رواية بترتيب من القدر الفصل الخامس 5 بقلم نشوه عادل
ـ سماح؟! مش ممكن معقول بعد كل السنين دى نتقابل وتكونى لسه جميلة زى ما انتى
قدر باستغراب: احم انا اسفة تقريبا حضرتك غلطان ومجرد شبه
.............: انا اسف يا بنتى حقك عليا اصلك شبه واحدة كنت اعرفها سبحان الله كأنك توأمتها وفعلا يخلق من الشبه اربعين
قدر: ولا يهمك يا حاج حصل خير هو حضرتك جاى لمين هنا؟!
............. بضحك: انا احمد المحمدى صاحب الشركة
قدر: انا اسفة جدا يا باش مهندس اصل اول مرة اشوف حضرتك
احمد: ولا يهمك انتى موظفة جديدة هنا
قدر: ايوة
احمد: غريبة بس اللى اعرفه ان الموظفين الجداد بيكونوا فترة صباحية بس امتى اتعينتى
قدر: انا فعلا تبع الفترة الصباحية بس كان فيه شغل ضرورى مستر مصطفى كلفنى بيه وانا لسه مخلصتوش وشكلى هفضل لبعد العشا
احمد بتفكير: من امتى ومصطفى بيكلف حد بشغل اكتر من طاقته وليه اصلا
قاطع تفكيره صوت قدر: تؤمرنى بحاجة
احمد: لا يا بنتى تسلمى بس كفاية عليكى شغل لحد كده الساعة ٦ واكيد تعبتى روحى وبكرة كمليه
قدر: مفيش داعى انا قربت اخلص
احمد: شكلك مجتهدة ربنا يكرمك الا صحيح اسمك ايه؟!
قدر: اسمى قدر يا فندم
احمد: ما شاء الله اسمك جميل بس ده اسم تركى شويه او شامى تقريباً
قدر: هو منتشر بتركيا فعلا بابا اهله اتراك وكان ليه اخت بيحبها اسمها قدر سمانى ع اسمها
احمد: تمام ي قدر اتشرفت بمعرفتك يا بنتى
راحت قدر ع مكتبها وكلمت امها تطمنها انها لسه بالشغل وهتتأخر عشان متقلقش .... بعد فترة خلصت قدر ونزلت عشان تروح لقت عربية وقفت ادامها ونزل منها عمر اول ما شافته راحت اتضايقت راح وقف قصادها وقال: عرفتى بقى يا قطة انى راجل
نظرت ليه قدر من تحت لفوق وحطت ايدها بشنطتها وطلعت الفون: اتفضل
عمر باستغراب: ايه ده؟!
قدر: تليفونك
عمر: ده مش تليفونى ده تليفونك انتى انا اللى كسرت بتاعك وكان لازم اعوضك
قدر: شكرا انا مش عاوزة العوض بتاعك ده خليه ليك روح اشترى بفلوسه بروتين وكبر بيهم عضلاتك
عمر: انتى مش قولتى هتلعبى ف وشى اكس اوه انا ادامك اهو
قدر بتنهيدة: اسمع يا بتاع انت انا لسه مخلصة شغلى ومش فايقة اتناقش مع امثالك وشك ده مش عاوزة اشوفه مرة تانية لا من قريب ولا من بعيد وصدقنى لو شوفتك حتى صدفة هصوت والم عليك امة لا اله الا الله ..... وراحت حطت التليفون ع العربية ومشيت
فضل عمر متابعها بابتسامة لحد ما ركبت اتوبيس ومشيت بعدها طلع لابوه ع فوق
احمد باستغراب: عمر! انت هنا بتعمل ايه؟!
عمر: كنت قريب من هنا قولت اعدى اسلم عليك
احمد: فين مصطفى تليفونه مقفول ليه؟!
عمر: ما انت عارف لما بيكون عاوز ينام بيقفل فونه عشان محدش يزعجه فيه حاجة ولا ايه؟!
حكى ليه احمد عن قدر فابتسم وقال: انا اللى قولت لمصطفى يعمل كده
احمد: نعم! ده ليه ان شاء الله ؟!
بدأ عمر يحكيله والاثنين يضحكوا ....احمد: والله بنت بميت راجل بس ده مينفعش ي عمر وميتكررش تانى لو سمحت
عدى يومين وقدر بتتكيف اكتر ف الشغل وجابت فونها من الصيانة وف يوم وهى نازلة من الشركة حد ع موتسيكل سرق شنطتها وهرب لحسن حظ قدر ان كان فونها معاها وصورت نمر الموتسيكل وصرخت لكن محدش لحقه
واحد من الشارع: معليش ي بنتى يعوض عليكى ربنا
اخدت قدر نفسها وراحت ع اقرب قسم شرطة وهناك دخلت للامين وقالت: لو سمحت عاوزة اعمل محضر
الامين: بخصوص ايه ؟!
قدر: شنطتى اتسرقت وفيها كل حاجة خاصة بيا
الامين: اتسرقت منين بالظبط؟!
قدر: من الدقى وانا نازلة من شغلى وقدرت اصور النمر بتاعت الموتسيكل
الامين: ورينى النمر كده؟!
اعطته قدر الفون ....الامين: اه ده واد نشال وحرامى معروف ومش بيحرم ده لسه خارج النهاردة ع العموم اطمنى اتفضلى ارتاحى
قعدت قدر وهى ع اخرها ورنت ع امها عرفتها باللى حصل .... بعد ربع ساعة وصل عمر ع القسم وشافها قاعدة وقف وقال: احم فيه حاجة ي شاطرة؟!
اتصدمت قدر لما شافته وقالت: يخربيت البجاحة انت ليك عين كمان تيجى ورايا ع القسم
عمر: شوفتى بقى ولو وصلت بيا اطلعلك ف احلامك هعملها عادى
قدر: ي جدع انت متبقاش مستفز وامشى من هنا والا هصوت صدقنى
عمر: صوتى عادى
مسكته قدر وصرخت: يا ناس الحقونى من الراجل ده ي امين ي عسكرى خلصونى منه
وصل الامين وقال: ف ايه يا بنتى انتى بتصرخى كده ليه انتى مفكرة نفسك ف الشارع
قدر: عاوزة اعمل محضرين تانى ف الراجل ده محضر ازعاج ومحضر عدم تعرض
الامين وهو بيبص للشخص عمل التحية وقال: عمر باشا اوامرك ي فندم
قدر بصدمة: عمر باشا مين؟!
الامين: ده عمر باشا ظابط المباحث
قدر بصدمة وعيونها اتسعت: مين ده اللى ظابط مباحث
عمر بضحك: اتفضل انت ي ماهر شوف شغلك واطلب من حامد يجيب عصير ليمون للانسة ع مكتبى ....بصلها عمر وقال: تعالى ورايا
قدر: مين انا؟!
عمر: هو فيه غيرك
قدر: ف المواقف اللى زى دى الجرى الدعنة كلها مش نصها بس
كانت هتجرى لكن عمر مسكها من قفاها وشدها ع مكتبه وقفل الباب
قدر: انا اسفة ي عمر باشا اللى ما يعرفك يجهلك سماح بالله
عمر: بقى انا يتقالى لو راجل قابلنى وهلعب ف وشك اكس اوه وانت مستفز وحمار
قدر: مين الحيوان اللى قال كده!
عمر: انتى
قدر: طيب وانت هتعمل عقلك بعقل حيوانات يعنى ي باشا اعتبرنى عيلة وغلطت
عمر: انتى ايه اللى جايبك هنا اكيد مش جاية تعملى فيا محضر؟!
قدر: لا والله حضرتك ده انا الشنطة بتاعتى اتسرقت ....واعطته النمر وعرف الحرامى
عمر ضرب الجرس وقال: الواد اللى اسمه رجب ده يجيلى من تحت الارض وووو....يتبع
#بترتيب_من_القدر الخامس
#بقلم_نشوه_عادل
