رواية احببت من ليس ملكي الفصل الثالث عشر 13 بقلم سوارا
احببت من ليس ملكي
زبيده كانت قاعده بحزن جنب جاسر فجأة بتتفاجئ لما بتلاقيه بيحرك ايده بعدها بيقوم يقعد
جاسر بصدمه : رزان!!... رزان!!.. رزان مش كويسه هي فييييين؟؟
زبيدة بفرحه : جاسر ابني انت صحـ..
جاسر بعصبيه : ابعدي عني يا ست انتي كام مره هقولك انتي مش ولا هتكوني امي!!
رشدي بعصبيه : جاسر احترم نفسك !! .. دي امك غصب عنك !! .. وسابت بنتها اللي بسببك انت واخوك في العمليا
.. ت بعد ما قررت تنهي حياتها!!
جاسر بسخرية : طب كويس انها جات منها لاني كنت هخلص عليها .. واه تصحيح مش بسببي انا ولا يامن أحمد اللي عمل كده !! .. وبيحاول يقوم بس بيحس بألم شديد في رأسه
زبيده بصدمه من كلامه وحزن : خليك متقومش انت كنت في غيبو..بة انا هروح !!
جاسر وهو بيتحامل على نفسه : رزا..ن و ها.. ا..ا..ني.. رزان وهاني.. انا لازم انقذهم !!
رشدي بخوف عليه : يا ابني اقعد لحد ما انادي لك الدكتور.. وهاني هنا معانا متخافش
جاسر وهو بيبحث عنه بعينيه : هوا فين فييين؟؟
زبيده بحزن : في غرفه الطوارئ!!
جاسر بصدمه : اييييييييه؟!!
مكنش منتبه لاللي واقفه بصدمه معاهم ومتابعه الحديث
سهى ببكاء : ان...ن..نا جايه أبلغ عن نفسي
الشرطي بيستعدل في قعدته بتركيز : تبلغي عن نفسك!!
سهى بانهيار وبتحكيله كل حاجه وعن احمد واللي عمله.. وعن يامن وأنه بريئ
الشرطي : خرج يامن رشدي!!
يامن بيخرج وبيبص لسهى بعصبيه!!
سهى ببكاء وهي محطوط في ايدها الكلبـ..ـشات : يامن ابوس ايدك لاقيلي ابني أحمد هيخلص عليه انقذلي ابني انا مليش غيره!!
يامن بعصبيه : انا لقيته !! .. بس كان مضر.. رب وقاطع النفس !! .. تخيلي ابنك كان بيطلب مني وهو بيمو*ت اني أنقذ رزان لمجرد انه شافها فما بالك وانتي اللي عملتي كده!!
سهى بتنهار من العياط ويامن بيطلع...
سما بصدمه : يامن انت متجوز؟!! .. انت مقولتليش!!! .. انا استحاله في حياتي كنت أوافق على واحد متجوز وكمان عندك ابن !!
جاسر وهو بيحاول يقوم وباله مشغول برزان : مش وقتك!!
سما بعصبيه وهي بتزقه : هوا اييييييييه اللي مش وقتك؟؟..جاوبني امال كنت عايز تتجوزني ليييييه لو متجوز وكمان عندك ابن !
جاسر بعصبيه : هعدي الحركه دي بمزاجي !! .. وعلى فكرة انتي مش التانيه انتي الرابعه فمتعيشيش دور المظلومة!!
سما بصدمة : الرابعه!! .. وبتضحك بسخرية.. ومغفلني زي الأطرش في الزفه!!
جاسر بغرور : والله دي غلطتك يا حلوه وانا مش مغفلك !! .. انا جاسر رشدي أكبر رجل اعمال في الشرق الأوسط.. انا الفطار اللي بفطره بيتحط عنه خبر في الجرايد والمواقع !! .. فانا ايش عرفني ان معلومة زي اني متجوز غابت عليكي؟!!
سما بعصبيه : هندمك والله هندمك.. وبتمشي وبتسيبه!!
مهاب وهو بيلبس جاكيته : انا هودي رحيم الروضه بعدين هروح الشغل .. عايزه حاجه؟؟؟
هدير بابتسامه وهي بتلبس رحيم الجزمه : سلامتك
رحيم بحزن : يا بابا انا مش عايز اروح الروضه !! .. هاني ليه ايام مش بيروح .. وامبارح المس بتاعتنا قالت انه في المستشفى تعبان.. ولسه طالع من عملية !!
مهاب بضيق : رحيم اخرج عندي اجتماع كمان نص ساعه موال كل يوم ده مش بينفع معايا !!
رحيم ببكاء : مش عايز اروح هاني صحبي الوحيد اللي بيكلمني وبيلعب معايا مش بيروح !! .. وكل زمايلي بيبعدوا عني وبيعاملوني وحش وبيقولولي يا يتـ..ـيم عشان ماما !!
هدير بعدم فهم : بيقولو لك كد...
مهاب بمقاطعة وتوتر وهو بيغير الموضوع : خلاص روح النهارده.. وبعد الروضه هنروح احنا التلاته نزور هاني صاحبك في المستشفى.. وبيبص على هدير.. ده لو امك موافقه واتحسنت يعنيي..
رحيم بفرحه : ده بجد.. وبيلتف عليها.. ماما عشان خاطري عشان خاطري وافقي!!
هدير بابتسامه وهي بتمسح على شعره : بدون ما تقولي انا موافقه بس يلا روح روضتك بسرعه
رحيم بفرحه وهو بيمسك ايد ابوه : هيييييه يلا بسرعه يا بابا
هدير بملاحظه : مهاب استنى !! .. وبتمشي ناحيته وكانت عايزه تعدله الجاكيت بتاعه .. بتمد ايدها عشان تعدلها.. بتتصدم بيه اتخض ورجع لورا بسرعه
هدير باستغراب : في ايه؟.. بس عايزه اعدلك الجاكيت!!
مهاب بتوتر : هعدله انا... وبيمشي بسرعه وهو بيسجل هاني وراه!!
هدير باستغراب وتساؤل : ماله ده؟!!
جاسر بعصبيه وهو بيتكلم بالتلفون : ازاي يعني مالهاش إثر؟؟؟.. تحفر الأرض دي وتلاقيها .. فاهم؟؟ !.. لو ما لاقيتهاش اعتبر نفسك يا رحمن يا رحيم !! .. حياتك قصاد حياتها... وبيقفل الخط في وشه
هاني ببكاء : هي ماما فييييين؟؟؟... انا عايز ماما رزان!!
جاسر بحزن وهو بيبصله : هنلاقيها يا حبيبي متخافش!!
الممرضة : في واحد بره زميل المريض ومعاه أمه وابوه بيقول عايزين يقابلوه اسمه رحيم .. ندخلهم؟؟
هاني بفرحه : رحيم .. رحيم ده يبقى صحبي !!
جاسر بيبص لحال ابنه اللي اتبدل في ثواني لمجرد زياره صاحبه مع انه كان هيعترض بس قرر يوافق عشانه
: السلام عليكم
جاسر بيلتفت وبيقف بصدمه وهو بيبص على اللي واقفه قدامه : ر. ر. ر. ر رزان!!
مهاب بابتسامه : الحمدلله على سلامته.. انا مهاب ابو رحيم
رحيم بفرحه وهو بيشاور على هدير : ودي ماما
هاني بتذمر : بس دي مامتي انا مش مامتك.. يتبع
