بغيظ ومسكت المخده وكانت هتضربه بيها، بس حطتها بينهم ونااامت وابتسمت بأنتصار انها نفذت اللي في دماغها..
ــــــــــ #بقلم_الكاتبه_رحاب_القاضي ــــــــ
_وفي بيت يونس الصاوي وصل هو وولاده هنااك وكان يوسف ابو سدره قااعد مع شهد ويارا مستنيهم..
يوسف
كنت هاجي ورااك والله بس قولت اقعد معاهم هنا احسن..
يونس
لا ما فيش داعي الموضوع بسيط..
وبص ليوسف بغضب وقال
اطلع علي اوضتك وكلامنا بعدين..
شهد
استني يا يوسف انا جايه معاك يا حبيبي تعالي يا يارا نطمن علي اخوكي..
وطلعو فعلا فوق ويزن قال بهدوء
انا كمان طالع انااام يا بابا عايز حااجه؟..
يونس
طيب سلم علي عمك الاول مسافر النهارده هو وعمتك بطه رايحين للمحروسه بنته.
اتنهد يزن بضيق ويوسف قاله بحده
يونس خلاص بقي اللي حصل ومالكش دعوه ببنتي خالص، المهم هي اتنازلت اصلا عن القايمه باللي فيها وقالت مش عايزه حاجه منها..
يونس
بص يا يوسف احنا صحاب واخوات وكل حااجه، بس جهاز بنتك وفرش الشقه اللي جيبتوه كله هنبعته ليكم وكمان المؤخر اللي كنا متفقين عليه هيتدفع لان ابني هيتجوز وانا عايزه يدخل علي نضيف..
يوسف
زي ما تحب يا صاحبي، بعد انك.
مشي يوسف ويزن قال بضيق
ليه يا بابا قولت كده، هو عمو يوسف ذنبه ايه..
يونس
روح نام يا يزن انا مش فاضي اتناقش في حاجه خاااالص بعدين..
_وطلع يونس اوضته، وفي اوضة يوسف كانت شهد قاعده عنده هي ويارا اللي كانت بتعقمله الجرح اللي في وشه..
شهد
ده انا ما صدقت انك عقلت تاني يا يوسف..
يوسف
تاني ايه يا ماما بقولك بلطجيه وضربوني انا ذنبي ايه في ده..
شهد بحده
وانت تروح عند الاشكال دي ليه، اكتر حد بتيجي من وراااه المشاكل هو انت..
يارا بحزن
خلاص بقي يا مامي هو فيه اللي مكفيه دلوقتي..
يوسف
ااه والله فيا اللي مكفيني وانتي بس بقي وشي اتملي قطن...
شهد
ما تتكررش يا يوسف ولما تلاقي اشكال زي كده تبعد عنها وما تحتكش بيها خالص...
يوسف
بس سيبك من كل ده تعالو احكيلكم حصل ايه في القسم الواد اللي اتخانقت معاه طول بعرض شايفه يزن بعضلاته دي ما يجيش قد صبااعه الصغير....
يارا
وانت ما اتضربتش ليه من واحد في حجمك..
يوسف بغيظ
بس يا ماما، المهم يعني كان مفتري علي الكل حتي العساكر خايفين منه، بس اول ما يونس الصاوي جه بقي زي النمله قدااامه..
شهد بسخريه وصوت واطي
ما هو من يومه بيعرف يتعامل مع الاشكال اللي زيه..
يارا
واااو Super Hero اووي بابي هو كبر في السن ااه بس انا صحابي كلهم معجبين بيه وبكاريزمته..
يوسف
انتي بتقولي فيها ده انا نص البنات اللي عرفتها اعجبو بيا عشان ابنه...
شهد بغيظ
طيب خلاص بقي يلا يا يارا روحي ذاكري ولا نامي ولا شوفي هتعملي ايه، وانت السنه دي هتتخرج انا وشي بقي في الارض منك كلية الهندسه زهقت من وجودك فيها..
قالت كلامها وطلعت ويوسف قال ليارا
امك. بتغير وهو ده اللي جايبنا ورا..
يارا
ازاي يعني جايبنا ورا؟...
يوسف
ما تاخديش في بالك اطلعي بره يلاا..
يارا
تصدق انا غلطانه اني خوفت عليك وفي الاخر بتطردني من عندك يا رخمم...
_وطلعت يارا من عنده وهو مسك موبيله وفتح الشات اللي بينه هو ورضوي واتردد يكلمها بس في الاخر بعتلها وكتب...
يوسف
"انتي ليه بتعملي فيا كده؟"
_شافت الرساله وما ردتش عليه فقفل الفون ونااام وهو مدايق جداً منها ومن تصرفاتها معاه..
ــــــــــ #بقلم_الكاتبه_رحاب_القاضي ــــــــ
_وتاني يوم الصبح. في بيت يونس كانت قااعده شهد قداام. المرايا بتلف الحجااب بتاعها ويونس طلع من الحمام. وقالها...
يونس
انتي رايحه فين؟..
شهد
عندي شغل..
يونس
السواق هيكون معاكي ما تروحيش اي مكان من غيره..
شهد
لا طبعا انا مش محتاجه سواق.
يونس
يبقي ما فيش طلوع يا شهد من البيت، واللي حصل امبارح لو اتكرر تاني والله ما هقولك. انا هعمل ايه وقتها..
شهد بحده
انت مش هتمشي كلامك عليا، انا هروح شغلي لوحدي.
يونس بحده
طيب يمين بالله ما في طلوع من البيت خالص يا شهد ولو عايزه اليوم يبقي اسود علي الكل اطلعي من البيت، ويلا عشان نفطر وما تبينيش حااجه قداام الولاد تحت، وايوه صح عائشه خطوبتها يوم الخميس الجاي..
شهد بصدمه
نعمم هي عائشه اتخطبت؟..
يونس
عرفت بالصدفه من محمد هنروح طبعا ويوسف هيروح كمان..
شهد
ان شاء الله يا يونس بس سيبني اروح شغلي..
يونس
لما تبقي تتعدلي هبقي اخليكي تروحي شغلك اللي انا عملتهولك يا شهد تمام...
_قال كلامه وسابها ونزل وهي فضلت قااعده مدايقه....
ــــــــــ #بقلم_الكاتبه_رحاب_القاضي ــــــــ
_وفي بيت الاستاذ حسن في الوقت ده كانت رضوي قاعده تفطر مع اخواتها روفان وروز وطلعت ليلي من المطبخ وقالت وهي بتحط باقي الفطار قدامهم..
ليلي
صحيتو اخوكم ولا لسه؟..
روز
صحيته يا ماما وقالي هيلبس وجاي يفطر..
روفان
هو مش بقي عايش مع زيزو ما يفطرش هناك. ليه..
ليلي
عادي يا حبيبتي هنا وهناااك واحد..
طلع حسن من اوضته وقال
ما صحتونيش ليه عشان افطر معاكم..
قامت ليلي بسرعه ومسكت ايده وقالت
ايه بس اللي قومك انا يا حبيبي هجيبلك الفطار لحد عندك..
حسن
انا كويس يا ليلي ما فيش حاااجه، والله خلاص خفيت عن الاول بكتير..
رضوي
تعالي يا بابا اقعد وانا هجيبلك الفطار بتاعك من جوه..
حسن
لا انا نفسي في فول...
ليلي
لما نروح للدكتور النهارده ويقولك تاكل فول ابقي كل يا حسن انما دلوقتي نمشي زي ما الدكتور قال بالظبط..
_اتنهد حسن بضيق وقعد معاهم وراحت رضوي تجيبله الفطار بتاعه والباب خبط فليلي قالت لروفان..
ليلي
قومي افتحي لاخوكي..
روفان
ما تقومي انتي..
حسن بحده
ده رد نقوله،قومي افتخي الباب يلااا..
اتملت عيون روفان دموع وفتحت لطارق اللي قالها
مالك قالبه وشك ليه يا روفان..
روفان بحزن
ما فيش...
_وراحت قعدت مكانها وهي بتبص لحسن بحزن وهو ما رضيش يكلمها، وجات رضوي قعدت معاهم وطارق قال بتلقائيه..
طارق
اومال فين هنا..
ابتسمت رضوي بهدوء وليلي ردت عليه وقالت
نايمه عشان نامت وش الصبح...
حسن
انت عندك كام محاضره النهارده ولا هترجع امتي البيت؟..
طارق
يعني بعد الضهر كده بس مش فاضي لاي حااجه والله يا بابا هاجي انام شويه وهروح الكافي عشان عندي شوية شغل هناك..
حسن
وهترد الفلوس اللي عليك لاختك وعمك امتي؟..
رضوي
انا في اي وقت مش مشكله معايا يا بابا..
طارق بهدوء
قريب يا بابا ان شاء الله..
ليلي
ابقي خدي اخواتك في ايدك يا رضوي وانتي نازله وسبيلي العربيه بتاعتك..
رضوي
وانا اروح بأيه يا ماما؟..
ليلي
هي التكاسي قصرت في حااجه، مالقتيش تاكسي اركبي ميكروباص..
رضوي بغيظ
يا ماما ما تهزريش والنبي يعني اخد اخواتي اوصلهم المدرسه وكمان من غير العربيه، هتأخر علي شغلي انا كده وبعدين ما تطلبو اوبر..
ليلي
لا انا عايزه اسوق النهارده هو انتو معلميني السواقه ليه ان شاء الله..
حسن
سيبي العربيه لماما يا رضوي ما جاتش من يوم..
بصلها طارق بشماته وقال
اللهم لا شماته بس انا شمتان..
قامت رضوي وقالت لغيظ لاخواتها
يلا يا بت انتو وهي خليني الحق اوصلك الزفته بتاعتكم..
مشيت رضوي مع اخواتها وطلرق سألهم بقلق وقال
هي روفان مالها مش عادتها تقعد ساكته كده؟
ليلي
ابوك مزعلها.
حسن
مش مزعلها انا بربي بنتي يا ليلي، دي بنت وعيب تتكلم كده وخلاص بالطريقه بتاعتها دي..
طارق
طيب بس براحه عليها شويه يا بابا هي بتتحمل ان اي حد يزعلها الا انت، هو انتو رايحين امتي المستشفي..
ليلي
كمان شويه ريناد عندها متابعه مع الدكتور وهنطمن علي بابا..
طارق
تمام لو عايزيني اروح معاكم هاجي بدري..
حسن
لا انت تعالي براحتك وتعالي علي بيت عمك. ما تجيش هنا عشان هنا هتبقي لوحدها لحد ما احنا نرجع..
طارق
من غير ما تقول يا بابا حااضر..
ــــــــــ #بقلم_الكاتبه_رحاب_القاضي ــــــــ
_ وفي شغل رضوي قبل ما توصل بشويه كانت قاعده نورا وميلاد ومحمود اللي شكله مدايق جداً وميلاد قاله بهدوء..
ميلاد
والله انا مش شايف ان فيها اي مشكله، دي بنت عمتك وانت وابوك واخوتك محتاجينلها بعد امك الله يرحمها..
محمود
وانا ذنبي ايه اتجوز واحده ارمله انا...
نورا
مش مشكله علي فكره المفروض يكون تفكيرك اكبر من كده، وبعدين انت بتقول انها صغيره وجوزها مات بعد اسبوعين من جوازهم..
محمود
انا مش عجبااني الجوازه دي، وبعدين لا متعلمه ولا اي حاجه بقي انا بعد كل ده اتجوز جوازه زي دي..
ميلاد
ما ترضي بنصيبك يا محمود وانت عايز تتجوز مين يعني عشان بقيت مهندس نجيبلك جورجينا..
ضحكت نورا وقالت
هو اسلام فين صح مش جاي النهارده ولا ايه؟..
بص ميلاد ومحمود لبعض بتوتر ورد عليها ميلاد
ااا اتخانق مع اونكل جمعه امبااارح وقال يعني انه مدايق شويه ومش جاااي..
"خليكم فاكرين المشهد ده كويس لانه هيكون في روايتي الجديده #عذراء_في_ثياب_أرمله ودول ابطال الروايه" محمود وأسلام وميلاد ونورا ودانا ❤🌺"
_جه في الوقت ده يوسف وفي نفس الوقت وصلت رضوي اللي لما شافته بصت للناحيه التانيه وكأنها مش شيفاااه وراحت قعدت جنب نورا وقالت.
رضوي
شيفاكم قاعدين بترغو كأن ما فيش ورانا شغل..
ميلاد بضيق
والله حضرتك احنا نفذنا كل اللي قولتي عليه امبارح والعمال قدامك شغالين علي قدم وسااق..
محمود
واسلام تعبان شويه ومش جاي النهارده..
رضوي
تمام يا بشمهندسين يلا عشان نشوف النهارده هنبدأ في ايه..
نورا
مش نخلص المفتوح الاول..
رضوي
لما يبقي اسلام يرجع يتابع مع العمال المفتوح احنا هبدأ في الجديد عشان ما عندنااش وقت، اجهزو يلاا..
_وسابتهم ورااحت وقفت بعيد عنهم وبدأت تطلع في الحاجات بتاعت الشغل من شنطتها، وقرب منها يوسف اللي كان واقف في نفس المكان وقال بضيق...
يوسف
هو ايه اللي حصل عشان تتحولي كده؟..
رضوي
احنا اتكلمنا في الموضوع ده وخلصنا يا بشمهندش، وياريت تبطل تتكلم معايا كده علي جنب عشان العمال ما ياخدوش بالهم..
يوسف بغيظ
هما لسه هياخدو بالهم، هما كلهم هنا اصلا فاكرينا بنحب بعض.
ردت عليه بحده وقالت
انا ما بحبش حد ياريت تفهم..
يوسف بحده
اومال ليه قولتيلي هديك. فرصه، كنتي بتتسلي يعني وقتها ولا ايه؟..
رضوي
كنت غبيه ومش فاهمه انا بعمل ايه، وكنت بقولك ديما انت مجرد صديق مقرب بالنسبالي ولما لقيت الموضوع هيدايق اخويا وماينفعش خلاص مابقاش في حااجه بينا غير الشغل وياريت تحترم رغبتي عشان نفضل كويسين.
يوسف
بعيد عن كلامك ده، انا هتقدملك هروح اكلم ابوكي ونتخطب وانا والله ماهخليكي تندمي..
رضوي
يا يوسف حراام عليك بجد انا مش عايزه اوجعك بكلامي، قولتلك اني رافضه ليه مصمم..
يوسف بنبره حزينه
انتي في الاساس وجعتيني اصلا، وعلي فكره انا طنط بمبه..
رضوي بعدم فهم
ايه؟!..
يوسف
العرافه اللي كلمت اختك دي كانت حوار مني وما كنتش فاكر ان اختك اللي هترد عليا لاني كنت باعت علي الاكونت بتاعك، وكنت بتلكك عشان الفت نظرك ليا...
رضوي ابتسمت غصب عنها وقالت
والله انت مش طبيعي وعشان كده بقي رجعت الفلوس بعدها بكام يوم لاختي.
يوسف بهدوء
فكري يا رضوي عشان خاطري انا والله العظيم بحبك ومستعد اعمل اي حااجه عشانك..
رضوي
خلينا نشوف شغلنا دلوقتي واللي فيه الخير يقدمه ربنا..
ــــــــــ #بقلم_الكاتبه_رحاب_القاضي ــــــــ
_وفي الصعيد في بيت عبدالله القاضي كانت قااعده رضوي بنت كمال بتفطر جنب علياء اللي بصالها وهي مبتسمه وجات اسرار قعدت معاهم وقالت بهدوء..
اسرار
صبااح الخير يا مراات عمي..
علياء
صباح النور يا حبيبتي عامله ايه دلوقتي..
اسرار
بخير احسن الحمد لله، بنت مين دي؟..
علياء
دي رضوي بنت كمال جابها وجه بالليل..
اسرار بصدمه
بنت مين؟... ازاي يعني هو كمال اتجوز امتي اصلا ولحق يخلفها امتي دي..
بصتلها البنت بخوف وعلياء ردت عليها بلوم وقالت
مش قدام البنت يا اسرار انا اصلا مش فاهمه حاجه والبارد التلاجه جابهالي وش الفجر كده ورااح ناام..
اسرار
وامها فين طيب؟..
رضوي بحزن
سابتني ومشيت عشان زعلانه من بابا..
علياء بدموع
يا قلب تيته انتي، انا هخليها ترجع وتقعد معاكي وتتصالح هي وبابا كمان..
ابتسمت رضوي وقالت
ميرسي يا تيته..
أسرار بخبث
قولتيلي اسميها رضوي يا مرت عمي؟..
علياء بغيظ
شوفتي حد اصيل قد ابن عمك يا اختي..
اسرار
هو عبدالله فين راح شغله؟..
علياء
لا لسه نايم فوق ما نزلش، في حااجه ولا ايه؟..
اسرار بدموع
كنت عايزه ازور قبر عمر انا حتي حضرتش دفنته..
علياء بحزن
ربنا يرحمه ياارب، طيب لما يصحي هخليه يوديكي مش هينفع تروحي لوحدك وايااكي يا أسرار تغيبي عن عيني دقيقه واحده لحد ما نخلص من الموضوع بتاع المنيل علي عينه خلف ده، المره دي لو اخدك مش هيرجعك وانا والله تجرالي حاجه وقتها..
ابتسمت اسرار بهدوء وقالت
بعد الشر عليكي ربنا ما يجب حاجه وحشه، وبعدين مش هغيب عنك خالص اصلا ما بقاش ليا غيرك دلوقتي..
علياء
وانتي بنتي يا حبيبتي..
رن في الوقت ده موبيل لمياء فقفلته وقالت بغيظ
دي الزفته لميااء والله ما ليا نفس اكلمها بعد اللي عملته، بدل ما تراضي حسن اللي تعبان هو وبنته لا بتتخانق معاهم، نسيت ان لما جوزها مات ما حدش وقف جنبيها وجنب ابنها لحد ما بقي زي الشحط غير حسن، ده كان بيقسم مرتبه بينها وبينه كان بيكسي ابنها ويجيبله اللي نفسه فيه قبل ولاده وهي بنفسها اللي كانت بتقولي كده عديمة الاصل..
اسرار
بصراحه كده هي شايفه نفسها علي الكل وديما لما كنا بنتجمع كانت بتقلل من ريناد حتي انها كانت بتكلم امي الله يرحمها وتفضل تمكس في ريناد كتير..
علياء بحزن
ريناد دي ضحية لمياء في كل حاجه حتي ابنها طلعته اناني ونرجسي زيها، يلا ربنا يهديها ويصلح حالها، بقولك ايه الشغالين مش فاضيين بيعملو الاكل اللي هيطلع علي روح امك النهارده للغلابه، اتعبي بس وروحي خبطي علي اوضة كمال ولما يرد عليكي قوليلي اني عايزااه..
اسرار
حاضر يا مراات عمي من عينيا..
_طلعت اسرار فوق تصحي كمال وعلياء طبطبت علي رضوي وقالتلها بحنان..
علياء
كملي افطارك يا حبيبتي عشان اخدك ونقعد في ابجنينه هتحبيها اوي يا حبيبة تيته انتي..
_وفوق خبطة اسرار علي اوضة كمال اكتر من مره وهو ما ردش ولما يأست وجات تمشي فتح هو الباب وكان عاري الصدر واول ما شافته وشها قلب احمر وبصت للارض بسرعه وهو قال بضيق وملامحه باين عليها النوم..
كمال
عايزه ايه يا أسرار..
ردت عليه وهي عيونها علي الارض
مرت عمي عايزااك تحت ضروري..
كمال
قوليلها نااايم لما يصحي ولامؤخذه...
_قال كلامه وقفل الباب في وشها، وفي الوقت ده في اوضة عبدالله قام من نومه وبص لروان اللي نايمه جنبيه وقال بهدوء.
عبدالله
روااان.. روااااان..
ردت عليه بضيق وقالت
في ايه؟..
عبدالله
قومي عشان تجهزيلي فطار..
روان
ان شاء الله..
عبدالله ابتسم بهدوء وقال
هو ايه اللي ان شاء الله، قومي انزلي اعمليلي افطار يلااا.
روان قعدت وهي بتفرك في عينيها وقالت
حاضر..
باسها من خدها وقال بهدوء
قمر يا ناااس وانتي بتقولي حااضر وبتسمعي الكلام، انا هقوم اخد شااور وننزل نفطر سوا..
_وقام. فعلا ودخل الحمام وهي فضلت قاعده شويه وهي مغمضه عينيها وبعدين رجعت نامت تاني، واول ما طلع هو من الحمام وشافها نايمه اتنهد بنفااذ صبر وقال..
عبدالله
مش معقول يعني روان تسمع الكلام من اول مره..
وقرب منها وقال بهدوء
روااان يا روااان..
فتحت عينيها واتنفضت بخوف وقالتله
في ايه؟..
عبدالله
في ايه انتي شوفتي عفريت، وبعدين مش قولتلك تنزلي تجهزيلي الفطار..
روان بعدم فهم
قولتلي امتي ده؟..
عبدالله بغيظ
انتي هتعمليهم عليا يا روان..
ردت عليه بدموع وقالت
والله ما فاهمه انت بتتكلم علي ايه، وبتزعقلي ليه علي الصبح دي مش عيشه..
عبدالله بجمود
بعد كده تصحي قبل مني تجهزيلي الحمام وهدومي هنا اللي هلبسها وتنزلي تجهزيلي الفطار ولما ابقي امشي اشوف اللي ورايا ارجعي ناامي..
روان بغيظ
في شغالين تحت يا عبدالله وفي مامتك انا ما بعرفش اعمل حاجه اصلا في المطبخ..
عبدالله
تتعلمي ويلا تعالي ورايا هخلص كام حاجه في المكتب تكوني جهزتي الفطار واعمليلك همه يلاا..
_وسابها ونزل وهي بصت لاثره بحزن ودموع ومسكت موبيلها وكلمت ليلي اللي ردت عليها وقالت بحده..
ليلي
عايزه ايه؟..
روان ببكاء
انا اسفه يا ماما انا غلطااانه بس تعالو خدوني من هنا والنبي انا مش هعرف اعيش مع عبدالله مهما حصل ده كان اسوأ اختيار ليا...
ليلي سابت الاطبااق اللي بتغسلها في المطبخ وقالت
وعملك ايه بقي عبدالله، غلط في ايه معاكي عشان نيجي ناخدك من عنده؟..
سكتت روان وهي بتعيط وليلي قالتلها بحده
اعقلي يا روااان ابوكي واخوكي مش طايقينك وانا لو جيت عندك مش هاجي اخدك انا هاجي اديكي بالجزمه يا قليلة الربايه..
_قالت كلامها وقفلت في وشها وروان فضلت تعيط بحزن، وبعدين قامت غيرت هدومها لبنطلون جبنز واسع وبلوزه موف دايقه شويه وعملت سعرها ديل حصان واخدت موبيلها ونزلت، وكانت اسراى قاعده هي وعلياء مع بنت كمال فقالت رروان بهدوء..
روان
صباح الخير..
ردو عليها وقالت علياء
ايه الحلاوه دي كلها يا بنت اخويا..
روان
ميرسي يا عمتو هو عبدالله مشي ولا لسه قااعد..
علياء
لا لسه قااعد في مكتبه وقال انك نازله تجهزيله الفطار..
روان
هما الشغالين جوه في المطبخ مش كده؟..
علياء
لا للاسف ما حدش منهم جوه هما النهارده اجازه، وحتي لو جوه جوزك حلف علينا ان ما حدش يساعدك في حاااجه تخصه وتعمليلو انتي كل حاجه يطلبها منك لوحدك..
روان بضيق
يا عمتو انتي عارفه اني ما بعرفش اعمل اكل ولا عمري دخلت مطبخ غير لو هعمل حاجه خفيفه ساي او نسكافيه كده يعني..
علياء
يا بنتي يا حبيبتي ده فطار يعني طبق جبنه وطبق فول كام بيضه وشوية سلطه وشاي وكل حااجه عندك في المطبخ يعتبر جاهزه..
اسرار بهدوء
علي فكره عبدالله بيحب البيض مقلي بسمنه بلدي....
روان بهدوء
طيب مش انتي عارفه هو بيحب ايه ومش بيحب ايه ما تيجي تساعديني والنبي..
علياء
يا بنتي بقولك جوزك حلف علينا ما حد يساعدم والموضوع بسيط..
روان
هي دي بنت مين؟..
علياء
دي رضوي بنت كمال..
روان بصدمه
ايييه بنت مين؟..
علياء
مش وقته هفهمك بعدين روحي يلا بسرعه قبل ما يطلع وما يلاقيش الفطار جاهز ويتعصب عليكي..
ضربت رجلها في الارض بغيظ ودخلت المطبخ وعلياء قالت
ربنا يهديكي يا روان..
_وبعد شويه حطت الفطار علي السفره وقعدت ماسكه موبيلها وطلع عبدالله من المكتب بتاعه وقعد جنبيها وقال..
عبدالله
ايه ده؟..
روان
جبنه وفول وبيض مقلي جيبت الطريقه بتاعته من علي النت..
عبدالله
وايه الاحمر اللي علي الفول ده؟..
روان
طماطم..
عبدالله
وهي الطماطم بتتحط علي الفول كده، ولا البييض بيتعمل بالمنظر ده، انتي ما بتفهميش يعني..
بصولهم علياء واسرار وروان ردت عليه بغيظ وقالت
والله اللي عرفت اعمله مش عاجبك ما تقوليش علي حااجه..
مسكها عبدالله من دراعها جامد وقال بحده
لا ده غصب عنك اقولك علي اللي عايزه وتنفذيه كمان، وما تقعديش قدامي تاني وانتي ماسكه الزفت ده..
علياء قامت بسرعه وقالت
خلاص يا عبدالله حرااام عليك سيبها وهي معاها حق دي عمرها ما دخلت مطبخ اصلا..
عبدالله بحده
علميها يا اما انتي او أسرار..وانتي تتعلمي وتفتحي دماعك مش عايز غباااء عشان بعد كده ما حدش هيعملي حااجه في البيت غيرك...
_قال كلامه وسابها وطلع من البيت وهو متعصب، وهي قعدت مكانها وفضلت تعيط، وقعدت علياء جنبيها هي وأسرار اللي قالت بحزن علي حالتها.
اسرار
خلاص يا روان ما تزعليش والله عبدالله طيب، بس هو مضغوط اليومين دول..
علياء
ما تزعليش يا روان وانا هعلمك كل حاجه، بس بطلي عياااط عشان خاطري..
روان مسحت دموعها وقالت
حاضر يا عمتو..
. ــــــــــ #بقلم_الكاتبه_رحاب_القاضي ــــــــ
_وفي المستشفي كانت قااعده ريناد جنب حسن وجات ليلي قعدت جنبيهم وقالت..
ليلي
هتدخل بعد االي جوه يا حسن وبعدين نروح للدكتور بتاعك يا ريناد، وكلمت طارق عشان يجيب اخواته لقيته جابهم فعلا ونامو في شقة عز من غير غدا..
حسن
كان خلاهم راحو قعدو مع هنا اهو يونسوها لحد ما نرجع..
ريناد
هنا كفايه عليها اني سيبالها تيا...
حسن بهدوء
انتي ناويه علي ايه يا ريناد؟
ريناد
في ايه بالظبط؟..
حسن
مع سيف ناويه معاه علي رجوع ولا خلاص كده، انا بسألك عشان لما يجي ويتكلم انا ابقي عارف بنتي عايزه ايه اعاتبه بقطع عشم خااالص ولا اسيب الباب موارب..
اتملت عيونها دموع وردت عليه وقالت
هو فين اصلا يا بابا هو حتي ولا سأل عليا وانا تعبانه ولا علي بنته، انا توقعت اني لما هعمل العمليه وافوق القيه واقف بيطمن عليا، استنيت منه يتمسك بيا شويه وقتها كنت هتحمل وادوس علي نفسي وارجعله عشان خاطر تيا، بس هو اللي مصدق اني ابعد كان وجودي تقيل عليه اووي من زمان زانا حاسه كده بس كنت بكدب نفسي..
حسن بحزن
ده غبي ومش فاهم حاااجه، بس اللي انتي عايزااه انا هعمله وهيندم وغلاوتك عندي لاخدلك حقك منه قداامك، بس لازم تفهمي يا ريناد انه الغلط اللي عملو في موضوع جوازه انه خبي عليكي انما هي مرااته وده حلال انتي تقبليه او لا دي حاجه ترجعلك، هو خان ثقته فيكي والراجل اللي يكدب علي اهل بيته ما يبقاش راجل..
وبص لـ ليلي وقال
ساكته ليه يا ليلي..
ليلي ابتسمت وقالت
لا ما انا ديما بطبطب وانت بتتكلم، ما بعرفش زيك وانت اصلا قولت كل حااجه..
حسن بهدوء
ده بفضل وجودك جنبي يا ليلي هو اللي مخليني ابقي كده، هو انا كان هيبقالي قيمه من غيرك..
ريناد ضحكت وقالت
طيب راعو شويه شعور المتخزوقه اللي في النص دي.
ضحكو كلهم وجات الممرضه وقالت
اتفضل يا استاذ حسن الدكتور مستنيك..
ليلي
حاضر يا بنتي، وانتي يا ريناد ما تتحىكيش من هنا هنخلص ونروح. للدكتور بتاعك علي طول..
ريناد
حاضر يا ماما..
_ودخلت ليلي هي وحسن عند الدكتور وفضلت ريناد مستنيااهم، وفي الوقت ده كان يزن في نفس الدور وطلع من الاسانسير وهو بيتكلم في الفون وقال..
يزن
يا بابا ما كنت بعتله اي حد هو العامل ده مش في شركتك انت انا اسيب شغلي واجيله ليه؟..
يونس بحده
انت ابني تروح مكاني لو كنت فاضي كنت جيتله انا، وتعمل زي ما قولتلك تدفعله حساب المستشفي وتسيبله فلوس وتقوله لحد ما تخف ابويا هيتكلف بكل حااجه..
يزن
حاضر يا بابا انا وصلت اهو هخلص واكلمك، مع السلامه..
_قفل يزن معاه وكان مااشي بيدور علي حد يسأله علي المكان اللي هو رايحه، وشااف ممرضه معديه وقالها..
يزن
بعد اذنك لو سمحتي هو مش ده قسم الجراحه العامه..
الممرضه
لا ده قسم العيادات، قسم الجراحه الدور اللي فوق..
يزن
تمام.. شكرا جداً..
_وجه يمشي بس لفتت نظره ريناد اللي قااعده علي مسافه قريبه منه وماسكه موبيلتا وملهيه فيه، ابتسم بهدوء وقرب منها وقال وهو بيقعد جنبيها..
يزن
الف سلامه عليكي..
بصتله ريناد بجمود وقالت
الله يسلمك. بس انت مين؟..
يزن
حاولي تفتكري كده. انا مين..
ريناد
ااه انت يوسف الصاوي اللي شغاله معاه رضوي صح؟..
يزن
لا لا مش انا.. انا يزن اخوه واتقابلنا قبل كده..
ريناد بعدم تذاكر
مش فاكره بصراحه بس انت شبه اخوك اووي، ااه افتكرت رضوي قالتلي انكم توأم قبل كده..
يزن
واضح كده ان رضوي بتقولك كل حاجه، بس انا اعرفك من قبل ما اعرف انك اخت رضوي اصلا..
ريناد
ما هو انا بحاول افتكر مش فاكره خالص..
يزن بخبث
كنت هخبطك بالعربيه بس ربنا ستر واخدت منك كلمتين في جنابي ان الرجاله كلهم خاينين ومش عارف ايه..
_افتكرت ريناد اللقاء اللي كان بينهم في اليوم اللي اكتشفت فيه ان سيف متجوز عليها، وابتسمت بأحرااج وقالت..
ريناد
سوري بجد ما كنتش اقصد اغلط فيك..
يزن بهدوء
لا عادي ولا يهمك انا اصلا لو كنت اعرف وقتها انك تبع عز بيه او البشمهندسه رضوي ما كنتش هسيبك. تمشي لوحدك..
ريناد بعفويه
هي الشامه ما بتطلعش غير لو انا قريبة عمو عز واخت رضوي..
ابتسم بأحراج وقبل ما يرد عليها هي قللت بسرعه
مش قصدي حاجه والله انا اسفه لو دايقك كلامي بس اللي اقصده انك تساعد اي حد محتاج مساعده مش لازم تكون تعرفه..
يزن بهدوء
معاكي حق هعنل بنصيحتك والف سلامه مره تانيه..
ردت عليه بأبتسامه بريئه وقالت
الله يسلمك وشكرا لاهتمامك..
يزن
العفو بعد اذنك..
_ وقام فعلا من جنبيها وهي رجعت مسكت موييلها تاني، وهو وقف مستني الاسانسير ولف راسه وبصلها بأيتسامه بسيطه وقال لنفسه...
يزن
قالت اسفه تلات مراات في دقيقتين هي لسه في نااس كده..
_اول ما وصل الاسنسير طلع فيه وبعد شويه طلعت ليلي ومعاها حسن وراحو للدكتور بتاع ريناد..
ــــــــــ #بقلم_الكاتبه_رحاب_القاضي ــــــــ
_وبعد شويه في بيت الاستاذ حسن ده طلعت هنا من اوضتها عشان تفتح الباب اللي كان بيخبط وهي شايله تيا بنت ريناد علي ايدها واول ما فتحت الباب لقيت هند في وشها اللي اول ما شافتها بصتلها من فوق لتحت وقالت..
هند
خالتو فين؟..
هنا
راحت مع ريناد للدكتور ومعاهم بابا حسن..
ضحكت هند وقالت بسخريه
ههههههه بابا حسن ده انتي صدقتي نفسك بقي، اوعي بس تقولي كده قدام حد غريب عيب يا ماما تشبهي الاسياااد بالعبيد..
كتمت هنا حزنها ودموعها في عيونها وردت عليها وقالت
ما فيش حد هنا شويه وتعالي هتلاقيهم شرفو..
جات تقفل الباب بس هند ذقته جامد ودخلت وقالت
ما كانش بيت ابوكي ده عشان تقوليلي كده..
هنا بحده
ما تجبيش سيرة ابويا لو سمحتي..
هند
امم هتعمليلو قيمه عشان ميت يعني..
حطت هنا تيااا علي الكنبه ورجعت قالتلها بعصبيه
انتي عايزه ايه مني جايه عايزه تتخانقي يعني..
هند
وانا اتخانق معاكي انتي ليه، انتي نسيتي نفسك يا بت ولا عشان جوز خالتي قعدك هنا هتفتكري نفسك بقيتي زينا ومننا والجو ده، لا ده بيعطف عليكي زي برضو ما طارق هاا بيعطف عليكي احنا كده بنحب نساعد الناس الفقرا والمحتاجين اللي زيك انتي وابوكي يا بنت البواب..
هنا بعصبيه وغيظ
البواب ده احسن منك ومن اللي جابك ولو ما لمتيش نفسك معايا والله ما هيفرق معايا حد..
هند بغضب
بتغلطي فيا يا جربوعه انتي، بس انا هوريكي..
_ومسكتها من شعرها جامد وحاولت هنا تبعدها بس كانت اضعف منها بسبب جسمها الضعيف مقارنتاً بهند اللي اطول منها واجمد منها ما قدرتش تمنعها وذقتها بره باب الشقه لدرجة ان هنا وقعت علي الارض وجات علي ايدها فصرخت بألم..
_في الوقت ده في شقة عز الدين طلع طارق من اوضته وكمان زين طلع من المطبخ وهو ماسك المج بتاعه..
طارق
انت سمعت حااجه؟..
زين
تقريباً كده حد صرخ بره، بس ما فيش حد غير هنا وعمو حسن وطنط ليلي وريناد في المستشفي..
_قبل ما يرد طارق سمعو صوت هند بتزعق فطلعو بسرعه واتصدمو اول ما شافو هنا واقعه علي الارض وماسكه ايدها بألم وبتعيط وهند واقفه قدام باب شقة حسن وبتقول بعصبيه..
هند
نسيت نفسها الزباله دي بس والله لاخليكي تعرفي مقامك كويس..
طارق بحده
انتي بتكلميها كده ازاي انتي اتجننتي يا بت انتي..
_وراح لهنا بسرعه قومها من علي الارض ومسحلها دموعها وهي عدلت حجابها علي شعرها اللي كان هيقع بسبب اللي حصل، وكانت بتتنفض حرفيا بحزن وبكاء، وسألها طارق بهدوء..
طارق
ايه اللي حصل في ايه يا هنا؟...
هند بحده
البنت دي اا..
طارق بعصبيه
انا بسألها هي، في ايه يا هنا وازاي تسمحيلها تعمل كده؟..
هند بغيظ
والله... انت هتعمل مقامها بمقامي؟...
زين بضيق
مقام ايه يا انسه اللي بتتكلمي فيه، هو انتي وزيره ولا سفيره واحنا ما نعرفش ما كلنا لينا مقامنا مالك نافخه نفسك علي ايه..
هند بحده
وانت مالك اصلا ما بقاااش غيرك انت اللي تتكلم..
طارق بنفاذ صبر
في ايه يا هنا حصل يخليها تعمل كده فيكي ردي عليا؟..
هنا بدموع وحزن
ما حصلش حاااجه..
هند
لا حصل البتاعه دي عامله نفسها صاحبة البيت عندكم وقلة ادبها عليا، وانا بطردها من هنا مش عايزها تقعد عندنا تقعد تحت لو لزم الارض..
طارق بجمود
هو كان بيت اهلك اصلا، وعلي فكره هو بيتها فعلا، ده بيت هنا وتعمل فيه اللي هي عايزااه ولو مش عاجبك طريقتنا ما تجيش عندنا تاني..
هند بعصبيه
انت بتقولي انا كده عشان بنت البواب دي...
_سابتهم هنا ودخلت الشقه وهو قرب من هند وقالها بحده..
طارق
بنت البواب دي لولا ابوها كان زمانا كلنا بنعيط علي بابا، بنت البواب دي يا هند احنا بنحبها وبنحب وجودها معانا اكتر منك وعندها دم وعندها كراامه مش زيك عارفه اننا مش بنطيقك ولاسقه فينا..
_قال كلامه وسابها ودخل شقتهم ورا هنا وقفل الباب في وشهم، وزين بصلها وضحك بهدوء وقال وهو بيدخل شقتهم هو كمان..
زين
ياااه علي الكسفه اللي انت فيها يا حازم..
_وقفل الباب في وشها وهي طلعت شقتهم فوق وهي متعصبه جداً من اللي عملو طارق..
_وفي شقة الاستاذ حسن وقف طارق جنب اوضة هنا ورضوي وخبط علي الباب بهدوء وقال..
طارق
هنا ممكن تيجي اتكلم معاكي شويه، انا قاعد هنا اهو مستنيكي مع تيا..
_ورااح قعد مع بنت اخته وفضل يلاعب فيها، وبعد شويه طلعت هنا من اوضتها وهي لابسه ديرس طويل اسود ولابسه حجابها وفي ايدها شنطة هدومها وجات تطلع من البيت بس قام طارق بسرعه وقالها بقلق..
طارق
انتي رايحه فين..
هنا بجمود
ماشيه..
وقف طارق قدامها قبل ما تخرج وقال
تمشي تروحي فين انتي هتاخدي علي كلام هند، هو انا قولتلك ايه قبل كده مش قولتلك ما تاخديش عليهم وهيجي بابا وهخليه يجيبهالك لحد هنا وتعتذرلك..
هنا بدموع
لا بالعكس هي معاها حق، ولو سمحت سببني امشي..
قرب منها وقال بهدوء
لا مش هتمشي ولو الكل هنا وافق انك تمشي انا مش هسيبك تمشي يا هنا..
هنا بدموع
لا همشي انا مش عايزه اقعد هنا..
طارق
لا هقعدي ده بيتك واحنا اهلك..
بصتله ودموعها نزلت وقالت
مش صح انا ماليش اهل كان ليا بابا وماما هما اهلي وخلاص بقي ماتو وانا ماليش اهل ولا ليا بيت، انا هرجع لخالتي وهعيش هناك اصلا نص بيتها بتاع ماما وهقعد في ملكي مش هقعد عند. حد.....
طارق
واحنا مش حد احنا اهلك وغصب عن اي حد انتي بقيتي مننا خلاص، وبعدين هترجعي لجوز خالتك المريض ده انتي اتجننتي اكيد..
هنا مسحت دموعها وقالت
انا هعرف اتصرف، ممكن بقي تسيبني امشي..
_مسك الشنطه من ايدها وحطها علي الارض ومسك ايدها الاتنين وقال بهدوء وجديه..
طارق
مش هتمشي يا هنا ومش هسيبك تبعدي عني، ده بيتك وهتفضلي فيه لاخر عمرك وانتي مننا ومن البيت لانك هتبقي مراتي.
_بصتله بصدمه وجات تسحب ايدها منه بس هو ضغط عليهم اكتر وقال بأبتسامه بسيطه..
طارق
والله العظيم بحبك..
_قال كلامه تحت صدمتها من تصرفاته وبدون مقدمات حضنها بهدوء، وفي الوقت ده اتفتح باب الشقه ودخل حسن ومعاه ليلي وريناد اللي بصولهم بصدمه وحسن اتعصب جدا وقال بحده..
حسن
والله عال اووي بتعمل ايه هنا يا طارق؟..
بعدت عنه هنا بسرعه ووشها قلب احمر جدا بأحرااج وتوتر وخوف، علي عكسه هو اللي ابتسم بتوتر وقال..
طارق
اا مش عارف يعني بالراحه بس وانا هفهمك..
حسن بحده
تفهمني ايه وتهبب ايه، وايه اللي جابك هنا اصلا وانتي يا هانم سيبااه يحضك كده عادي..
بصت هنا للارض بدموع وقالت
انا بعتذر والله بس... انا اصلا ماشيه..
طارق
قولتك مش هتمشي خلاص..
حسن
انت مل تتكلمش خالص وامشي من هنا، وانت يا هنا عايزه تمشي من هنا ليه وتروحي فين، انتي عارفه لو واحده من بناتي جات وقالتلي الكلمه دي انا همشي من البيت كنت لطشتها بالقلم، وانتي لو قولتيها تاني هديكي بالقلم علي وشك..
ريناد بتعب
خلاص يا بابا انا هتكلم معاها، تعالي معايا يا هنا وتمشي فين يا بنتي وتسبينا بس..
_ودخلت مع ريناد اوضتها وهي بتعيط وحسن قال لطارق بحده...
حسن
ايه بقي المنظر اللي شوفته ده..
طارق
انا اللي حضنتها فجأه هي مالهاش دعوه، وبصراحه كده انا عايز اتجوزها..
ليلي بسعاده
والنبي يا طارق، يا الل مبروك يا حبيبي..
حسن بغيظ
لا والنبي ما تدخلي تعملي شربات بالمره ونوزع علي الجيران..
ليلي
معاك حق يا حسن..
حسن بحده
جاتك كسر حقك بتاع ايه اجوزهاله، وحتي لو عايز يتجوزها الحاجات دي ليها اصول يا طارق..
طارق بسخريه
حاضر هبقي اخدك انت وماما واجي اخطبها منكم، ما تتكلمي يا ماما...
ليلي غمزتله وقالت
اتكلم اقول ايه يا قليل الادب تحضنها كده من غيى ما تبقي حااجه بينكم، امشي يلا من قدامنها..
قرب منها وقال بصوت واطي
الغمزه دي معناها انك هتحلي الموضوع..
ليلي
ايوه قصدي امشي من هنا يلاا باباك تعباان لوحده..
طارق
حاضر بس علي فكره هنا عايزه تمشي عشان هند بنت عتبه جات واهانتها وكمان طردتها من هنا بطريقه وحشه قدامي انا وزين ومدت ايدها عليها..
حسن بعصبيه
ازاي بنت اختك تعمل كده في هنا يا ليلي..
ليلي بقلق
وانا اعرف منين يا حسن ما انا كنت معاك..
حسن بعصبيه
هي حصلت اختك وبنتها يتحكمو في بيتي، طيب ورحمة ابويا لو ما طلعتي وخلتيهم يسيبو الشقه اللي فوق ويرجعو شقتهم القديمه لتكون انا طالع وطاردهم بنفس الطريقه، انا عديت ان اختك مدخله نفسهل هي وبنتها في كل حاجه وجايه هنا مخصوص عشان توقع طارق لبنتها بس عند هنا واللي حصل فيها مش هسكت..
ليلي بقلق
حاضر والله انا هطلع اخليهم يمشو زي ما تحب بس اهدي انت لسه تعبااان..
طارق
وانا هتجوز هنا امتي..
حسن بحده
امشي با بارد من هنا وحسابك معايا ما خلصش عشان تتخطي حدودك وتقرب منها تاني..
ــــــــــ #بقلم_الكاتبه_رحاب_القاضي ــــــــ
_وفي الوقت ده في الشغل بتاع يوسف ورضوي، كان واقف يوسف مع محمود وبيتكلمو في الشغل ووقف حامد بعربيته قريي منهم ونزل من العربيه ورااح وقف جنبيه وقال بجمود..
حامد
ازيك يا ابن عمي..
يوسف
حامد... انت ايه اللي جابك هنا؟..
حامد
عايز اتكلم معاك..
يوسف
تمام كمل انت يا محمود معلش مع رضوي..
محمود
تمام يا يوسف، بعد اذنكم..
مشي محمود ويوسف قال لحامد بهدوء
نعم يا حامد خير ان شاء الله؟..
_حامد بص لرضوي اللي واقفه بتتكلم مع محمود وقال بخبث...
حامد
دي بقي البنت اللي وقعت بينك وبين اختي..
يوسف بجمود
عايز ايه يا حامد اخلص..
حامد
لا انت تتكلم معايا كويس ده انا الكبير، وبعدين بستفسر يا أخي ده انا لما يزن قالي انك واقع لاخرك كده ما صدقتش..
يوسف
بقولك ايه انا مش فاضيلك..
حامد
لا لا انا عايز البشمهندسه تسمع الكلمتين دول كمان..
يوسف بحده
مالكش دعوه بيها، وبطل الجو الرخيص بتاعك ده وامشي من هنا..
حامد بحده وصوت عالي
الجو الرخيص ده انت اللي تعرفه يا صايع يا نسوانجي..
يوسف رد عليه بحده وقال
والله الصايع ده اما كان خطيب اختك كنت طاير بيه من علي الارض، بس والله بتحلم انا مش هتجوز اختك وانت مش هتتجوز يارا يا حامد عشان انا فااهم دماغك دي كويس وفاهم اللي انت عايزه..
حامد بغيظ
لا انت فاهم غلط اصلا عائشه جالها عريس احسن منك مليون مره راااجل بجد. مش عيل..
وشاور علي رضوي وكمل كلامه بصوت عالي وكان قااصد ان الكل يسمعه حتي رضوي وقال....
حامد
وانت بقي لما تاخد غرضك. من البشمهندسه ابقي دور علي واحده غيرها تجري وراها..
بص الكل لرضوي اللي ادايقت جداً من كلام. حامد ونظراات زمايلها والعمال ليها واتملت عيونها دموع بأحراااج، وفي نفس اللحظه رد يوسف علي حامد لما كور ايده بعصبيه ولكمه جاامد في وشه لدرجة ان حامد وقع علي الارض، وقاله بحده..
يوسف
وحياة امك لو فكرت تجيب سيرتها علي لساانك تاني يا حامد ده انا ادفنك حي..
بصله حامد بعصبيه وقام مشي من غير ما يرد عليه، ومحمود قال بصوت عالي للعمال..
محمود
في ايه يا شباب ما كل واحد يركز في شغله يلاا..
_بدأو العمال في الشغل بتاعهم ورضوي دخلت المبني بتاع الاستراااحه وكانت متعصبه جداً، ومسحت دموعها اللي نزلت غصب عنها بسبب الاهانه اللي اتعرضتلها من شويه، ودخل في الوقت ده يوسف عندها وقال بقلق..
يوسف
رضوي انا اسف الزفت ده عصبي وبيتصرف بغبااء..
رضوي بحده
لا بالعكس ده كويس واللي حصل ده كان قدااامي عشااان اعرف نيتك كويس..
يوسف
نية ايه يا رضوي هو لو كلامه صح هقولك اني عايز اتجوزك..
رضوي بدموع
الله واعلم انا من يوم ما انت دخلت حياتي وكل حاجه بااظت، والله واعلم ليه انت ايه اللي فجأه خلاك تتغير اصلا وتبقي عايز تتجوز وتيتقر الا لو كانت دي لعبه منك عشان توصل للبنت اللي رفضتك ما انت يوسف الصاوي وما فيش واحده ترفضلك طلب..
يوسف بهدوء
اتغيرت عشان حبيتك بجد..
رضوي بدموع
بطل كدب انتوو كلكم كده ما بتعرفوش تحبو، هو كان اناني وسابني وسافر عشان حلمه وانت بتهتم وتقرب مني عشان توصل لـ اللي انت عايزه وبعد كده هتسيبني برضو بس انا مش هسمحلك بقي تعمل كده، ولا كمان هسمحلك تلعب بيا وتشوه سمعتي هنا في مكان شغلي..
يوسف بقلق
يعني ايه؟..
رضوي بجمود
يعني يا تمشي انت من هنا يا انا اللي هقدم استقالتي والاختيار ليك...
_تفتكروو بقي يوسف هيعمل ايه؟..
ـــــــــــــــــــــــــــــــــــــــــــ
#بقلم_الكاتبه_رحاب_القاضي
