رواية موضوع عائلي الفصل السابع عشر 17 الجزء الثالث بقلم رحاب القاضي

 رواية موضوع عائلي الفصل السابع عشر 17 الجزء الثالث بقلم رحاب القاضي

#موضوع_عائلي

"بيت الهنا" 

_الحلقه الـ 17

ـــــــــــــــــــــــــــــــــ

أُقَلِّبُ طَرفي في السَماءِ لَعَلَّهُ

يُوافِقُ طَرفي طَرفَها حينَ تَنظُرُ

- قيس بن الملوح.

_في المستشفي اللي محجوزه فيها ريناد كان قااعد طارق مع يوسف في الكافيتريا اللي هناك، وقاله يوسف بجديه.. 

يوسف 

هي دي كل الحكايه انا لا بضحك عليها ولا بتسلي ولا عايز اصاحب ولا الجو ده خالص انا مستنيها توافق بيا وهجيب اهلي وهاجي اخطبها علي طول، وخايف بصراحه اجي من غير ما تعرف واعملها مفجأه ترفض الموضوع وانت اكيد عارف دماغ اختك.. 

طارق بهدوء

بص هو انا لما شوفتك قبل كده كذا مره يعني كنت واخد عنك فكره انك يعني اااا ما علينا، بس دلوقتي لا انت اثبتلي العكس خالص وعجبتني صراحتك ولو في نصيب هتلاقيني واقف معاك.. 

يوسف ابتسم وقال

ان شاء الله بس رضوي ااا.. 

طارق بجديه

بص انا زي ما قدرتك وجيت معاك نتكلم بهدوء راجل لراجل يبقي تبقي رااجل للاخر، انت مالكش دعوه بأختي تاني الفتره دي تعاملك معاها هيكون شغل وبس وبعد فتره ابقي كلمني وانا هاخد رأيها في الموضوع، بس مدام هي لسه متلخبطه ومش عارفه تاخد قرار يبقي تديها مساحتها وتسيبها تقرر من غير ضغط.. 

يوسف بضيق

تمام اتفقنا يا طارق.. 

وقام وقف وقال

والف سلامه علي المدام ريناد ربنا يقومها ليكم بالسلامه.. 

قام طارق هو كمان وقاله

الله يسلمك انا هطلع اقعد معاهم فوق بقي   واحنا علي اتفاقنا.. 

يوسف

طيب استني هات رقمك عشان ابقي اكلمك.. 

طلع طارق موبيله وقال

اااه تمام... 

_واخد يوسف رقمه وطلع بره المستشفي واول ما ركب عربيته بعتتله رضوي رساله بتقوله فيها.  

رضوي

"انت كل ده بترغي مع طارق في ايه يا يوسف؟" 

اتنهد بضيق ورد عليها وقال

"اخوكي هيقولك يا انسه رضوي".. 

_بعتلها الرساله دي وقفل الفون ومشي بعربيته م قدااام المستشفي، ورضوي كانت قااعده علي الكرسي اللي جنب ريناد اللي لسه نايمه وقالت بغيظ.... 

رضوي 

انسه رضوي هو الواد ده عبيط ااه وربنا عبيط.. 

_دخل عندها طارق في الوقت ده وهو شكله متعصب جداً، وهي اول ما شافته قفلت الفون بسرعه وقالتله.. 

رضوي

انت فاهم غلط علي فكره.. 

طارق بجمود

وايه الصح يا أنسه يا محترمه؟.. 

رضوي

لا بلاش الطريقه دي انا بعتبره صديق مش اكتر هو ولد طايش بقي علي نفسه.. 

طارق 

واننا نستغل مشاعر حد لمجرد. انه بيحبنا وفالاخر نقول عنه طايش ده ايه، دي قلة ادب وانانيه.. 

رضوي 

انا ما استغلتوش في حاجه.. 

طارق 

لا استغلتيه انا فااهم كويس النقص اللي انتي حاسه بيه قدامنا كلنا اول من لما كمال رجع وهو مش مديكي الاهتمام اللي انتي كنتي متوقعاه.. 

رضوي بدموع 

نقص يا طارق انت شايفها كده، وعلي فكره انا مش مستنيه حاجه من كمال وما بقاااش فارقلي.. 

طارق 

ويوسف؟.. 

رضوي

قولتلك ده مجرد صديق وبس.. 

طارق 

والصديق ده نقبل منه كلام حلو واهتمام زيااده، معني انك سمعتي منه انه بيحبك ومكمله معاه في طريقة تعاملك اللطيفه دي انك بتفرشيله الطريق عشان يتعشم فيكي اكتر واكتر، احنا كشباب بنفهم كده بقي، انا فاهمك يا رضوي انتي عاجبك اهتمامه وان حد يفكر فيكي ويحبك ويتمسك بيكي بعد اللي حصل بينك وبين كمال زمان، بس انكم تبقو اصدقااء والجو. ده ممنوع هو بالكتير يبقي زميل وفي الشغل وبس، انما لا انتي حابه وجوده بقي واهتمامه تبقي تديه فرصه بجد وفي الحلال قدامنا كلنا، وده اخر كلام عندي وانتي هتوعديني انك مش هتتكلمي معاه تاني الا لو جه البيت والموضوع بقي رسمي قدامنا، غير كده ما فيش صداقه بين بنت وولد في مجتمعنا وفي دينا فهمتي يا رضوي.. 

رضوي بهدوء. 

فهمت وانا مش هتكلم معاه تاني غير في حدود الشغل وبس.. 

طارق بخبث

بس هو بيحبك وشكله واقع لاخره فمفيش مشكله لو اديتي نفسك فرصه تفكري في الموضوع بطريقه كويسه ونسيبنا من كمال خالص هاا.. 

اتنهدت رضوي بضيق وردت عليه وقالت

حااضر يا طارق انت هتقعد انت مع ريناد ولا انا؟.. 

طارق

مش انتي قولتي عندك شغل الصبح روحي نامي وانا قااعد جنبيها كده كده بكره اجازه عندي.. 

رضوي 

تمام... وانا اسفه ما تزعلش من الموقف اللي حصل والله ما هتتكرر تاني.. 

ابتسم طارق وقال

لا ما انا واثق في اختي من غير ما تحلف انها مش هتكررها تاني.. 

_ابتسمت رضوي بهدوء واخدت شنطتها ومشيت وطارق راح قعد مكانها جنب ريناد اللي فتحت عيونها وقالتله بصوت باين عليه التعب.. 

ريناد 

فيك من حنية بابا علي فكره.. 

ابتسم طارق وقال

ما هو ابويا بقي اعمل ايه، المهم انتي كويسه؟.. 

ريناد بدموع 

يعني الدنيا مخبطه شويه معايا بس انا قدها.. 

طارق 

واحنا كلنا معاكي والزفت اللي اسمه سيف ده والله لهجيبلك حقك منه تالت ومتلت.. 

ريناد 

ما بقتش تفرق انا مش عايزه غير انه يطلقني وبس ومن غير مشاكل عشان خلاص ما بقاش في حاجه نتخانق عليها تاني.. 

طارق بحزن

ارتاحي انتي دلوقتي واطمني كل اللي عايزااه المره دي هنعمله ليكي يا حبيبتي.. 

ــــــــــ #بقلم_الكاتبه_رحاب_القاضي ــــــــ

_وفي بيت يونس الصاوي كان قااعد مدايق جداً في اوضته ودخلت شهد عنده وقالت وهي بتقعد علي الكنبه وبتقلع الجزمه بتاعتها.  

شهد 

سيبتنا ليه وجيت هنا، كانت سهره جميله ويزن اندمج اووي في الكلام مع زيد.... 

يونس بجمود

انتي كده بتنتقمي مني يعني؟.. 

شهد بعدم فهم 

ازاي يعني؟.. 

يونس

انك تجيبيه لهنا عشان تعصبيني، هو انتي نسيتي انا مين يا شهد، لو فاكره انك هتلوي دراعي بالولاد وخوفي منهم فانتي بتحلمي عشان انا لما بجيب اخري مش هيفرق معايا حد.. 

شهد بضيق

وانت تتعصب ليه ولا تغير عليا ليه الغيره دي بتبقي من واحد بيحب انما انت ما بتحبنيش وبعدين هتغير من مين انا لو الراجل ده في بالي ما كانش زماني معاك ولا معانا يارا، بس انا سيبته وسيبت شغلي معاه زمان عشانك وعشان بيتك ده اللي انت سيبته وكنت كل ليله بتبقي مع واحده غيري، مالكش حق يا يونس تغير.. 

يونس 

خلصنا كانت غلطه وخلصت وانا ندمت عليها وما كنتش مرتاح وانا بغلط اصلا انا ما كنتش عارف انا بعمل كده ليه، كنت بحاول اثبت لنفسي اني ما اتسابش واني مهما كبرت او عدت عليا السنين لسه اقدر احب واسيب بمزاجي، بس الكلام ده مع اي حد غيرك انتي، انتي مراتي وحبيبتي وام ولادي وكل ستات العالم دول في كفه وانتي في كفه تانيه، انا عمري ما هسيبك يا شهد.. 

شهد 

انت كده طبيعي يعني اللي هوتخوني الصبح وتحبني بالليل، انا مش بوشين زيك ما بعرفش اكدب زيك انا ايوه سكت واتحملت بس الله واعلم اللي كان جوايا ايه ومش عايزه افضل عايشه باقي حياتي كده معاك.. 

يونس

كل حاجه هتتغير احنا كبار علي الطلاق اللي فاضل في حياتنا مش قد اللي رااح، عشان ولادنا ونفسيتهم وانتي شايفه لوحدك كل واحد فيهم عنده مشاكل ازاي، انتي ديما بتضحي تعالي علي نفسك المره دي كمان اخر مره يا شهد.. 

شهد بضيق

مش هقدر وانا هعرف اتفاهم مع ولادي ما تقلقش بس انا مش هكمل معاك حتي لو فاضل في عمري يوم هقضيه وانا بعيد عنك وانا مطلقه منك.. 

يونس بعصبيه 

مستحيل وانا بقولك اهو انسي واتعدلي يا شهد عشان انا مش هطلقك واحنا في العمر ده، ولو انتي عاجبك الدور ده براحتك بس من بكره هشوف واحده تانيه اتجوزها اهو يبقي بالحلال، وبرضو مش هطلقك.. 

شهد بسخريه

تتجوز؟!  هو انت كده بتخليني اسامحك والله عمرك ما هتتغير وروح اتجوز ووقتها هخلعك يا ابو ولادي.. 

_قالت كلامها وسابته ودخلت الحمام ورزعت الباب وراها وبصت لنفسها في المرايا ودموعها نزلت بحزن وألم واتنهدت بقوه وقالت لنفسها.. 

شهد 

براحته مش هيفرقلي، يتجوز براحته عادي.. 

_ومسحت دموعها وغيرت هدومها لهدوم النوم وطلعت وراحت نامت علي الكنبه من غير حتي ما تبصله او تديله اي اهتمام، وهو كان قااعد متدايق جدا من الحال اللي وصله معاها وهو اللي اتعود ديما علي اهتمامها بيه وحبها ليه.. 

ــــــــــ #بقلم_الكاتبه_رحاب_القاضي ــــــــ

_وفي المستشفي اللي فيها ام أسرار، كان واقف عبدالله وهو متعصب مع امه وكمال اللي قال بلا مبالاه.. 

كمال 

بقولكم ما كنتش اعرف انها هتوصل لكده وايه الجو القديم ده اصلا خطف وتار ومشاكل كلها علي حاجات تافهه.. 

عبدالله بحده

وانت تسيبهم ليه اصلا لوحدهم انا قولتلك ايه؟.. 

كمال

بطل همجيه واتكلم معايا كويس انا اخوك الكبير.. 

عبدالله بسخريه

اااه يا كبير هي مش بالكلام علي فكره، كبير ازاي وبنت عمك اتاخدت منك ده انا لو سايبها مع عيل صغير كان هياخد باله منها امتر من كده... 

كمال بعصبيه 

انا ما كنتش هنا اصلا، انا روحت اشوف شقتي الجديده انا بقالي اقل من الشهر هنا والدنيا بتخرب.. 

عبدالله 

والله الكلام معاك زي قلته خد امك وروح البيت وما تسيبهاش لوحدها وروان هناااك ما تطلعش من البيت يا امي وانا هعرف ارجع بنت عمي.. 

كمال

استني نبلغ الشرطه وو.. 

عبدالله 

هو خلف هيعمل حساااب للشرطه ولا ايه، رووووح يا كمال اعمل زي ما قولتلك وكتر خيرك اووي لحد كده وانا هبقي اشوف ازاي اخلص اجراءات الدفن هنا عشان اول ما اجيب اسرار نروح البلد عشان ندفن مرات عمي... 

_قال  كلامه وسابه وطلع بره المستشفي وعلياء بصت لكمال بعصبيه وقالت... 

علياء

هتسيب اخوك لوحده يا كمال؟.. 

كمال

اعمله ايه ما قولتله يكلم الشرطه هو اللي حابب يعيش دوره في فيلم ذئاب الجبل اللي انتو فاكرين نفسكم عايشين فيه ده.. 

علياء

استغفر الله العظيم ياارب، يا ابني خلف لو عامل حساب للشرطه ما كانش خطفها مش هتحل معاه ولا هتربط بالقانون، الحل مع عبدالله بس هو دلوقتي متعصب وانا خايفه عليه، روح مع اخوك عشان خاطري انا.. 

كمال بضيق

انا مش بتاع مشاكل والجو ده يا ماما، لو سمحتي خليه هو يفتح صدره ويدخل علي المشاكل براحته ده لو مستغني عن عمره مش هيعمل كده.. 

علياء بدموع

كنت زمان اقول علي طول مدام عمر مع عبدالله مش هخااف عليه، وطلع قد القول وفدي ابني بعمره وهو ابن عمه مش اخووه يا كمال، عايز الناس تقول ايه بنت عمهم خلف خدها من وسطيهم وهي امانه عندنا والله واعلم هيعمل فيها ايه، يبقي انا ما خلفتش رجاله غير عبدالله يا كمال لو ما روحتش مع اخوك.. 

كمال

طيب تعالي يا ماما بس اوصلك البيت دلوقتي وانا هروحله.. 

علياء بحده 

تروح. دلوقتي ورا اخوووك وانا مش همشي من هنا غير لما ترجعو اسرار هقعد جنب الست اللي ماتت بحسرتها علي ابنها دي، ولو ما روحتش ورا اخوك. يا كمال ورحمة ابوك لا هتبقي ابني ولا اعرفك وارجع اتغرب تاني واعتبر وقتها ان امك ماتت خلاص.. 

كمال بضيق

بعد الشر عليكي يا ماما، تعالي طيب بس اوديكي البيت ووالله هروح مع عبدالله يلا بينا بس قعدتك هنا مالهاااش لازمه.. 

علياء بعصبيه 

قولتلك مش همشي من هنا غير لما ترجعو اسرار ويا تروح مع اخوك يا تغور وما تورنيش وشك. تاني... 

_اتنهد كمال بضيق وطلع لقي عبدالله واقف عند. العربيه بتاعته وبيتكلم في الفون، وقف جنبيه لحد ما خلص مكالمته وبعدين قاله.. 

كمال

ناوي علي ايه؟.. 

عبدالله 

امك. فين سيبتها لوحدها ليه؟.. 

كمال

قالت مش هتمشي من هنا غير لما أسرار ترجع.. 

عبدالله

خليك قااعد معاها طيب وانا هتصرف.. 

كمال

انا هاجي معاك مش هسيبك لوحدك.. 

عبدالله بسخريه

لا انا متعود ابقي لوحدي من زمااان، روح شوف نفسك هتعمل ايه ولو تقيل عليك. تقعد جنب امك كمان، امشي وانا هعرف اشيل الشيله دي لوحدي انت من يومك شايل ايدك من المسؤليه دي اصلا وانا اللي فيها لوحدي لحد ما اتعودت.. 

كمال بضيق 

أسرار بنت عمي زي ما هي بنت عمك. وانت اخويا وانا مش هسيبك لوحدك. وهنرجعها سوا، ولا انت عايز يقولو ولاد محمود القاضي مش رجاله وما عرفوش يحافظو علي بنت عمهم.. 

عبدالله بجمود

تمام انا كلمت واحد هنا ليا معرفه بيه هيعرف يجيبلنا مكان أسرار لان موبيلها لسه مفتوح وخلف وابنه اغبيه مش هيااخدو بالهم من حااجه زي دي، وكمان هيبعتلي حرااسه عشان لو لزم الامر هو صاحب شركة امن وهيظبطلي الموضوع ده.. 

كمال

طيب ناخد امك نرجعها البيت مش هينفع تقعد هنا.. 

عبدالله 

لو هتقدر تقنعها ادخل هاتها... 

كمال 

لا خلاص خليني واقف جنبك. احسن.. 

ــــــــــ #بقلم_الكاتبه_رحاب_القاضي ــــــــ

_وفي بيت بسيط جدا في منطقه مقطوعه كانت قااعده أسرار بتعيط وهي خايفه جداً من المكان ومن الرجاله اللي واقفين عند الباب قدامها، ودخل شعبان ابن خلف في الوقت ده وقرب منها وقال.. 

شعبان

بزياداكي يا أسرار قولتلك ما حدش هيأذيكي، هيدفنو امك بس وبعد. اكده هنمشي من المكان ده وهنرجع بلدنا.. 

أسرار بدموع

مش هرجع وياكم انا، مش هرجع مع قتلو اخويا.. 

شعباان بضيق

ما كانش المقصود اخوكي وانتي عارفه أكده زين، ولاد عمك دول مش هيحموكي مكانك معانا احنا في بيت خالك هتعيشي معززه مكرمه وابوي مش هيقدر يعملك حااجه طول ما انا معاكي. 

بصتله بغضب وقالت

مش هيحصل ولا هقعد عندكم يوم واحد، عندي اموت ولا اقعد مع اللي حرموني من اخويا وامي.. 

شعبان بعصبيه 

لا هو غصب عنك ده هيحصل وحبيب القلب عبدالله اللي رفضتيني عشانه زمان وهو سابك واتجوز قريبته مش هيحميكي ولا هيفكر يرجعك اصلا لما ورثك في امك. يتكتب بأسمنا مش هيبقالك لازمه عندهم وما هيبقاش ليكي غيري.. 

_قال كلامه وسابها وطلع وهي فضلت تعيط تاني بخوف من ان عبدالله يتخلي عنها وتتجبر تعيش مع اللي قتلو اخوها وكانو سبب في موت امها.. 

ــــــــــ #بقلم_الكاتبه_رحاب_القاضي ــــــــ

_وبعد شويه علي مساافه من المكان اللي موجوده فيه أسرار كان واقف عبدالله بعربيته ومعاه كمال واربع رجاله من اللي طلبهم عبدالله من شركة الامن.. 

كمال بغيظ 

انا نفسي افهم احنا ما بنكلمش الشرطه ليه، هو احنا في فيلم ايه الجو ده.. 

عبدالله 

مش هكلم الشرطه احنا هنحل الموضوع.. 

كمال

يا سلااام بالبسااطه دي حضرتك احنا هنحل الموضوع، دي مخطوفه ومدام عرفنا المكام كنا بلغنا عنهم.. 

عبدالله 

وبعد ما ابلغ هيحصل ايه هيقولو خالها وواخدها عنده ويبقي البلاغ كاذب ووقتها الله واعلم خلف ممكن يعمل ايه فيها وانا مش هسمحله يعمل في اسرار حااجه.. 

كمال 

طيب واحنا هنعمل ايه دلوقتي؟.. 

عبدالله 

هنهجم عليهم وهناخدهم بالعافيه.. 

كمال بغيظ

هي عشة فرااخ هنروح نسرق منها البيض دول نااس متسلحين، بص روحو انتو وانا هستناكم هنا.. 

عبدالله بسخريه 

انا قولت من الاول العضلات كلها نفخ، وبعدين الشجاعه للرجاله والخوف للحريم خليك هنا وانا هروح اجيب بنت عمي وجاي.. 

اتنهد كمال بضيق وقال

جااي معاك هي شكلها النهايه النهارده، بس لو حصلتلي حاجه قول لرضوي اني بحبها وما بحبش غيرها.  

عبدالله 

بالله عليك مش وقت محن انا علي اخري، بص انا هنزل هنا انا والرجاله هنعمل دوشه الكل هيتلم علينا انت هتدخل ومعاك واحد من الرجاله هتاخد اسرار وترجع هنا من الشبااك اللي ورا ده واحنا هنغطي عليك ونيجي وراااك... 

كمال بقلق

طيب هات سلاح زي اللي معاك ده انا مش معايا.. 

شاور للرجاله اللي ادوله مسدس هو كمان واول ما مسكه كمال قال

يا نهار اسود انا اول مره امسكه في حياتي ما اعرفش حتي بيضرب ازاي.. 

عبدالله 

يلا بينا يا رجاله ركز يا كمال اسرار تطلع معاك فاهم والا مش هنعرف نرجعها تاني ابداً... 

_قال كلامه واخد الرجاله ونزلو فعلا واتخبو في اماكن بعيده عن. البيت من قدااام وفضلو يضربو نااار علي رجالة خلف اللي اتلمو فعلا كلهم من قدام عشان يقفو قدام الهجوم اللي جالهم فجأه ده، وفي الوقت ده نزل كمال ومعاه واحد من رجالة عبدالله وفتحو الشباك اللي في البيت من ورا ودخلو البيت وفضل كمال يدور علي اسرار بسرعه ودخل الاوضه اللي هي قااعده فيها ولقاها قااعده جنب الكنبه علي الارض متخبيه وبتعيط بخوف من صوت ضرب الناار اللي حواليها.  

اتنهد بهدوء وقال

أسرار.. 

بصتله بسرعه وابتسمت بتلقائيه اول ما شافته وقالتله بخوف

اقوم عادي ولا ايه؟.. 

كمال 

ما تخافيش ما احنا واقفين قدامك اهو تعالي يلا بسرعه.. 

_كانت لسه هتقوم بس ابتسامتها اختفت اول ما دخل شعباان ووقف ورا كمال وحط سلاحه علي راس كمال وقال بحده.. 

شعبااان

عندك يا حلو فاكرها عند حريم جاي تاخدها وتمشي ليه هو احنا زيكم لا سمح الله.. 

بصله كمال بقلق وقال 

بص يا اسمك ايه انت انا جاي اخد اسرار وماشي ماليش في المشاكل بتاعتكم دي والتار والكلام ده.. 

شعبااان بسخريه 

خااابر زين انك جاي من عند الخوجات وعضمك طري، عشان أكده انقولك اترزع علي الارض قدااامي انت واللي معاك ده والا هفرغ سلاحي كله فيك،وارمي سلاحك علي الارض وغور اترزع يلا... 

كمال بهدوء

اوكي زي ما تحب يا اسمك ايه انت، انا عايز افتكر اسمك بس.. 

وبص لاسرار وقال

انا فاكره ده ابن خالك الرزل بس اسمه ايه يا أسرار؟.. 

اسرار بخوف ودموع 

اسميه شعبان... 

رجع كمال بصله وقال 

ايوه هو ده اسمه شعبان، بص يا شعباان يا حبيبي انت غلطت غلطتين لما خطفت بنت عمتك وممرمطها معاك وده ما بيحصلش في بنات عيلة القاضي وهي اسمها اسرار القاضي، وتاني حاجه انك بتغلط فيا وفاكرني طري بس انا مش كده.. 

_وبحركه سريعه منه مسك المسدس اللي في ايد شعباان ولف درااعه علي رقبة شعبان وضربه بضهر المسدس علي راسه اكتر من مره لحد ما خلااه فقد الوعي ورماااه علي الارض وهو رااسه بتنذف وقال لاسرار بسرعه... 

كمال 

يلا قومي بسرعه قبل ما حد تاني يجي.. 

_قامت اسرار بسرعه ومسكت في دراعه ومشيت معاه وهي خااايفه جداً واول ما وصلو عند الشباااك طلع كمال وقالها.. 

كمال 

يلا يا اسرار بسرعه.. 

أسرار بخوف 

الشبااك طويل وانا قصيره وهدومي طويله مش هعرف اطلع عليه.. 

الحارس قرب منها وقال

انا هساعدك.. 

وقبل ما يلمسها زعق فيه كمال وقال بحده 

انت هتنيل ايه ابعد عنها... 

_ورجع كمال نزل تاني بسرعه من الشباااك وقال للحارس هو اللي يطلع الاول وهو بحركه مفاجأ شال أسرار ورفعها علي الشباااك وخلاها فعلا تقدر تطلع ووشها قلب احمر بكسوف وتوتر، وهو بسرعه طلع وراها وقال بجديه.. 

كمال 

يلا بينا بسرعه عشان عبدالله يلحق يرجع.. 

اسرار بقلق 

هو عبدالله فين اصلا؟.. 

كمال 

ما تقلقيش جاي ورانا.. 

_واخدها فعلا وركبو العربيه وفي خلال دقايق قليله رجع عبدالله ورجالته بسرعه وركب عبدالله جنب اسرار في العربيه ورجالته وراهم في العربيه التانيه ومشيو من المكااان كله.  

مسك عبدالله ايد أسرار بتلقائيه وقال بقلق 

انتي كويسه حد عملك حاااجه هناااك.. 

أسرار 

لا انا زينه ما حدش عملي حااجه، بس اللي فهمته انهم عايزيني اتنازل عن ورث امي وكمان شعباان قالي انهم عايزين اعيش عندهم علي طول.. 

عبدالله 

ما تخافيش ما حدش هيخليكي تعملي حااجه غصب عنك.. 

كمال 

اللي اسمه شعبان ده طلع علينا بس اسرار تقولك انا عملت ايه.. 

عبدالله بص لاسرار وقال 

قوليلي عمله ايه عشان مش هصدق كلامه.. 

اسرار بهدوء

ضربه ومشينا عادي.. 

كمال بغيظ

عادي؟؟ تصدقو انا غلطااان اصلا انا مالي بالموضوع ده ما خدتش منه غير اني قطعت الخلف تقريباً يعني... 

أسرار بنبره حزينه 

لو كان عمر اخويا عايش ما كانوش فكرو يأذوني اصلا.. 

عبدالله 

واحنا اخواتك ومكان عمر واللي حصل ده والله ما هيتكرر تاني ولا ايه يا كمال.. 

كمال 

والله اللي عملتو هو اللي يتكلم عني وعن جدعنتي.. 

عبدالله بسخريه

هيفضل يزلنا سنه بالموضوع ده وكاني مش واخدك معايا العافيه.. 

_ابتسم كمال بهدوء وبص لاسرار من المرايا وكانت باصه من الشبااك وملامحها كلها حزن باين من الدموع اللي في عيونها.  

ــــــــــ #بقلم_الكاتبه_رحاب_القاضي ــــــــ

_وتاني يوم الصبح بدري كانت شهد قااعده في النااادي لوحدها وشكلها مدايق جداً، وفجأه قعد قدامها زيد وقال.. 

زيد 

هو انتي بتراقبيني ولا ايه؟.. 

شهد 

انت بتعمل ايه في الوقت ده هنا؟.. 

زيد 

باجي اشم هوا ديما في الوقت ده، انتي ايه اللي جايبك هنا وكمان في المكان ده انا اعرف انك بتقعدي هناااك في الكافيهات الارقي من كده بشويه.. 

شهد 

حابه اقعد في مكان ما حدش يعرفني فيه مع نفسي شويه، بس دي كمان ما نفعتش وطلعت انت هنا.. 

ضحك زيد وقال

هههه خلاص سوري انا هقوم عشان اسيبك مع نفسك من غير ما اتحشر بينكم.. 

شهد 

لا لا عادي والله مش قصدي تشرب ايه.. 

زيد 

لا احنا هنفطر وخليني اطلبلك فطار علي ذوقي كمان.. 

شهد بهدوء

تمام اتفضل اطلبلنا.. 

_وبعد ما فطرو كانو قااعدين بيتكلمو وزيد قالها بهدوووء... 

زيد 

بصي هو انا عندي سؤال ومش تطفل بس هو يونس بيدايق لسه اننا بنتقابل او وجودي في حياتكم الفتره اللي عدت دي، اتمني تردي بصراااحه.. 

شهد بضيق

بصراحه ايوه بس يعني هو مش منعنا نتواصل معاك وخصوصا انك بقيت تعرف الولاد دلوقتي فالموضوع بقي عائلي شويه... 

زيد

بس انا قااصد اقرب منك يا شهد من لما عرفت انك مامت يارا، انا قاصد اننا نتواصل تاني وتبقي علاقتنا احسن.. 

شهد بحده 

انت بتقول ايه انت، انا متجوزه علي فكره وانا غلطانه اني قعدت معاك.. 

جات تقوم بس هو مسك ايدها وقال بسرعه 

لو سمحتي يا شهد استني انا مش قصدي اللي انتي فهمتيه والله.. 

سحبت شهد ايدها منه وقالت

اومال حضرتك قصدك ايه بقي؟.. 

زيد 

عشان ياسمين بنتي، بصي هو انا اتجوزت بعد ما سيبتي الشغل انتي بفتره قليله وخلفت ياسمين علي طول زي ما انتي خلفتي يارا كده، مامتها ماتت في حادثه وعمر ياسمين كان 5 سنين وقتها انا سيبت بنتي لماما واتلهيت في شغلي لحد ما ماما ماتت هي كمان، فجأه لقيت نفسي انا وبنتي لوحدنا مالنااش حد لا قرايب ولا اي حد، اهتميت بيها من لما كان عندها سبع سنين للنهارده وانا بحاول اعوضها عن كل حاجه، بس للاسف مش هقدر اكمل معاها اللي جاي.. 

شهد بعدم فهم 

ازاي يعني؟.. 

زيد بدموع 

لاني مريض كانسر في الدم من شهرين عرفت الموضوع ده وبتعالج في السر بس هسافر اكمل علاج بره مش عايز ياسمين تحس بحااجه،وكنت مصمم اقرب منك لان ماليش حد اسيب بنتي وهي في السن ده معاه، كل معارفي مصالح بينا مش اكتر، هي بتحبك جدا وبتحب حبك ليارا، فانا هسافر قريب اتمني تخليها معاكي ولو رجعت هكون مُمتن جدا ليكي ولو ما رجعتش انا هسيبهالك هي وثروتي كلها تخلي بالك منها ومن فلوسها لحد ما تعتمد علي نفسها كل الكلام ده انا كاتبه في وصيه مع المحامي بتاعي عشان لو ما قدرتش اتعالج وسيبتها تكون عارفه كل حاجه، بس اوعديني الكلام ده بيني انا وانتي وبس مش عايز ياسمين تعرف عنه حاااجه.. 

شهد بحزن 

اطمن هي مش هتعرف حااجه وهتفضل معايا لحد ما انت تخف وترجع بالسلامه.. 

زيد ابتسم بهدوء وقال

ممكن تيجي معايا مشوار مهم؟.. 

شهد

فين؟.. 

زيد 

هتعرفي لما نرووح بس هيغير نفسيتك جداً، يلا بينا ومش هتندمي والله.. 

شهد بتوتر

ااا هو انا محتاجه اغير من نفسيتي فيلا بينا انا جاهزه.. 

_اخدها زيد معاه في عربيته ووقفو بعد شويه قدام ورشه بسيطه جداً، نزل زيد من العربيه وخدها معاه ودخلو هنااك لقيو ست كبيره قااعده علي مكنة خياطه وبتستخدمها بكل مهاره.. 

زيد 

فردوس جيبتلك شهد اللي قولتلك عليها قبل كده.. 

.

‌_وقفت فردوس الشغل اللي معاها وبصت لشهد وابتسمت وقالت بهدوء.. 

فردوس

اهلا وسهلا يا هانم.، دي هانم بجد يا زيد زي اللي بيبانو في التلفزيون.. 

زيد 

لا انتي فاهمه غلط هي مصممة ازيااء، اللي قولتلك عليها... 

فردوس 

اااه افتكرتها اتفضلي تعالي.. 

دخلت شهد. وقالت لزيد بصوت واطي

هو احنا جايين هنا نعمل ايه؟.. 

زيد 

انا باااجي اعمل التصميمات المميزه بتاعتي هنا مع الست فردوس كان الاول باباها هو اللي بيساااعد ماما ودلوقتي هي ورثت المهنه من ابوها وبتساعدني، انا هجيب الورق والقلام ونصمم والقمااش اللي نحتااجه في المخزن واكتر حد هيساااعدنا في التصميم فردوس، وعايزك بقي توريني موهبتك يا شهد... 

شهد بحماااس 

اوكي يلا نبدأ... 

ــــــــــ #بقلم_الكاتبه_رحاب_القاضي ــــــــ

_في بيت يونس الصاااوي كانت يارا قاعده في اوضتها وبتكلم زين وبتقوله بتوتر... 

يارا

تتجوز مين وتخطب مين انت بتهزر صح؟.. 

زين 

لا ما بهزرش انا مستني وقت مناااسب وهقابل باباكي واتقدملك.. 

ابتسمت يارا بسعاده وقالت

بس انا لسه صغيره وكمان بابا يعني مش عارفه هيكون رد فعله ايه.. 

زين 

يبقي زي ما يبقي رد فعله ولو رفض هتقدم تاني وورااه لحد ما اقنعه.. 

يارا بقلق

بس هو هيرفض عشان حامد ابن عمي.. 

زين 

فاهم بس انتي بقي عايزه مين؟.. 

يارا بتلقائيه 

انت طبعا.. قصدي يعني وقتها هفكر واختارك انت.. 

ضحك زين بهدوء وقال

ما انا عارف انك. حتي من غير ما تفكري هتختاريني انا، ادعي بس العمليه تنجح وبعدها كل حااجه هتبقي ساهله.. 

يارا

ان شاء الله هتنجح وهتخف، طيب ما نأجل انك تكلم بابا لوقت تاني بعد العمليه يعني.. 

زين 

انا حابب كده وبعدين خليكي واثقه فيا وفي حبي ليكي.. 

ابتسمت بتوتر وقالت 

طيب انا اا هنزل عشان افطر معاهم تحت وبعدين ياسمبن حايه تقعد معايا النهارده.. 

زين 

تمام ماااشي وخلي بالك من نفسك وذاكري كويس الامتحانات خلاص قربت.. 

يارا

اوكي.. باااي.... 

_قفلت معاه ونزلت تحت لقيت ياسمين قااعده مع يونس بيفطرو وهما بيتكلمو مع بعض.. 

يارا 

ياسمين انتي هنا من امتي؟.. 

ياسمين 

لسه جايه واونكل يونس قالي افطر معاه.. 

يونس

امك واخواتك ما فطروش ومشيو وانتي مش نازله وما بحبش افطر لوحدي.. 

يارا

مامي مشيت بسرعه كده ليه، لسه معاد شغلها كمان شويه.. 

ياسمين

لا طنط شهد مش في شغلها هي مع بابا... 

بصلها يونس بضيق وقال

مع بابا فين يعني؟.. 

_شاورتلها يارا انها ما تتكلمش وياسمين قالت بقلق وعدم فهم لتحذيرات يارا.. 

ياسمين

انا كلمت بابي عشان اقوله اني جايه عند يارا وهو قالي انو مع طنط شهد في النادي بيفطرو مع بعض وبعدين هيروحو مشوار مع بعض بس ما قاليش فين.. 

بصتلها يارا بغيظ وقالت بصوت واطي

اطلقت مامي خلاص منك لله.. 

يونس بجمود 

تمام انتو هتقعدو هنا ولا طالعين؟.. 

ياسمين 

لا احنا هنذاكر هنا ولا ايه يا يارا.. 

يارا بقلق

اللي تشوفه حضرتك يا بابا.. 

قام يونس وقال

زي ما تحبو... 

_قال كلامه وسابهم وخرج من البيت وكان شكله متعصب جدا، وقعدت يارا جنب ياسمين وقالتلها... 

يارا 

انتي ازاي تقولي كده قدااام بابا؟.. 

ياسمين 

وفيها ايه ما هي مع بابا.. 

يارا 

ما هي المشكله انها مع باباكي، انتي واخده بالك يعني ان بابا بيغير علي ماما من باباكي.  

ضحكت ياسمين وقالت 

ههههه انتي بتتكلمي بجد ده انا كده خربت الدنيا.. 

يارا 

حصل يا حبيبتي حصل.. 

_وفي عربية يونس كان بيحاول يكلم شهد بس موبيلها كااان مقفول، وقال للسواق بنبره غاضبه.. 

يونس

بقولك ايه انزل انا مش رايح الشركه النهارده.. 

السواق

طيب تحب اوصل حضرتك فين يا يونس بيه؟.  

يونس

مشوار شخصي واعتبر نفسك اجااازه النهارده.. 

_سمع السواق كلامه ونزل من العربيه وركب يونس مكااانه وراااح لشركة زيد، واول ما دخل قال لموظف الاستقبال.. 

يونس

زيد موجود؟.. 

الموظف 

لا يا افندم زيد بيه النهارده مجااش، لو حضرتك عابز احددلك معاد سيب اسمك واليوم اللي عايز تقابله فيه... 

_ما ردش عليه يونس وطلع بره الشركه وحاول يكلم شهد تاني بس موبيلها كام لسه مقفول، زادت عصبيته اكتر وركب عربيته ورااح لشركة شهد وطلع فوق مكتبها وقال للسكرتيره.  

يونس

شهد جوه؟.. 

السكرتيره 

لا هي بعتتلي رساله من ساعتين تقريبا قالتلي انها مش جايه النهارده وأجلها كل الشغل لبكره.  

يونس بجمود 

تمام... 

_مشي يونس وغضبه كان باين عليه وهو بيتوعد لشهد بعقاب لن تنسااه ابداً علي اللي بتعمله ده.. 

ــــــــــ #بقلم_الكاتبه_رحاب_القاضي ــــــــ

_وفي بيت الاستاذ حسن كانت قااعده هنا مع حسن وليلي اللي قالتلها... 

ليلي

اهو موضوع انك تقدمي امتحاناتك من هنا اتحل عمك عز حل الموضوع كله، ممكن بقي تذاكري وما تشليش هم حاااجه.. 

هنا 

انا بجد مش عارفه اشكركم ازاي، انا فعلا كنت شايله هم اني اروح البلد واصلا خالتي لو عرفت ان بابا مات مش هتخليني اقعد هنا.. 

حسن 

ما حدش ليه دعوه بيكي وانتي هتقعدي هنا غصب عنهم ده بيتك، ولو حصل وصممت انها تاخدك انا هقفلها ومش هخليكي تمشي من هنا غيى لما نوديكي بيت جوزك ان شاء الله وده برضو هيفضل بيتك وشقتك موجوده تحت هتفضل بأسمك طول العمر.  

هنا 

شكرا جدا يا بابا حسن.. 

حسن 

لا شكرا ايه انا شكرا بتاعتي انك تقومي تعمليلي كوباية شااي.. 

هنا 

لا شاااي ايه الدكتور قال ما تشربش شاي هو انت ما بتسمعش الكلام ليه يا حسن.. 

حسن بخوف مصطنع

اللي تشوفيه يا حبيبتي مش عايز شاي.. 

ليلي

قومي يا هنا اعمليله عصير، اعمليله موز باللبن.. 

حسن 

انا ما بحبش اللبن يا ليلي.. 

ليلي 

بس اللبن كويس دلوقتي هو والفاكهه لصحتك تحبه بعد كده. يا حسن.. 

حسن بغيظ 

هحبه حااضر يا ليلي، قومي يا بنتي اعمليلنا العصير... 

هنا 

حاضر من عينيا.. 

دخلت هنا المطبخ وليلي قالتله بصوت واطي

ايه رئيك في هنا لطااارق.. 

حسن بضيق

ايه اللي انتي بتقوليه ده يا ليلي.. 

ليلي 

هو ايه اللي بقوله يا حسن، البنت مؤدبه وهاديه وبتسمع الكلام وزي القمر فيها ايه لو جوزناها لطارق.  

حسن بضيق

هو سلق بيض يا وليه، وبعدين هو ابنك اللي قالك ولا انتي بتقولي كده من دماغي.. 

ليلي 

لا هو ماقالش حااجه بس انا بشاركك افكاري.. 

حسن بغيظ 

ما تفكريش تاني لو ابنك قال من نفسه هاا من نفسه من غير ما نلمح احنا بحااجه وقتها نبقي نفكر وانتي فهماني يا ليلي.. 

ليلي

طيب يعني الموضوع من بعيد كده ايه رئيك فيه.. 

حسن بجديه

ولا ليه اي لازمه، قوليلي بتكلمي رواان؟.. 

ليلي بضيق

ايوه بكلمها اا ام عمر ماتت علي فكره وهيسافرو يدفنوها في البلد النهارده... 

حسن 

ازاي الكلام ده اومال رضوي قالتلي ان كمال جااي بخطبها النهارده مني من جديد. ازاي ومرات عمه ميته.. 

ليلي بحده 

نعمم نعمم يخطب مين هي بنت الجزمه دي ناويه ترجعله.. 

حسن بخوف 

انتي اتحولتي كده ليه اهدي وهفهمك الموضوع مش زي ما انتي فاهمه.. 

_الباب بتاع شقتهم اتفتح في الوقت ده ودخل طارق ومعاه ريناد وهو ماسك ايدها وساندها وعي ماشيه.. 

قامت ليلي بسرعه ومسكت ايد ريناد وقالت 

الف سلامه عليكي يا حبيبتي، تعالي انا روقتلك اوضتك ارتاحي فيها لحد ما اجيبلك حاجه تكليها وتاخدي العلاج وتنامي... 

طارق بضيق

يا ماما خليها ترتاح الاول بس.. 

ليلي

اوعي انت سيبها بس مالكش دعوه انا ههتم ببنتي.. 

_

واخدتها ليلي ودخلو اوضتها الجديده اللي كانت بتاعت طارق وحسن بيبصلها بحزن ومش راضي بتكلم، وقعد طارق جنبيه وقاله بعصبيه.. 

طارق 

عبدالله ابن اختك ضرب روان وحالتها زي الزفت.. 

حسن بصدمه 

انت بتقول ايه، عملت ايه اختك عشان يعمل فيها كده؟.. 

طارق

هو احنا في عملت ايه يا بابا، هو ليه يمد. ايده عليها اصلا اوعي تقولي هنسكتله هو كمان واللي حصل في ريناد يتكرر في روان.. 

سمعتهم ليلي في الوقت ده وقالت بخوف

يعني ايه الكلام ده، مالها روان في ايه يا حسن؟... 

حسن بضيق 

اهدي يا ليلي.. 

ليلي بحده

اهدي ايه مالها بنتي هو انا ليه بناتي يحصل فيهم كده وكله بسبب ولاد اخواتك... 

حسن مسك بطنه بألم وزعق فيها وقال

قولتلك اهدي يا ليلي مدام مش فاهمه حاااجه يبقي تخرسي خااالص.. 

طارق بقلق

بابا انت كويس.. 

حسن بجمود 

روح هات اختك يا طارق وما تتكلمش مع عبدالله ولا تعمل مشكله، هات اختك من سكات وتعالي.. 

طارق بضيق

حااضر يا بابا.. 

طلعا هنا من المطبخ وقالها حسن بهدوء

فين العصير انتي كمان ساعه بتعمليه.. 

هنا 

حاضر ثانيه واحده.. 

_وقام طارق مشي وجابتله هنا العصير وحطته قداامه وهو بص لـ ليلي اللي واقفه وقالها بهدوء.. 

حسن 

نهدي يا ليلي شويه روحي جهزي الاكل لريناد وما تزعليش قدامها كفايه اللي هي فيه.. 

ليلي بغيظ 

اقسم بالله يا حسن لو ما جيبتلي حق بناتي من ولاد اخواتك ما هقعدلك فيها.. 

حسن بهدوء 

هو ده وقته يا ليلي يعني انا تعبااان وتقوليلي كده.. 

ليلي بدموع 

يعني انت مش شايف اللي بيحصل فيهم يا حسن.. 

حسن 

هتعبك يا هنا هاتي كوباية عصير لماما ليلي وتعالي.. 

هنا 

علي فكره انا فاهمه انك بتوزعني انا كده كده قايمه اذااكر وماما ليلي انا جيبالها كوباية عصير اهي.. 

ليلي

تسلمي با خبيبة قلبي تعبتك معايا... 

حسن 

كلك مفهوميه يا بناس يالا علي اوضتك خليني اصالح مراتي براحتي.. 

ابتسمت هنا بهدوء ودخلت اوضتها وليلي قالت لحسن 

يعنفع كده كسفت البنت.. 

حسن 

لا البنت ما اتكسفتش انتي اللي اتكسفتي.. 

قعدت ليلي جنبيه وقالتله 

بتزعقلي انا يا حسن هونت عليك.. 

حسن 

طيب مش تفهمي الاول ما احنا لازم نفكر بالعقل انا وانتي عارفين ان عبدالله ما يعملش كده من الهوا اكيد بنتك عملت غلطه كبيره، فتيجي روان نتكلم معاها بالهداوه ونفهم الموضوع... 

ليلي

طيب وسيف واللي عملو في ريناد ده البنت في عز ما هي موجوعه نفسياً وجسدياً جه البارد ابن الساقعه هو وامه وسمو بدنها بكلامهم وقدامي وقدام اخوها وعمها مد. ايده عليها، ده مش شايف حد ومستقل بينا كلنا يا حسن، وبيعمل فيها هو وامه ما بدالهم.. 

حسن بدموع 

كنت بسكت الاول عشان ما اخربش عليها ما هو الطلاق لريناد بشخصيتها دي وفي سنها ده مش ساهل ومعاها بنت كمان، بس دلوقتي الموضوع اتغير ولمياء اختي ااه بس اللي يجي علي ولادي حتي لو كان مين مش هسكتله تاني.. 

نامت ليلي براسها علي كتفه وقالت بدموع 

ربنا يخليك لينا يا حسن وما يحرمنااش منك ومن وجودك في حياتنا ابداً، احنا من غيرك فعلا ولا حاااجه كلنا محتاجينلك.. 

قبل ما يرد عليها طلعت روفان من اوضتها وقالت

يالهوي انت بتخوني مع ماما يا بابا..... 

ضحك حسن هو وليلي اللي قالت 

الله يخربيت لساانك ده الجيران يقولو علينا ايه بس.. 

روفان بغيظ 

قومي من جنب بابا.. 

ليلي بغيظ 

شايف بنتك يا حسن طيب والله ما انا قايمه.. 

روفاان بغيره

بابا خليها تقوم.. 

حسن بقلق

ليلي مش هنعمل عقلنا بعقل عيله صغيره يعني.. 

ليلي بغيظ 

بقي كده يا حسن طيب اشبع ببنتك.. 

_قامت ليلي وسابتهم ودخلت المطبخ وروفان جريت وقعدت مكانها وقالها حسن بغيظ.. 

حسن 

ده انا ما صدقت اصالحها يا سوسه عجبك كده؟.. 

روفان بسعاده 

اااه عاجبني.. 

ــــــــــ #بقلم_الكاتبه_رحاب_القاضي ــــــــ

_وفي شقة عبدالله.. 

اول ما دخل شقته لقي روان قااعده في الصاله وهي لابسه بنطلون جينز واسع وبلوزه مقفوله بس دايقه جداً وشنطها اللي فيهم هدومها جنبيها، واول ما شافته بان عليها الخوف والتوتر وبصت للناحيه التانيه.. 

قرب منها وقال بجمود 

برافو عليكي وفرتي علينا الوقت ادخلي بقي لمي هدوم حاجات أسرار وماما عشان هنروح كلنا البلد دلوقتي.. 

قامت روان وقالتله بضيق

طارق جاااي ياخدني دلوقتي.. 

عبدالله بجمود

ياخدك فين؟.. 

روان بخوف

ياخدني لل لبيتنا انا مش هقعد معاك تاني بعد اللي عملته فيا امبااارح.. 

عبدالله بهدوء 

مااشي خليه يجي وانا مستنيه وبالمره اوريه الصور اللي معايا دي واقوله علي اللي كنتي بتعمليه.. 

روان بدموع

انت مش هتقوله حااجه مش عاقبتني بطريقتك الهمجيه دي امبارح، مالكش دعوه تاني بيا بقي.. 

_قرب منها ومسكها من دراعها جامد خلاها اتنفضت بخوف وقال بحده..

عبدالله

ده انا اكتر واحد دلوقتي ليه دعوه بيكي، ولو اخوكي جه وما قولتيلوش اننا اتصالحنا وتسمعي كلامي يا روان انا هاخدك لابوكي واقوله علي كل اللي عملتيه، انا مش هستني تركبيني الغلط وانتي اللي غلطااانه.. 

روان ببكاء

انا مش عايزااك خلاص هو بالعافيه.. 

_في الوقت ده الباب خبط، فسحبت ايدها منه وراحت فتحت وكان طارق اللي دخل وبص لعبدالله بحده وقال لروان.. 

طارق 

يلا بينا.. 

عبدالله 

تعالي يا طارق نتكلم الاول.. 

روان بخوف 

لا هو مش هيتكلم معاك، لو سمحت يا طارق خلينا نمشي من هنا.. 

طارق بحده 

انت هتتكلم تقول ايه، بتاه ايه اصلا تمد ايدك عليها يالااا، انا لولا اني لسه عاملك قيمه والله كنت طحنتك دلوقتي.. 

عبدالله بجمود 

طيب ما تجرب تسأل اختك كده هي عملت ايه يخليني اعمل كده واكيد انت عارف ان انا مش هعمل حاجه زي دي لسبب تافه.. 

بص طارق لاخته بشك وسألها

ايه اللي عملتيه يخليه يمد ايده عليكي يا روان؟.. 

سكتت روان وبصت للارض بخوف وقال عبدالله بجمود 

اختك كانت بتسهر في ديسكو ملهي ليلي من تاني يوم فرحنا لحد امبارح، ومش بس كده دي بتلبس هدوم والله لو كانت لبستهالي واحنا لوحدنا كنت هفتكرها قمصااان نوم، وكمان بتقعدلي مع عيل صايع الله واعلم ايه اللي بينهم هي بتقول ما فيش حاجه وانا هعمل نفسي مصدقها. بس لو انت مكااني ومراااتك بتعمل كده او عرفت ان روان بتعمل كده من وراااك هيكون ايه رد فعلك... 

بصلها طارق بغضب وقال

ده حصل بجد؟.. 

روان بدموع وخوف

والله العظيم انا كنت مع صحابي وعادي يعني.. 

طارق بحده 

هو ايه اللي عادي قللتي مني انا وابوكي في لحظه اهو.. 

وبص لعبدالله وقاله بجمود 

اعمل فيها اللي انت عايزه مراااتك وما حدش هيلومك انك بتربيها، وانتي تحمدي ربنا انه لسه باقي عليكي.. 

_قال كلامه وسابهم ومشي وهي بصت لعبدالله بحزن وهو قالها بجديه.. 

عبدالله 

يلاا لمي حاجة امي واسرار عشان هنمشي دلوقتي، انا هغير هدومي واجيب حاجتي من جوه وجاي.. 

_وسابها ودخل اوضتهم وهي عملت زي ما هو قالها وفضلت تعيط بحزن... 

ــــــــــ #بقلم_الكاتبه_رحاب_القاضي ــــــــ

_وفي الشغل عند. رضوي كانت واقفه هي واسلام مع العمال وموبيلها رن برقم كمال فقالتله.. 

رضوي

كمل انت يا اسلام دقيقه وجيالك.. 

اسلام 

تمام يا بشمهندسه.. 

وراحت وقفت بغيد شويه عنهم وردت علي كمال وقالت

نعمم يا كمال في ايه؟.. 

كمال 

عطلتك عن شغلك ولا حاااجه.. 

رضوي 

ااه شغاله في حااجه؟.. 

كمال

لا بس بأكد عليكي اني هاجي النهارده اتكلم مع خالي حسن في موضوعنا.. 

رضوي

هو مش انت مسافر البلد عشان مراات عمك اللي توفت دي؟.. 

كمال 

لا هالي عز هيسافر مع عبدالله هو وسيف وانا هكلم خالي الاول وبعدين احصلهم وعلي فكره هحدد معاد فرحنا كمان في اقرب وقت،مش هضيع اي لحظه تاني وانتي بعيد عني.. 

رضوي 

ان شاء الله خلاص هنستناااك النهارده بالليل،انا هقفل دلوقتي بس عشان عندي شغل مهم.. 

كمال 

اوكي وخلي بالك من نفسك.. 

_قفلت معاه رضوي واتنهدت بضيق، وفي الوقت ده كان واقف يوسف وراها وقالها.. 

يوسف 

قالك ايه؟.. 

رضوي بصتله بضيق وقالت

انت كنت فين كل ده؟.. 

يوسف 

ده اهتمام بقي ولا فضول.. 

رضوي بحده 

لا ده شغل والمفروض انك هنا مش مميز عن حد. وتبقي موجود في معادك.. 

يوسف 

في ايه يا رضوي ما تتكلمي كويس، وبعدين لو ناسيه انا روحت اقابل المستثمر واعرض عليه افكارنا وهو قال هيجي بنفسه ويشوف الدنيا كاشيه ازاي.. 

رضوي 

ابقي قولي قبلها بعد كده مدام انا المشرفه هنا ابقي عارفه كل حاااجه.. 

يوسف

طيب انا كلمت اخوكي وعايز بقي معاد منك واجي اتكلم رسمي.. 

رضوي بجمود 

بص يا يوسف انت اتسرعت وروحت قولت لاخويا انك بتحبني من غير ما انا ابادلك نفس الشعور ده،وانا اسفه يا يوسف انا مش موافقه بيك، وعلاقتنا بعد كده هتبقي مختصره علي الشغل وبس.. 

جات تمشي بس مسك ايدها جامد وقال بعصبيه 

هو انا لعبه في ايدك انتي مش قولتي هتديني فرصه، مش قبلتي قربي منك من الاول وكنتي بتكلميني وفتحالي سكه، ولا انا كنت الحد اللي بتنسي بيه احزااانك.. 

رضوي بقلق

يوسف الموضوع منتهي انت مش انا مش جاهزه ارتبط بحد ولو كنت جااهزه انت مش الشخص المنااسب عشااان ارتبط بيه، انا كنت بتعامل معاك الي انك صديق ماليش ذنب بقي انك رسمعت احلام من وحي خيالك.. 

يوسف بحزن 

فعلا الذنب مش ذنبك انتي، انا اللي غلطاان اني يوم ما حبيت بجد كانت واحده زيك استغلاليه... 

_قال كلامها وساب المكان كله واخد عربيته ومشي، وفي الوقت ده كانت نور ومحمود وميلاد ويوسف واقفين وسامعين الحوار اللي بينهم، ومدايقين من كلام رضوي ليه.. 

رضوي كتمت غيظها من كلامه وقالت بحده

في ايه واقفين كده ليه ما كل واحد علي شغله يلاا.. 

ميلاد بضيق

بعد اذن حضرتك انا عندي ظرف مهم ولازم امشي دلوقتي وبكره هاجي بدري.. 

رضوي 

طيب.. 

وسابتهم ومشيت ومحمود قال لميلاد

انت رايح فين؟.. 

ميلاد 

هروح ليوسف ما ينفعش نسيبه لوحده في الحاله دي.. 

اسلام 

بجد البشمهندسه رضوي دي بني ادمه استغلاليه فعلا، كلنا كنا واخدين بالنا من اهتمامهم ببعض دلوقتي ما بقاش شخص منااسب ليها.. 

نورا

انا بقول نخلينا في شغلنا احسن.. 

اسلام بسخريه

حقك تقولي كده انتي كمان ما انتو صنف تديم. الاحساس والمشاعر.. 

نورا بغيظ 

طيب شكرا يا اسلام خليك واقف ترغي.. 

ــــــــــ #بقلم_الكاتبه_رحاب_القاضي ــــــــ

_وبالليل في بيت الاستاذ حسن كانو كلهم قاعدين مع بعض معادا ريناد اللي كانت نايمه في اوضتها ومعاها بنتها... 

ليلي

غلط. يا طارق انت كنت جيبت اختك معاك، ما كنتش عملت كده وقللت منها قدامه.. 

طارق

انا اللي اتقل مني يا ماما هي الهانم خلت حاجه ادافع بيها عنها قدام. عبدالله والله انا كان وشي منه في الارض.. 

حسن 

هو عمل الصح روان لازم تشوف العين الحمرا وانا مهما عملت مش بيهون عليا زعلها وبتصعب عليا بس عبدالله هيعرف يتعامل معاها.. 

ليلي

صح بأنه يمد ايده عليها يا حسن.. 

حسن 

هو يعني اللي هي عملته كان صح انتي ربتيها علي كده يا ليلي؟.. 

روفان صرخت مره واحده وقالت 

يا بابا طاارق اكل اللب بتاعي.. 

طارق 

والله ما اكلت منها حاااجه.. 

روفان 

لا اكلت وكمان يا بابا اكل اللب بتاع هما وهي ما رضيتش تقولك.. 

هنا بغيظ 

بصراحه اه وانا مش راضيه اتكلم.. 

ضحكو كلهم وحسن قاله 

هو انت امتي هتكبر يعني.. 

طارق

من غير تهزئ كتير انا واخد بعضي وما تبقي من كرامتي ورايح انااام.. 

ليلي

رايح فين مش هتستني معانا عريس الغفله.  

هنا 

ايوه صح ازاي يا رضوي في عريس جاااي وانتي قااعده بالبجامه كده؟.. 

رد عليها طارق بسخريه

ما هو اصل مش اول مره يجي يتقدملها.. 

حسن 

مالكمش دعوه برضوي انا وهي عارفين اللي هيحصل دلوقتي.. 

في الوقت ده رن موبيل هنا فسألها طارق بفضول

مين بيكلمك؟.. 

_بصتله ليلي ورضوي بخبث ةقبل ما هنا ترد قال حسن بجمود.. 

حسن 

ردي علي اخوكي يا بنتي هو بس بيطمن عليكي زي ما بيطمن علي اخواته.. 

بصله طارق بعدم فهم وقال 

اخو مين واخوات مين يا بابا؟.. 

هنا 

ايوه يا بابا حسن فاهمه طارق ورضوي وريناد وروفان وروز اخواتي.. 

روز

نسيتي روان يا هنا.. 

هنا ابتسمت وقالت

وروان مع اني لسه ما اتعرفتش عليها يعني.. 

روفان 

وما انصحكيش تتعرفي عليها اصلها مش اختنا دي بنت وزير مش عارفين اسمه.. 

ضحكو كلهم وحسن قالها بجديه

انتو بتضحكولها ليه، مليون مره اقولك يا روفان ما نجيبش سيرة حد وهو مش موجود وما نغلطش في حد اكبر مننا.. 

روفان ببراءه مصطنعه

بس ماما كانت بتقولها علي طول ده دماغ روفان وروز اكبر منك يعني انا اكبر منها.. 

ليلي 

غلبااويه ومش هتاخد معاها لا حق ولا باااطل.. 

طارق 

ما قولتيلنااش برضو يا هنا مين بيكلمك.. 

هنا 

واحده صاحبتي معايا في السنتر اللي باخد فيه درووس.. 

طارق 

ايوه صح يا بابا انا هبقي اخد هنا ايااام امتحاناتها اوديها البلد بتاعتها وارجعها.. 

حسن 

لا متشكرين لخدماتك عمك. عز حل ليها الموضوع وهتمتحن هنا.. 

طارق بضيق 

ليه ما انا كنت هوصلها... 

ليلي بخبث

وعلي ايه الصرمحه ما عمك حل الموضوع... 

طارق بصوت واطي

اممم عمي ده ما بشفوش بيحل غير علي وشي انا 

الباب خبط في الوقت ده وروفان قالت 

الخازوق وصل.  

حسن بحده 

يا قليلة الادب امشي ادخلي اوضتك يلا..وانتي يا روز معاها.. 

قامت روفان وقالت بخوف وهي رايحه اوضتها

داخله والله ومش هتكلم تااني انتو عيله الضحك فيها حراام.. 

ضحكو كلهم علي كلامها وحسن قال بحده

اللي هيضحك عليها هيتهزأ، ما تعودهاش ان طولة اللسان حاجه حلوه.. 

_في الوقت ده كان فتح طارق الباب ودخل كمال وهو جايب ورد وشوكلاته وقال.. 

كمال 

مساء الخير يا جماعه، الف سلامه عليك يا خالي.. 

حسن 

الله يسلمك يا كمال تعالي اقعد يا ابني، انا كان نفسي والله العيله كلها تبقي موجوده في اللحظه دي.. 

كمال 

تتعوض يا خالي ان شاء الله.. 

_وحط  الورد والشوكلاته قدام رضوي اللي كانت هاديه جداً، وليلي قالت بضيق.  

ليلي

هو مش المفروض كنت تروح مع اخوك وتحضر الدفنه بتاعت مرات عمك احنا لولا الظروف اللي هنا كنا كلنا هنروح البلد ونعمل الواجب.. 

كمال 

ما هو خالي عز معاه وقايم بالواجب يا مراات خالي، وانا بصراااحه مش عايز تأجيل في الموضوع تاني... 

حسن 

موضوع ايه بالظبط مش واخد بالي.. 

كمال بجديه

موضوع جوازي انا ورضوي.. 

ليلي بحده 

هو انت ما تعرفش مش انا ناويه اقعد بنتي جنبي وما اجوزهاش.  

حسن 

ليلي انا بتكلم معاه ومش عايز اسمع صوت حد منكم، كمل كلامك يا كمال انا سامعك يا ابني.. 

كمال

يا خالي انا السنين اللي عدت دي كلها والله ما نسيت رضوي وعارف ان كلكم زعلانين مني بس انا عملت مستقبل كويس جدا ليا لو كنت فضلت في مصر ما كنتش قدرت اعمل ربعه.. 

حسن 

برافو عليك وانت نجحت واثبتلنا كلنا انك قد كلامك، بس انت كسبت حلمك وخسرت بنتي، اوعي تكون فاكر انها كانت مستنيااك ترجع عشان تقولها يلا تكمل فتقولك يلا، لااا انا بنتي غاليه اووي من انها تعمل كده ولو هي فكرت ترخص نفسها وترضي بيك بعد اللي عملته ولا انا ولا امها ولا اخواتها هنرضي.. 

ابتسمت ليلي بهدوء وكمال قال بقلق

يا خالي انا ورضوي بنحب بعض وو.. 

قاطعته رضوي وقالت 

اتكلم عن نفسك وياريت تتكلم من غير كدب كمان، انت ما حبتنيش وانا ما بقتش احبك ولا عايزااك يا ابو رضوي.. 

شحب وش كمال فجأه وقال بصدمه

ايه؟.. 

رضوي بجمود

هي جايه في الطريق علي فكره هايدي مراااتك وبنتك معاها رضوي، سميتها علي اسمي قد انت بتحبني بجد.. 

ليلي بعدم فهم 

هو ايه الحكايه حد يفهمني.. 

طارق 

انت متجوز يالا وجايب ورد وشوكلاته تضحك بيهم علينا، ده انت هتطفحه دلوقتي هو انتو شايفين اخواتي ايه عشان تلعبو بيهم كده... 

حسن 

اهدي يا طارق لا عشان ولا كان اللي يلعب ببناتي.. 

_الباب خبط في الوقت ده وقامت رضوي فتحت ودخلت فعلا هايدي ومعاها بنت صغيره عمرها 5 سنين، وقالت رضوي بهدوء... 

رضوي

اتفضلي يا مدام هايدي جوزك جايب ورد وشوكلاته وجاي يتجوز عليكي.. 

وقف كمال وبص لهايدي بعصبيه وقال

انتي بتهببي ايه هنا، اقسم بالله يا رضوي انا مطلقها من سنتين.. 

هايدي 

كويس انك لسه فاااكر انا جايه اديلك بنتك يا حبيبي ورايحه اشوف حيااتي ما انت مش هتاخدني كوبري عشان توصل لاحلامك وفي الاخر تسيبني وتخليني كمان اربيلك بنتك، لا يا حبيبي انت ابوها واديك وسط اهلك ربيها بقي، روحي يا حبيبتي لبابي يلا وانا هبقي اجي اشوفك بااي.. 

_مشيت هايدي والبنت بصت لمامتها بدموع وحزن وكانت بتبص لكمال وعيلة حسن بخوف، بصلها حسن بحزن وقال؟؟... 

_تفتكرو هيحصل ايه؟.. 

ــــــــــ #بقلم_الكاتبه_رحاب_القاضي ــــــــ

_وفي بيت يونس الصاوي.. 

كان قااعد يونس في بلكونة اوضته وهو بيشرب سجاره ورا التانيه وعيونه بتطق شرار، عدي عليه اليوم كله وهو قاااعد علي حالته دي مستني شهد ترجع، وكانت يارا في الوقت ده قااعده تحت في الجنينه هي وياسمين اللي مستنيه باباها يجي ياخدها.. 

_وبعد شويه وصلت عربية زيد قدااام بيت يونس الصاوي ونزل من العربيه وشهد كانت جنبيه ووقف قدامها زيد وقالها بهدوء.. 

زيد 

اتمني ان اليوم يكون خلي نفسيتك احسن لو شويه صغيرين حتي.. 

ابتسمت شهد بهدوء وردت عليه

بجد انا مش عارفه اشكرك ازاي انا من سنين ما قدرتش ابقي كويسه كده ومبسوطه اووي بجد باليوم.. 

زيد 

في اي وقت انا تحت امرك طبعا قبل ما اسافر زي ما قولتلك.. 

شهد 

تروح وترجع بالسلامه.. 

زيد 

المهم التصميمات اللي اترسمت كلها من خلالي انا وانتي اول ما هتجهز هتكون تحت امرك انتي وبتاعتك انتي وتقدري تعتبريها هديه بسيطه عشان لو ما رجعتش تفتكريني بيها.  

شهد 

ممكن ما تقولش كده ان شاء الله هترجع بألف سلامه ونشتغل مع بعض كتير كمان.. 

زيد. 

ان شاء الله.. واهي ياسمين جاات بعد اذنك يا شهد.. 

شهد 

اتفضل خلي بالك من بابا يا ياسمين وهستناكي يوم تاني تقضيه معايا انا عشان ما عرفتش اقعد معاكي النهارده.. 

ياسمين بابتسامه واسعه 

اكيد طبعا يا طنط من عينيا، باااي.. 

_مشي زيد هو وبنته وهي وقفت تشاورلهم بأبتسامه هادئه، وجات يارا وقفت جنبيها وقالت بقلق وخوف.. 

يارا 

كل ده يا مامي تأخير.. 

يشهد

كل ده ايه يا يارا يدوب لسه الساعه عشره، وبعدين انا بقالي كتير ما غيرتش جو مره من نفسي.. 

يارا بخوف

ما هو بابي عرف انك كنتي مع اونكل زيد، وهو من الصبح قااعد فوق مستنيكي.. 

_اتنفضت شهد بخوف وبصت تلقائياً لاوضتها واول ما شافته واقف قدامها في البلكونه ونظرااته كلها غضب زاد خوفها جداً، بس بينت العكس قدااام يارا وقالتلها بهدوء.. 

شهد 

وانتي خايفه اووي كده ليه، انا هروح اصالحه والموضوع هيتحل... 

يارت بدموع 

لا هو هيتخانق معاكي وكمان هيمد ايده عليكي زي زمان وو.. 

شهد 

لا لا مش هيحصل كده بابي اتغير وانتي كنتي طفله اصلا ازاي فاكره الحاجات دي، وبعدين عادي يعني يا يارا كل اتنين متجوزين بيبقي بينهم مشاكل، وانا وباباكي كبرنا دلوقتي وهنعرف نتفاهم، صدقيني والله مش هتحصل حاجه هو هيكون متعصب انا هفضل اتدلع عليه شويه واصالحه والموضوع هيخلص.. 

ابتسمت يارا وقالت بقلق

بجد. يا مامي؟.. 

شهد حضنتها وقالت بدموع وتنهيده طويله 

بجد يا روح مامي ما تخاافيش.. 

_وسابتها شهد وطلعت اوضتها، وفضلت يارا قااعده في الجنينه لحد ما شاافت يزن نازل من فوق وهو شبه بيجري وباين عليه الخوف، فراحتله بسرعه وقالتله.. 

يارا 

في ايه يا يزن رايح فين كده؟.. 

يزن بخوف 

يوسف اتخانق مع شوية بلطجيه وفي القسم.. 

يارا بصدمه وخوف

يا نهار اسود وهو كويس ولا ايه؟.. 

_تفتكرو بقي ايه اللي هيحصل مع شهد ويونس، وايه اللي حصل مع يوسف اصلا؟.. 

_وايه اللي مستني روااان في الصعيد مع عبدالله؟.. 

_وكمال هيعمل ايه بعد ما اتفضح قداام الكل وبنته بقيت معاه لوحدها؟.. 

_نتقابل الحلقه الجايه 👋👋👋

ـــــــــــــــــــــــــــــــــــــــــــــــــــ

 #بقلم_الكاتبه_رحاب_القاضي

     الفصل الثامن عشر الجزء الثالث من هنا 

لمتابعة باقي الرواية زوروا قناتنا على التليجرام من هنا      

تعديل المقال