رواية احببته رغم كبريائي الفصل التاسع عشر 19 بقلم مريم احمد
19
رجعت حبيبة من المول بعد م اشترت حاجات كتير جدا و طبعا منسيتش اختها و جابتلها هي كمان دريسات عشان متزعلش
دخلت حبيبة البيت و هي بتدور بعيونها على رضوى
ملقتهاش ف راحت للمطبخ لأمها و سألت امها عليها
حبيبة...اومال رضوى فين يا ماما ؟
ردت عليها حنان و هي بتقولها
حنان...راحت لـ جودي صاحبتها
قفلت حبيبة حواجبها باستغراب و قالتلها
حبيبة...جودي مين دي كمان ؟
حنان...بت كدا معاها ف المدرسة و ساكنه ف العمارة الي قدامنا
هزت حبيبة راسها و قالتلها
حبيبة...طيب
و دخلت اوضتها
مسكت تليفونها و هي بتجيب رقم اختها
استنت لحد ردت عليها
رضوى...الو
ردت عليها حبيبة و هي بتقولها
حبيبة...تعالي
استغربت رضوى و قالتلها
رضوى...انتي ف البيت
جاوبتها حبيبة بتأكيد و هي بتقولها
حبيبة...ايوا
هزت رضوى راسها و قالتلها
رضوى...انا جايه
ابتسمت حبيبة و قالتلها و هي بتستعجلها
حبيبة...متتأخريش هعد لحد عشرة تكوني ف البيت
ضحكت رضوى و قالتلها
رضوى...حاضر يلا سلام
قفلت المكالمة و بصت لصاحبتها و قالتلها
رضوى...اختي رجعت ف همشي بقى يلا باي
ردت عليها جودي و هي زعلانه و قالتلها
جودي...يا رضوى انتي كنتي لسه جايه
ابتسمتلها رضوى و قالتلها
رضوى...ابقي تعالي انتي بقى
هزت جودي راسها و قالتلها
جودي...هبقى اقول لماما
في الوقت دا جت ام جودي و هي معاها عصاير ليهم بس اتفاجئت لما لاقيت رضوى هتمشي و قالتلها
شيرين...ايه دا يا رضوى
ابتسمتلها رضوى و قالتلها
رضوى...معلش بقى يا طنط مضطرة امشي
شيرين...دا انا لسه جايبالكوا العصير اهو
رضوى...مره تانية ان شاء الله
سكتت شيرين و هي زعلانه انها هتمشي و رضوى قالتلها
رضوى...ابقوا تعالوا انتوا بقى المره الجايه
ابتسمتلها شيرين و قالتلها
شيرين...ان شاء الله
و جودي وصلت رضوى لحد الباب
...استغفر الله العظيم الذي لا اله الا هو الحي القيوم و اتوب اليه
رجعت رضوى البيت و اول م دخلت لاقيت حبيبة بتشدها بسرعة
قالتلها رضوى بخضه و هي ماشية وراها
رضوى...في ايه يا حبيبة ؟؟؟
مردتش حبيبة عليها كملت طريقها لحد اوضتها
دخلوا الاوضة و شافت رضوى شنط من الواضح انها لـي محلات هدوم
خدت حبيبة شنطة منهم و اديتها لـ رضوى بابتسامة و هي بتقولها
حبيبة...خدي
استغربت رضوى و قالتلها
رضوى...اي دا
ردت عليها حبيبة و هي على وشها نفس الابتسامة
حبيبة...شوفي انتي بقى
فتحت رضوى الشنطة و خدت الي موجود فيها و ابتسمت بفرحه لما لاقيته فستان
قالت لحبيبة بفرحة
رضوى...دا ليا ؟؟؟
هزت حبيبة راسها بمعنى ايوا و قالتلها
حبيبة...ايوا
كملت كلامها و هي بتقولها
حبيبة...و كمان في واحد تاني
ردت عليها رضوى بحماس و هي بتقولها
رضوى...هو فين
ابتسمت حبيبة عليها و ادتلها شنطة تاني
و كان فستان جميل جدا
دمعت عيون رضوى من كتر حبها لأختها و حضنتها
ضحكت حبيبة و هي بتقولها
حبيبة...انتي هتعيطي يا رضوى ؟
مسكت رضوى دموعها و قالتلها
رضوى...انا بحبك
ابتسمت حبيبة و قالتلها
حبيبه...و انا كمان يا روحي
....استغفر الله العظيم و اتوب اليه
اما عند مايفين ف اول م دخلت شقتها لاقيتهم متجمعين في الريسبشن
ابتسمتلها امها و هي بتقولها
فاطمة...حمدلله على السلامه يا بنتي
ابتسمت مايفين و قالتلها
مايفين...الله يسلمك يا حبيبتي
انضمت مايفين ليهم و قالتلهم
مايفين...انا و صحابي كنا ف المول انهاردة و كان في طرحة لفتت نظري و هما جابوهالي و كمان خلوني اشتري فستان للطرحة و كارولين يا ماما بنت طنط ميرا الي حكتلك عنها
هزت فاطمة راسها بمعنى انها فاكراها و مايفين كملت كلامها و هي بتقول
مايفين...هي كمان جابتلي فستان و قالتلي انه هدية منها ليا عشان تشجعني اني اتحجب و كدا
ابتسمت فاطمة و شريف ابوها
اتكلم شريف و هو بيقول
شريف...حلو ياريتك تتحجبي بقى
هزت مايفين راسها و قالتلهم
مايفين...ان شاء الله
كملت بحماس و هي بتسألهم
مايفين...هنزل بكرة الجامعة بالحجاب ؟
هزوا راسهم بالموافقه على طول و هي فرحت اوي
...لا اله الا الله وحده لا شريك له
تاني يوم كانت حبيبة متأخرة جدا على الجامعة
عدت عليها كارولين الي ساكنه ف نفس الشارع بتاعها و مشيوا و هما بيكلموا مايفين
حبيبة...انتي فين
ردت عليها مايفين و هي بتقولها
مايفين...ف البيت
اتصدنت حبيبة و قالتلها
حبيبة...انتي بتهزري ولا بتتكلمي جد
هزت مايفين راسها يمين و شمال بنفي و قالتلها
مايفين...لا بتكلم بجد
ابتسمت حبيبة و قالتلها
حبيبة...و دا ليه
ردت عليها مايفين و هي بتقول
مايفين...يا حبيبة انا مش عارفه انزل بالحجاب حسه الناس كلها هتبص عليا
سكتت حبيبة و متكلمتش
و قالت لـ مايفين
حبيبة...معلش يا مايفين تعالي على نفسك المرة دي
سكتت مايفين و مردتش و دا كان دليل على رفضها
اتكلمت حبيبة بزهق و هي بتقولها
حبيبة...هو المفروض دلوقتي ايه يعني ؟
ردت عليها مايفين و هي بتقولها
مايفين...تعالوا خدوني معاكوا
ضحكت حبيبة و قالتلها
حبيبة...بجد ؟
هزت مايفين راسها و قالتلها
مايفين...لو سمحتي يعني
ردت عليها حبيبة بنفاذ صبر و هي بتقول
حبيبة...حاااضر يا مايفين حااضر
و قفلت السكة بصتلها كارولين و قالتلها
كارولين...في ايه
ابتسمت حبيبة و قالت
حبيبة...هنعدي على الهانم ناخدها
هزت كارولين راسها و قالتلها
كارولين...اه يعني المحاضرة الاولى راحت علينا
سألتها حبيبة و هما ماشيين
حبيبة...مين كان المحاضرة الأولى ؟
كارولين...دكتور مروان
هزت حبيبة راسها و قالتلها
حبيبة...كملت
و بالفعل راحوا خدوا مايفين من البيت بالرغم من انها مش ساكنه معاهم ف نفس الشارع ولا ف نفس المدينة اصلا و راحوا سوا على الكلية
اتكلمت حبيبة و هي بتقول
حبيبة...هي الساعة بقت كام دلوقتي ؟
مايفين...معداش من المحاضرة غير عشر ظقايق بس
بصتلها حبيبة بغضب و مايفين قالتلها بصوت واطي
مايفين...سوري
اتكلمت كارولين و هي بتقولها
كارولين...عادي اكيد هيدخلنا احنا ف اخر التيرم و لازم نحضر
هزت مايفين راسها بتأكيد و حبيبة هزت راسها برفض و قالتلهم
حبيبة...روحوا انتوا انا هقف هنا لو لاقيته دخلكوا هاجي غير كدا مش هحرج نفسي
هزت كارولين راسها و قالتلها
كارولين...ماشي
و بالفعل راحوا ناحية باب المدرج و خبطوا و فتحوا الباب كل دا تحت انظار حبيبة الي كانت واقفه جمبهم بس مش باينة
سمعت صوت مروان و هو بيقولهم
مروان...اتأخرتوا ليه ؟
ردت كارولين و هي بتقوله
كارولين...معلش يا دكتور غصب عننا بجد
هز راسه و قالهم
مروان...اتفضلوا
هنا ظهرت حبيبة و جت تدخل هي كمان المدرج راح منعها و هو بيقولها
مروان...انتي رايحة فين
ردت عليه و هي بتشاور عليهم و بتقوله
حبيبة...داخله المدرج عشان احضر المحاضرة
ابتسم بسخرية و قالها
مروان...انا سمحتلك تدخلي
شاورت عليهم بزهول و هو عاد كلامه و هو بيقول
مروان...انا سمحتلهم هما لأنهم اعتذروا و استأذنه انتي بقى داخله كدا من غير ختى م تقولي السلام عليكم و بعدين هما ولا مره اتأخروا مخدش بيتأخر غيرك يعتبر
هزت راسها بنفي و قالتله
حبيبة...انا جاية معاهم
هز راسه و قالها
مروان...ااه يعني انتي الي اخرتيهم بقى
هزت راسها بنفي و هي بتبص لمايفين و بتقوله
حبيبة...لا والله دي مايـ...
قطع كلامها و هو بيقولها
مروان...بره
اتصدمت من طرده ليها قصاد الكل كدا و بصت لـ مايفين و متكلمتش
كان لسه هسقولها انها تطلع بره للمرة التانية بس مايفين اتكلمت و هي بتقول
مايفين...معلش يا دكتور انا الي اخرتهم غصب عني معلش خليها تحضر
سكت شوية و بعدين هز راسه بمعنى ماشي و قالهم
مروان...اتفضلوا
اتكلمت ببرطمة و هي بتقول بتوعد
حبيبة...ماشي انا هقول لأسلام و هو يشوفله صرفة معاك بقى دا ايه القرف الي ع الصبح دا
كان عارف انها بتتكلم عنه حاول يخفي ابتسامته و نجح ف كدا و اتكلم بحده و هو بيقول
مروان...انا مش عايز نفس ف القاعة
عرفت ان الكلام عليها و هو بدأ شرح المحاضرة من جديد
....استغفر الله العظيم و اتوب اليه
في بيت حبيبة
كانت امها بتتكلم ف التليفون مع صاحبتها الي كانت بتقولها
خديجة...طب م تيجي يا حنان
ضحكت حنان و قالتلها
حنان...لا يا شيخه تسلمي يا رب
اتكلمت خديجة بجدية و هي بتقول
خديجة...انا بتكلم بجد تعالي و كمان لو كدا هاتي سعاد هي كمان
اتكلمت حنان و هي بتقول
حنان...سعاد دلوقتي عند بنتها
خديجة...خلاص مش مشكلة تعالي و لما ترجع من عند بنتها ابقي هاتيها و تعالوا
حنان...مش هينفع يا خديجة معلش
اتكلمت خديجة بزعل و هي بتقولها
خديجة...ليه بس
حنان...المكان بعيد جدا عليا و اسلام على طول ف الشغل و حبيبة يا اما ف الجامعة او ف الشغل هي كمان
ردت عليها خديجة و هي بتقولها
خديجة...قوليلها تاخد اجازة و خليها تجيبك و تعالوا انهارده ...ماشي ماشي يلا هستناكوا
مدتهاش فرصة للرفض و نهت المكالمة.
اتصلت خديجة بحبيبة الي كانت ف المحاضرة و مضايقة جدا من مروان عشان بس قالها اطلعي بره قدام زمايلها
....سبحان الله و بحمده سبحان الله العظيم
عدى مش اقل من ساعة و كانت خلصت المحاضرة
لاقيت حبيبة اتصالات كتير اوي من امها
راحت اتصلت بيها و استنت لحد م امها ردت
حنان..انا بتصل بيكي مبترديش كل دا ليه
ردت عليها حبيبة و هي بتقولها
حبيبة...كنت ف المحاضرة يا ماما معلش
ردت عليها حنان و قالتلها
حنان...طيب انتي قدامك قد اي كدا
استغربت حبيبة و قالتلها
حبيبة...محاضرة كمان و بعد كدا هروح للمطعم
ردت حنان ة هي بتسألها و بتقولها
حنان...مينفعش تاخدي اجازة
هزت حبيبة راسها يمين و شمال بنفي و قالتلها
حبيبة...كدا هنزل الجمعة الجاية الس هو يةم اجازتي و انا م بصدق
حنان...يا حبيبة معلش المره دي بس
هزا حبيبة راسها بالموافقه و قالتلها
حبيبة...حاضر يا ماما بس هو في ايه
تجاهلت حنان سؤال بنتها و سألتها و هي بتقولها
حنان...هو انتي كدا هتخلصي على الساعة كام ؟
ردت عليها حبيبة و هي بتقولها
حبيبة...على الساعة 3 كدا ان شاء الله
هزت حنان راسها و قالتلها
حنان...ماشي بس متتأخريش
استغربت حبيبة و قالتلها
حبيبة...هو في ايه يا ماما
مردتش حنان عليها و قالتلها
حنان...يلا بقى سلام دلوقتي هروح اجهز الغدا
استغربت حبيبة بس قالتلها
حبيبة....سلام
قالتلها كارولين باستغراب
كارولين...في ايه ؟
هزت حبيبة راسها يمين و شمال و عي مش فاهمه حاجه و قالتلها
حبيبة...هروح اكلم المطعم و هقولهم اني مش جايه
مايفين...ماشي
و بالفعل كلمت المطعم و اعتذرتلهم عن حضورها انهاردة
اتكلمت مايفين و هي بتقولهم
مايفين...يلا ناكل بقى قبل م المحاضرة تبدأ
...استغفر الله العظيم الذي لا اله الا هو الحي القيوم و اتوب اليه
عدى وقت كانت خلصت مليكة محاضراتها ف الجامعة و رجعت البيت
اول م دخلت البيت شمت ريحة اكلات كتير
راحت للمطبخ لاقيت امها عاملة اصناف اكل كتير جدا
استغربت و قالتلها
مليكة...ايه كل دا يا ماما ..هي مرام و العيال جايين ؟
قالتلها خديجة بابتسامة
خديجة...تصدقي فكرة هكلمها اقولها تيجي هي كمان
زاد استغراب مليكة الممزوج بشوية خوف و قالتلها
مليكة...هو في حد غيرها جاي ؟
هزت خديجة راسها و قالتلها
خديجة...ايوا
حست مليكة بالخوف و التوتر و سألتها و هي بتقولها
مليكة... مين ؟
ردت عليها خديجة و هي مشغولة ف ترتيب الاكل و بتقولها
خديجة...واحده صاحبتي من زمان اوي كانت امها و امي جيران و عرفتها من وانا عندي 8 سنين لحد دلوقتي
استغربت مليكة و قالتلها
مليكة...اول مره اسمع عنها
هزت خديجة راسها و قالتلها
خديجة...دي مرام اختك عارفاها و بتحبها اوووي
بس برضو مليكة مكنتش عارفاها ف سكتت
راحت خديجة قايلالها بتوضيح عشان تعرفها
خديجة.. اسلام ابنها هو شريك اخوكي ف الشركة
برضو معرفتهاش لكن هي عارفه اسلام ف هزت راسها بمعنى ماشي و كانت هتمشي بس قالتلها
مليكة...ماما ممكن متنادينيش
استغربت خديجة و قالتلها
خديجة...يعني ايه؟
هزت مليكة راسها و قالتلها
مليكة...يعني انا دلوقتي هطلع اوضتي و غالبا هنام ف متنادينيش ماشي
هزت خديجة راسها و قالتلها
خديجة...اومال هتتغدي امتى دا انتي تلاقيكي مكلتيش من الصبح
هزت مليكة راسها و قالتلها
مليكة...مش مهم لما طنط دي تمشي او ابقي طلعيلي طبق معلش
استغربت خديجة بنتها بس قالتلها
خديجة...ازاي يعني يا مليكة
ردت عليها مليكة و هي بتقولها
مليكة...خلاص يا. ماما انا هكلم سما و نخرج ناكل بره
قالتلها خديجة بسرعة
خديجة...ليه يعني معندكيش اكل ف بيتك ولا ايه هتاكلي معانا يعني هتاكلي
ضرب قلبها الخوف و التوتر
سكتت و طلعت اوضتها بسرعة
كل دا و خديجة مستغربة جدا
...لا اله الا اللهوحده لا شريك له له الملك و له الحمد يحيي و يميت و هو على كل شئ قدير
رجعت حبيبة البيت و هي مش فاهمه حاجه كل شوية طول م هي ف الطريق امها تتصل بيها تستعجلها و تقفل تاني
اول م وصلت البيت لاقيت امها ف الريسبشن و باين انها خارجة
سألتها حبيبة باستغراب و هي بتقولها
حبيبة...انتي رايحة فين ؟
قالتلعا حنان بسرعة عشان تستعجلها و تخليها توافق على طول
حنان...يلا بسرعة تاني معايا
سألتها حبيبة بزهول و هي بتقولها
حبيبة...طب فهميني طيب في ايه !!!
اتكلمت خديجة و قالتلها
خديجة...رايحة لواحده صاحبتي و هي ساكنه بعيد و اخوكي ف الشغل
اتكلما باستغراب و هي بتقولها
حبيبة...طب م تستني لوقت يكون اسلام اجازة !
هزت حنان راسها يمين و شمال و قالتلها
حنان...قولتلها و هي مصرة اني اروحلها ف تعالي معايا
سألها حبيبة باستغراب و هي بتقولها
حبيبة...مين صاحبتك دي ؟
ردت عليها حنان و هي بتقولها
حنان...خديجة كانت جارتنا زمااان من و انا عندي 8 سنين كدا
استغربت حبيبة و متكلمتش ف قالتلها حنان بتوضيح
حنان...ابنها يبقى مروان شريك اخوكي ف الشركة يلا بقى عشان منتأخرش
اتصدمت حبيبة من الي سمعته و قالتلها و هي مبتسمة بصدمة
حبيبة...لأ لحد هنا و لأ انسي ووووو
يتبعععععع
أحببته رغم كبريائي
بقلمي مريم أحمد " ريمو 🦋 "
البارت التاسع عشر
