رواية تزوجت امراة صعيدية الفصل الثاني عشر 12 بقلم دينا عبدالله
هديه عشان عيون الحلوين ❤
بصتله بحزن.. بعدين افتكرت حاجه ابتسمت وقالت: علي فكره انا مكلتش من الصبح وانا وووو.. ابنك جعانين
بصلها شويه يستوعب هي قالت ايه بعدين قال بدهشه: انتي وابني
حطت ايديها علي بطنها وقالت بابتسامة: انا حامل يا مسلم
مسك اديها وقال بفرحه كبيره باينه في عنيه: انتي بتتكلمي بجد
خديجه بفرحه: ايوه والله بتكلم بجد انا حامل
مسلم بفرحه: يعني انا خلاص بقيت اب.. مش مصدق
بصتله بإبتسامة وهي شايفه الفرحه اللي نسته تعبه وهمومه ونسته كل حاجه اتمنت في اللحظه دي انه يفضل مبسوط كدا علي طول
مسلم بلهفه وفرحه: بصي من هنا ورايح متعليش اي حاجه ارتاحي بس وخدي بالك وانتي ماشيه وفي اي حركه تمام واي حاجه نفسك فيها او عايزاها قوليلي وكمان....
قاطعته خديجه وقالت بابتسامة: مسلم انا وابنك مش عايزين حاجه غيرك
باس راسها وقال: ربنا يخليكم ليا يارب
خديجه: ويخليك لينا يا حبيبي..... مش هتاكل عاد
ابتسم وبداء يأكلها بايديها وهي تأكله بايديها سند راسها علي صدره وهي بتقول: اوعدني انك هتفضل مبسوط كدا علي طول ومش هشوفك زعلان تاني
مسلم: طول مانتي وابني بخير يبقي هفضل دايما مبسوط ومش عايز حاجه من الدنيا غيركم
ـــــــــــــــــــــــــــــــــــــــــــــــــــــــــــــــ
دخلت ريتال عربيه جيب سودا كان فيها شاب بعمر الثلاثين.. خلص السيجاره ورماها من شباك العربيه وقال: حصل
ريتال: حصل والشركه خسرت اكتر من اللي كنت عايزه.. خسرت 40 مليون
الشاب باعجاب: 40 مليون حلو اويي ولسه دي البدايه بس.. هخليهم يدفعوا التمن غالي غالي أوي.... بابا خسر كل حاجه بسببهم خسر شغله مكانته كل حاجه وانا هعمل معاهم نفس الحاجه وهخليهم يخسروا كل حاجه
بص علي ريتال وقال بضيق: كان الموضوع هيبقي سهل لو كنتي قدرتي توقعي مسلم وتخليه خاتم في صباعك
ريتال بغيظ: انا عملت كل حاجه اعمل ايه تاني... مسلم مش سهل زي مانت فاكر... اكرم مسلم لو عرف اللي انا عملته دا ممكن يقتلني
اكرم: عبيطه وهتفضلي طول عمرك عبيطه... واحده فلاحه زي اللي اسمها خديجه قدرت توقعو بسهوله طلعت اشطر منك
ريتال بغضب: عايزني اعمل ايه يعني اكتر من اللي انا بعمله
اكرم: اغري يختي ايييه هعملك انا ازاي تغري راجل
ريتال بغيظ: ماشي يا اكرم ام نشوف اخرتها اي
اكرم بمكر: اخرتها فل ان شاء الله
ـــــــــــــــــــــــــــــــــــــــــــــــــــــــــــــــ
اخد مسلم خديجه عند الدكتوره فحصتها بالسونار كويس... بعدين سابتها تظبت هدومها
قعدت الدكتور وجت خديجه قعدت قدامها مع مسلم
الدكتوره: انتي لسه في الشهر الاول.. هكتبلك علي مثبت تخاديه كل يوم في مواعيده وطبعا تاكلي كويس وتهتمي بنفسك
هزت خديجه راسها اخد مسلم الروشته وخد خديجه وطلعوا.. استنتوا خديجه في العربيه لحد ما جاب العلاج من الصيدليه وركب عربيته ومشيوا
خدها علي مطعم وطلبلها كبده كان نفسها فيها.. جي النادل حط الطلب ومشي وبداءت خديجه تاكل ومسلم يبصلها بابتسامة.. بصتله وقالت: ايه مش هتاكل
مسلم بابتسامة: لا لا كلي انتي
سابت الاكل وقالت بضيق: طيب والله منا واكله
ضحك مسلم وقال: خلاص خلاص متزعليش هاكل
خديجه بابتسامة: ايوه كده
وبداء ياكل معاها.. وكانوا مبسوطين وبيخططوا مع بعض عن حياتهم بعد ما يتولد ابنهم هتكون ازاي
قاطع حديثهم ريتال وهي بتقرب منهم وبتقول بابتسامة مصتنعه: ايه الصدفه الجميله دي
بصلها مسلم وخديجه بضيق
ريتال: ازيك يا خديجه.. صحيح الف مبروك علي حملك ربنا يكملك علي خير
خديجه بضيق: عقبال ما ربنا يرزقك بابن الحلا وتمشي بعيد عنا
ضحكت ريتال وقالت: متقلقيش انا مش ماشيه وهفضل هنا علي طول... وقعدت معاهم بكل وقاحه من غير ما حد يقولها
ريتال: اي يا مسلم مش هتطلبلي العصير بتاعي ولا ايه... تعرفي يا خديجه انا و مسلم كنا بنيجي هنا علي طول ومسلم عارف انا بحب اي
بصتلها خديجة بضيق.. بصلها مسلم بغضب مكتوم وقال: كنا.. فعل ماضي دلوقتي مفيش ومعلش اصل نسيت انتي بتحبي ايه ابقا اطلبيه وحده.. اصل احنا لازم نمشي.... يلا يا خديجه
وقام وحط الحساب علي الترابيزه ومشيو بصتلهم ريتال بغضب شديد
ـــــــــــــــــــــــــــــــــــــــــــــــــــــــــــــــ
بعد شهر
كانت مي بتروح عند علي كل ما يطلب منها ولو رفضت بيهددها بالصور والفيديو لحد ما تعبت وبقيتش عارفه تعمل معاه اي او تتخلص منه ازاي
في مره كانت رايحه مع خديجه كان ميعاد خديجه مع الدكتوره.. خلصوا ونزلوا من العياده وكانوا هيمشوا.. حست مي بدوخه فجاه و وقعت فاقده وعيها... الناس ساعدوا خديجه وطلعوها عند الدكتوره النسا مفيش دكتور قريب منهم غيرها
فحصتها الدكتوره تحت نظرات القلق والخوف من خديجه
الدكتوره بابتسامة: الف مبروك هيا حامل
حلت الصدمه علي وش خديجه وقالت: حامل انتي متاكده
الدكتوره: ايوا متاكده انها حامل
صحيت مي بصتلها خديجة بصدمه وقالت: انتي متجوزه
مي بتوتر: لا متجوزه ازاي
خديجه بشك: اومال انتي كيف حامل
انصدمت مي وقالت بخوف: حامل
#يتبع
#الفصل_الثاني_عشر
#تزوجت_إمرأة_صعيديه
#بقلمي_دينا_عبدالله
