رواية بنت الجيران الفصل الثاني 2 الجزء الثاني بقلم ريهام عماد
#بنت_الجيران_ج٢ بارت ٢
يزيد : مفيش واحده بتتكسف من جوزها ي هنا .. وبعدين هتتكسفي مني ليه م خلاص يعني هاا خلاص
بيقول كلامه بغمزه بتتوتر هنا وترفع صباعها ف وشه وتضيق
عينها: لو فضلت تكسفني كده هروح ابات عند امي انهارده
يزيد مقترب منها: امم طب وماله انا موافق
هنا بتديه ضهرها متجهلاه : مش بقولك غتت
يزيد : دا انتي بتعديها تاااني!! طب ماشي انتي ال جبتيه لنفسك
قالها بتوعد وهو بيقرب منها يشدها من ايدها
هنا : يزييييد
-----------
صباحا في منزل محمد خال يزيد
سلوي: هو احنا مش هنروح ننقط اختك ولا اي يمحمد
محمد: هبقا اروحلها أنا ي سلوي
سلوي: ليه يعني ولا مش عاوز تاخدنا معاك مش كفايه روحنا الفرح زي الاغراب
محمد : كنتي عاوزه تروحي قبلها ب اسبوع ليه ان شاء الله
سلوي بسخريه : اهو نفرح معاهم ب ابن اختك
محمد : اصطبحي ي سلوي ع الصبح
سلوي: طب ابقا خد نيره معاك تسلم علي عمتها
محمد: دا انتي اتجننتي بقاا عاوزاني اخد بنتك اقهرها لما تشوف يزيد مع مراته!! هو انتي يست انتي دماغك فيها اي ! دانتي امها دا بدل متقوللها ربنا يرزقك يبنتي ب ابن الحلال وتشيليه من دماغها بتقويها !! وعماله ترفض ف العرسان بسببك ..
سلوي بخبث: مش ممكن يزيد يطلق مراته ويرجع لعقله ول نيره بنتك
محمد بزعيق : داا انتي دماغك فووتت ع الاخررر.. انا داخل اشووف بنتي .. ربنا يهديكي ي شيخه
---------------
في غرفة نيره
محمد بحنان : بتعملي اي يقلب ابوكي
نيره : مش بعمل ي بابا كنت بقلب ف الفيسبوك شويه
محمد : طيب ممكن تقومي تلبسي ونخرج انا وانتي شويه كده نغير جو
نيره: مليش نفس يبابا خليها مره تاني
محمد: يبت قومي هغديكي برا انهارده (بعيد عن اكل امك ده)
قالها بوشوشه خلت نيره تضحك علي طريقته
نيره ب ابتسامه: اممم طب هتأكلني اي
محمد بضحك: هنروح ناكل من عم سيد تلوث
نيره بضحك : اوكيييي موافقه
محمد بجديه : بس ممكن اطلب منك طلب بقا ي نينو
نيره: اكيد يبابا
محمد: ممكن نبدء صفحه جديده وننسي كل ال فات ده وبالذات ال حصل مع يزيد وندعيله يبنتي ربنا يهنيه مع مراته ويرزقك ب ابن الحلال ال يحبك ويهنيكي
نيره : بس انا.... انا بحبه يبابا
محمد : يحبيبة ابوكي افهميي ده مش حب انتي كنتي واهمه نفسك انم متعلقه بيه ... طب عارفه اول م تلاقي ابن الحلال ال يحبك ويقدرك هتلاقي نفسك انتي كمان تحبيه وهو ده الحب ال بجد ال هتقدري تكملي بيه باقي حياتك سعيده ي حبيبتي
نيره : ان شاء الله يبابا .. بس معتقدش اني هنسي يزيد بالسرعه دي
محمد: هتاخدي وقتك يحبيبتي ...
-----------------
في منزل هنا ويزيد
يزيد : انتي هتصحي ب بالذوق ولا اصحيكي انا بقلة الذوق
هنا بنفاذ صبر وهي بتشيل المخده من علي وشها : يوووه بقااا متسبني اناام ي يزيييد حرام عليك
يزيد: الضهر قرب يأذن ي هنا انتي بقيتي خم نوم كده من أمتي
هنا: م هو حضرتك لو بتسبني انام بدري يبقا هصحي بدري
يزيد: يعني كنتي عاوزه تنامي الساعه اتنين وفاضل ع الفجر يجي ساعه ونص ومش عاوزه تصلي
هنا: كنت هنامهم واصحي اصلي عادي
يزيد بيضربها بالمخده: طب قوووومي قووومي بقا
هنا بتحذير: يزيييد انا هنام ولو صحتني تاني هاخد بعضي واروح انام عند امي
يزيد بخبث: مبلاش الكلمه دي عشان انتي عارفه اي ال حصل امبارح بعد م قولتيها
هنا بصوت عالي نسبيا: ربناااا ع الظالم ...اووعي كده اووعي
يزيد :اعمليلي فطار ي هنون
هنا بعيون ضيقه: لاااء انزل افطر تحت عند طنط زينب ورضوي ودعاء
يزيد: اخواتي مشيوا م الصبح
هنا بزعل: مشيووا ليه
يزيد: عمرو يستي مراته وحشته وجه خدها الصبح ودعاء روحت بيتها وهتيجي تاني بالليل شويه
هنا: رضوي مشيت من نغير م تسلم عليا !!
يزيد: حضرتك كنتي نايمه مرضتيش تزعجك وتدخل تصحيكي
هنا بعدم تصديق: هي ال مرضيتش برضو ولا انت ال مخلتهاش تدخل تصحيني
يزيد: لا والله هي قالتلي سبها نايمه
هنا: طيييب
يزيد: فطرينا بقاا عشان عاملك مفجأه
هنا بفرحه: اااي هييي اي هيي
يزيد: افطر وبعدين اقولك
هنا: لا والنبي قولي دلوقتي عشان خاطري عشان خاطري
يزيد: يبت متبقيش لحوحه كده..... عموما يستي خليت واحد صحبي شغال ف شركه سياحه يحجزلنا اسبوع ل شرم
هنا بعيون متسعه بفرحه: بجددددد
يزيد: اها والله وهنسافر كمان ٤تيام ان شاء الله
هنا محتضااه: بتهزرررر عااااااا اخيررررا هساافر شرم واروح دهب اخيرااا
----------------
عصرا بتتصل امل علي هنا للاطمئنان عليها
امل: عامله اي هنونه
هنا: الحمد لله ي ماما.. انتو عاملين اي
امل: كويسين يحبيبتي بقولك يمني اختك هتيجي كمان شويه كده تجبلك اكل
هنا: ليه ي ماما بس انا لسا عندي اكل والله والفريز مليان متتعبيش نفسك
امل: لاء يحبيبتي انتي عروسه العروسه مبتعملش اكل
هنا : طب نرمين فين
امل: اهي قاعده اهي جوزها علي وصول عشان ماشيين
هنا: النهااارده!!
امل: ايوه
هنا: طب.. مش هتيجي تقعد شويه معايا قبل م تمشي
نرمين شدت التليفون من امل
نرمين: عاوزاني ليه يست هنا انتي مش جوزك طردني
هنا: انا عاوزه اشوف يزن مش عاوزاكي انتي
نرمين: طب اقفي ف البلكونه اصل انا مكسله اجيلك بصراحه
هنا: ي رخمههه دول خطوتين
نرمين بجديه: هتوحشيني اوي ي هنون .. هجيلك انا ويمني كمان شويه اجبلك الاكل واسلم عليكي قبل م امشي
هنا والدموع متجمعه ف عنيها : ما..شي
هنا قفلت مع نرمين ودموعها نازله علي خدها بيطلع يزيد م الحمام يلاقي هنا قاعده ودموعها مغرقه وشها
يزيد بخضه: هناا مالك
هنا بدموع: نرمين اختي ماشيه
يزيد: طب بتعيطي ليه يحبيبتي
هنا: عشان هتوحشني
يزيد: طب م هي هتيجي علي طول واحنا برضو هنروحلها زيارات يحبيبتي متزعليش نفسك انتي بس
هنا ماسحه دموعها : بجد ي يزيد هتاخدني نرورها ف البلد
يزيد محتضنها: اكيد ي هنايا انتي تؤمري بس يمعلم وانا انفذ
هنا محاوطاه: ربنا يخليك ليا يحبيبي
يزيد : لو لسا زعلانه اناممكن اصالحك علي فكره
هنا ببراءه: بجد .. ازاي
يزيد بغمزه: تعالي وانا اقولك ازاي
هنا : يزيييد نرمين ويمني زمانهم جايين جايبلنا اكل
يزيد بتعجب: اكل .. ليه؟؟
هنا: ماما مش عاوزاني انا اعمل اكل بتقولي العروسه مش بتعمل اكل
يزيد: طب والله طنط امل دي سكره.. بس تعبت نفسها ي هنا قوللها كفايه ال هي جابته يحبيبتي تعبناها معانا اوي
هنا: قولها انت عشان هي مش بتقتنع بكلامي
يزيد: ماشي انا هكلمها
-----------------
بعد مرور ايام وقبل سفر يزيد هنا بيوم
يزيد وهنا موجودين في منزل زينب والدة يزيد في وجود دعاء وعمار واولادهم
عمار: تروحوا وتيجوا بالسلامه ي زوز اجازه سعيده يمعلم
يزيد: حبيبي ي عمور
زينب بدون ملامح: هتقعدوا كام يوم ي يزيد
يزيد: ٥ ايام يماما ان شاء الله
دعاء: ايووووه بقا ي زوز انت وهنوون
هنا: والله انا مرعوبه ي دعااء الطريق طويل اوي وانا نفسي بيضيق بسرعه
دعاء: الوقت هيعدي بسرعه يبنتي متقلقيش ... لو عاوزني اجي معاكو اسليكي معنديش مشكله
يزيد : هسليها انا يختي ملكيش دعوه
دعاء : يعم ماشي انا كان قصدي اساعد ... اهم حاجه خدوا معاكو معلبات جبن ولنشون وبسطرمه وحاجات من دي .. و وانتو مسافرين برضوi خدوا اكل الطريق طويل اكيد هتجوعوا
هنا: هعمل كده ان شاء الله
دعاء : ماما تعالي باتي معايا اليومين دول ع م يزيد يرجع بالسلامه متقعديش لوحدك
زينب : عندي شغل يدعاء وبعدين هروح ابيت عند جدتك وازور خالك محمد بقالي كتير مرحتلهوش ونيره وحشتني
اتسعت عين هنا وقلبها خفق اول م سمعت اسم نيره وبصت ل يزيد بتوتر ورجعت بصت للارض
يزيد : اول م نرجع انشاء الله هبقا اخد هنا ونروح نسلم علي ستي واعرفها علي هنا اكتر
زينب: طيب
---------------------------
في شقه هنا ويزيد هنا قاعده سرحانه سانده ايديها علي دماغها بتفكير بيلاحظ يزيد ده وهو قاعد جنبها بيهدي صوت التيلفزيون ال شغال علي أحدي المسلسلات
يزيد ممسك ايديها: مالك ي حبيبتي سرحانه ف اي
هنا ب انتباه: هه لا مفيش بفكر بس
يزيد: بتفكري ف اي
هنا: عادي ي يزيد بفكر
يزيد: ف اي طيب قوليلي هنفكر سوا
هنا بملامح زعل لكن تحاول تداريه : مش حاجه معينه يحبيبي عادي بقا
يزيد: طب عاوزه تنامي؟!!
هنا بنفي: لاء
يزيد: طب قومي اعمليلنا حلة فشاء كبيره حلوه كده وانا هجيب فيلم حلو نتفرج عليه
هنا: حاضر
--------------
يزيد بصوت اعلي: بالكراميل هنا
هنا: حاااضر
عملت هنا الفشار بالكراميل وحطت ف علب مخصصه للفشار وطلعت ل يزيد ولكن لسا التفكير ف بالها ومش قادره تطرده من بالها
يزيد: تسلم ايدك ي روحي
بادلته هنا الابتسامه وسكتت
بعض فتره م السكوت بيقطع الصمت يزيد
يزيد: هنا انتي فيكي حاجه.. مش عادتك تفضلي ساكته كده يماما
هنا: انت عاوز تزعلي بالغصب يجدع انت
يزيد : لاء بس عاوز اسمع صوتك يعني مش متعود عليكي ساكته كده
هنا بجديه: يزيد عاوز اقولك علي حاجه
يزيد بكوميديا: اييييه!!! حرقتي حلة الفشاار
هنا: لااء طبعا .
يزيد بمقاطعه: يبقي سرقتي فلوس من جيب بنطولي الصبح صحححح
هنا: اكيد لاء اي ال انت بتق....
يزيد بعيون ضيقه: يبقي اتحرشتي بيا الصبح وانا نايم ... اها انا كنت حاسس
هنا بتضرفه ف كتفه: اي ال بتقوووله ده اسكتت ..
يزيد: ليه ي هنا طب كنتي صحيني طيب انما تعملي كده وانا ناااايم ناايمم
هنا: بس ي يزيد بجد اي ال انت بتقوله دا
يزيد بجديه: خلاص طيب قولي
هنا: احمم هو انا ليه حاسه .. حاسه يعني أن طنط زينب مش مبسوطه
يزيد: ازاي مش فاهم
هنا: مش مبسوطه ي يزيد اننا اتجوزنا اقصد ... بص يعني اقصد احنا بقالنا كام يوم متجوزين ونزلنا عندها وقاعدنا معاها وهي ولا مره تحاول تكلمني او تقولي اي حاجه انا حاسه انها بعيده عني اوي .. انا عاوزاها تعاملني عادي زي ده دعاء ورضوي. ... انت فاهمني
يزيد : فاهمك ي حبيبتي ..بس متوهميش نفسك انها مش مبسوطه هي بس لسا مش واخده عليكي مش اكتر.. انتي لما نرجع م السفر انشاء الله انا هروح الشغل وانتي انزليلها بقا اقعدي معاها واتكلموا وخدي عليها اكتر قربي منها يعني وبالايام هتبقي ليها زي دعاء ورضوي انتي ال هتبقي موجوده معاها علي طول ي هنا
هنا : انشاء الله ي حبيبي .. هعمل كده
يزيد: اي طيب هنركز ف الفيلم ولا اقوم اقفله
هنا بملل: الفيلم ده رخم اوي معجبنيش
يزيد بغمره: انا بقول كده برضو ... تعالي اما اقولك كلمتين سر كده جوا بقالنا كتير مقولنهمش
هنا: انت كذاااب .. انتي لسا قايلهم امباار......
يزيد مقاطعها وحاملها بين ذراعيه: م انا بحب اقولهم كل يوم...
--------------
فجرا اثناء تجهيزات السفر بتلم هنا باقي اغراضها وبيجهزوا للسفر
يزيد: يلا ي هنا انتي لميتي الشقه كلها ف الشنطة
هنا: اييي ي يزيد دا حاجتي ال هحتاجها هناك
يزيد : طب يلا يدوب نصلي الفجر ونتحرك
هنا: يلا ي حبيبي
يزيد: والنبي انت ال حبيبي ... م تيجي نأجل السفر يومين تلاته كمان
هنا برقه: يلااا ي يزيد
-------------------
الساعه ١٠ صباحا اثناء تواجد هنا ويزيد ف الاتوبيس
هنا: زهقققت عاوزه اقوم احرك رجلي
يزيد : هانت ي هنايا كلها ٨ ولا ٩ساعات
هنا: لسااا.. هكون رجلي نملللت
يزيد: هناخد استراحه ف النص بطلي فرك بقاا .. اقولك نامي
هنا: مش جايلي نوم
يزيد: افتحي التاب اتفرجي علي فيلم
هنا: مليش مزاج
يزيد : اسلي حضرتك ازاي ي هنا اقوم ارقصلك
هنا بضحكه عاليه طلعت غصب عنها: يااريت
احدالركاب بياخد باله من صوت الضحك وبيبص عليهم
بيبرق يزيد ل هنا بتبصله هنا بعيون خوف واسف وبتهمس : مكنش قصدي .
يزيد بيجز ع سنانه: مشفكيش تتحركي سنتي من ع الكرسي فاهمه
هنا بتهز راسها بتفهم
وبعد مرور اكتر من ٨ ساعات بيوصلوا اخيرا للفندق بتطلع هنا للغرفه متمسكه ب ايد يزيد والارهاق واضح علي وشها
هنا بنعاس: عاوزه انااامم ٣ ايام
يزيد: نامي .. نامي يحبيبتي .. م انا فلوسي حرام
هنا بنوم : متقلش كده يحبيبي .. دا انت راجل عسل
يزيد: طب هتنامي بهدومك كده
هنا : امممم
يزيد: حسبي الله ونعم الوكيل
هنا بتقطع: فيا.. ي .. يزيد
يزيد ببرطمه: لا في نفسي ... م انا ال عملت ف نفسي كده
اتخريييي اتخري بدل م ارميكي من ع السرير
نسيت اقولكو ان الروايه هتنزل السبت والاربع ان شاء الله ❤️❤️
متنسوش تصلوا ع النبي❤️
