رواية حبيبتي بالتبني الفصل الخامس 5 والاخير بقلم زهرة الربيع
#حبيبتي_بالتبني_الأخير. قاسم اتسعت عينيه بزهول
وشوق قلبها بقي يدق بقوه ومسكت في ايد قاسم جامد وهي بتتمنى يكون كدب
قاسم اتنهد وقال.... اهلا يا حاج وريني الورق اللي معاك من بعد اذنك
سلام وراه الاوراق و كانت مظبوطه اتنهد وقال.... طيب دقيقه بس
و اخد شوق على جنب وقال بحزن .. الظاهر خلاص كده يا شوق
شوق هزت راسها بالموافقه بدموع وقالت... هتوحشني قوي يا قاسم
قاسم حاوط خدودها بايديه و قال ....انتي اكثر ياشوق بس انتي وعدتيني انك هتاجي تشوفيني تاني مش كده
شوق ابتسمت وحضنتو بقوه و بعدت عنه وقالت ....معقوله كده مش هشوفك تاني خلاص كده يا عمده
قاسم ابتسم ومسك ايدها وحطها على قلبه وقال ....انتي هنا يا شوق واللي هنا ما يتنسيش هتلاقيني معاكي ميته ما تحتاجيني...في اي شده هتلاقي العمده قبليكي يا شوق العمده
مع السلامه يا بت الناس
ابتسمت بدموع وهزت راسها بالموافقه وقالت مع السلامه يا عمده... اشوفك بخير
سلام قال بضيق....مش يلا يا عمده القطر هيفوتنا
شوق اتنهدت و مشيت معاه وهي متمنيه قاسم يوقفها
لسه هيطلعوا من البيت منصوره قالت بضيق... مش ترمي عليها اليمين بقى
قاسم اتنهد وقال.... هروح اطلقها مع الماذون بعد ما يوصلو ان شاء الله
منصوره ماهتمتش كان المهم عندها انها تمشي من السرايا
وطلعت مع سلام وشوق اللي كانت بتبص على قاسم بدموع
قاسم ابتسم بحزن وشاور لها بايده وهي كمان شاورت له بدموع ومشيت معاهم وقلبها بينزف حرفيا
على الطريق بقوا يمشوا ناحيه منطقه صحراويه غريبه
شوق استغربت وقالت.... هو احنا مش هنروح المحطه ولا ايه
منصوره بصت لها بنظره مخيفه وقالت.... هنروح يا قلبي هنوديكي اخر محطه
شوق استغربت قوي واتوترت من كلامها وقالت... قصدك ايه لو سمحت نزليني هنا
منصوره ضحكته وفتحت الشنطه بتاعتها وطلعت سكين منها وحطيتها في جنبها وقالت.... عدي الدقايق اللي باقيه لك على خير يا حلوه
شوق اتصدمت واتخضت جدا وفضلت ساكته بخوف لحد ما وصلوا مكان مهجور ودخلوها فيه بالعافيه
منصوره قربت منها بغل وقالت.... بقى واحده معفنه زيك تاجي تاخد مني خطيبي..وتخليه يتجوزها لا و كل يوم ياجل في ميعاد الفرح اياك فاكراني هستناكي تلطشيه مني
بقلم....زهرة الربيع
شوق بصتلها بخوف وقالت..... منصوره اللي انتي بتعمليه ده غلط...قاسم لو عرف مش هيسكت ما تفتكريش انه هيعديهالك كده بالساهل انتي كده هتخسريه
منصوره قربت منها بالسكين وقالت... انا كده كده خسرته من وقت ما دخلتي على حياتنا وخربتيها يا خرابة البيوت العمرانه
شوق خافت جدا ونزلت دموعها وبقت ترجع لورا بخوف وبقت تتمنى لو تشوف قاسم
لسه هتجري مسكتها من شعرها ورفعت السكينه هتضربها بيها بس اتصدمت لما حد منعها ومسك ايدها بقوه
بتلتفت وكان قاسم ابتسم لها بسخريه ودفعها قوه وقعها على الارض
شوق كانت مرعوبه وبترتعش جريت عليه وحضنته بقوه وهيه بتقول ببكا...الحمد لله انك هنا انا كنت محتجالك اوي..
قاسم بقى يحضنها بقوه وقال...انا وعدتك ميته ما تحتاجيني هتلاقيني وياكي...انا وعدي سيف على رقبتي يا شوق
وبص لمنصوره بغضب وقال... انتي فاكره انك ممكن تاخدي واحده من حماية قاسم العمده وتخطفيها وتقتليها وافضل ساكت يا بت الخال
منصوره قالت بدموع وخوف...انت..انت عرفت كيف..... جيت ورانا ليه
قاسم ابتسم بسخريه وقال... عشان ما صدقتش كل كذبتك الخايبه دي انتي صح مزوره الورق ومظبطاه ولو اي حد كان شربها.... بس اللي ما تعرفوش يا بت خالي ان سلام عم شوق انا لقيته...وقابلته واتكلمت معاه اكتر من مره
شوق اتصدمت وبصت له بزهول
وهو كمل وقال... انا لقيته من اول اسبوع و قلتله اني اتجوزتها كمان.
وبص لشوق اللي كانت مصدومه وقال...بس انا مرضيتش اقول لك عشان ماخسركيش خفت تروحي معاهم وتسيبيني سامحيني انا خونت وعدي ليك لما خبيت عنك اول ما عرفته ..ما قدرتش اقول لك مقدرتش اخسرك يا شوق
شوق ابتسمت وسط دموعها وهيه بتبصلو بحب شديد
وهو كمل وقال لمنصوره....انا لما جيتي وعملتي الفيلم ده كله... استغربت ليه بتقولي كده ومأجره واحد يمثل انو عمها....قولت اسايرك.. خليني اشوف بنت خالي هتوصل معاها الحكايه لفين بس لدرجه القتل ما توقعتهاش واصل ...بس اللي حصل يا بت خالي انا وانت حكايتنا خلصت خلاص كده يا منصوره مش لاني رايدها ولا لاني معايزش اهملها لا....لاني ما اقبلش تكون على ذمتي واحده تفكيرها سماوي كده ..انا طول الوقت ده باجل في الفرح وبحاول اني ارضيكم انتم الاثنين واخلي شوق توافق انك تكوني على ذمتي من غير ما هي تمشي ...بس سبحان الله انتي وفرتي علينا
منصوره لسه هتتكلم وقفها وقال بغضب.... مش عايز اسمع صوتك اكتمي واصل.... اخوك جاي في الطريق انا اتصلت عليه روحي معاهم من غير كلام ومش هنقول غير كل شيء قسمه ونصيب
واخذ شوق من ايدها على العربيه وطلع معاها وهما ساكتين طول الطريق
اول ما وصلوا البيت شوق طلعت على الاوضه من غير ما ترد عليه ولا تتكلم ابدا
قاسم اتنهد وافتكر انها زعلانه لانه مقلهاش على موضوع اعمامها اتنهد وراح وراها
اول ما دخل قال .....شوق والله العظيم انا عملت كده علشان تفضلي معايا و
بس سكت لما ملقهاش في الاوضه وسمع صوت الميه في الحمام وعرف انها جوه
اتنهد وقعد على السرير وهو بيحاول يجمع الكلام اللي هيقوله لها
بس اتصدم وهرب منه كل اللي بيفكر فيه لما خرجت من الحمام بلبس نوم جميل اول مره يشوفها بيه وقف واتسعت عينيه بزهول بلع ريقه بالعافيه وقال.... شوق انا
شوق قربت منه وحطت صباعها على شفايفه وقالت ....انا وانت اغبى من بعض من اول يوم فضلنا فيه سوا مشاعرنا كانت بتجاهد علشان تفهمنا اننا لبعض يمكن كل دقه من قلوبنا مترابطه كان واضح قد ايه عيونا عاشقه بس فضلنا نكابر فضلنا خايفين من الكلام.... بس انا مش هسكت اكتر من كده سواء لقيت اهلي او لا سواء اتجوزت غيري او لا سواء عايزني او لا ..انابحبك يا قاسم بعشق سواد عيونك اللي فيهم ليلي واماني حبيتك بكل حاجه فيك يا سندي واول حد وقف جنبي
قاسم اتجمعت الدموع في عيونه لاول مره وهو بيبص لها بعشق واضح وشدها عليه وباس جبينها بحنيه وسند دماغها على كتفه وقال.... القلوب عند بعضها يا شوق انا كمان حبيتك بكل حاجه فيكي حبيتك ويا ريتني ما استنيت الوقت ده كله بس هعوضك عن كل ده هاعيشك اجمل ايام حياتك في حضني وهعيش معاكي الوقت اللي اتمنيته كله
و بص لها باعجاب شديد وقال.... قمر يا شوقي قمر اتمنيته من زمان ..واخيرا طولته وبقى في يدي
شوق ابتسمت بحب شديد وقالت....قمرك طول الوقت كان بين ايديك من اول يوم و مستني بس اشاره منك بس انت اللي كنت غبي
قاسم اتسعت عنيه بزهول وقال..... غبي... تصدقي انا غبي صوح علشان باتكلم معاكي كلمتين حلوين
وقلع العبايه بتاعته ورماها وقال.... اللي زيك عايز اللي يخلص وينجز
وشالها وجري بيها ناحيه السرير وهي بتضحك بسعاده وقالت بحبك اوي يا عمده
قاسم ابتسم وبص لعيونها وقال.....العمده عشق الشوق ولو ان في الشوق عذاب بس مدام منك هيفتحلو كل الابواب 💘❤️
كنتم مع 🌹حبيبتي بالتبني🌹بقلم زهرة الربيع زهرتكم تحييكم ودمتم في امان الله مع من تحبون❤️
تمت
