رواية احببته رغم كبريائي الفصل الرابع والثلاثون 34 والاخير بقلم مريم احمد
34
تاني يوم
كان مروان مراحش الكلية لأنه مكانش عنده غير محاضرة واحده بس و كانت ع الساعة 2 مثلا
و طبعا مليكة مراحتش عشان مكنش عندها اي استعداد انها تقابل تنمر من زمايلها عليها بعد م عرفوا انها مريضة اكتئاب
قررت انها تنزل المطبخ تشرب ماية بس اتفاجئت بـ مروان ف الريسبشن و من الواضح انه بيتكلم مكالمة مهمة
كانت هتروح للمطبخ بس راحتله لما لاقيته بيشاورلها انها تروحله
و بالفعل اول م راحتله اتكلم معاها و هو بيقولها و هو بيحط التليفون على طربيزة الانترية
مروان...الكلية بتاعتك كلمتني
هزت راسها و قالتله
مليكة...اكيد اقولك اني مروحتش من ساعة م الدراسة بدأت
هز راسه بتأكيد و قالها
مروان...اقدر اعرف ليه
هزت راسها يمين و شمال و قالتله
مليكة...معنديش استعداد الاقي الناس بتضحك و تتنمر عليا تاني
استغرب و قالها
مروان...ليه بتقولي كدا انتي بقيتي كويسة و دكتور مودة قالت انك خلاص قربتي تتعافي من الاكتئاب دا تماما ؟!
ابتسمت و قالتله بنفي و هي الدموع بتتكون ف عيونها مع كل كلمة بتقولها
مليكة...تؤ انا كل م بقول كدا بلاقي حاجة تحصل ترجعني لنقطة الصفر تاني و الاقي نفسي خايفة اتعامل مع الناس تاني و خايفة اتكلم مع حد تاني يا أبيه
زعل عشانها جدا و قالها و هو بيسألها
مروان...ايه الي حصل يا مليكة !
حكتله مليكة الي روان قالته و هي دموعها نازلة بغزارة و نهت كلامها و هي بتقوله
مليكة...انا معرفش هي عرفت منين اصلا و طبعا الكلية كلها تلاقيها عرفت صح
كل حاجة مليكة قالتها من اول انها بتتعالج نفسيا لحد خوفها من انها تروح الكلية سمعته خديجة الي كانت جاية من الجنينة
راحتلها بسرعة و حضنتها و هي بتطبطب عليها و هي زعلانه عشانها جدا
دلوقتي بس فهمت ليه مليكة مكانتش بتحب تقعد مع الضيوف و مكانتش بتحب تتكلم كتير و مكانتش بتحب تاكل قدام حد و كل الكلام دا
اتكلم مروان و هو بيقولها بنفي
مروان...لأ طبعا يا مليكة محدش عرف و الي اسمها روان دي قالت كلامها من غير اي دليل هي بس حبت تضايقك مش اكتر عشان انتي و سما خرجتوا و مكلمتوهاش
بصتله مليكة بأمل و قالتله
مليكة...عرفت منين ان محدش ف الكلية عرف
ابتسم و قالها
مروان...يا حبيبتي ربنا خلقلنا عقل عشان نفكر بحكمة انتي بتفكيرك كدا لو كانت هي اصلا الكلام ف دماغها ولا كان بجد و راحت قالت الكلام دا ف الكلية طب م الكل عارف انك اختي و وقتها كنتي هتلاقي الخبر نزل ف الصحافة و غيرها عشان يإذوني ف شغلي صح ولا ايه
بصت مليكة لأمها الي ابتسمتلها و هي الدموع ف عيونها بحزن على بنتها و مروان كمل كلامه و قالها
مروان...و بعدين مش عايزك تبقي عيوطة كدا... غيبتي من الكلية اسبوع عشان خايفة من موقف حصل ملوش اي لازمة!!
سكتت بحزن و هو ضحك و قالها
مروان...تعالي معايا الكلية كل يوم هتلاقي حبيبة بتتخانق مع بت عشان بس كلمتها بأسلوب محبتهوش
ضحكت وسط دموعها و هي متخيلة شكل حبيبة لأنها عارفاها لما بتتعصب
و خديجة اتكلمت و هي بتقول لـ مليكة بلوم
خديجة...كدا يا مليكة متقوليليش كل دا
سكتت مليكة بحزن و مروان اتكلم و هو بيقول لـ خديجة
مروان...دي مكانتش هتقولي انا شخصيا لولا ان حصل مشكلة بسبب الكلية و وقتها قالتلي بقى و وعدتني انها هتحاول تقولك و اهو عرفتي
ابتسم و كمل كلامه و هو بيقول
مروان...و بعدين هي خلاص بفضل الله بقت كويسة اهو
ابتسمت مليكة هي عارفة ان اخوها بيقول كدا عشان يدعمها و يخليها متزعلش و بالتالي فترة علاجها تخلص بسرعة
قالت مليكة لأمها بأسف
مليكة...متزعليش مني
ابتسمتلها خديجة و قالتلها
خديجة...مقدرش ازعل منك يا حبيبتي
ابتسمت مليكة و مروان قالها بتشجيع
مروان...يلا عشان اوصلك الجامعة ولا عايزه الشنه تروح عليكي ولا ايه
ضحكت مليكة عليه و بالفعل راحت الكلية و كانت مبسوطة ان فعلا طلع كلام اخوها صح و محدش عرف حاجة عن موضوع اكتئابها
اول م دخلت الكلية لاقيت سما راحتلها على طول و هي بتقولها
سما...مليكة ازيك
ابتسمت مليكة و متكلمتش
و سما قالتلها بلوم
سما....ينفع اتصل بيكي كل الاتصالات دي و مترديش عليا يا مليكة
ردت عليها مليكة و هي مبتسمة عشان سما متزعلش و قالتلها
مليكة...مش عايزه اضايق صاحبتك
استغربت سما و قالتلها
سما....صاحبتي مين ؟
ردت عليها مليكة و هي بتقولها
مليكة...روان
اتغيرت تعابير وش سما للضيق و قالتلها
سما...بس متقوليش عليها صاحبتي انا من وقت م كنا ف النادي و انا قولتلها اني مش عايزه اتكلم معاها تاني اصلا هي كدا كل يومين تعملي مشكلة جديدة و تزعل مني الناس و خلاص و انا زهقت اصلا
زعلت مليكة انهم مباقوش صحاب بس ف نفس الوقت فرحت ان سما لسه فاكراها و مش عايزاها تكون زعلانه
اتكلمت سما و هي بتبص لساعة تليفونها و بتقولها
سما...انا كنت ببعتلك محاضرات الاسبوع الي فات كلها ابقي ذاكريهم بقى عشان لو الدكاترة عملوا امتحانات ولا حاجة
هزت مليكة راسها بمعنى حاضر و سماا ابتسمت و قالتلها
سما...يلا عشان منتأخرش على المحاضرة
هزت مليكة راسها و قالتلها بابتسامة
مليكة....يلا
و راحوا للمدرج
....سبحان الله و بحمده سبحان الله العظيم
اما عند حبيبة ف الكلية
كان كل الي يشوفها يقولولها كل سنه و هي طيبه او يباركولها عشان رجعوها هي و مروان بعد طبعا م عرفوا من الحالة الاجتماعية
كانت رودينا مضايقة منها جدا ازاي قادرة تخلي كل الناس يحبوها كدا و محدش فعلا بيكرهها زي م هي قالت
ابتسمت بسخرية و قالت لنفسها انها اكيد بتمثل على الكل عشان كدا الكل بيحبوها
بس اتفاجئت لما لاقيت انجي رايحة لـ حبيبة
كان عندها فضول تعرف هي انجي هتقولها ايه
قربت شوية من مكانهم عشان تعرف و اتصدمت لما سمعت انجي بتقول لـ حبيبة
انجي...ممكن اتكلم معاكي
بصتلها حبيبة و هي حسه انها متغيرة اسلوبها و استئذانها قبل م تتكلم كل دا خلاها تستغرب جدا بس ف نفس الوقت محابتش انها تحرجها و هزت راسها بتأكيد و قالتلها
حبيبة...اتفضلي
اتكلمت انجي بأسف و هي بتقولها
انجي....انا اسفة بجد انا فعلا مليش حق اني اتكلم معاكي بعد الي قولتهولك بس لما مشيتي وقتها فكرت ف كلامك كتير اوي و لاقيت ان فعلا معاكي حق
هزت راسها يمين و شمال بأسف و كملت كلامها و هي بتقولها
انجي...رودينا فعلا كانت كل شوية تكررهنا ف حد منكوا و انا مكنتش بفكر كنت بسمع كلامها و خلاص انا فعلا اسفة و بتمنى تقبلوا اعتذاري انا مبقتش بتكلم معاها اصلا ولا عايزه اتكلم معاها هي خليت الكل يكرهني زي م بيكرهوها بالظبط
دمعت عيونها و قالتلهم بأسف
انجي...ممكن متكرهونيش زي الباقي
صعبت على حبيبة جدا و كارولين و مايفين بصوا لبعض بحزن عليها هما كمان
ابتسمت حبيبة و قالتلها
حبيبة...مش مهم الي فات المهم انك اتعلمتي من الدىس و خلاص
هزت راسها كذا مرة بتأكيد على كلام حبيبة و حبيبة ابتسمتلها
اتكلمت مايفين و هي بتقولها
مايفين...ايه رأيك تخرجي معانا بعد الكلية
بصتلها انجي و بعدين بصت لـ حبيبة الي ابتسمتلها بتأكيد على كلام مايفين
مدت انجي ايدها بشنطة من الواضح انها شنطة هدايا و قالتلها و هي مبتسمة
انجي....كل سنه و انتي طيبة
ابتسمتلها حبيبة و خدت منها الهدية و قالتلعا بشكر
حبيبة...و انتي طيبة يا حبيبتي
ف الوقت دا جت آسيا و بصت لأنجي و بعدين لـ حبيبة و سكتت مكانتش عارفة تتكلم
اتكلمت انجي و قالت لـ حبيبة
انجي...ممكن متزعليش من آسيا هي كمان
اتنهدت حبيبة بحزن و هزت راسها بمعنى حاضر
و آسيا ابتسمتلها و ادتلها هي كمان هدية و قالتلها
آسيا...كل سنه و انتي طيبة
ابتسمتلها حبيبة و قالتلها
حبيبة ...و انتي طيبة يا حبيبتي
طبعا كل الكلام دا كانت رودينا شايفاه و دا خلاها تتعصب جدا و مشيت من المكان فورا قبل م تنهار من كتر غضبها و قررت انها مش هتتكلم مع حد تاني عشان ميحصلش نفس الموقف و يسيبوها هي و يروحوا يتصاحبوا على حبيبة
....سبحان الله و بحمده سبحان الله العظيم
عدى وقت مش قليل و خلصت محاضرة مروان الي كانت اخر محاضرة ف يوم حبيبة
و طبعا فضل يسألهم عشوائي و لـ حسن حظ حبيبة انها كانت مذاكرة كويس و لما جيه سألها عرفت تجاوب
اتكلم مروان و هو و بيقولهم
مروان...المحاضرة الجاية هيكون في امتحان على كل الي اتشرح
بدأوا الطلبة انهم يخرجوا
و كانت حبيبة هي و كارولين و مايفين و انجي و آسيا هما كمان هيخرجوا بس وقفت حبيبة لما مروان قالها
مروان...يلا عشان اوصلك قبل م اروح الشركة
ابتسمت بأسف و قالتله
حبيبة...شكرا يا مروان بس انا مش هروح دلوقتي
سألها باستغراب و هو بيقولها
مروان...ليه رايحة فين ؟
ردت علية و هي بتقوله بتهديد مضحك
حبيبة...هخرج انا و صحابي ايه عندك اعتراض؟
ضحك و هز راسه بنفي و قالها
مروان...و انا اقدر اعترض برضو
هزت راسها بتأكيد و هو طلع من محفظته فلوس و قالها
مروان...خلي دول معاكي
هزت راسها برفض و قالتله
حبيبة...لا لا شكرا انا معايا فلوس
ابتسم و قالها
مروان...م هي مليكة برضو بيبقى معاها فلوس و لما بتخرج بتخلصهم كلهم خليهم معاكي احتياطي
ابتسم حبيبة و قالتله بشكر
حبيبة...ميرسي
ابتسملها و قالها بأمر
مروان...ابقي كلمي ابوكي عرفيه انك هتخرجي
هزت راسها بمعنى حاضر
....لا اله الا الله وحده لا شريك له له الملك و له الحمد يحيي و يميت و هو على كل شئ قدير
عدت الأيام و الشهور و مروان و حبيبة كتبوا الكتاب و حبيبة كانت طلبت من مروان انهم بدل م يعملوا اغاني للفرح و يشيلوا ذنب كل شخص سمع الاغاني بسببابهم يروحوا يعملوا عُمره أحسن لأنها من زمان و هي نفسها تروح تزور الكعبة و هو رحب بالفكرة جدا و وافق فورا بالفعل زاروا الكعبة الشريفة ربنا يكتبلنا كلنا اننا نروح نزورها يا رب ♡
و مليكة اتعافت تماما من الاكتئاب و بقت بتحب تتكلم مع الناس و مبقتش بتخاف من الناس وبقت كل يوم و هي بتصلي تحمد ربنا انها بقت كويسة و مبقاش عندها اكتئاب
...لا اله الا الله محمد رسول الله
بعد مرور سنه
كانوا كلهم في المدينة الي ساكنين فيها أهل حبيبة
بيكبروا مع تكبيرات العيد و حبيبة كانت بتوزع هي و رضوى و ايناس و دانا و لانا و كمان مليكة بونبون على الاطفال الي موجودين
و مليكة كانت كل شوية تشوف حد بيسلم على حبيبة و أهلها ، كانت مبسوطة جدا
اتكلمت حبيبة و هي بتقولها
حبيبة...صلاة العيد هنا احلى ولا ف التجمع
هزت مليكة راسها و هي مبتسمة و قالتلها
مليكة...لأ التجمع زي م انتي شوفتي كدا هادي مفيهوش حياة كل واحد لوحده لكن هنا لأ هنا جميل اوي اوي حاسه ان كلنا هنا نعرف بعض.. كويس انك أصريتي علينا نيجي نصلي هنا دا انا مجرد اني شايفة الناس بتضحكلنا بقيت مبسوطة
ابتسمتلها حبيبة و قالتلها
حبيبة...كل سنه و انتي طيبة يا كوكي
ابتسمتلها مليكة و قالتلها
مليكة...و انتي طيبة يا بوبة
....لا اله الا الله وحده لا شريك له
صلوا العيد و و اول م خرجوا من المسجد كان علاء و مروان و اسلام مستنيينهم و كان معاهم شنط فيها آيس كريم
قالت حبيبة لأسلام بتهديد
حبيبة...فين المارشميلووو
اداهلها كيس ليها لوحدها كان فيه مارشميلو بس و قالها
اسلام...كيس مارشميلو مخصوص ليكي اهو
خدت منه الكيس و هي بتضحك بفرحة و بتقوله
حبيبة...شكرا شكرا شكرا
ضحكوا عليها و هي سمعت صوت بيناديها و كانت فيوليت مامة كارولين
راحتلها حبيبة هي و رضوى و سلموا عليها
حبيبة...ازيك يا فوفا
ابتسمتلها فيوليت و قالتلها
فيوليت...الحمدلله يا حبيبتي
و مدتلها ١٠٠ جنية و لـ رضوى برضو ١٠٠ جنية و قالتلهم
فيوليت...يلا عيد سعيد عليكوا
شكروها جدا و حبيبة قالتلها
حبيبة...كل سنه تكلفي نفسك كدا !
ابتسمتلها فيوليت و قالتلها
فيوليت...ملكيش دعوة بقى افرحي دا انهاردة العيد يعني
ابتسمتلها حبيبة بفرحة و فيوليت سلمت على الكل و عيدت عليهم
و حبيبة راحت جابت صوار.يخ
و ولعت صاروخ و رمته جمب رجل مروان الي كان واقف بعيد شوية بيتكلم ف التليفون مع عمه هو و مرام بس لسوء حظها انه خد باله و داس على الصارو.خ ف طفاه و دا طبعا خلى حبيبة تكشر بغضب و قالته بزعل
حبيبة...مخصماك
ضحك عليها و ادى التليفون لـ مرام و طلع محفظته ادى لحبيبة مبلغ مش قليل و قالها
مروان...كل سنه و انتي طيبه
خدت الفلوس بفرحة و قالتله بضحك
حبيبة...خلاص مش مخصماك
ضحكوا كلهم عليها و على هزارها
و طلعوا كلهم بيت علاء
حضرت حبيبة و مرام و كاميليا و مليكة الفطار و رضوى كانت بتجهز السفرة
و حنان و خديجة و جهاد مامة كاميليا كانوا بيتكلموا سوا
و علاء و مروان و اسلام كانوا ف البلكونة بيتكلموا هما كمان بس اسلام كان بيولع صوا.ريخ و بيرميها ف الشارع مع ايناس الي كانت بتضحك و هي فرحانة
اتكلمت كاميليا و هي بتقولهم بصوت عالي عشان يسمعوا
كاميليا...يلا يا جماعة عشان الفطار
اتجمعوا كلهم عشان يفطروا ف جو أسري جميل
و بعد كدا حبيبة و مليكة عملوا الشاي و خرجوا بصينيتين كبار و رضوى و مرام خرجوا بشيالة كحك و بسكويت و فضلوا كلهم يضحكوا و يهزروا و حبيبة كانت بتضحك على يوسف عشان كان خايف من صوت الصواريخ الي مالي الشارع
اتكلم علاء و هو بيقول و هو ماسك محفظته
علاء...يلا العيدية
راحوله الأطفال الي كانوا موجودين و الي كان اولهم نوح اخد ١٠٠ جنية و ابتسم لعلاء و مشي
عدى من قدام حبيبة عشان يروح لـ كاميليا الي كانت قاعدة جمبها
بس حبيبة طبعا حبت انها ترخم عليه و خدت منه ال١٠٠ جنية و هي بتضحك
و لأنه طبعا لسه صغير مجرد انه عنده سنتين و سنتين الا كام شهر كمان معرفش يتكلم او يقولها تسيبله الفلوس و بص لأسلام و صرخ و هو بيشاورله على حبيبة
اتكلمت حبيبة و هي بتقوله
حبيبة...ايييه هحوشهالك يا بني
بس نوح راح لأسلام و كان هيعيط و دا خلى حبيبة تضحك عليه هي و رضوى و مليكة قالتله بابتسامة عشان ميزعلش
مليكة...لا يا نوح خلاص متزعلش
اتكلم مروان و هو بيقول لـ حبيبة
مروان...يا بت انتي انا مش لسه مديكي ٣٠٠٠ سيبي للواد ال١٠٠ جنية !!
هزت راسها بنفي و شاورت على رضوى و قالتله
حبيبة...رضوى خدتهم مني و قالتلي هتحوشهوملي
اتصدمت رضوى و شاورتلهم بسرعة بمعنى لأ و هي بتقول
رضوى...لا محصلش انا مقولتش كدا !!
ضحكت حبيبة على تعابيرات وش اختها المصدومة و هما ضحكوا بقلة حيلة على حبيبة
و بعدين حبيبة قالت لـ نوح و هي مادة ايدها بال١٠٠ جنية
حبيبة...امسك ال١٠٠ جنية اهي كنت بهزر معاك متبقاش مادي كدا و بخيل
راحلها و خد منها ال١٠٠ جنية بحذر و هو خايف احسن تخضه ولا تاخد منه الفلوس تاني زي م ديما بتعمل و بتضايقه
كان هيمشي بس هي قالتله
حبيبة...استنى
و اديتله ١٠٠ جنية تاني و قالتله
حبيبة...دي من حبيبة بقى
ابتسملها و خد الفلوس و راح اداهم لـ كاميليا و حبيبة اديت للكل عيدية برضو و كذلك مروان و تقريبا نفس الحكاية اتكررت من كل الي كانوا موجودين
اتكلم علاء بفرحة و هو بيدعي و بيقول
علاء...ربنا يديم لمتنا ديما يا رب
ابتسموا و هما بيتمنوا ان فعلا فرحتهم تدوم على طول💗 .
تمت
البارت الرابع و الثلاثون و الأخير
أحببته رغم كبريائي
بقلمي مريم أحمد
استغفر الله العلي العظيم الذي لا اله الا هو الحي القيوم و اتوب اليه عدد خلقه و رضى نفسه و زنة عرشه و مداد كلماته
هتوحشوني 🤎🦋
تمت
